ماقال-تەمسىللەر توغرىسىدا ئويلىغانلىرىم

Qismet

	«ئېگىلگەن باشنى قىلىچ كەسمەس»     مەن ھەر قېتىم مۇشۇ ماقالنى ئىسىمگە ئالسام، ئۇچرىغان خورلۇقنىڭ ئازابى يېنىكلەپ، ماڭا ناھايىتى زور تەسەللىي بولىدۇ. بىراق بۇ گەپنى قايسى «دانا »نىڭ دېگەنلىكىنى بىلمىدىم، بىلگەن بولسام يۈزىگە بىرنى تۈكۈرۈپ قوياتتىم. بېشىم ئېگىلىپ يەرگە تەگدى، ئەمدى ئېگىلىدىغان يېرى قالمىدى. لېكىن، بېشىم يەنىلا ئوخشاش كېسىلىدىغان بولدى.     «توشقاندەك مىڭ يىل ياشىغۇچە، يولۋاستەك بىر كۈن ياشا»     يولۋاستەك بىر كۈن ياشاي دەپ ئويلىغان ئىدىم، بىراق كاللام كېسىلەمدىكىن دەپ قورقۇپ، بىر كۈن توشقاندەك ياشاي دەپ ئۆتكۈزۈۋەتتىم، كۈنلەر شۇنداق ئۆتۈپ كەتتى… ئويلاپ باقسام كۈنلىرىم توشقانداك ياشاش بىلەن ئۆتۈپ كېتىپتۇ. ھەممىلا ئادەم يولۋاستەك بىر كۈنلا ياشىسا، بۇ جاھاندا ئادەم قالامدۇ دەيسىز؟ شۇڭا توشقاندەك ياشاپ تۇراي دېدىم، بۇ كۈنلەردىن زېرىككەندە يولۋاستەك بىر كۈن ياشارمەن!!!     «ھەقىقەت ئېگىلىدۇ، سۇنمايدۇ»     ھەقىقەت مىڭ يىل ئېگىلىپ سۇنمىسا، ئۇنىڭ سۇنغان بىلەن نېمە پەرقى بار؟ «ئوسۇرغاققا ئارپا نېنى باھانە بولۇپتۇ» دېگەندەك، ئۆزىگە تەسەللىي تاپىدىغان مۇشۇنداق ماقال-تەمسىللەرنىڭ پەيدا بولۇشىدا بىرەر سەۋەب بارمۇ-قانداق؟     «كىشىنىڭ يۇرتىدا سۇلتان بولغۇچە، ئۆز يۇرتۇڭدا ئۇلتان بول»     بۇ بەكمۇ دانا پىكىركەن، مېنى ئامېرىكىغا پرېزدېنت قىلسا ھەرگىزمۇ بارمايمەن. مۇشۇ يەردە گاداي پۇقرا بولۇشقا رازى. بۇ بەلكىم ئۆز يۇرتىنى بەك سېغىنغان بىر پادىشاھنىڭ دېگەن گېپى بولسا كېرەك. بۇ بۇرۇنقى زاماندىكى كىشىلەرنىڭ دېگەن گېپى، بەزىلەر ھازىرمۇ بۇنى دەستەك قىلىۋاپتۇ. خۇددى ماڭا ئوخشاش…     بەزىدە 500 بەتلىك روماندىن مۇشۇ يېرىم قۇر كەلمەيدىغان ماقال-تەمسىلنىڭ رولى چوڭراق بولامدىكىن دەپ ئويلاپ قالىمەن. چۈنكى مۇشۇنداق ئەقلىيە سۆزنىڭ كېلىپ چىقىشىدا چوقۇم نۇرغۇن نەرسىلەر سىڭگەن بولىدۇ.     گەپلىرىم تاقا-تۇققۇ چىقىپ قالدى، مۇنداقلا يازدىم، باشقا مەقسەت يوق…     مەنبە: قىسمەت بلوگى     يازما مەنزىلى: http://www.qismet.me/maqal_temsil.html

قەھۋە

	بۇلارنى كۆرۈپ ھەزىل سۇئالغا ھەزىل جاۋاب ئېسىمگە كېلىپ قالدى. بىردە ئويلانسام، بىردە كۈلدۈم. دېمسىمۇ ھەقدەك بىلىنىدۇ دە بەزىدە.    گەپلىرىم تاقا-تۇققۇ چىقىپ قالدى، مۇنداقلا يازدىم، باشقا مەقسەت يوق… ھېچقسى يوق. تاققا-تۇققۇغا يامان چىقتىڭلار ھەر ئىككىڭلار

sarsan@axik

	بىلوگىڭىزنى كۆرۇپ باقاي  ھە

باران

	بەزەن ماقال–تەمسىللەرنى يەنە بىر تەرىپىدىن تەتقىق قىپسىز .ئويلىمىغان يەردىن چىقىپسىز ،كۈلۈپ كەتتىم .

esil

	دىمىسىمۇ بۇ ھەقىقەت بەك ئۇزۇن ئىگىلىپ كەتتى