ئېرىڭىزنىڭ «قىز دوست» تۇتالىغانلىقىدىن پەخىرلىنەمسىز

janu

	يېقىندا ئايالىمدىن بىر خىزمەتدىشىنىڭ ئېرىنىڭ قىز دوستلىرىنىڭ كۆپلىكى، كۈندە توردا يېڭى-يېڭى قىز دوستلارنى تاپىدىغانلىقى، قىز دوستلىرىنىڭ ئەرگە ناھايىتى ئامراقىلىقى، تېخى بىر نەچچىسىنىڭ ئۇنى يۇرتلىرىغا تەكلىپ قىلغانلىقىنى پەخىرلىنىپ سۆزلەپ بەرگەنلىكىنى ئاڭلىدىم. ئايالىمنىڭ خىزمەتدىشىنىڭ: «ئېرىمنىڭ قىز دوست تۇتالىغانلىقى ئېرىمنىڭ ياخشىلىقىنى چۈشەندۈرۈپ بېرىدۇ» دېگەن گېپىنىڭ يېقىنقى يىللاردىن بۇيان قىز-ئاياللار ئارىسىدا تارقىلىپ، مودىغا ئايلانغان «ئۆزۈڭ ياخشى بولساڭ، ئاشناڭ بولمامتى» دېگەن گەپكە يېقىنراق كېلىدىغانلىقىنى ھېس قىلدىم. بۇ گەپنىڭ مەنىسىنى تەھلىل قىلساق، «ئەرلەرنىڭ ياخشى-يامانلىقى ئاشنىسىنىڭ بار-يوقلۇقى، ئاز كۆپلۈكى بىلەن ئۆلچىنىدۇ» دېگەن مەنىنى بىلدۈرىدۇ. گەرچە ئۇ ئايالىنىڭ ئاغزىدىن «ئاشنا» سۆزى چىقمىغان بولسىمۇ، توقلۇقتىن شوخلۇق چىقىۋاتقان، بۈگۈنكىدەك مەدەنىيەت ئەخلاق يالىڭاچلىنىۋاتقان دەۋىردە ھېچكىممۇ «قىز دوست» نى «ئاشنا» لىققا تەرەققىي قىلمايدۇ، دەپ ئېيتالمايدۇ. جەمئىيەتتىكى نۇرغۇن ئائىلىلەر 3-شەخسنىڭ ئارلىشىشى، بىر كۆرۈشكەندە دوست، ئىككى كۆرۈشكەندە ئاشنا ياكى توقالغا ئايلىنىش سەۋەبىدىن بۇزۇلۋاتىدۇ. ئەگەر سىز جەلپكار، ئېرىڭىز چىن يۈرىكىدىن ياخشى كۆرگۈدەك ئايال بولسىڭىز، ئېرىڭىز قىز دوست تۇتۇشقىمۇ، قىز دوست ئىزدەشكىمۇ قىزىقمايدۇ. سىزدىن تەپ تارتماي، سىزنى قارىتىپ قويۇپ قىز دوست تېپىشقا ئۇرۇنغانىكەن، دېمەك، ئېرىڭىزنىڭ نەزىرىدە سىز پەقەت «خوتۇنلا» ئىكەنسىز، خالاس. شۇڭا «ئەرنى ئەر قىلغانمۇ خوتۇن، يەر قىلغانمۇ خوتۇن» دېگەننى ئۇدۇم بىلىپ، «جەلپكار» ئېرىڭىزنىڭ «قىز دوست» تۇتالىغانلىقىدىن پەخىرلەنمەي، سىزگە بولغان ساداقىتىدىن، مېھىر-مۇھەببىتىدىن پەخىرلىنىڭ. شىنجاڭ قانۇنچىلىق گېزىتى

Aydar

	ئېرىمنىڭ قىز دوست تۇتۇشىغا قەتئىي يول يوق!!!! 没门！！！！

Erkman

	مۇشۇ ئەرخەقلەرنىزە ... ھامان بىر كۈنى جاجىسىنى يەيدۇ، خوتۇنىدىن، جەمئىيەتتىن يېمىسە كۆرگۈلۈكتىن، تەقدىرىدىن ۋە پۇشت-نەسلىدىن يەيدۇ!

esil

	بۇ خوتونللارمۇ ئۆزىنىڭ نەچچە ئوغول دوسىت توتالىغانلىقى بىلەن پەخىرلىنىدۇ ھەقاچان ...........ئىرىم  ئۇندقا قىلىپ قالسا   چانايدىغان رەسىملەر يوقكىنا چىراي ئىپادىلىرىنىڭ ئىچىدە

guldana

	شۇنداق غەزەپلىنىپ تۇرۇپ ئىنكاس يازاي دىۋىدىم، ماۋۇ ئېسىلنىڭ‹ چانايدىغان رەسىم يوقكەن› دىگەن گېپى مېنى بەك كۈلدۈرۋەتتى، مېنىڭ ئېرىم بەكلا ئەسكى ئوخشىمامدۇ ئەمسە، ئۇ ئادەتتە مېنىڭ خىزمەتداشلىرىمدىن ئەھۋاللا سوراپ قويىدۇ، يېقىن دوستلىرىم بىلەن ئاندا- ساندا پاراڭلىشىپ قويىدۇ. قىز دوست تۇتۇش ئۇنىڭ لوغىتىدە يوق گەپ.

sarsan@axik

	ئىنكاسقا   كۇلگۇم   كەلدى

leyli

	پەخىرلەنمەيچۇ ؟ شۇنداق قىن - قىنىمغا پاتماي ..ھاياجىنىمنى باسالماي ،نەچچە كۈنلەرگىچە سۆزلەپ يۈرۈيمەن تېخى داۋاملىق شۇنداق دوستلارنى تۇتۇشقا ئىلھاملاندۇرۇپ تۇرىمەن

جۇلالىق

	يىغلاپ تۇرۇپ كۈلىۋېتىپتۇدە

tabassum333

	نىمە دەيمەن!!! ئەگەر ئەرلەرنىڭ بۇزۇلغۇسى كەلسە ،چانايمەن دەپ پىچاق كۆتۈرگەن بىلەنمۇ بىكار،شۇنىڭ ئۈچۈن ئاشۇ ئىسىل ئەرلەرنىڭ ئىنسابىنى تىلەيلى

anar

	قەدىرلىك ئوقۇتقۇچۇم فىرانسوۋا ئەپەندىم چەكسىز سەمىرىپتۇ ھە ئەركمان ئاكا قىز دوست؟؟؟؟؟؟؟؟ تاناۋىنى غىر ، ئىككى پۇتىنى بىرررررررررررررقىلىمەن لېكىن ، شۇنداق بىر خۇي - پەيلى بولۇپ قالسىمۇ قانداق قىلغۇلۇق ، تارام تارام تۆكۈلۈپ كېتىمەن شۇ