كېسىۋەتمە ئۆرۈم چېچىڭنى

گۈلسەنەم

	روزى سايىت ___ ئۇيغۇر قىزلىرىغا ئىلتىجا ئۇيغۇر قىزى، چېھرىڭدىن نۇر تارايدۇ، گۈزەللىكىڭ ئاشىقلارغا يارايدۇ، يۈزىڭنى ئاي، كۆزىڭنى كۈن مارايدۇ، __ كەسمە ئاشۇ ئۇزۇن ئۆرۈم چېچىڭنى بەستى - بويۇڭ ئوخشايدۇ ئۇز ئارچىغا، لېۋىڭ غۇنچە، قاڭشىرىڭ تۈز ناچىغا، چېچىڭ ، بىلسەڭ جان بېغىشلار بارچىغا، يات ھەۋەستەقول ئۇزاتما قايچىغا ، كەسمە ئاشۇ ئۇزۇن ئۆرۈم چېچىڭنى! ئەركىدە قوي چېچىڭ بەلدە سويلىسۇن، شەيدا كۆزلەر قاراپ - قاراپ تويمىسۇن، تاڭ سەلكىنى ئۇنى تاراپ ئوينىسۇن، كۆز تەگمىسۇن بىزنى دەردتە قويمىسۇن، كەسمە ئاشۇ ئۇزۇن ئۆرۈم چېچىڭنى! چاچ ئەمەس ئۇ، باشتىكى تاج - زىننىتىڭ، ئۇ غۇرۇرۇڭ، ئەسلى قەدىر- قىممىتىڭ ! ئۇ بايلىقىڭ، چېۋەرلىكىڭ، ھىممىتىڭ، ئاسرا ئۇنى، پەخىرلەنسۇن مىللىتىڭ، كەسمە ئاشۇ ئۇزۇن ئۆرۈم چېچىڭنى! بىلىپ قويغىن: ئۇيغۇر قىزى _ شەرىقلىقسەن، شەرمىڭ بىلەن پۇر باھاسەن _ نەرىقلىقسەن، شۇ چاچ بىلەن ھەركىملەردىن پەرقلىقسەن، شۇ چاچ بىلەن پەخىرلەنسەڭ ھەقلىقسەن، كەسمە ئاشۇ ئۇزۇن ئۆرۈم چېچىڭنى! يىگىت كۆركى بۇرۇت، بىلسەڭ قىزنىڭ چاچ، تۇخۇم چاپقىن چۈشسۇن تېقىم، تىزغا چاچ، ھەسەد قىلىپ قول چىشلىسۇن << كۆزى ئاچ >>، سالسا شەيتان دەي - دەيىگە توپا چاچ! كەسمە ئاشۇ ئۇزۇن ئۆرۈم چېچىڭنى! يارىشىملىق، بەلەن چاچقا قەست قىلما، ئۇنى كېسىپ قىممىتىنى پەس قىلما، يىگىلەرنى مەيۇس، خامۇش _ مەست قىلما، مودا قوغلاپ ئالتۇننى خار _ خەس قىلما، كەسمە ئاشۇ ئۇزۇن ئۆرۈم چېچىڭنى! باغقا قارا، چاتقالمۇ بار، رەنا بار، ئەلگە قارا، غاپىلمۇ بار ، دانا بار . . . چاچقۇ شەكىل ، شەكىلدىمۇ مەنا بار، ئېيت ، قەيەردە سەندەك زىبا، بەرنا بار؟ كەسمە بەرنا ئۇزۇن ئۆرۈم چېچىڭنى! . . . 1995-يىل مارت، خوتەن

guldana

	مەن تېخى ئالدىمىزدىكى ھەپتىنىڭ ئۈچى چېچىمنى قىسقارتىپ ياسىىتاي دىگەندىم، ئەمدى بۇ نىيتىمدىن ياندىم

sarsan@axik

	ئىنكاس قايتۇرۇش guldana نىڭ يازمىسى يارايسىز

Erkman

	ۋاي ئاللا-ئاللا، شۇ نومۇسسىز، شەرەپسىز ساچتىراچنى كۆرمەمدىغان، قىزلىرىمىزنىڭ چېچىنى كېسىپمۇ ئىشمۇ ئەمدى. ئەمما لېكىن بىراقزە، مۇشۇ ئۈرۈمچىدە چېچى كېسىلمىگەن قىزنى يىگىتلەر ئالمامدىكى دەيمەن، بىز خەقمۇ تازا سۈنئىي-ناچار خەق ...