جوڭغار لىرىكىسى

otkankunlar

	جوڭغار لىرىكىسى كوڭلۇمنى تارتىدۇ جوڭغار ۋادىسى، قەۋرىدەك دۇمچەيگەن قۇملار دوۋىسى. سالىدۇ قەلبىمگە شاتلىق ھاياجان، بۆز تورغاي،قۇشلارنىڭ كاتتا ئۇۋىسى. سۆيىمەن بۇ يەرنىڭ گىيا،تېشىنى، سۆيىمەن بىپايان چۆللەر قوينىنى. سۆيۈمەن بۇ يەرنىڭ قۇياشقا پېتىپ، قىزارغان ئاخىرقى شەپەق نۇرىنى. ياڭرايدۇ بۇ يەردە گۇدۇك ئاۋازى، بەختىيار تۇرمۇشنىڭ كۈلكە ساداسى. قىزارغان تۇمەن مىڭ يۇلغۇن ھىدىدىن، كېلىدۇ گۈپۇلدەپ باھار ناۋاسى. زاۋۇت ھەم كانلاردا،يىراق قىرلاردا، ئىشلەيدۇ ئەل ئۈچۈن ئوغۇل-قىزلېرى. كۆڭۇلگە بەك تاتلىق ئىلھام بېرىدۇ، بۇژغۇنلاپ ئېتىلىپ چىققان مايلېرى. نەقەدەر گۈزەل ھە سۆيۈملۇك دالا، بۆز تورغاي سايرىغان قۇياشلىق سەھەر. تىللاردا بولغۇسى داستان شۆھرىتى ، يۇرتۇمنىڭ باغرىدا چاقنىغان قەمەر. 2011-يىلى-24-ئىيۇل

مەرۋەرى

	كەچلىكىڭىز خەيرىلىك بولسۇن! چارچىغان ۋاقىتلاردا بۇنداق شېئىرلارنى ئوقۇسا ئادەمنىڭ ھاردۇقلىرى چىقىپ قالغاندەك بولىدىكەن، بولسىغۇ شۇ يەرلەرگە بىر بېرىپ كەلسە كىشى:)

otkankunlar

	ماشىنامنى قۇيۇپ بېرىپ مەيلىگە، كەلدىم بايا ئەشۇ گۈزەل ۋادىدىن. شىېر بۇلۇپ يەتتە قىزغا تۆكۈلدۇم، ئىلھام ئېلىپ جوڭغار دىگەن دالىدىن.

otkankunlar

	زەڭگەر ئاسمان قىز كۆزىدەك يالقۇنلۇق، جوڭغار دالا،سەن نىمانچە دولقۇنلۇق. گىرە سېلىپ ئاي يۈلتۇزغا تاڭغىچە، ئۆتتى ئۆمرۇم سەندە ھەجەپ شاۋقۇنلۇق. ئۇنۇتمىدىم سەندە ئۆتكەن كۈنۇمنى، تۇنجى قېتىم سالغان پاكىز سۆيگوڭنى. گەرچە سەندىن مەن ئايرىلىپ كەتسەممۇ، دىلغا پۈكۇپ كەلدىم ئىسسىق مېھرىڭنى، قالدى سەندە تالاي ئۆتمۇش كەچمىشىم، كۆز ياشلارغا ھەمرا بۇلغان ياشلىغىم. ياغلىغىنى پولاڭلىتىپ خوش دىگەن، قالدى يەنە ئەڭ سۆيۈملۇك ئادىمىم.

otkankunlar

	جوڭغار دالا مېنىڭ ئالتۇن بۆشۇگۈم، تەنھالىقتا يېقىن دىلكەش،سىردىشىم. ھەر بىر نۆۋەت باسسام ئاياق قوينىڭغا، ئاشقان ساڭا تالاي قېتىم ھۆرمىتىم. جوڭغار دالا خىياللاردەك چەكسىز جاي، تاڭ نۇرىدا تاۋلانغان ئۇ گۈزەل جاي. دالام شىېر،دالام پاكلىق تەڭرىسى، شائىر ئۈچۈن تۈگىمەس ئۇ غەزەل جاي. قالدى سەندە بالىلىغىم،ياشلىغىم، قالدى يەنە قايغۇ بىلەن شاتلىغىم. تۇتاش ساڭا مەڭگۈ مېنىڭ دىل رىشتىم، ئەركە ئويناپ قىيىق ئاتقان يايلىغىم. قاچان باسسا مېنى قايغۇ-ئەلەملەر، سېرلېرىمنى تۆكتۇم ساڭا بىمالال. مەن شاتلانسام سەنمۇ كۈلۈپ كېتەتتىڭ، تەغدىرىمىز ئوخشاش ئىدى،ئېھتىمال. ئۆرتاق ئىدىڭ شاتلىق بىلەن قايغۇمغا. قىينىغاندا مىنى تاتلىق سېغىنىش. سېغىنغاندا بارالمىدىم يېنىڭغا، جانغا ئېكەك بولدى مۇشۇ ئايرىلىش.

دىلەيسەم

	شۇنداق ئېسىل يەرلەرگە بىزلەرنىمۇ چاقىرۋالسىڭىز بولماسمىدى، ئۆتكەن كۈنلەر!:(

otkankunlar

	بۇ قېتىم جوڭغار ئويمانلىغىغا بارغىنىمدا سىزنى چاقىرۋالاي ،رەئىس خانىم!!!!!!!!!

gulhan

	ماشىنىڭىز نەچچە كىشىلىك ؟

otkankunlar

	كەچ كۈزنىڭ شامىلى چىقار باشقىچە، جوڭغارنىڭ ھاۋاسى شۇنداق ئۆزگۇچە. بىر تاتلىق ئەسلىمە سالار كىشىگە، مەنزىلدىن مەنزىلگە بېرىپ يەتكۇچە. ئېھ جوڭغار ۋادىسى سۆيۈملۇك ۋادا، قوينىڭغا يەنە بىر باسقاندا ئاياق. بەك يىراق جايلاردىن كەلدى دىمەستىن، ئويغاتتىڭ دىلىمدا تاتلىق ئىشتىياق.