كەلگۈسىدە ئالقىشلىنىدىغان 10 تۈرلۈك خىزمەت (2)

سامسىپەز

	ئالدىنقى بۆلەكتە ئالەم ئۇچقۇچىسى، ھايۋانلانى كۆچۈرۈپ ئورۇنلاشتۇرۇش ئىنژىنېرى، ھامىلە دوختۇرى، ئۇچۇر تەھلىلچىسى ۋە ئادەم ئورگانىزىملىرىنى لايىھەلەپ ياسىغۇچى... دېگەندەك 5 تۈرلۈك خىزمەتنى تونۇشتۇرغان ئىدۇق. ئەمدى قالغانلىرىغا دىققەت قىلغايسىز. 6. ماشىنا ۋە ئادەملەرنى ماسلاشتۇرغۇچى ۋەزىپىسى: ئادەم ۋە ماشىنا ئادەملەر ئوتتۇرىسىدىكى مۇناسىۋەتلەرنى تەڭشەپ، ئىناق ياشاشقا كاپالەتلىك قىلىش؛ ۋاقتى: 2030- يىللىرى؛    كەلگۈسىدە سىزنىڭ ئاددىيغىنە تەنە گەپلىرىڭىزنىمۇ  چۈشەنمەيدىغان ماشىنا ئادەملەر ئىشتىن بوشىتىلىپ، تېخىمۇ ئەقىللىق بولغان ماشىنا ئادەملەر ياسىلىپ ئىنسانلار ئارىسىغا سىڭىپ كىرىدۇ. قوبۇل قىلىنىدىغانلار: سۈنئىي ئىدراك تەتقىقاتى كەسپىنى پۈتتۈرگەنلەر ( Carnegie Mellon University،  Massachusetts Institute of Technology قاتارلىق مەكتەپلەرنىڭ كەسپلىرى تەۋسىيە قىلىنىدۇ ) 7. يەر شارى كۈزەتكۈچىسى ۋەزىپىسى: سۈنئىي ھەمراھلار ئارقىلىق يەر شارىنى كۈزىتىش؛ ۋاقتى: 2030- يىللىرى؛    مۇلتى سپاكتراللىق سۈنئىي ھەمراھلار بوشلۇقتا تۇرۇپ زىمىن ئاستىدىكى قەدىمىي خارابىلەردىن تارتىپ، تېمپراتۇرا ئۆزگۈرۈشلىرى، نوپۇس ئۆزگۈرىشى، يېپىنچا ئۆسۈملۈكلەر، ھەتتا يۇقۇملۇق كېسەللىكلەرنىڭ تارقىلىش ئەھۋالىگىچە كۈزىتەلەيدۇ. تېخنىكىنىڭ تەرەققىياتىغا ئەگىشىپ بىز تېخىمۇ يۇقۇرى ئېنىقلىقتىكى فوتو ئۇچۇرلارغا ئېرىشەلەيمىز.   قوبۇل قىلىنىش دائىرىسى: ئارخىلوگىيە، يەر شارى فىزىكىسى كەسپىنى پۈتتۈرگەنلەر ( ئامېرىكا ۋىسكانسىن ئۇنىۋېرستىتى بۇ ساھەدىكى تەتقىقاتلاردا ئەڭ ئالدىدا ماڭماقتا ) 8. ئالەم بوشلۇقى قۇرۇلۇش ئىنژىنېرى ۋەزىپىسى: ئالەم بوشلۇقىدىكى تۈرلۈك پونكىت قۇرۇلۇشلىرىنى ئېلىپ بېرىش؛ ۋاقتى: 2025- يىللىرى؛    2010-يىلى 28- ئىيۇن، ئوباما ھۆكۈمىتى 2025- يىلىدىن بۇرۇن تاشقى پلانېتلارنىڭ بىرىدە ئورۇن ئىگىلەشنى پىلانغا كىرگۈزگەن. يېقىن كەلەۈسىدە، ئىنسانلار مارستا قىممەت باھالىق قېزىلمىلارنى قېزىشى، مارسنى دەڭ-ساراي قىلىۋېلىشى مۈمكىن.  