رۇفىنەگە ياردەم قولىمىزنى سۇنايلى!

مەرۋەرى

	بىز تۈنۈگۈن كەچ مۇنبەردىكى يەتتە يىگىت، ئانار ۋە يەتتە يىگىتنىڭ بىر نەچچە دوست ئاغىينىلىرى بىلەن بىرلىكتە دوختۇرخانىغا بېرىپ بۇ قىزچاقنى ئۆز كۆزىمىز بىلەن كۆرۈپ كەلدۇق، يۇقۇردا يەتتە يىگىت ئېيتقاندەك، كىچىككىنە قىزچاقنىڭ بۇرنىغا، ئېغىزىغا سېلىنغان ھەر خىل شىلانكىلارنى كۆرگەن ئادەمنىڭ ئىچى ئېچىشماي قالمايدۇ، مەن بىر ئانا بولۇش سۈپىتىم بىلەن كۆز ياشلىرىمنى يوشۇرۇشقا ئامالسىز قالدىم، بالىنىڭ چاچلىرىنى ئانىلىق مېھرىم بىلەن سىيلىدىم، پېشانىسىگە سۆيدۈم، دوختۇرخانىدىن ساقىيىپ چىقسا قىزلىرىم بىلەن باغچىغا ئاپىرىش توغۇرسىدا ۋەدە بەردىم ۋە ئانارنىڭ جىيەنى ئاتايىن ئەۋەتكەن قونچاقنى قولىغا تۇتقۇزدۇم، ئەپسۇس بۇ ئوماق قىزىمىزنىڭ قونچاقنىمۇ ئوڭشاپ تۇتقىدەكمۇ  ھالى يوق ئىدى، يۈرەكلىرىم ئېچىشىپ كەتتى، ئالدىمىزدا ياپىراقتەك تىتىرەپ تۇرغان ھەم ئاتا ھەم ئانا بولۇپ، بىر بالىنى بېقىپ قاتارغا قاتقان بۇ  ئالىيجاناپ ئاتىغا قاراپ تېخىمۇ چىدىيالمىدىم، چوپ- چوڭ ئەر كىشىنىڭ كۆزىدىن ياش شۇنداق ئاسان چىقارمۇ؟  ياق!! ئۇنىڭ يېشى پەرزەنت ئوتىدا پۇچىلانغان يۈرىكىدىن چىقىۋاتقان ياش... ئۇ بىز يىغىش قىلغان 1200يۇەن پۇلنى قولىغا تۇتقۇزغىنىمدا قوللىرى تىتىرەپ كۆزلىرىدىن يەنە بىر قېتىم ياش چىقىپ كەتتى، ئۇ يىغلاپ تۇرۇپ، رەھمەت، ئارىمىزدا يەنىلا ياخشى كىشىلەر، مېھرىبان ئادەملەر كۆپ ئىكەن، مەن بېشىمغا كۈن چۈشكەندە تونىمىسىمۇ ياردەم قولىنى سۇنغان ئاشۇ مېھرىبالارغا چىن قەلبىمدىن رەھمەت ئېيتىمەن، سىلەرنىڭ بۇ ياخشىلىقىڭلارنى مەڭگۈ ئۇنۇتمايمەن دىدى. بىز ھەممەيلەن  بۇ قەيسەر ئاتىغا ئاپىرىن ئېيتساق، ئاغىرىق ئازابىدا ھېچنىمە دىيەلمىسىمۇ<دادا...دادا> دەپ ئىڭىراپ ياتقان ئاشۇ ئوماق رۇفىنەگە ئاللاھتىن شىپالىق تىلەپ دۇئالار قىلىشتۇق. بۈگۈن ئىشتىن چۈشۈپ بالىنىڭ ئەھۋالىنى بىلمەكچى بولۇپ تېلىفۇن ئۇرسام، قارشى تەرەپتىن تۈنۈگۈنكىدىن جۇشقۇن بىر ئاۋاز كەلدى، ئاڭلاشتىلا دادا خېلى خۇشالدەك  بىلىنەتتى، مەن ھال- ئەھۋال سوراشقاندىن كېيىن، قىزچاقنىڭ تۈنۈگۈن بىز قايتىپ كەلگەندىن تارتىپ تا ھازىرغىچە بېشىنىڭ ئاغىرمىغانلىقىنى ، ياندۇرمىغانلىقىنى، دوختۇرلارنىڭ بالىنىڭ كېسەللىك ئەھۋالىدا ياخشىلىنىش بولۋېتىپتۇ، تېخىمۇ تىرىشايلى، دىدى، دىگەن خۇش خەۋەرنى ئاڭلاپ كوچىدىلا ۋاقىرۋەتتىم. گەرچە بۇ قىز بىلەن مېنىڭ ھېچ قانداق قانداشلىقىم بولمىسىمۇ، ئەمما كىچىكىدىن ئانا مېھرىگە قانمىغان بۇ قىزچاقنىڭ بىر كۈن بولسىمۇ ئۇزۇنراق ياشىشىنى ئۈمىد قىلدىم، ئاشۇ مېھرىبان كىشىلەرنىڭ ئەجرىنىڭ بىكارغا كەتمىگەنلىكىدىن خۇش بولدۇم، ئاللاھ بۇ قىزچاقنىڭ كېسىلىگە شىپالىق بەرگەي! مەن بۇ يەردە مۇنبىرىمىزدىكى، يەتتە يىگىت، ئانار، نەئىمە، سەرسان ئاشىق شۇنداقلا سىرتتىن بۇ ئىئانە پائالىيىتىگە يېقىندىن  ئاۋاز قوشۇپ ئىسمىنى ئاشكارىلاشنى خالىمىغان بىر نەچچە دوستمىزغا قىزچاقنىڭ ئائىلىسىدىكىلەر ۋە قىزچاق نامىدىن شۇنداقلا مۇنبەردىكى بارلىق دوستلار نامىدىن رەھمىتىمنى بىلدۈرىمەن، ئاللاھ ھەممىڭلارنىڭ ئەجىرىنى بەرسۇن!

guldana

	بۇ تېمىنى يوللاپ خاتا قىلماپتىمەن، پەرىشتە سۈپەت دوستلىرىمىزدىن سۆيۈندۈم!

pariyda

	ھوي!مۆمىنجان ئاكىمىزمۇ يارايدۇ -جۇمۇ!!!داۋام ئەتسۇن!!!

مەرۋەرى

	peacelife212 يوللانغان ۋاقتى  2011-يىلى 6-ئاينىڭ 3-كۈنى 18:17 زادى نىمە كىسەل ئىكەن ئاخىرى ؟ خاتا دىئاگنوز قويۇلسا،  ... قىزنىڭ دادىسىنىڭ دىيىشىچە بۇ داۋالاش ھادىسىسى ئىكەنلىكى مۇئەيەنلىشىپ بوپتۇ، قالغان ئىشلاردىن تورداشلارنى يەنە داۋاملىق خەۋەردار قىلىپ تۇرىمىز.