ئاچچىق خاتىرىلەر

مەرۋەرى

	سەن كەينىڭگە قايرىلغان شۇ چاغدا، مەن ساڭا قاراپ ھاڭۋىقىپ تۇرغانتىم. سېنىڭ قارىشىڭ يۈرىكىمنى ياشارتتى. << مېنى ھېلىھەم سۆيىدىكەن >> دەپ ئويلىدىم. ئەمما سەن قايرىلىپ ماڭا بىر قارىۋەتكەندىن كېيىن، بېشىڭنى ساڭگىلىتىپ كىتىپ قالدىڭ.ئەجەبا سەن مېنى سۆيمەسسەنمۇ ؟ سەن كەينىڭگە قارىغان شۇ چاغ، مەن تاماكاڭنىڭ ئىسىنى كۆرۈپ جىممىدە تۇرۇپ قالدىم. تاماكاڭدىن چىققان ئىس خۇددى مېنىڭ سۆيگۈمدەك سېنىڭ يۈزلىرىڭگە يامىشىپ، ئاستا-ئاستا ھاۋاغا تارقاپ تۇراتتى. تاماكاڭنى تاشلىدىڭ ۋە ئايىغىڭ بىلەن بىرنى دەسسەپ مىجىۋەتتىڭ، خۇددى مېنىڭ يۈرىكىمنى سۇغۇق قاراشلىرىڭ بىلەن مىجىغاندەك. مەن يەنە ھالسىز قاراپ تۇردۇم. مېنىڭ ئامالسىزلىقىم دەل مېنىڭ سۆيگۈم ئىدى. سەن كەينىڭگە قارىغان شۇ چاغ، مەن غەيرەتكە كېلىپ ساڭا بىر ئېغىز گەپ قىلماقچى ئىدىم. لېكىن سەن مېنىڭ كۆزلىرىمگە بىر قاراپ مەندەكلا ھالسىز كۈلدۈڭ. مەن سۆيگۈنى سەندىن ئىزلىمەكچى ئىدىم. لېكىن، سېنىڭ كۆزلىرىڭدە بىخلاپ تۇرغىنى ئايرىلىش دىگەن سۆز بولدى. ئامالسىز كەينىمگە قايتتىم. ئاسماندا بىر نەچچە بۇلۇت غەمسىزغىنە ئۈزۈپ تۇرۇپتۇ. ئۇلارغا قاراپ شامالغا ئايلىنىپ ئۇچۇپ ئاسمانغا چىقىپ كەتكۈم كەلدى. لېكىن مەن شامالغا ئايلىنالمايمەن، خۇددى سەن  ئەمدى مېنىڭ  تۇيغۇلىرىمنى تىڭشىيالمايدىغاندەك. ھەسرەتيا....ھەسرەت. شامال مېنىڭ بوينۇمدىكى قىزىل ياغلىقنى ئېلىپ كەتتى. ئۇنى ئاسمانغا ئېلىپ چىقىپ يىراقلارغا ئۇچۇرۇتۇپ كەتتى، سېنىڭ لىۋىڭدە سۆيۈلۈپ، ئوتتا كۆيۈپ ئىس چىقارغان، لېۋىڭنى مەڭگۈلۈك ماكان تۇتتۇم دەپ ئويلىغان، ئاخىرى ئۆز رولىنى يوقىتىپ تاپىنىڭ ئاستىدا مىجىلغان بىچارە تاماكا قالدۇقىمۇ شامالدا يىراقلارغا ئۇچۇپ كەتتى. شۇ چاغدىلا مەن يەنە بىر قايرىلىپ قارىشىڭنى كۈتمەي كەينىمگە قايرىلدىم. ئالدىمدا كۆپكۈك سۇلىرى يەلپۈنۇپ تۇرغان كۆلدىكى بىر-بىرىگە بېقىشىۋاتقان بىر جۈپ ئۆردەك بولدى.....(ھەسەل خاتىرىلىرىدىن)

Aydar

	تونۇغاندەكلا قىلىمەنغۇ؟!!!

