ئەرنىڭ قەلبىدە ئۈچ قىز

ketmenbay

	ئەرنىڭ قەلبىدە ئۈچ قىز ئادىل ئابدۇۋاقى قارلۇق بىر قىز بار ئەرلەرگە كۆرۈنمەيدىغان، گۈللەردەك ئېچىلىپ قېرىمايدىغان. ئەرلەرنىڭ قاپقارا بوستانلىقىدا بۇلبۇلدەك ھىچقاچان سايرىمايدىغان. سۇ  ئاقار دەشتلەردە مۇزدەك زىمىستان ئۆلۈمنىڭ دەھشىتى پۇرار ھەرزامان. قەلبلەر قان بىلەن تولغان بىر جەڭگاھ بىر پەرى غۇنچىدەك جىمجىت ئېچىلغان. تۆت كوچا رىئاللىق سۇ بىلەن تولغان، ھىچ كىشى ھىچكىمنى تونىمايدىغان. ئاياللىق ئەڭ غىرىپ قۇشتەك يىگانە غايىۋى شەكىللەر تەندە  قىسىلغان. يەنە بىر قىز كىلۈر مەن بىلەن بىللە، ئازابنى تېتىيمىز  كېچە، كۈندۈزدە... سارغىيىپ تۆكىلەر ياپراقلىرىمىز تۇرمۇشنىڭ ئاي بولۇپ تولغان يۈزىدە. يەنە بىر گۈزەل قىز چالار مىڭ مۇقام چۈشۈمدە ئەڭ سىيلىق نۇردەك خىرامان... ئەرلەرنىڭ قەلبىدە ئۈچ قىز بۇلارمىش كور ئەرلەر بىرسىدە بولارمىش ۋەيران؟ ٭٭٭٭٭٭٭٭٭٭٭٭٭٭٭٭٭ 2011-يىلى 6-ئاينىڭ 30-كۈنى. قەشقەر. ٭٭٭٭٭٭٭٭٭٭٭٭٭٭٭٭

ketmenbay

	بۇ شېئىرنى يازغان شائىرىمىز ئادىل ئابدۇۋاقى قارلۇق ئەپەندىم ئىنكاسقا بەك ئامراق ئىدى. شۇ تاپتا كۆزىنى تۆت ئېچىپ قاراپ تۇرغان بولۇشى مۈمكىن. «يەتتە قىزلىرىم»دىكى يەتتە قىزلىرىم ئۇنداق چوڭ سۈپەت بولىۋالماي، بۇ شېئىرنىڭ «غەيۋىتىنى» قىلغاچ تۇرۇڭلار. ياخشى بولسۇن، يامان بولسۇن، پىكىر بېرىڭلار. شائىرىمىز خېلى «كۆتۈرەشلىك».

مەرۋەرى

	ketmenbay يوللانغان ۋاقتى  2011-يىلى 7-ئاينىڭ 1-كۈنى 19:09 بۇ شېئىرنى يازغان شائىرىمىز ئادىل ئابدۇۋاقى قارلۇق ئە ... بۇ يەتتە قىزلىرىمدىكى غەيۋەتخور جادىلارنىڭ بىرىمۇ يوق، مەن ئەمدى ھەممىلا تېمىغا تەشەككۈر رەھمەت دەۋېرىشتىن ئىزا تارتتىم، چۈنكى سەۋىيەم چەكلىك ئارتۇق گەپكە قەلىمىم ئاجىزلىق قىلىدىكەن. بۇ شېئىر يوللانغاندىن بېرى نەچچە رەت ئوقۇدۇميۇ، ئارتۇق گەپ قىلماي چىقىپ كەتتىم! شېئىرنىڭ ئاپتورىغا ۋە سىزنىڭ بۇنداق ئېسىلنى مۇنبەرگە يوللىغان مۇبارەك بارماقلىرىڭىزغا ھەشقاللا!

sarsan@axik

	مەنمۇ بىر ئىككى  ئىغىز سۆزلەپ قۇياي    تىمىسى  بەك  ماس كەپتۇ   شىېرنىڭ مەزمۇنى ياخشىكەن

ketmenbay

	«ئەرنىڭ قەلبىدىكى ئۈچ قىز»نىڭ بىرەسىنىمۇ تاپالماپتىيا تىخىچە «يەتتە قىزلىرىم»؟ نەگە كەتتىكىن بۇ مۇنبەردىكى تېپىشماق تېپىشقا ئامراق قىزلار؟

دىلەيسەم

	ketmenbay يوللانغان ۋاقتى  2011-يىلى 7-ئاينىڭ 3-كۈنى 20:06 «ئەرنىڭ قەلبىدىكى ئۈچ قىز»نىڭ بىرەسىنىمۇ تاپالماپتىي ... مەن ئىزدەۋاتىمەن كەتمەنباي، تەخىر قىسىلا

tiwix

	مەنمۇ  قاتتىق  پىكىر  يۈگۈرتىۋاتىمەن ، پىكىرلىرىم  بىر  تەرەپتىن  يۈگۈرۈپ  بىر  تەرەپتىن ھەر  تەرەپكە  توختىماستىن كۆز  قۇلاق  يۈگۈرتۈپ ئۈشبۇ « ئۈچ قىز » نى ئىزدەۋاتىدۇ

anar

	مەن تاپتىم ...جاۋابى ئانار ، ئانار يەنە ئانار دىدىلەر

ketmenbay

	anar يوللانغان ۋاقتى  2011-يىلى 7-ئاينىڭ 4-كۈنى 11:39 مەن تاپتىم ...جاۋابى ئانار ، ئانار يەنە ئانار دىدىلەر «ئانار» دىمەي، «ئانا» دىگەن بولسىڭىز، ئەرنىڭ قەلبىدىكى ئۈچ قىزنىڭ بىرسىنى بولسىمۇ ئازراق توغرا تاپتى، دەر ئىدىم. لىكىن سىزمۇ ئازراققىنە توغرا تاپتىڭىز.

دىلەيسەم

	ئانا، ئايال، يەنە بىر قىز ھېلىقى ‹دوستى› شۇنداقمۇ كەتمەنباي، يەنى ئەڭ ئاخىرقى كۆر ئەرلەرنى ۋەيران قىلىدىغان قىز قىز