شېئىرنى ھېس قىلىش

kamiran

	شېئرنى ھېس قىلىش      ساپ ھېسىيات تەخىرىسىز بولىدۇ.شېئىردا ئىپادىلەنگىنى پەقەتلا مەۋجۇدىيەتتىكى ئەڭ گۆزەل،ئەڭ مەنىلىك نەرسىلەرنىڭ قويۇق ھەم نازۇك ھېسىيات بىلەن ئىپادىلىنىپ چىقىشىدۇر.ئەلىۋەتتە،شېئىردا ئىپادىلەنگىنى نوقۇل ھالدىكى تۇرمۇشقا بولغان چۈشەنچىلا ئەمەس، ھەم ۋەقە بىلەن ۋەقەنىڭ باغلانمىسىمۇ ئەمەس،ئېنىقكى بىر ئۆتكۈنچى ھېسىياتمۇ ئەمەس. ئۇنىڭدا ۋەقە بايان قىلىنمايدۇ ھەم خۇلاسە قىلىنمايدۇ .پەقەت رىئېال چۈشەنچىلەر شائىرلارنىڭ پاك ھەم سەمىمى،گۆزەل ھەم نازۇك،قويۇق ھەم توختىماس ھېسىياتلىرى بىلەن ئىپادە قىلىنىپ چىقىشىدۇر خالاس.     شېىئىردا مەزمۇن جەھەتتىن ئېلىپ ئېيتقاندا،ئەڭ ئاددى تۇرمۇش كارتىنىلىرى،شۇنىڭدەك ئەڭ مۇرەككەپ تۇرمۇش ھېكايە كەچمىشلىرى بولۇشىمۇ مۇمكىن.مەيلى قانداقلا مەزمۇنى كۆرىنىش قىلغان بولسۇن،ئەڭ مۇھىمى شېئىردا نازۇك ھەم قويۇق ھېسىيات دولقۇنلاپ تۇرىدۇ.     شېئىرنىڭ مەزمۇنى بىلەن شەكلى بىر بىرىدىن ئايرىيالمايدۇ.قانداق شېىئرى مەزمۇن مەيلى قانداق شېئىرى شەكىل بىلەن ئىپادە قىلىنىشىدىن قەتىنەزەر،ئۇنىڭدا شائىرلارنىڭ نازۇك ،پاك ھېسىياتلىرى ئۇرغۇپ تۇرىدۇ.     شېئىر _قەدىمكى زامان ئۇسۇلبى تۈسىنى ئالغان بولسۇن،ياكى غەرىب شېئىرىيتى،خەنزۇچە شېئىرلارنىڭ ئالاھىدىلىكىنى قوبۇل قىلىپ،ئۆرنەك قىلىغان بولسۇن،شائىرلار ئوخشاشلا كىتاپخانىلارنىڭ خوشاللىقى ئۇچۈن خوش بولۇش،قايغۇسى ئۈچۈن قايغۇرۇشتىن ئىبارەت ھېسىيات ئىلىكىدە بولىدۇ.دىمەك،شېئىر نازۇك ھېسىياتىنڭ بىر خىل كارتىنىسى.تۇرمۇشتىكى دائىم يولۇقۇپ تۇردىغان ئاددى ھەم مۇرەككەپ ئىشلار بولسۇن،ئادەمدە بۇ خىل دائىملىق ئىشلار ياكى ئۆزگىرشچان نەرسىلەرگە قارىتا بىر خىل تەسىرات تۇيغۇسى،ھېس قىلىش تۇيغۇسى بولىدۇ.ئەمىلىيەتتە،تۇرمۇش بىر سەنئەت،ئۇنىڭدىكى بارلىق-بارلىق نەرسىلەر سەنئەت دەرىجسىگە كۆتۈرۈلگەن بولىدۇ.تۇرمۇشتىكى تىپىك ۋەقەلەرنى ئوبرازلىق تەپەككۇر،بەدئى ۋاستە،گۆزەل تىل بىلەن ئىپادىلەش شائىرلارغا خاس بولسىمۇ،لېكىن شېئىرنى ھېس قىلىش ھەممە ئادەمدە بولدىغان ئورتاق بىر تۇيغۇ.ئادەم دېمەك__شائىر دېمەكتۇر....ئادەم ھېسىياتلىق تەپەككۇر پائالىيىتىگە ئىگە ئالاھىدە ھايۋان.ھېس قىلىش تۇيغۇسى ھېسىياتلىق ھەممە ئادەمدە بولىدۇ.شۇڭلاشقا شېئىرنى چۈشىنىشمۇ ئۇنچىلىك ئاددى ھەم ئۇنچىلىك مۇرەككەپ ئىش ئەمەس.پەقەت بىر پۈتۈن ھېسىياتىمىزنى شېئىر ئىچىگە باشلاپ كىرسەكلا،ئادەمدە بولۇشقا تېگىشلىك ھېس قىلىش ھۈجەيرىسى جالىنىشقا باشلايدۇ دە،ئېچىرقىغان قەلىبلەر شېئىرنىڭ لەرزىتىدە مەنىۋى ئوزۇق ئېلىپ ،ئېيتىپ تۈگەتكۈسىز شادلىقتا توختىماي كۈلىدۇ.شۇڭا شېئىرنى چۈشىنىشتە ،ئالدى بىلەن شېئىرنى ھېس قىلىش ئەڭ مۇھىم. ھېس قىلىش ھۈجەيرىسى ھەمىمىزگە مەنسۈب. پايدىلانغان ماتىرياللار: 1.خەيزى ۋە شېئىرنىڭ كامالىتى،   رىسالەت.مەردان؛ 2.شېئىرنىڭ ئوتى ،   ھەبىبۇللا مىجىت؛ 3.شېئىر ۋە ئۇنى چۈشىنىش،   غەيرەت ھوشۇر؛ 4.غەرىب ،ئامېرىكا ھازىرقى شېئىرلىرىدىن 100پارچە ،叶维廉  تەرجىمىسى. 2011-يىلى 6-ئاينىڭ 25-كۈنى  دالىيەن.

