بىلدۈرگۈ: رۇفىنەگە ياردەم قولىمىزنى سۇنايلى!

مەرۋەرى

	sarsan@axik سالغان پۇلنى تاپشۇرۇپ ئالدۇق.

anar

	ئەسلىدىمۇ سوۋۇغان كۆڭۈلنى تېخىمۇ بىئارام قىلىپ يەتتە يىگىت ..... ئاللاھدىن بۇ قىزغا شىپاھلىق تىلەيمەن ، ھەر بىر ئاقكۆڭۈل ئادەملەرگە ئىنساب تىلەيمەن ، باشقا قولۇمدىن كەلمەي قويدى

anar

	تۈنۈگۈن بۇ كىچىك قىزچاقنى يوقلاپ كەلگەندىن بېرى ھەممىمىزنىڭ ئەس-يادى مۇشۇ كىچىك قىزدىلا بولۇپ قالغانىدى ، بايام بۇ قىزنىڭ دادىسى مەرۋەرىگە خوش خەۋەر يەتكۈزۈپ تېلىفون قىلىپتۇ ،روفىنانىڭ بۈگۈنكى روھىي ھالىتى ياخشى ئىكەن ،  ئاخشامدىن بېرى ئاغرىۋاتقان باش ئاغرىقىمۇ قويۇپ بېرىپتۇ ، ئەمدى داۋاملىق تەكشۈرۈپ ، بەدەن قوبۇل قىلالىغۇدەك ھالدا بولسا سۇيۇق يىمەكلىكلەر بىلەن ئوزۇقلاندۇرماقچى ئىكەن ،  مەرۋەرى خىزمەتتە بولغاچقا ماڭا بۇ خوش خەۋەرنى كۈتۈۋاتقان ھەربىر تورداشلىرىمىزغا يەتكۈزۈپ قويۇشۇمنى ئېيتقان ، ئۆزۈممۇ بۇ خەۋەردىن بەك  خوش بولدۇم ، روفىنانىڭ ئەھۋاللىردىن  خەۋەرئالساقلا داۋاملىق يوللاپ تۇرىمىز

