(ئاھۇ) كەل جېنىم

ئاھۇ

	كەل جېنىم كەل جېنىم ، يامغۇر سۈيىگە يېشىمنى قوشۇپ چاي دەملىدىم . كەل جېنىم ، قالغاچمۇ كەلدى . ئەتە -ئۆگۈن چېچەكلەر غورا بولاي دەيدۇ، توپىلار لاي بولاي دەيدۇ ، تالمۇ يىغلاپ سانجاق-سانجاق نۇر بولاي دەيدۇ . كەل جېنىم ، تولۇن ئايدەك پىيالەم لىغىرلايدۇ قولۇمدا . مەن كۆيىمەن بىمالال سەن بولغاچقا جېنىمدا. كەل جېنىم، شامال چىقسا يەردىكى چېچەكلەر نى تەرمەيدۇ ھىچكىم ، سەنمۇ مېنى سېغىندىڭ بەلكىم..... يەر يۇمشىدى سېنىڭ كۆڭلۈڭدەك ، پىژ-پىژ قىلىپ كۆيمەكتە ئاپتاپ . ئېتىزلىقىم بولغان بولسىدى ، كۆك تىرەتتىم ساڭىلا ئاتاپ . كەل جېنىم ، گۈللۈرۈممۇ شۇنچە خۇشپۇراق ، ئاسمىنىڭدا لەيلەيدۇ پىراق . شامالنىڭ ئىرىمۇ كۈنلەمچى ئىمىش ، گۈللەر دەرەخلەر يىگىتلەر كېرىلگەچكە ئۇنىڭغا قاراپ . لېكىن، مەن ـ كۈنلىمىدىم سېنى شامالدىن . كەچۈر مېنىڭ ساراڭلىقىمنى ، چاچلىرىمنى يەلپۈگەن پېتى سۆيۈپ ئۆتسۇن سېنىڭ يۈزۈڭنى... كەل جېنىم ، ئوت قالىدىم . نان جىگدىسى كۆمۈپ بىرىمەن، قوقاس ئىچىدىن ئۆز قولۇمدا پۈۋلەپ تۇرۇپ ئېلىپ بىرىمەن! ئۈگرە ئىتىپ بەرگۈم بولسىمۇ ، گۈرۈچتەك قايناپ كۈلگۈم بولسىمۇ ، جىگدە ئوتۇنىدەك كۆيگۈم بولسىمۇ... يول ئارىسى يۈرەكنى ئىزەر ، دەردىمىزنى بىر ئاللاھ سىزەر . كەل جېنىم....

Aydar

	كەل جېنىم... بۇ شېئىرنى مەن بەك ياقتۇرىمەن، ئوقۇساملا نۇرغۇن ئىشلارنى خىيال قىلىمەن ياكى ئەسكە ئالىمەن.

Jilwe

	چاچما شېئىرنى ياختۇرىمەن ، بۇ ئەسەرنى قايسىڭلا يازدىڭلار ؟؟ ئېسىلكەن ....

Qarshi_Qirghak

	دەردىمىزنى بىر ئاللاھ سېزەر، دەرتلىرىمىز ھەم زۇلمەتنى كېزەر...... كەل جانانىم ..........بولدۇم ئىنتىزار ئاھۇ .... بۇ جۇدالىق يۈرەكنى ئېزەرغۇ ئېزەر

ئاھۇ

	رەھمەت،ياقتۇرغان بولساڭلار مەن خوشال....

Aydar

	ياقتۇردۇق، ياقتۇرمامدىغان ئاھۇ سىڭىل....

قەھۋە

	ئاھۇ، شېئىرىڭىز بەك لىرىك چىقىپتۇ. سىزنى قىزغىن قارشى ئالىمەن!:handshake

otkankunlar

	"كەل جېنىم ، ئوت قالىدىم . نان جىگدىسى كۆمۈپ بىرىمەن، قوقاس ئىچىدىن ئۆز قولۇمدا پۈۋلەپ تۇرۇپ ئېلىپ بىرىمەن!" بۇ مىسرالار  ياخشى چىقىپتۇ.

ئاھۇ

	قەھۋە، رەھمەت سىزگە:) .     ئۇ مىسرالارنى ئۆزۈممۇ بەك ياقتۇراتتىم ئۆتكەن كۈنلەر.سىزنىڭمۇ كۆڭلىڭىز تۇيۇپتۇ.

Aqile

	بۇ شېئىرنى ئىلگىرى ئوقۇغىنىمدا ماڭا بەك تەسىر قىلغان . شۇڭىمۇ بۇ شېئىر ئاپتورىغا  بەك ھۆرمىتىم  بار .