بۇنىڭ ئۈچۈن تۈرلۈك سىناقلارغا ، مەسىلەن: پەۋقۇلئاددە يۇقۇرى ياكى تۆۋەن تېمپىراتۇرىغا، كۈچلۈك رادىئاتسىيەلەرگە بەرداشلىق بېرەلەيدىغان قۇرۇلۇش ۋە ماشىنا-ئۈسكىنىلەرگە ئېھتىياجلىق بولىمىز. ئۇنىڭدىن باشقا، قېزىلما بايلىقلىرى قىس بولىدىغان ئالەم بوشلۇقىدا ياشاش بىلىملىرى بەكمۇ زۆرۈر بولىدۇ. قوبۇل قىلىنىش دائىرىسى: ئالەم بوشلۇقى قۇرۇلۇشى كەسپىدىكى ئاسپىرانتلار ( پۈتۈن ئامېرىكا بويىچە پەقەت خيۇستون ئۇنىۋېرستىتىدىلا بۇ كەسپ بار ) 9. يادرو رېئاكسىيە قازىنى ئىشچىسى ۋەزىپىسى: يادرو رېئاكسىيە قازىنىنى باشقۇرۇش؛ ۋاقتى: 2025- يىللىرى؛   خەلقئارا يادرو رېئاكسىيەسى ئىسسىقلىق ئېنىرگىيە تەجرىبىسى 2019- يىلى ئىشقا كىرىشتۈرۈلىدۇ. بۇ ئېلىكتر ئېنىرگىيسى چىقىرىدىغان تۇنجى يادرو رېئاكسىيە قازىنى ئىشقا كىرىشتۈرۈلسە، تەخمىنەن بەش زاۋۇتتىن نەچچە مىڭ مېگاۋات توك ئىشلەپچىقىرىپ، پۈتۈن نېۋيورك شەھرىنى كەڭتاشا تەمىنلىيەلەيدىكەن. يادرو رېئاكسىيەسىگە مۇناسىۋەتلىك خىزمەتلەر كۆپىيىدىكەن. قوبۇل قىلىنىش دائىرىسى: خەلقئارا يادرو رېئاكسىيەسى تەجرىبىخانىسى تەۋسىيە قىلغان مەكتەپلەرگە بېرىپ بىلىم ئاشۇرۇڭ. 10. تەپەككۈر خاككېرلىرى ۋەزىپىسى: تەپەككۈرنى بۇزۇش؛ ۋاقتى: 2030- يىللىرى؛   ئۆتكەن يىلى ئامېرىكا ئادۋوكاتلىرى تۇنجى قېتىم " يالغانچىلىقنى تەكشۈرۈش ئاپپارىتى" نىڭ نەتىجىسىنى سوتتا ئىسپات قىلىپ ئىشلەتتى. بىراق كېيىن بۇ خىل ئىسپاتنى كىشىنى قايىل قىلارلىق ئىلمىي ئاساسى يوق دەپ قاراپ، ئەمەلدىن قالدۇردى. شۇنداقتىمۇ بۇ خىلدىكى كىشىلەرنىڭ " كۆڭلىدىكىنى بىلىۋالىدىغان" تېخنىكا بارغانسېرى تەرەققىي قىلىدۇ. كالىفورنىيە ئۇنىۋېرستىتى بېركلىي شۆبىسىدىكى نېرۋا ئىلمى مۇتەخەسىسلىرى گۇرۇپپىسى چوڭ مېڭىنى سىكانلاپ، ئادەملەر سىرتتىن قوبۇل قىلغان ئۇچۇرلارنى يۈزەكى رەتلەشنى ئىشقا ئاشۇردى. كېيىنچە ئادەملەرنىڭ خاتىرىسىنى، چۈشلىرىنى تەسۋىرگە ئايلاندۇرۇشتا ئۈمۈد زور. قوبۇل جىلىش دائىرىسى: نېرۋا ئىلىمى كەسپى ياكى كومپيۇتېر ئىلىمى كەسپىدە ئوقۇغانلار