مەرۋەرى

	سالام كامىران! ئۇزۇن بوپتۇ، مۇنبەرلەردە ئېسىل يازمىلىرىڭىزنى كۆرمىگىلى، يوقاپ كەتمەي كىرىپ تۇرۇڭ!

anar

	شۇنداق ھىس قىلغۇدەك شېئىرلىرىنى ھىچ يازاي دىمەيدۇ بۇ ھەدەشلەر :'(

مەرۋەرى

	anar يوللانغان ۋاقتى  2011-يىلى 6-ئاينىڭ 26-كۈنى 00:01 شۇنداق ھىس قىلغۇدەك شېئىرلىرىنى ھىچ يازاي دىمەيدۇ بۇ ھ ... ھەدەشلىرىڭىز يازلىق ساياھەتتە بولسا كېرەك، ئانىرىم.   ئەمما سەۋىرچانلىق بىلەن ساقلاڭ چوقۇم يازىدۇ!:P

Aydar

	ئانار پىشقاندا يازىمىز. بىر سىۋەت ئانارنى يەپ ئولتۇرۇپ....

مەرۋەرى

	Aydar يوللانغان ۋاقتى  2011-يىلى 6-ئاينىڭ 28-كۈنى 22:59 ئانار پىشقاندا يازىمىز. بىر سىۋەت ئانارنى يەپ ئولتۇرۇپ ... :lol ئېكراننىڭ يۈزنىنى قوي بوغۇزلىغاندەك قىپ- قىزىل قىلىپ ئولتۇرۇپ يەيمىز دەڭە، بىر سېۋەت ئانارنى;P

Aydar

	چىداڭ...ئانار يىسەم ئولتۇرالمايلا قالىسىزغۇ زادى...:o شېئىرنى قەلىب بىلەن ھېس قىلىش كىرەك. بۇنىڭغا ئەلۋەتتە ئازراق ئىستىتىكىلىق تەربىيەلىنىش بولمىسىمۇ بولمايدۇ.

anar

	Aydar يوللانغان ۋاقتى  2011-يىلى 6-ئاينىڭ 29-كۈنى 20:07 چىداڭ...ئانار يىسەم ئولتۇرالمايلا قالىسىزغۇ زادى... شې ... زادى شۇنداق ھىچنىمىگە چىدىمايدۇ بۇ چىدىماس  :lol بۇدا كەلگەندە ئۇدۇللا ماڭا خەۋەر قىلىڭچۇ ، ئامراق چىيىڭىزىدىن دەملەپ ، ئانار بىلەن كۈتۈۋالىمەن :hug:

Aydar

	دۈشەنبە كۈنى سائەت سەككىزدە بىكەتتە ساقلاپ تۇرارسىز ئەمىسە...:lol

دىلەيسەم

	پەقەت بىر پۈتۈن ھېسىياتىمىزنى شېئىر ئىچىگە باشلاپ كىرسەكلا،ئادەمدە بولۇشقا تېگىشلىك ھېس قىلىش ھۈجەيرىسى جالىنىشقا باشلايدۇ دە،ئېچىرقىغان قەلىبلەر شېئىرنىڭ لەرزىتىدە مەنىۋى ئوزۇق ئېلىپ ،ئېيتىپ تۈگەتكۈسىز شادلىقتا توختىماي كۈلىدۇ. ------- بۇ جۈملە نەك ياخشى چىقىپتۇ، راست بىر پارچە ئېسىل يېزىلغان شېئىرنى ھېس قىلىشنىڭ ئۆزى بىر سەنئەت. ئۇنى مۇنداقلا ئوقۇسىڭىز ئۇ بىر شېئىر خالاس، ئەمما كامىران ئېيتقاندەك سىز بىر پۈتۈن ھېسىياتىڭىزنى شېئىر ئىچىگە باشلاپ كىرىپ ئوقۇغىنىڭىزدا، بۇ ئاددى بىر پارچە شېئىردىن نۇرغۇن نەرسىلەرنى ھېس قىلالايسىز، تەشەككۈر سىزگە كامىران!