ئالىي مەكتەپ ئىمتىھانىدا711 ئالغان ئۇيغۇر قىزى ـــ پەخرىيە

dilroh

	شىنجاڭدىكى تەبئىي پەن ماتىماتىكىسىدا تۇنجى تولۇق نومۇر ئالغان ئۇيغۇر قىزى پەخرىيە، ئالىي مەكتەپ ئىمتىھانىدا جەمئىي 711 ئېلىپ، شىنجاڭ بويىچە بىرىنچى بولدى. 1984-يىلى شىنجاڭ مەملىكەت بويىچە بىر تۇتاش ئالىي مەكتەپ ئىمتىھانىغا قاتناشقاندىن بۇيان، شىنجاڭدىن تۇنجى بولۇپ چىققان تەبئىي پەن ماتىماتىكىسىدا تولۇق نومۇر (150 نومۇر) ئالغان ئوقۇغۇچى. ئۇنىڭ ئىسىمى پەخىرىيە ئەشرەپ، ئۈرۈمچى شەھەرلىك تولۇق ئوتتۇرا مەكتەپنىڭ ئوقۇغۇچىسى. بۇرۇندىنلا دوختۇر بولۇشنى ئارزۇ قىلىدىغان پەخىرىيە بېيجىڭ ئۇنىۋېرسىتېتىنىڭ چاقىرىق قەغىزىنى تاپشۇرىۋېلىش ئالدىدا تۇرماقتا. 6-ئاينىڭ 28-كۈنى چۈشتىن بۇرۇن سائەت 10 دا، مۇخبىرلار كۆپ قېتىم ئالاقىلىشىش ئارقىلىق، پەخىرىيەنىڭ ئائىلىسىدىكىلەر، ئۇنىڭ ئەدەبىيات ئوقۇتقۇچىسى بىز بىلەن يۈزكۆرۈشتى. بىر سائەتكە يېقىن سۆھبەت جەريانىدا مۇخبىرلار ئۇلارنىڭ شادلىق ياشلىرىغا جۆر بولدى. پەخىرىيە دادىسىنىڭ سۆزلىرىنى مۇخبىرغا تەرجىمە قىلىپ بەردى، «مەن ئۇنى كىچىكىدىنلا ئۇنىڭ بىزنى پەخىرلەندۈرىدىغان بىر ئادەم بولۇپ چىقىشىنى ئۈمىد قىلاتتىم، ئۇ دەرۋەقە شۇنداق قىلالىدى.» ئۇ ماتىماتىكىدا تولۇق نومۇر ئالغانلىقىنى بىلگەن ۋاقتىدا، بۇ خەۋەرگە ئىشىنىشكە جۈرئەت قىلالماي قالغان، چۈنكى نومۇرىنى مۆلچەرلىگەن ۋاقىتتا 145 نى مۆلچەرلىگەن، ئومومىي نومۇرنى بولسا 690 ئەتراپىدا مۆلچەرلىگەن بولۇپ، ئەمەلىيەتتە بولسا 711 نومۇرغا ئېرىشكەن ئىدى، ئۇ ئالىي مەكتەپ ئىمتىھان نەتىجىسىنى بىلگەن ۋاقتىدا، دادىسى بىلەن قۇچاقلىشىپ يىغلىشىپ كەتكەن. پەخىرىيەنىڭ مەخپىي رېتسىپى: ئۆگنىش ئۈنۈمىنى يوقىرى كۆتۈرۈشتە سۇئالنى كۆپ ئىشلەش بۇرۇندىنلا ماتىماتىكىدا تەبئىي تالانتى بار دەپ قارىلىدىغان پەخىرىيە مۇنداق دىگەن:« ماتىماتىكىدا تولۇق نومۇر ئېلىشىمدا تەبئىي تالانت %1، تىرىشچانلىق %99 ». پەخىرىيەنىڭ بىرىنچى ئارزۇسى بېيجىڭ ئۇنىۋېرسىتېتى مېدىتسىنا بۆلۈمى. ئۇنىڭ نىمە ئۈچۈن بۇ كەسىپنى تاللىغانلىقى توغۇرسىدا سۆھبەتلەشكەندە، ئۇنىڭ كۆزلىرىدىن ياشلار ئۈزۈلمەي تۆكۈلدى.... پەخىرىيە :  ئالدىنقى يىلى 10-ئايدا مۇمام (ئاپىسىنىڭ ئاپىسى) تۈگەپ كەتتى، ئۇ راك كېسىلى بولۇپ قالغان، بۇۋام ئاغىرىپ قالغاندا، دادام بىر پارچە X نۇر تەكشۈرۈش لېنتىسىنى ماڭا بېرىپ، سەن چوقۇم دوختۇر بولغىن، دىگەن، مەن شۇنىڭدىن باشلاپ دوختۇر بولۇشنى كۆڭلۈمگە پۈكۈپ كەلدىم. پەخىرىيە تېلېۋىزىيە ئىستانىسىنىڭ مەخسۇس پروگراممىسىغا قاتناشتى، پروگراممىغا ئۇنىڭ ئوقۇتقۇچىسى ئابدۇسەمەت ئابدۇغېنىمۇ تەكلىپ قىلىنغان ئىدى، ئۇ مۇنداق دىدى:« پەخىرىيە دىگەن ئىسىمنىڭ مەنىسى ‹پەخىرلىنىش› دىگەنلىك، ئۇنىڭ ماتىماتىكىدا تولۇق نومۇر ئالغانلىقىنى بىلگەندە، پۈتۈن مەكتەپتىكى ئوقۇتقۇچىلار شادلىنىپ كېتىشتى، ئۇ ھازىر پەقەت بىزنىڭ مەكتەپنىڭلا پەخىرى ئەمەس، بەلكى پۈتۈن شىنجاڭ خەلقىنىڭ پەخىرى». پەخىرىيە ئائىلىسىدىكىلەر بىلەن بىرگە پەخىرىيە مۇخبىرلارنىڭ زىيارىتىنى قوبۇل قىلدى پەخىرىيەنىڭ بۈگۈنكىدەك نەتىجىگە ئېرىشىشىدە، ئۆز تىرىشچانلىقى، ئاتا-ئانىسىنىڭ قوللىشى، شۇنداقلا مەكتەپنىڭ تەبىيىسىنىڭمۇ موھىم ئەھمىيىتى بار. بىز پەخىرىيەنىڭ بۇنىڭدىن كىيىن تېخىمۇ ياخشى نەتىجىلەرنى قولغا كەلتۈرۈپ، ئۆزىگە، ئاتا-ئانىسغا، مەكتىپىگە، شۇنداقلا پۈتۈن شىنجاڭغا شەرەپ ئېلىپ كېلىشىگە چىن يۈرۈكىمىزدىن تىلەكداشلىق بىلدۈرىمىز! مەنبە : نۇر تورى

