غېرىپ-سەنەم

دىلەيسەم

	بۇ ئىسىمنى ھايالىق، ۋاپادارلىق جەھەتتە تا بۈگۈنگە قەدەر تىللاردا داستان بولۇپ كېلىۋاتقان ئاشۇ بىر جۈپ قىز- يىگىت كۆز ئالدىمىزغا كېلىدۇ، ئېسىمنى بىلسەم بىرنىڭ ئۆيدە <غېرىپ- سەنەم> ئوپىراسىدا ئېيتىلغان بارلىق ناخشىلارنىڭ ئۈنئالغۇ لېنتىسى باركەن،(ئۇ چاغلاردا DVD دېگەندەك نەرسىلەر يوق، ھەم ئۈن- سىن مەركەزلىرى تۈزەك تەرەققى قىلمىغاچ نەشىرمۇ قىلىنمىغان قارا ئۈنئالغۇ لېنتىلارلا سېتىلاتتى)، ئۆيگە مېھمان كەلسىمۇ شۇ لېنتىنى قويۇۋالاتتى، خوشال بولسىمۇ، زېرىكسىمۇ ، ئىشقىلىپ دادام بۇ لېنتىنى شۇنچىلىك ئەتتىۋارلايتتى، ئەلۋەتتە ئۆزىمۇ دۇتتار چېلىپ ناخشىلارنى جايىدا ئېيتىپ قوياتتى. كىچىكىمدە تولا ئاڭلاۋەرگەچكىمۇ بىلمەيمەن، بىر يەرلەردە <غېرىپ- سەنەم> ئوپىراسىدىن ئارىيە ياكى ناخشىسىدىن ئارىيە دىسىلا جايىمدا تۇرۇپ ئاڭلايدىغان بولۇپ قالغان ئىدىم، ئويلاپ باقسام ئۇ ئۈنئالغۇ لېنتىسىنى مەن ئوقۇشقا كەلگەندە دادامدىن يوشۇرۇن ياتاققا ئەكىلىپ ئاڭلاپ يۈتتۈرۈپ قويۇپ دادامنى خېلى خاپا قىلغان ئىدىم. كېيىنچە بۇ ئوپىرا كېيىن تارىخى ھېكايە فىلىم قىلىپ ئىشلەندى، شۇ چاغدىكى شارائىت ۋە سەۋىيەگە ئېيتقاندا خېلىلا ياخشى ئىشلەنگەن دىيىشكە بولاتتى، تېخى مۇشۇ يېقىندىلا شۇ فىلىمدە رول ئالغان ئارتىسلارنى زىيارەت قىلدى، ئەمەليەتتە ھېچقايسى كەسپىي ئارتىسلار ئەمەس ئىكەن،  ئەمما نېمىشقا بۇ فىلىم، بۇ ئىسىملار بىزنىڭ قەلبىمىزدە بۇنچىلىق ئۇلۇغلىنىدۇ، سەۋەبى باشتا دىيىلگەندەك ئۇلاردىكى چەكتىن ئاشقان ھايا، سەممىمىيلىك، ۋاپادارلىق ۋە ھۆرمەت دىسەم خاتالاشمىغان بولارمەن. ئەمدى بۈگۈن نېمىشقا تۇيۇقسىز بۇ يەردە بۇ كونا فىلىم ئۈستىدە توختىلىپ قالغانلىقىمنىڭ سەۋەبى شۇكى يېقىندا داڭلىق يازغۇچىمىز< ئەختەم ئۆمەر> ئاكىمىزنىڭ < غېرىپ- سەنەم> نامىلىق ئىككى قىسىملىق تارىخى رومانى بازارغا سېلىندى، مەن تارىخى رومانغا خېلىلا قىزىقىشىم بولغاچ كىتاپنى قولۇمغا ئالدىم، ئازراق ئوقۇپلا  باشتىكى قىزىقىشىم نەلەرگىدۇر يوقالدى.  گەرچە ئۆزۈم يازغۇچى بولمىساممۇ داڭلىق ياغۇچىلىرىمنىڭ ئەسەرلىرىنى ياقتۇرۇپ ئوقۇپ كېلىۋاتقان بىر ئوقۇرمەن بولۇش سۈپىتىم بىلەن ئاۋال بۇ روماندىكى سۆزلەرنىڭ قانداقتۇر مىڭ يىل بۇرۇنقى ۋەقەلىككە ئەمەس، ھازىرقى زامانغا خاس بولۇپ قالغانلىقىنى، شۇ سەۋەپلىك بىزنىڭ قەلبىمىزدىكى <غېرىپ- سەنەم> ئوبرازىنى خۇنۇكلەشتۈرۈپ قويغانلىقىنى ھېس قىلدىم، يەنە بىر جەھەتتىن شۇنچە يىللاردىن بۇيان تىللاردا داستان بولۇپ كېلىۋاتقان ھايالىق < غېرىپ- سەنەم> ئوبرازى بۇ روماندا بىراقلا يوق قىلۋېتىلگەندەكلا ھېس قىلىپ قالدىم. مەن ياسىنجان سادىق چوغلانىنىڭ <جاللات خېنىم> نامىلىق تارىخىي رومانىنىمۇ ئوقۇغان ئۇنىڭدىكى تەسۋېر سۆزلىرى بولسۇن، پېرسۇناژلار ئوتتۇردىكى دىئالوگقا ئىشلەتكەن سۆزلەر بولسۇن تولىمۇ يېنىك، تۇرۇپ ئويلاپ قالدىم ئەگەر < غېرىپ- سەنەم> رومانىنى ياسىنجان سادىق چوغلانى يېزىپ قالغان بولسا قانداق بولار ئىدى؟

