ھالسىراش

gulhan

	ئىگىز ئىكەن تۇرمۇش داۋىنى، قەدەملىرىم شۇ قەدەر ئېغىر. باغلاپ تۇرار مىنى ھاياتقا، قەلبىمدىكى ئاداققى مىھىر ، ئويلاۋەرسەڭ ئۇ بەخىتلىك دەپ، كۆرسەتمەستىن ئۆتسەم يېشىمنى. بىلىندۈرگۈم يوق ئىدى ھەرگىز، بۇ رىئاللىق ئەگكەن بېشىمنى. باقماي كەلدى مەيلىمگە ھايات ، مۇرەڭ ماڭا بولمىدى نىسىپ، چىقارمدى پۇتۇن ئەلىمىم . يىغلىۋالسام ساڭا ئېسىلىپ. رەنجىمىگىن زارلاشلىرىمدىن، پەقەت ساڭا يىغلىيالايمەن. مۇزلىغاندا ۋۇجۇدۇم ئەبەد، باغرىڭدىلا ئىللىيالايمەن.

otkankunlar

	بەختلىك بول دەيمەن ساڭىلا، بارچە دەرتكە ئۆزەم قېتىلىپ. ھالسىراشلار ھاردۇردى مىنى، ئۆپكەم دەرتە نەچچە قېقىلىپ. يىغلىۋالسام دەيمەن بەزىدە، ئاي مۆكۇنگەن جىم-جىت كېچىدە. دەسلەپ سۆيگەن ئەشۇ قەلىپتە، قالسام دەيمەن ياپ ياش پېتىچە.

gulhan

	يىغلىۋالغىن مەيلىلا جېنىم، لەۋلىرىمدە سۈرتەي يېشىڭنى. ئەسلىۋالغىن ئۆتكەن كۈنلەرنى، مۇرەمگىلا قۇيۇپ بېشىڭنى. تىلەكلىرىڭ ھەمرادۇر ماڭا، يۈرسەممۇ گەر دەرتكە چىلىنىپ. ھالسىرىغان قەدەملىرىمگە، كەچمىشلىرىم قالدى ئېلىنىپ.

otkankunlar

	پاتتى دىمە مىنى پىراققا، پەقەت ساڭا سىرداش خىيالىم. قارچۇغاڭدىن يۈتكۇنۇم بىلەن، ھەمرا مەڭگۇ بەخت تىلىگىم. تەنھالىققا بەرمىسەڭ چىداش، كۆرسەتمىگىن ئەمما يېشىڭنى. يىغلىۋالغىن سەنمۇ تىلىقىپ، مۇرەمگىلا قۇيۇپ بېشىڭنى.

مايسىخان

	سالام گۈلخان! ھالسىراپ بۇنچىلىك، ھالسىرىمىسىڭىز مۇنبەرگە ئوت كېتەركەن;P;P

مودەن

	بۇ ئېسىل شئېرىنى ئەمدى كۆرۈپتىمەن دىسە،،بۇ ئىككى شائىىر بەك ماسلىشىپتۇ دىمىگەن بىلەن