دوست بولساڭ يېنىمدا تۇر

گۈلسەنەم

	كەلگىنە جانۇ-دىلىم سەن مېنىڭ يانىمدا تۇر ، يانىمدا ئەمەس بەلكى ئوخچۇغان قانىمدا تۇر، بىقارار قان بۇ نەدۇر سەن شىرىن جانىمدا تۇر، بىۋاپا جان دەيدۇلەر ، پاكىزە ئىمانىمدا تۇر، ھەر يامانۇ - ياخشى كۈندە بارچە ئىمكانىمدا تۇر، ئوڭدا تۇر يا سولدا تۇر ، دوست بولساڭ يانىمدا تۇر ! دوستى كۆپ قەددى پۈكۈلمەس دەيدۇلەر قان كەچسە ھەم، كەچمىگەي مەرد دوستىدىن ، مالۇ-جاندىن كەچسە ھەم، بارمىدى، بارمىدى گەرچە رەقىبلەر، زەر چاپانىڭ ئاچسا ھەم، گەرچە تەقدىر خۇش كېلىب يولۇڭغا گۈللەر چاچسا ھەم، مەيلى ھەرنە كەچسە ھەم دوست بولساڭ يانىمدا تۇر، دوست بولساڭ يانىمدا تۇر ، دوست بولساڭ يانىمدا تۇر. مالۇ-دۇنيا قولدا بولسا دوست-يارەنلەر كۆپ بولار، قايغا بارساڭ ئالقىشۇ-ماختاشلار ھەم خۇب بولار، ھېچ قاڭقىما، ھېچ قاڭقىما، ھېچ قاڭقىما ، گەر قاڭقىساڭ غەيۋتچىلەر توپ-توپ بولار، مۇناپىق ھەم ساختا دوستۇڭ دۈشمىنىڭدەك بوپ قالار، مەيلى ھەر نەكى گەپ بولار دوست بولساڭ يانىمدا تۇر. ھەر يامانۇ-ياخشى كۈندە كۆزلەرىم دوست ئاختۇرار، بى كۆڭۈل ھەر سانىيە ، مىڭ شىرىن سۆز ئاختۇرار، كىمكى ئالىي تاپمادى يېگانە گۈل يۈز ئاختۇرار، تاپ سېنى كىم ئاختۇرار ، دوست بولساڭ يانىمدا تۇر. نازىنىنلەر خۇلقى ناز ، دىلغا ئېيتار مەستانە سۆز، نازۇ-خۇلقى جانىڭنى ئالغاي، سۈرمەسى مەستانە كۆز، كەلگىنە جانىمكى سەندىن ئىشتەيىن دوستانە سۆز، قوللارىم تۇتسۇن بېلىڭدىن سىرتماق سال بوينۇمغا يۈز، سالمىقىڭ ئالەمچە بار، دوست بولساڭ يانىمدا تۇر. بۇ جاھاندا دوست يوق دەپ ئۇرما ئاھ ، قىلما خىتاب، ئۆزنى تاپ ھەم ھەقنى تاپ دەپ تەڭرى بەرگەن بىر كىتاب، ھەقنى تاپساڭ دوستنى تاپتىڭ، دوست ئىستىسەڭ ھەقنى تاپ، زەررە ئىمكانىڭ بولسا بىر غېرىب كۆڭلىنى تاپ، ھەق يولىدا قىل ساۋاب، دوست بولساڭ يانىمدا تۇر. كەلگىنە جانۇ-دىلىم سەن مېنىڭ يانىمدا تۇر ، يانىمدا ئەمەس بەلكى ئوخچۇغان قانىمدا تۇر، بىقارار قان بۇ نەدۇر سەن شىرىن جانىمدا تۇر، بىۋاپا جان دەيدۇلەر ، پاكىزە ئىمانىمدا تۇر، ھەر يامانۇ - ياخشى كۈندە بارچە ئىمكانىمدا تۇر، ئوڭدا تۇر يا سولدا تۇر ، دوست بولساڭ يانىمدا تۇر

مەرۋەرى

	دوستلىرىمنىڭ يېنىدا مەن، ھەم دوستلىرىممۇ يېنىمدىدۇر، بىر ئۆمۈر شۇنداق بولغاي ئىلاھىم!

Erkman

	ئېسىل شېئىر ئىكەن! مەن مۇشۇنداق شېئىرلارنى مەتبۇئاتىمىزدا كۆرۈشنى ئارزۇ قىلىمەن! مەتبۇئاتقا ئەۋەتسىڭىز بوپتىكەن؟

Erkman

guldana

	ئەركمان ئەپەندىم شېئىرنى ئوقۇغاچ بۇ ناخشىڭىزدىن شۇنداق مۇڭلاندىمكى تەسۋېرلەپ بېرەلمەيمەن:D

sarsan@axik

	شىېرغۇ ياخشى چىقىپتۇ     بىراق   بەزەن   سۆزلارنىڭ   مەنىسنى   ئۇقمۇدۇم

Erkman

	guldana يوللانغان ۋاقتى  2011-يىلى 5-ئاينىڭ 28-كۈنى 22:32 ئەركمان ئەپەندىم شېئىرنى ئوقۇغاچ بۇ ناخشىڭىزدىن شۇندا ... گۈلدانە سىڭلىم، بۇ دەل «دوست بولساڭ يانىمدا تۇر» تېكىست قىلىنغان شېئىر ئىكەن!

Erkman

	بىر ياقتىن ئوقۇپ بىر ياقتىن ئاڭلىسا ھەقىقەتەن تەگسىز مۇڭغا چۆمىدىكەن !