مەرۋەرى

	مەن مەكتىپىنىڭ ئالدىدىن ئۆتۈپ كېتىۋاتقىنىمدا دەل تېلېۋېزىيە ئىستاسسىنىڭ مۇخبىرلىرى زىيارەت قىلۋاتقان ئىكەن، كۈننىڭ ئىسسىقلىقىغا باقماي يېرىم سائەتتەك تۇرۇپتىمەن، ئاللاھتىن بالىلىرىمنىڭمۇ ياخشى ئۆگىنىپ، مۇشۇنداق شەرەپ قۇچۇشىنى تىلەپ كەتتىم. بارىكاللا قىزىم، ئاتا-ئانىڭىزنىڭ ئۈمىدىنى ئاقلاپسىز، ئىسمى- قىسمىڭىزغا لايىق پەخىرلىك قىز ئىكەنسىز دىدىم-دە، ئارقامغا يېنىش - يېنىشلاپ قارىغىنىمچە ئۇ يەردىن ئايرىلدىم.

مەرۋەرى

	بۇ يەردىن زىيارەت تەپسىلاتىنى كۆرۈڭ

nawriza

	ھەقىقەتەن پەخىرلەنگۈدەك ئىش بوپتۇ، مايىماتىكىدا تولۇق نومۇر ئېلىش ئادەتتىكىچە ئىش ئەمەس، ئادەتىمۇ مەكتەپلەردە ئوقۇغۇچىلارنىڭ ماتىماتىكا نەتىجىسىنى يوقىرى كۆتۈرۈش، ماتىماتىكا ئوقۇتقۇچىلىرى ئۈچۈنتولىمۇ مۈشكۈل ۋەزىپىدۇر!!!!پەنلەرنىڭ ئاچقۇچى بولغان ماتىماتىكىدا تولۇق نومۇر ئالغان پەخىرلىك قىزىمىزنىڭ بۇندىن كېيىنكى ھايات مۇساپىلىېىدىمۇ، مۇۋاپىقىيەت قوڭغىرىقىنىڭ مانا مۇشۇنداق سۈزۈك، يېقىملىق جاراڭلاپ تۇرىشىغا چىن كۆڭلۈم بىلەن تىلەكداشمەن!!! مېنىڭ ئوغلۇم بىلەن مەكتەپداش بولۇپ قالغۇدەك.....غەيرىتىڭىزگە ئاپىرېن قىزىم!!!!

