قىزلار تېگىشنى خالىمايدىغان ئەرلەر .

arman-taxkin

	قىزلار تېگىشنى خالىمايدىغان ئەرلەر . قىزلار تويدىن كېيىن خاتىرجەم ، بەختلىك تۇرمۇش كەچۈرۈشنى ئارزۇ قىلىدۇ .ئەلۋەتتە ، بۇنىڭ ئۈچۈن بەلگىلىك شەرت - شارائىت ھازىرلىشى كېرەك ، بۇنىڭ ئۈچۈن قىزلار لايىقىنىڭ شارائىتىغا ئىنتايىن كۆڭۈل بۆلىدۇ ، تەلەپكە لايىق بولمىغانلىرىنى ئويلاشقىسىمۇ كەلمەيدۇ . قىزلار ئادەتتە تۆۋەندىكىدەك ئەرلەرگە تېگىشنى خالىمايدۇ : ئائىلە ئىقتىسادىي ناچارلار : يىگىتىنىڭ ئائىلە شارائىتى قىزلار ئەڭ ئاۋۋال ئويلىشىدىغان ئامىل . مۇقىم خىزمىتى يوقلار : قىزلار يىگىتىنىڭ باي بولۇشىنى تەلەپ قىلمىسىمۇ ، مۇقىم خىزمىتى ، تالانتى بولۇشىنى ئارزۇ قىلىدۇ . خىيالپەرەس ، تۇتامى يوقلار : قىزلار ئىقتىسادى چەكلىك يىگىتلەرنى قوبۇل قىلالايدۇ ، بىراق كۈنبويى خام خىيال سۈرىدىغان ، "ياقسام پىشارمۇ ، كۆمسەم پىشارمۇ" دەپ ئىككىلىنىپ تۇرىدىغانلارنى ياقتۇرمايدۇ ، چۈنكى ئۇلار تىرىشىپ ئىشلىسىلا تۇرمۇشنىڭ كۈنسېرى ياخشىلىنىدىغانلىقىغا ئىشىنىدۇ . يالغانچى ئەرلەر : قىزلار تىلى بىلەن دىلى بىردەك بولمىغان ئەرلەردىن بىزار . شەخسىيەتچى ، مەسئۇلىيەتسىز ئەرلەر : كۆپىنچە قىزلار كەسپىنى مۇھىم ، ئىدارىسىنى ئائىلە دەپ بىلىدىغان ئەرلەرنى ياقتۇرمايدۇ . قىزلار خىزمەت ۋە ئائىلىگە تەڭ قارايدىغان ، مەسئۇلىيەتچان ئەرلەرنى ياخشى كۆرىدۇ . چېپىلغاق ئەرلەر : قىزلار يىگىتىنىڭ ئۆزىنى ئەزىزلىشىنى ئارزۇ قىلىدۇ . بىراق شەخسىي بويۇمدەك كونترۇل قىلىشىنى خالىمايدۇ . ئىچ مىجەز ، قوپال ، غەلىتە ئەرلەر : خاپىلىقى بىلەن خوشلۇقىنى بىلگىلى بولمايدىغان ئەرلەر قىزلارنى بىزار قىلىدۇ . ئاتا - ئانىسى چىقىشالمايدىغان ئەرلەر : ھازىر قىزلار ئائىلىسىدە ئەتىۋارلىنىپ ، مەلىكىدەك چوڭ بولىدۇ ، شۇڭا قېيىنئاتا - قېتىنئانىسىنىڭ چىقىشقاق بولۇشىنى ئۈمىد قىلىدۇ مەنبە - چولپانلار تورى ،

nazinin

	قىزلارنىڭ قانداق ئەرلەرنى ياقتۇرمايدىغانلىقىنى بەزىلەر خېلى ئوبدان بىلىدىكەن بولمىسا . بىراق قىزلار ئاشق بولۇپ قالمىسۇن ،ئاشق بولۇپ قالسا كۆزىگە شۇ ئەردىن باشقا ھېچنىمە ،ھېچكىم كۆرۈنمەيدۇ ،مەيلى ئۇ ئەرنىڭ قانداق بولۇشىدىن قەتتئىي نەزەر......

tiwix

	nazinin يوللانغان ۋاقتى  2011-يىلى 7-ئاينىڭ 10-كۈنى 19:32 قىزلارنىڭ قانداق ئەرلەرنى ياقتۇرمايدىغانلىقىنى بەزىل ... شۇڭا  كونىلار  « كۆڭۈل  ياتقان  يەردە ، ئىت  ئىشەك ياتمايدۇ » دەپ  بىكار  ئېيىتمايدۇ لىكىن ، ھازىرقى  جەمىيەت قىزلارنى بەك  ئەمىلىيەتچىل  قىلىۋەتتى ، يۇقاردا  دەپ ئۆتكەن  تۈرلۈك  تەلەپلەرنى ئويلاشماي بولمايدۇ

anar

	ئىچ مىجەز ، قوپال ، غەلىتە ئەرلەر : خاپىلىقى بىلەن خوشلۇقىنى بىلگىلى بولمايدىغان ئەرلەر قىزلارنى بىزار قىلىدۇ . خۇدا ساقلىسۇن قىزلىرىمىزنى بۇنداق بۇقىنى چىمداپ ئۆلتۈرىدىغانلاردىن جۇمۇ

xakilat

	anar يوللانغان ۋاقتى  2011-يىلى 7-ئاينىڭ 12-كۈنى 16:51 ئىچ مىجەز ، قوپال ، غەلىتە ئەرلەر : خاپىلىقى بىلەن خوشل ... شۇنى دەڭە ئانار، ئىچىمدىكىنى تاپ دەپ گۆشىيىپ ئولتۇرۋالسا بۇنىڭدىنمۇ ئېغىر ئازاپ بارمۇ، ئۇنىڭدىن گالاچ- گۇلۇچ قىلىپ بىرەر ئىككىنى ئۇرۋېتىپ ما ئىشنىڭ يپلى ماۋۇ دىسىمۇ دەڭە