جورىڭىزنىڭ بەش خىل تەلىۋىنى قاندۇرۇڭ.

nafisa

	نىكاھتا بوھران پەيدا بولغان ھامان ئەر خۇتۇنلار ئارا  نىكاھتىن ئاۋالقى بىر -بىرىنى جەلىپ قىلىش كۈچى ئۆز رولىنى يوقىتىپ ،ئۇلار سۇ بىلەن ئوتتەك چىقىشالمايدىغان ھالغا چۈشۈپ قالىدۇ .بۇنىڭدا سەۋەپلەر ئىنتايىن كۆپ بولسىمۇ يىغىنچاقلاپ ئېيتقاندا بىر بىرىنىڭ تەلىۋىنى قاندۇرالماسلىققا مەركەزلىشىدۇ .نىكاھنى ئاخىرىغىچە ساقلاپ قېلىش ئۈچۈن ئەر -خوتۇن ھەر ئىككى تەرەپ ئەستايىدىللىق بىلەن سەۋەپنى ئىزدەپ تېپىپ ،جورىسىنىڭ قايسى تەلىپىگە سەل قارىغانلىقىنى ئېنىقلىۋېلىشى كېرەك .ھەر قانداق ئەر خوتۇنلار تۆۋەندىكى بەش خىل ئەڭ مۇھىم ھىسسي تەلىۋىنى قانداق قاندۇرۇشنى ئۆگىنىۋالسا ھەمرايىنىڭ رەت قىلىپ بولمايدىغان جورىسىغا ئايلىنالايدۇ . 1.مۇھەببەتنى ئىپادىلەڭ :گۈل ،سوۋغات تەقدىم قىلىش ،گەپ -سۆز ۋە ئادەتتىكى مۇراسىم شەكىللىرى ئارقىلىق ئۇنىڭغا ئۆز مۇھەببىتىڭىزنىڭ مەڭگۈ ئۆزگەرمەيدىغانلىقىنى بىلدۈرۈپ تۇرۇڭ . 2.مۇڭدىشىپ تۇرۇڭ :ھەر كۈنى مەلۇم ۋاقىت چىقىرىپ كۈندىلىك تۇرمۇشتىكى ئۇششاق -چۈششەك ئىشلاار ،بالىلارنىڭ ئىشى ياكى كەلگۈسى پىلان ھەققىدە مۇڭدىشىپ تۇرۇڭ . 3.ئاڭلىق ،سەمىمىي بولۇڭ :ئىشلىرىڭىزنى ئۇنىڭدىن يۇشۇرماي ئەينەن خەۋەردار قىلىڭ . 4.ئىقتىسادىي جەھەتتىن قوللاڭ:ئەگەر ھەمرايىڭىزنىڭ تاپاۋىتى ئائىلىڭىزنىڭ ئاساسىي چىقىمىنى قامدىيالمىسا،ئۇنى ئۆز كەسپىنى تىرىشىپ ئىشلەشكە رىغبەتلەندۈرۈڭ . 5.ئائىلىدىكى ۋەدە :يىتەرلىك ۋاقىت ۋە مەنىۋى كۈچ ئاجرىتىپ بالىلارنى تەربىيلەش ئىشلىرىدا ئاكتىپراق بۇلۇپ بالىڭىزغا كىتاپ ئوقۇپ بېرىڭ ،بالىڭىز بىلەن بىللە پائالىيەت قىلىپ بالىڭىزنى سىرىتلارغا ئېلىپ چىقىپ ئائىلە بۇيىچە كۆڭۈللۈك ئايلىنىپ كىرىڭ . ئەگەر سىز بۇ تەلەپنى قاندۇرمىغان بولسىڭىز ،ئۇنداقتا يۈز پىرسەنت تىرىشىشىڭىزغا توغرا كىلىدۇ .               مەنبە :"ئىككى كىشىلىك دۇنيادىكى سىرلار"ناملىق كىتاپ .