جۇلالىق

	2030-يىلغىچە ھايات بوپ قالساملا مەن بىرىنجى بولۇپ بۇ خىزمەتلەرنى تالىشىمەن.

قەھۋە

	نەچچە كۈن يوقاپ كەتكەن جۇلالىق خېنىم بۇ ئادەتتىن تاشقىرى خىزمەتلەرنىڭ خەۋىرىنى ئاڭلاپ، خوتەندىن ئۇچۇپ كەپتۇ مۇنبەرگە! بارغانسېرى ئادەم مېڭىسىنىڭ كېرىكى قالمايدىغان ئوخشايدۇ...

sansiz0903

	شىنجاڭدىكى ئۇيغۇرلار ھەر قانچە جاپالىق ئىشلىسىمۇ نىفىت بۇرغىلاش ئىشلىرىغا ئىشقا ئورۇنلاشماي، ماشىنىغا ماي قاچىلايدىغانلار يەرگە ئىشقا ئورۇنلىشالايدۇ. شۇنىڭغا ئوخشاش، ھەر قانچە جاپا تارتقان بىلەنمۇ يەنىلا بىر پۈشتەك بىلەن مەيدان سىرتىدا قالىسىز

جۇلالىق

	جۇلالىق قايسى كۈنى ھېيىتلىق دەم ئالىمەن دەپ رۇخسەت سوراپ چىقىپ كەتكەن، بۈگۈن دەم ئېلىش تۈگىدى شۇڭا ئىشقا چۈشتۈم. بۇنداق ياخشى خىزمەتلەردىن قۇرۇق قالسام بولماس، شۇڭا كىچىك ۋاقتىمدا ياساپ قويغان قەغەز ئايرۇپىلانغا چىقىپلا مۇنبەرگە ئۇچۇپ كەلدىم بوپتۇمۇ يا؟

Erkman

	ۋاي بۇنداق تۆمۈر-تەسەك بىلەن ھەپىلەشكەندىن يەنىلا تونۇر بېشى، قازان بېشىدىكى خىزمەت ياخشى جۇما !

جۇلالىق

	Erkman بۇ يازمىنى 2010-يىلى 9-ئاينىڭ 14-كۈنى 15:52 دە يوللىغان ۋاي بۇنداق تۆمۈر-تەسەك بىلەن ھەپىلەشكەندىن يەنىلا تونۇر بېشى، قازان بېشىدىكى خىزمەت ياخشى جۇما ! ما ئەركمان ئاكامنى سىز ھەممەيلەننىڭ بوۋىسى تۇرۇپ بۇنداق دەپ بەرسىڭىز، ما ئەرلەر جامائىتى بىزلەرگە كۈن بەرمەيدۇ.

قەھۋە

	جۇلالىق، ئەركمان ئاكىمىز قازان بېشىدىكى خىزمەت ياخشى دەپ، سامسىپەزگە دەۋاتىدۇ.

سامسىپەز

	Coffee بۇ يازمىنى 2010-يىلى 9-ئاينىڭ 14-كۈنى 05:48 PM دە يوللىغان جۇلالىق، ئەركمان ئاكىمىز قازان بېشىدىكى خىزمەت ياخشى دەپ، سامسىپەزگە دەۋاتىدۇ. قەھۋەخان ماياققا قايلاڭ~   ، ئىلگىرلەش روھى بولۇشى كېرەك~!  كەلگۈسىدە يادرو رېئاكسىيە قازانلىرى چىققان يەردە يادرو رېئاكسىيە تونۇرلىرىمۇ چىقىپ قالار؟  ھە شۇ چاغلاردا بىزمۇ يادرو رېئاكسىيە تونۇرلىرىدا سامسا يېقىپ، كاۋاپلارنى پىشۇرساق ياراشماسمۇ؟   سايەجان بىلەن خانىمى جېىنى بار ئىشەك بىلەنمۇ بىر ئوبدان مۇڭدىشىپ كېتىۋېتپتۇ ئەنە؟ جېنق يوق تۆمۈر-تەسەك بىلەن مۇڭدىشالماسمۇ؟ مەن ئۇ ئىككىسىگە 6-خىزمەتنى تەۋسىيە قىلىمەن... [ سامسىپەز بۇ يازمىنى  2010-يىلى 9-ئاينىڭ 16-كۈنى 08:53  دە تەھرىرلىگەن. ]

Qarshi_Qirghak

	بۇنىڭ بىرىنچى قىسمى قەيەردىرەكتىدۇر ؟