Jewlaniy

	قىزىمغا ئۈلگە!!!

ayqiz

	‹‹ تېڭىرقىلما تاڭغا ،ئەتە قوپۇپ ساڭا ›› دەيدىكەن چوڭلار . توۋۋە بۇ قىزغا شۇنداق تاڭ قالدىم دېسە ،قوشماقلىرىم دوراپ قالسا ئەجەپ ئەمەس ئامىن !!!

قەھۋە

	توۋا، ماتىماتېكىدا تولۇق نومۇر دەڭ. ئاللا مەدەت بېرىپتۇ. ئاتا-ئانىسى قانچە ھاياجانلانغاندۇ ھە.   بۇرۇندىنلا  قانداق كىشىلەر ماتېماتىكىنى شۇنچىلىك ياخشى ئۆگىنەلەيدىغاندۇ، دەپ ئويلايتىم، ئۇقۇۋاتقان چېغىمدا خوتەنلىك بالىلاردىن، «سېنىڭ مېڭەڭ قانداق مېڭە زادى؟ » دەپ سوراپ كەتكەنىدىم. پەخىرلىك قىز! ياشا ئۇيغۇرۇمنىڭ پەخرى!!! بۇنى كۆرگىنىم ياخشى بولدى، ئەمدى يولدۇشۇمنىڭ پېشىگە ئېسىلىمەن، كۈچىڭىزنى بالىلىرىڭىزغىلا كۆرسەتمەي، بالىڭىزغىمۇ كۆرستىڭ، دەيمەن.

peacelife212

	بۇ قىزنى چىڭخۇا ئۇنۋېرستىتىنى يېزىپتىكەن، باشقا مەكتەپنى يازماپتىكەن دەپ ئاڭلىغان ئىدىم  قارىغاندا ئاڭلىغانلىرىمىز خاتا ، ئەپقاچتى خەۋەرلەر ئوخشايدۇ. بۇ ئۇيغۇر قىزىدىن ھەقىقەتەن پەخىرلەندۇق، بەكمۇ خوشال بولدۇق. ئاتا ئانىڭىزغا، تىرىشچانلىقىڭىزغا ، ئوقۇتقۇچى -ئۇستازلىرىڭىزغا، ساۋاقداشلىرىڭىزغا كۆپ ئاپىرىن.

Erkman

	پەخرىيە ئەشرەب قىزى (غەزەل) بارخان بىرلا ئاللاھ قۇدرىتىدە پەخرىيە ئەشرەب قىزى، يىلتىزى قۇت نۇسرىتىدە پەخرىيە ئەشرەب قىزى. ئول «تۇمارس»، «ئايخاقان»دا پاكىزە، ئەۋزەل ئۇدۇم، سۈت- «ئوغۇز»نىڭ خىسلىتىدە پەخرىيە ئەشرەب قىزى. ئىچمىشى كەۋسەرى-ئىرپان، دىن، ئىلىمدۇر ئىككى يان، ئەقلى ئىمان خىلۋىتىدە پەخرىيە ئەشرەپ قىزى. كىم سېنى مەزلۇم دېگەي جەھلىڭدە پەيمان ئۇرغىسا، ئەقلى ئارتۇق نىسبىتىدە پەخرىيە ئەشرەب قىزى. ئىپتىخار غەمخورىدا، ھەيرانى-ھەس شۇ ھويلىدا... رەشكىسىزنىڭ ھۆرمىتىدە پەخرىيە ئەشرەب قىزى. قىسمىتى تۈگمەن تېشىدەك باسسىمۇ ئىقبالىنى، ئەجرى ئالتۇن فۇرقىتىدە پەخرىيە ئەشرەب قىزى. كۈلمىشىڭ ئەتە ۋەيا ئۆگۈن مۇقەررەر خەيرىيەت، بەيگى تۇلپار سۆلىتىدە پەخرىيە ئەشرەب قىزى. http://bbs.xjzjxh.com/Topic.aspx?BoardID=14&TopicID=4428

dilroh

	Coffee يوللانغان ۋاقتى  2011-يىلى 6-ئاينىڭ 30-كۈنى 16:21 توۋا، ماتىماتېكىدا تولۇق نومۇر دەڭ. ئاللا مەدەت بېرىپت ... كۈچىڭىزنى بالىلىرىڭىزغىلا كۆرسەتمەي، بالىڭىزغىمۇ كۆرستىڭ، دەيمەن. بۇ گەپنى تازا چۈشۈنەلمەي قالدىم جۇمۇ ھەدە