مەرۋەرى

	بىز تۈنۈگۈن كەچ مۇنبەردىكى يەتتە يىگىت، ئانار ۋە يەتتە يىگىتنىڭ بىر نەچچە دوستلىرى بىلەن بىرلىكتە دوختۇرخانىغا بېرىپ بۇ قىزچاقنى ئۆز كۆزىمىز بىلەن كۆرۈپ كەلدۇق، يۇقىرىدا يەتتە يىگىت ئېيتقاندەك، كىچىككىنە قىزچاقنىڭ بۇرنىغا، ئېغىزىغا سېلىنغان ھەر خىل شىلانكىلارنى كۆرگەن ئادەمنىڭ ئىچى ئېچىشماي قالمايدۇ، مەن بىر ئانا بولۇش سۈپىتىم بىلەن كۆز ياشلىرىمنى يوشۇرۇشقا ئامالسىز قالدىم، بالىنىڭ چاچلىرىنى ئانىلىق مېھرىم بىلەن سىيلىدىم، پېشانىسىگە سۆيدۈم، دوختۇرخانىدىن ساقىيىپ چىقسا قىزلىرىم بىلەن باغچىغا ئاپىرىش توغرىسىدا ۋەدە بەردىم ۋە ئانارنىڭ جىيەنى ئاتايىن ئەۋەتكەن قونچاقنى قولىغا تۇتقۇزدۇم، ئەپسۇس بۇ ئوماق قىزىمىزنىڭ قونچاقنىمۇ ئوڭشاپ تۇتقىدەكمۇ  ھالى يوق ئىدى، يۈرەكلىرىم ئېچىشىپ كەتتى، ئالدىمىزدا ياپراقتەك تىترەپ تۇرغان، ھەم ئاتا ھەم ئانا بولۇپ، بىر بالىنى بېقىپ قاتارغا قاتقان بۇ  ئالىيجاناپ ئاتىغا قاراپ تېخىمۇ چىدىيالمىدىم، چوپچوڭ ئەر كىشىنىڭ كۆزىدىن ياش شۇنداق ئاسان چىقارمۇ؟  ياق!! ئۇنىڭ يېشى پەرزەنت ئوتىدا پۇچىلانغان يۈرىكىدىن چىقىۋاتقان ياش... بىز يىغىش قىلغان 1200 يۈەن پۇلنى قولىغا تۇتقۇزغىنىمدا ئۇنىڭ قوللىرى تىتىرەپ كۆزلىرىدىن يەنە بىر قېتىم ياش چىقىپ كەتتى، ئۇ يىغلاپ تۇرۇپ: رەھمەت، ئارىمىزدا يەنىلا ياخشى كىشىلەر، مېھرىبان ئادەملەر كۆپ ئىكەن، مەن بېشىمغا كۈن چۈشكەندە تونىمىسىمۇ ياردەم قولىنى سۇنغان ئاشۇ مېھرىبانلارغا چىن قەلبىمدىن رەھمەت ئېيتىمەن، سىلەرنىڭ بۇ ياخشىلىقىڭلارنى مەڭگۈ ئۇنۇتمايمەن دېدى. بىز ھەممەيلەن  بۇ قەيسەر ئاتىغا ئاپىرىن ئېيتساق، ئاغىىق ئازابىدا ھېچنىمە دىيەلمىسىمۇ «دادا...دادا» دەپ ئىڭراپ ياتقان ئاشۇ ئوماق رۇفىنەگە ئاللاھتىن شىپالىق تىلەپ دۇئالار قىلىشتۇق. بۈگۈن ئىشتىن چۈشۈپ بالىنىڭ ئەھۋالىنى بىلمەكچى بولۇپ تېلېفون ئۇرسام، قارشى تەرەپتىن تۈنۈگۈنكىدىن جۇشقۇن بىر ئاۋاز كەلدى، ئاڭلاشتىلا دادا خېلى خۇشالدەك  بىلىنەتتى، مەن ھال-ئەھۋال سوراشقاندىن كېيىن، قىزچاقنىڭ تۈنۈگۈن بىز قايتىپ كەلگەندىن تارتىپ تا ھازىرغىچە بېشىنىڭ ئاغرىمىغانلىقىنى ، ياندۇرمىغانلىقىنى، دوختۇرلارنىڭ بالىنىڭ كېسەللىك ئەھۋالىدا ياخشىلىنىش بولۇۋېتىپتۇ، تېخىمۇ تىرىشايلى، دېدى، دېگەن خۇشخەۋەرنى ئاڭلاپ كوچىدىلا ۋارقىرىۋەتتىم. گەرچە بۇ قىز بىلەن مېنىڭ ھېچقانداق قانداشلىقىم بولمىسىمۇ، ئەمما كىچىكىدىن ئانا مېھرىگە قانمىغان بۇ قىزچاقنىڭ بىر كۈن بولسىمۇ ئۇزۇنراق ياشىشىنى ئۈمىد قىلدىم، ئاشۇ مېھرىبان كىشىلەرنىڭ ئەجرىنىڭ بىكارغا كەتمىگەنلىكىدىن خۇش بولدۇم، ئاللاھ بۇ قىزچاقنىڭ كېسىلىگە شىپالىق بەرگەي! مەن بۇ يەردە مۇنبىرىمىزدىكى يەتتە يىگىت، ئانار، نەئىمە، سەرسان ئاشىق شۇنداقلا سىرتتىن بۇ ئىئانە پائالىيىتىگە يېقىندىن  ئاۋاز قوشۇپ ئىسمىنى ئاشكارىلاشنى خالىمىغان بىر نەچچە دوستمىزغا قىزچاقنىڭ ئائىلىسىدىكىلەر ۋە قىزچاق نامىدىن شۇنداقلا مۇنبەردىكى بارلىق دوستلار نامىدىن رەھمىتىمنى بىلدۈرىمەن، ئاللاھ ھەممىڭلارنىڭ ئەجرىنى بەرسۇن!

