(ئاھۇ)يۈرىكىم سۇ

ئاھۇ

	يۈرىكىم سۇ پەشتاقتىن ئاۋايلاپ چىقىۋاتىمەن، لېفىتنىڭ ئىشىكىدە تۇرغۇم  كەلمىدى يامغۇردا ھۆل بولغان نەمخۇش چاچلىرىم، ئورماندۇر ئاھ لېكىن بۆرە كەلمىدى. سومكامنىڭ بېغىنى چىڭ تۇتقان قولۇم، ئىسسىق بىر تىترەكنى قالماقتا تۇيۇپ. ئەتىرگۈل شېخىغا ئوخشايدۇ كۈلەر، مەن بەلكىم ياشايمەن تىكەنلا يۇلۇپ. لېۋىمنى بوش چىشلەپ ئالدىممەن نەپەس، تاملارغا قاراشتىن قوقتۇم ئۆزەمچە. ئويلۇدۇم كۆزۈڭنىڭ زۇلمەتلىرىنى، سەھەر ئۇ ھەرگىزمۇ ئەمەستۇر كېچە. نەچچىنجى قەۋەتكە چىقتىمكىن ھازىر، كۇنگىردىن ئىللىق نۇر پەشتاققا چۈشتى. ئۇزۇندىن چاڭ باسقان كىچىك بىر چىراغ، ئۇھ ،مېنى كۆرۇپلا تۇيۇقسىز ئۆچتى . جايىمدا نېمە دەپ تۇرۇپ قالدىمكىن، ساقىدى چېچىمدىن ئاسماننىڭ يېشى. مەن بايا ئوتلىغان بىر پىيالە چاي، سوۋىدى ئىشخانىدا بەلكىم شۇ پېتى. كارىدور شۇقەدەر تىنىچ بەك تىنىچ، پەشتاقتىن لەيلىگەندەك چىقىۋاتىمەن. ئەينەككە قارىۋالدىم يەنە بىر قېتىم، پىلسىرات كۆۋرىكىدىن ئۆتىۋاتىمەن. سەن ئامراق رەڭمۇ ھەي بۇ ئەمەس ئىدى، قارىدىم ئۇچامدىكى قارا كىيىمگە. چېچىمنى تۈزەشتۈردۈم تىرنىقىم بىلەن، قان نەدى يۇقتىكىن قاچان لېۋىمگە؟ يامغۇرنىڭ توختىغۇسى يوقتۇر تېخىچە، پۇخادىن چىققۇدەك راسا كېرىلدىم. سەزدىممەن تۈگمەمنىڭ ئۈزۈلگىنىنى، بىرتال غۇنچىدەك قات-قات يېرىلدىم. ئىشىكنى ئاچتىڭسەن باغرىڭ بىلەن تەڭ، كۆزۈمگە سۇس تارتقان سۈرمەم ئىرىدى. قۇشلارنىڭ ناۋاسى ئۆچتى ئورماندىن، قاي سەۋەپ ئاھ بۇنى ھېچكىم بىلمىدى. يۈرىكىم سۇ بولدى قۇرىدى دەريا، ئالقىنىڭ ئارىسىدا يۈزلىرىم ئاسمان. نەزىرىم يەردىكى قىلىچتا قالدى، يالمىدى پەريادىمنى لالىرەڭ تۇمان

anar

	ئۇزاق بوپتىكەن ئاھۇ خېنىمىڭ شېئىرلىرىنى ئوقۇمىغىلى ، ئاچچىق قەھۋە ، ئاچچىق تەدبىھلەر بىلەن بىللە روھىي دۇنيارىمنى قالايمىقان قىلدىغۇ :Q.....يۈرۈكۈمنىڭ سۇ بولۇشنى خالىمىغۇدەكمەن ئەھۋالدىن قارىغاندا

مەرۋەرى

	قەدەملەر مۇبارەك ئاھۇ! ئانىرىم ئېيتقاندەك ئۇزۇن بوپتىكەن شېئىرلىرىڭىزنى مۇنبەردە كۆرمىگىلى، يوقاپ كەتمىگەيلا! ئايدار، ئۆتكەن كۈنلەر بىلەن ئانچە - مۇنچە يېزىشىپ تۇرۇڭلار مانداق...

Aydar

	ئاھۇنىڭ شېئىرلىرىنى سېغىنىپ قالدۇققۇ.

قەھۋە

	بۇ شېئىر بەك يارىدى ماڭا، گەرچە ئانچە خەۋىرىم بولمىسىمۇ. ئاھۇ خانىمنىنىڭ كەلگەنلىكىنى كۆرۈپ باشقىچە خۇش بوپ قالدىم ئۆزەمچە.:victory: كارىدور شۇقەدەر تىنىچ بەك تىنىچ، پەشتاقتىن لەيلىگەندەك چىقىۋاتىمەن. ئەينەككە قارىۋالدىم يەنە بىر قېتىم، پىلسىرات كۆۋرىكىدىن ئۆتىۋاتىمەن.

ئاھۇ

	سېغىنغان ئەزىزلەرگە ئاھۇدىن سالام.مۇشۇ ئانارنىڭ غەلۋىسى تۇگىمەيلا ئۆتىدۇ زادى....;P

anar

	ئاھۇ يوللانغان ۋاقتى  2011-يىلى 8-ئاينىڭ 5-كۈنى 18:51 سېغىنغان ئەزىزلەرگە ئاھۇدىن سالام.مۇشۇ ئانارنىڭ غەلۋى ... قانداق قىلىمەن ھەدە غەلۋە قىلماي ، بۆرىلىرىم قاچىمەن دەپ جىدەل قىلىۋاتسا :'(

ئاھۇ

	قاچىدىغان تاغلىرى بىلەن ئورمىنىنى بىلىۋالسىڭىزلا بولمىدىمۇ؟يىغلىمىڭە.....:P

kamiran

	[b]يۈرىكىم سۇ بولدى قۇرىدى دەريا..................

anar

	ئاھۇ يوللانغان ۋاقتى  2011-يىلى 8-ئاينىڭ 6-كۈنى 08:29 قاچىدىغان تاغلىرى بىلەن ئورمىنىنى بىلىۋالسىڭىزلا بول ... بىلىۋالىمەن دەپ مەن ئېزىپ كېتىپ يۈرمەي يەنە ;Pتېخىمۇ پاراكەندىچىلىك سېلىپ ....... سىزنىڭ ئىزىڭىزغا چۈشىدىغان گەپمىكىن ، يۈتۈپ كېتىۋاتىسىز پات - پاتلا :@