قەھۋە

	جورىڭىزنىڭ بەش خىل تەلىۋىنى قاندۇرۇڭ ،دېسە دەرھال كىردىم. ئەمەلىيەتتىغۇ چوڭ تەلەپمۇ ئەمەسكەن، ئەمما يەنىلا توڭلاپ كېتىۋاتىمەن...

sabira

	تىمىدا ئېيتىلغان بۇ بەش تۈرلۈك تەلەپلەرغۇ دىمەككە ناھايىتى ئاسان ھەم ئادەتتىكى ھىسسىي تەلەپلەر بولسىمۇ ئەمما ئۇنى ئادەتكە ئايلاندۇرۇپ ئەمىلىيىتىدە كۆرسىتىپ ھەمرايىنىڭ خوشاللىقىنى قولغا كەلتۈرۈش ئۇنچە ئاسان ئىش ئەمەس .مەن بۇ تىمىنى ئوقىغاندىن كېيىن يۇقارقى تەلەپلەرنى دائىملاشتۇرۇپ ،ئۈنۈمىنى كۆرۈپ باقايچۇ دىگەن خىيالغا كەپ قالدىم .بولسا ھەممىمىز دائىملاشتۇرساق چۇقۇم ئويلىمىغان خوشاللىققا ئېرىشەلەيمىز .

sabira

	بۈگۈنكىدەك تۇمۇز ئىسسىقتا قەھۋە خانىمنىڭ توڭلاپ كېتىۋاتقىنى نىمە گەپ ئەمدى .

anar

	باشقىلارنى خوش قىلسا ئۆزىمۇ خوش بولىدۇ ئەلۋەتتە ...لېكىن مەنمۇ توڭلاۋاتىمەن

nawriza

	ھايات ھېچكىمگە قانائەتلەنگىدەك جاۋاپ بەرگەن ئەمەس، مۇھەببەتمۇ ھەم شۇنداق.....بىراق بەل قويىۋېتىشكە بولمايدۇ... پايدىلىنىش قىممىتى بار تېمىكەن.، ئەجرىڭىزگە تەشەككۇر!!!!

مەرۋەرى

	1.مۇھەببەتنى ئىپادىلەڭ :گۈل ،سوۋغات تەقدىم قىلىش ،گەپ -سۆز ۋە ئادەتتىكى مۇراسىم شەكىللىرى ئارقىلىق ئۇنىڭغا ئۆز مۇھەببىتىڭىزنىڭ مەڭگۈ ئۆزگەرمەيدىغانلىقىنى بىلدۈرۈپ تۇرۇڭ . گۈلنى مەن قىسمەتكە سوۋغا قىلامدىم ياكى قىسمەت ماڭا سوۋغا قىلامدۇ؟  نەفىسە مۇشۇ توغۇرلۇق بىر ئېنىق چۈشەنچە بېرۋەتمىسىڭىز بولمىدى، مەنمۇ توڭلاپ كېتىۋاتىمەن 2-5- سىنى قىسمەتكىلا يېزىپسىز ھە ، كۈندە ئاۋازلىق ئوقۇپ بېشىنى ئاغىرتىۋەتتىم

قەھۋە

	شۇنداق تەلەپلەرنى قاندۇرۇپ كېلىۋاتمىز بولمىسا، نېمە بولۇۋاتىدىكىن بۇ كۈندىكى جورىلار...توڭلاپلا يۈرىۋاتىمەنغۇ تاڭ:   L

esil

	ماڭا گۈل سوۋغا قىلماس بولۋالدى دىسە ........... گەپ قىلسام تۇتۇپ بولغان بىلىققا يەمچۇك تاشلىغاننى كۆرگەنما دەۋاتىدۇ

jahandar

	esil يوللانغان ۋاقتى  2011-يىلى 8-ئاينىڭ 17-كۈنى 22:05 ماڭا گۈل سوۋغا قىلماس بولۋالدى دىسە ........... گەپ قىلسام ت ... راست دەپتۇ