peacelife212

	بەك ئەھمىيەتلىك ئىش قىلىپسىلەر. ئەپسۇس، مەن بارالماي قالدىم.مىنىڭ خىزمىتىم، شۇ بىر كۈن ئىشلەپ، بىر كۈن دەم ئالغاندىكىن، شەنبە يەكشەنبىسى يوق، ھىيېت-بايرام يوق. ۋاقتى ئۇدۇللاشماي قالدى، ئاز بولسىمۇ كۆڭلۈمنى بىلدۈرىمەن.

مەرۋەرى

	رەھمەت peacelife212  ئاللاھ بۇ قىزچاقنىڭ كېسىلىگە شىپالىق بېرىپ، يەنە بۇرۇنقىدەك خوشال ئويناپ يۈرگەنلىكىنى بىلگىنىمىزدە قىلغان مۇشۇ كىچىككىنە ئىشىمىزدىن تاغدەك سۆيىنىمىز...

tiwix

	بېرىشقا  ئامالسىزلىغىمدىن تۈنۈگۈن  شۇنچىلىك  كۆڭلۈم  يېرىم بولغان  بولسىمۇ  ، لىكىن  قىزنىڭ  ئەھۋالىنىڭ  بۇنچىلىك  ئېغىرلىغىنى  بىلمەپتىمەن .......كۆپ گەپنىڭ  كېرىكى  بولمىسا  كېرەك ، ئاللاھدىن  بۇ  ئوماق  قىزىمىزغا  شىپالىق  تىلەيلى ، تېخىمۇ  ياخشىلىنىش بولغۇسى خۇدايىم ......... مەنمۇ  مۇشۇ  نەچچە  كۈن  ئىچىدە  بىر نەچچە  دوسلىرىمنى   سەپەرۋەر  قىلىپ  بېرىپ  كېلىمەن خۇدايىم  بۇيرىسا ....

saye

	بۇ تېما مۇنبىرىمىزگە يوللىنىشتىن ئىلگىرى كەڭساي تورىغا يوللىنىپتىكەن. ئىشخانىدىكى بىر قانچەيلەن بىرلىشىپ ئازراق كۆڭلىمىزنى ئىبەرتكەن ئىدۇق. مانا بىزنىڭ مۇنبەرگىمۇ يوللىنىپتۇ. ئۆزىمىزنىڭ مۇنبىرى نامىدىن پەرىدەنىڭ كارتىسىغا ئاز بولسىمۇ 50 يۈەننى تورھىساباتى ئارقىلىق ئەۋەتتىم. تاپشۇرۇپ ئالغايسىز.

nawriza

	تولىمۇ ئەھمىيەتلىك ئىش بوپتۇ، ئاللا ئەجرىڭلارنى ئۆز غەزىنىسدىن بېرىدۇ. ئەزەلدىن مۇشۇندھق ئىشلاردىن ئايرىلىپ قالمايتتىم، بەلكىم باش بولۇپ ماڭاتتىم. ئەپسۇس....يېقىندىن سالامەتلىكىم تازا ياخشى ئەمەس شۇڭا مەن سىلەرنى قوللىيالمىدىم، كوڭلۈم يېرىم بولدى. بىراق ھازىرمۇ يوقلاش نىيىتىدىمەن!!!وماق قىزىمىزنىڭ كېسىلىگە ئۇلۇق ئاللادىن شىپالىق تىللەيمەن!!!!!!

مەرۋەرى

	Saye سالغان پۇلنى تاپشۇرۇپ ئالدۇق.