مەرۋەرى

	Aydar يوللانغان ۋاقتى  2011-يىلى 6-ئاينىڭ 18-كۈنى 21:45 تونۇغاندەكلا قىلىمەنغۇ؟!!! شۇنداق بولمايچۇ....چۈنكى ھەسەلدىن ئايدار چىققانمۇ ياكى ئايداردىن ھەسەل چىققانمۇ ئىشقىلىپ بىر ئىشلار بوپ كەتكەن

sarsan@axik

	مەزمۇنى   ياخشى چىقىپتۇ   رەخمەت سىزگە

Aydar

	بۇنى قاچان يازغان بولغىيدىم؟ قاتتىق تالانىتلىق ۋاقىتلىرىم ئىكەنتۇق، ھەسرەت دىگەن توشاق....

مەرۋەرى

	Aydar يوللانغان ۋاقتى  2011-يىلى 6-ئاينىڭ 18-كۈنى 21:51 بۇنى قاچان يازغان بولغىيدىم؟ قاتتىق تالانىتلىق ۋاقىتل ... ھېلىقى خاپا بولسىڭىزلا شېئىر يازىدىغان چاغلىرىڭىز نەچچىنچى يىللار بولغۇيتتىكىن ، مەن 2009 - يىلى 5- ئايدا كۆچۈرۋاپتىكەنمەن.

Aydar

	ھازىر ئۇيقۇم كەلسىلا ئۇخلايدىغان بوپ قالدىم.....

مەرۋەرى

	Aydar يوللانغان ۋاقتى  2011-يىلى 6-ئاينىڭ 18-كۈنى 21:56 ھازىر ئۇيقۇم كەلسىلا ئۇخلايدىغان بوپ قالدىم..... چارچاپ قاپسىز....

anar

	شامال مېنىڭ بوينۇمدىكى قىزىل ياغلىقنى ئېلىپ كەتتى. ئۇنى ئاسمانغا ئېلىپ چىقىپ يىراقلارغا ئۇچۇرۇتۇپ كەتتى، سېنىڭ لىۋىڭدە سۆيۈلۈپ، ئوتتا كۆيۈپ ئىس چىقارغان، لېۋىڭنى مەڭگۈلۈك ماكان تۇتتۇم دەپ ئويلىغان، ئاخىرى ئۆز رولىنى يوقىتىپ تاپىنىڭ ئاستىدا مىجىلغان بىچارە تاماكا قالدۇقىمۇ شامالدا يىراقلارغا ئۇچۇپ كەتتى. ....................پۈتۈن ۋۇجۇدى بىلەن  كۆيۈۋاتقاندا ،قەدىر -قىممىتىنى يوقاتقاندىن كېيىنىكى  تەقدىرىنى ئويلاشقا نەدىكى چولىسى  بولسۇن ؟

xakilat

	سەن كەينىڭگە قارىغان شۇ چاغ، مەن تاماكاڭنىڭ ئىسىنى كۆرۈپ جىممىدە تۇرۇپ قالدىم. تاماكاڭدىن چىققان ئىس خۇددى مېنىڭ سۆيگۈمدەك سېنىڭ يۈزلىرىڭگە يامىشىپ، ئاستا-ئاستا ھاۋاغا تارقاپ تۇراتتى. تاماكاڭنى تاشلىدىڭ ۋە ئايىغىڭ بىلەن بىرنى دەسسەپ مىجىۋەتتىڭ، خۇددى مېنىڭ يۈرىكىمنى سۇغۇق قاراشلىرىڭ بىلەن مىجىغاندەك. مەن يەنە ھالسىز قاراپ تۇردۇم. مېنىڭ ئامالسىزلىقىم دەل مېنىڭ سۆيگۈم ئىدى. ------------- نىمانچە ئوماق ئوخشىتىشلار بۇ، ھەسەلمۇ سىزما ئايدار، ھەقىقەتەن ياخشى ئەسەرلەرنى يازىدىكەنسىز قول قويۋەتتىم سىزگە