ئەرلەر ۋە ئاياللار توغرىسىدا سىنارىيە

جۇلالىق

	ئەرلەر ۋە ئاياللار توغرىسىدا سىنارىيە ئەر ۋە ئايال 1-سىنارىيە: بىر ئەركىشىنىڭ ھاياتى قانداق تۈگىشىدۇ؟ ئايال: چېچىمنى كەستۈرەيمۇ؟ ئەر: بولىدۇ. ئايال: بىراق قىيمايۋاتىمەن. ئەر: ئەمسە كەستۈرمە. ئايال: چېچىمنى ئۆزگەرتىپ باققۇم كېلىۋاتىدۇ. ئەر: ئەمىسە كەستۈر. ئايال: بولدى ماڭا ئەقىل كۆرسەتمە، دۆتلەرگە ئەقىل كۆرسەتكەندەك. ئەر: مېنىڭ قايسىسىنى ياقتۇرىدىغانلىقىمنى بىلگىڭ بولسا، مەن ئۇزۇن چېچىڭنى ياخشى كۆرىمەن. بۇنى سەن بىلىسەن. ئايال: مەن بىلەن تونۇشقاندا، قىسقا ئىدى. ئەر: ۋە ساڭا نېمە دېگىنىم ئېنىق ئېسىمدە: "چېچىڭ ئۇزۇن بولسا نېمىدىگەن چىرايلىق بولاتتى." ئايال: بىراق ھەممىسى كەسكىن دىيىشىۋاتىدۇ. ئەر: ئۇنداقتا ساتىراچخانىغا بارغىن ۋە مەن ئۇخلاي بولدى. سەندىن ئۆتۈنۈپ قالاي. ئايال: ئەمىسە قانداق كەستۈرەي؟ قات-قاتمۇ ياكى ئالدىدىن چۈشۈرۈپمۇ؟ ئەر: قات-قات. ئايال: ماڭا ياراشماسمىكىن، مېنىڭ چېچىم بەك تۈز. ئەر: ئەمىسە پېشانەڭدىن چۈشۈرگىن. ئايال: بەك ئاۋارىچىلىق. ئەر: كىيىن يەنە كەستۈرەرسىن ئايال: ئۇنداقتا ھەرگىز ئۇزاتالمايمەن. ئەر: ئۇزاتقىڭ بولسا كەستۈرمىگىن، جېنىم. ئايال: مېنى جېنىم دېمە. ئەر:؟!؟!؟!؟!؟!؟! 2. سىنارىيە: ئايال ئايال ئا: ۋاي ئاداش، چېچىڭنى كەستۈرۈپسە ھە! بەك چىرايلىق بوپتۇ!! ب: راست دەۋاتامسە؟ تازا ئىشەنگۈم كەلمەيۋاتىدۇ. بەك قىسقا بولۇپ قالمىغاندۇ دەيمەن. ئا: نىمە دەيدىغانسەن؟ مېنىڭ يۈزۈم بۇنچىلىك چوڭ بولمىغان بولسا، مەنمۇ سېنىڭكىدەك كەستۈرەتتىم. مېنىڭ بۇ چېچىم كلاسسىكلىشىپ قالدى، يېڭى پاسونغا ئالماشتۇرۇشتىن قورقىمەن. ب: نىمە دەيدىغانسەن سەن، يۈزۈڭ ھېچقانداق ئەمەسقۇ. قارا، شۇ يەرلەردىن قات چىقارساڭ، بەك پەيزى بولىدۇ! مېنىڭ بويۇم ئېگىز بولمىغان بولسا، دەل سېنىڭكىدەك پوسوندا قىلدۇراتتىم. ئا: ۋاي دوستۇم، قىززىق گەپ قىلىسەن. كاشكى بويۇم سېنىڭكىدەك بولغان بولسا، ھېچ بولمىغاندا، شۇ چۆكۈك مۈرەمنىڭ خەقنىڭ دېققىتىنى تارتىشىدىن توسۇپ قالاتتىم دە. ب: نىمىلەرنى دەۋاتىسەن سەن؟ مۈرىسىنىڭ سېنىڭكىدەك بولۇشىنى ئۈمىد قىلىدىغان نۇرغۇن قىزلار بار...نېمە كەيسەڭ، ساڭا شۇنداق يارىشىدۇ... مېنىڭ شۇ قىسقا بېلىكىمگە قارىغىنە. مۈرەم سېنىڭكىدەك بولغان بولسا، كۆينەكلىرىم خۇددى خەقنىڭكىدەك تۇرامتى؟..... 3-سىنارىيە: ئەرئەر ئا: چېچىڭنى قىسقارتىپسەن (كەستۈرۈپسەن) ھە؟ ب: ھەئە. ئا: يارىشىپتۇ. ب: رەھمەت. مانا موشۇنچىلىك! مەنبە: نۇر تورى

tiwix

	بىرىنجى  سىنارىيەنىڭ  ئالدىنقى  يېرىم  بۆلىگى  بىزنىڭ  ئۆيدىن  ئېلىنغانمۇ  نىمە شۇنچىلىك  ئوخشاشيدۇ  دىسە

Aydar

	نەق چۈشۈپتۇ جۇمۇ...ئەمما مەن سەل ياۋاش كەپ قاپتىمەن.

esil

	راسىت بەزىدە ئۆزمنىڭ گەپلىرىدىن  ئۆزۈمنىڭ ئىچى پۇشىدۇ

anar

	ھىم ، بۇ سىنارىيە بەك جىق بەك جىق تەكرارلىنىدۇ مەندە ....ئاخىرى ئىنكاسسىز قالغان سوئاللىرىمغا ئۆزۈم جاۋاب بېرىپ دىگەندەك ، بەك جىلە بولغاندا :  بولدىلا ، سىزدىن سوئال سورىغىچە تامغا رەسىم سىزىپ گەپ قىلىپ گەپ قىلىپ بولۇپ ئۆچۈرىۋېتەي ....دىگەندەك چېچىلىپ يامانلاشلار بىلەن پەردە يېپىلىدۇ

Aydar

	پەردە يېپىلامدۇ ياكى يېڭى بىر پەردە ئېچىلامدۇ؟