جۇلالىق

	ئۇيغۇر كىنوچىلىقىنىڭ ئەينى ۋاقىتتىكى تەرەققىياتىدا غېرىپ-سەنەم فىلىمىنى ئادەمگە شۇنچىلىك يېقىشلىق تۇيغۇ بېرىدىغان ئەمەلىيەتچانلىقى كۈچلۈك كىنو قىلىپ ئىشلىگەنلىكى ئۇيغۇر كىنوچىلىقىنىڭ زور مۇۋەپپەقىيىتى دەپ ئويلايمەن. ئەختەم ئۆمەر ئاكىمىز يازغان بۇ كىتابنى مەن تېخى ئوقۇپ باقمىغان بولساممۇ كۆڭلۈم سەل يېرىم بولدى. ئەسلى غېرىب-سەنەم ئوبرازى بۇرۇنقى شۇ كونا ھالىتىنى ساقلاپ قالسا ياخشى بولاتتى.

مەرۋەرى

	دىمىسىمۇ ئەختەم ئۆمەر ئاكىغا بۇ روماننى يېزىشقا نىمە شۇنچە زۆرۈر بولۇپ قالغان بولغۇيتتى

peacelife212

	مەن تېخى بۇ كىتاپنى« غېرىپ-سەنەم»نى  ئايالىمغا ،تۇغۇلغان كۈنىدە سوۋغا قىلغان بولساممۇ، ئۇ ئىشخانىسىدىن ئەكەلمەيلا، مەن ئوقۇشقا ئۈلگۈرمىگەن ئىدىم، ئەختەم ئۆمەر بۇنچىلىق مەسئۇليەتسىزلىك قىلغانمىدۇ ؟ئۇندىن باشقا، ئەختەم ئۆمەر يازغان يەنە بىر كىتاپ « باياۋاننىڭ سىرى» دىگەن كىتاپنى ئوقۇسا، ئادەم شۇ كىتاپتا يۈز بېرىۋااتقان ئىشلارنىڭ، بىزنىڭ ئۇيغۇر جەميىتىمىزدە يۈز بېرىۋاتقانلىقىدىن ئەقلى ھەيران قالىدىكەن.    غېرىپ سەنەم رومانى  ، قاراخانىلار سۇلالىسىدىكى ئىشلارنى ئەكس ئەتتۈرىدىكەن دىگەندەك ئاڭلاپ، سېتىۋالغان ئىدىم، بۇ كىتاپنى.  قېنى ۋاقىت چىقىرىپ بىر ئوقۇپ باقاي.

leyli

	پۇرسەت بولسا ئوقۇپ باقايچۇ ، لېكىن ئويلىساممۇ ئەختەم ئۆمەرگە بۇ داستان ماس كەلمىگەندەك شۇڭا ئالمىغانتىم ، بۇ تېمىنى كۆرۈپ ئېلىپ ئوقۇپ بېقىش نىيىتىگە كېلىپ قالدىم ، بەزىدە ئەسەرلەرنى تەنقىدلىسىمۇ ئېلان رولىنى ئۆتەپ قالامدۇ نىمە ، خۇددى ئۆلىۋېلىش سەنئىتىدەك