ئۇيغۇر شېئىريىتىدىكى نادىر شېئىرلار 35. ئايال بولۇپ ياشاپ باققۇم بار

ayqiz

	ئايال بولۇپ ياشاپ باققۇم بار ، ھەقىقى ئايال ئايسىمە ئىدرىس ئايال بولۇپ ياشاپ باققۇم بار، ھەقىقى ئايال . ئۇزۇن ئۆرۈم چاچلىرىم بىلەن، چىمەن دوپپا كىيسەم چىرايلىق. ئاماننىساخان نازۇكۇم، رابىيەلەر كىيگەن كىيىمنى، كىيىپ باقسام ئۇيغۇرغا لايىق . جىلۋىلەنسە ئوسما قېشىمدا، يىلىم ئوماق كۈلسە چېچىمدا، چاچتەڭگىلەر جىرىڭلاتسام، نازاكەتلىك سۆزلەر ئاچسام، قوشاقلار تۆكۈلسە لىۋىمدىن، داستانلار پۈتۈلسە تىلىمدىن. تەھسىل قىلسام قانغىچە ئىلىم، موزىكىغا لىق تولسا دىلىم . تارىخ بىلەن چىڭ چىرمىشىپ، تاپمىسام مەڭگۈ تىنىم . ئايال بولۇپ ياشاپ باققۇم بار، ھەقىقى ئايال . تاختا - نوغۇچ كۈلسە مەن بىلەن، قازان - قومۇچ كۈلسە مەن بىلەن، تەملىك بولۇپ ئوخشىسا تاماق، مەيلى ئىدىم ئوتۇن تەرسەممۇ . ئوماققىنا باللىرىمنى ئەگەشتۈرۈپ، مەيلى ئىدى چامغۇر يۇلساممۇ . تۇزۇم كەملىسە، قۇشنىلاردىن سورىسام ئازراق . ھەققىگە سۇنۇپ بەرسەم بىر قاچا تاماق - ھورى كۆتۈرۈلۈپ تۇرغان ئاش . «ئايالىم ئەجەپ كۆيۈمچان »دەپ ئېرىم قەلبىمنى كۆيدۈرسە، ھاياجاندىن چىقسا ئوخچۇپ، مەمنۇنلۇقتا كۆزلىرىمدىن ياش . «ئانا، ئاش ئانا، ئاش....» «تۇزى سەل كەم، تېتىپتۇ ئوتياش » ئېھ، سۆيۈملۈك، سۆيۈملۈك- سۆزلەر، ئاياللىقىمنى تونۇتقان سۆزلەر، مۇھەببەتكە باشلىغان سۆزلەر، يۇرەكلەرنى ياشناتقان سۆزلەر ... ئايال بولۇپ ياشاپ باققۇم بار، ھەقىقى ئايال . ئوغۇز سۈتى بىلەن ئوغلۇمنى، كۈچ - قۇۋۋەتكە تولدۇرۇش راھەت . تامشىپ - تامشىپ ئەمسە سۈتۈمنى، ساپساق ئىككى يىل، ئۇ مەن ئۈچۈن بەخىت ھەم ئامەت . ئانا سۈتى ئۇلۇغ - مۇقەددەس، ئۇ بالىنى قىلار زەبەردەس . ئانا ئۈچۈن بالا ئىمىتىش ئۇ بىر پەرىز، ئۇ بىر پەرىز، بەس ! پەرىزلەرنىڭ ۋەزنى بەك ئېغىر، ئۇ پەرزەنتنىڭ ھەققى، داۋاسى . پەرزەنىت بىلەن ئاتىلار« ئانا » «ئانا ئۇلۇغ ئىنسان رەناسى » ئاق سۈت ھالال، ھالال سۈتۈمدە، ئەقىل بەرسەم، كۆچ قۇۋۋەت بەرسەم، ئەدەپ - ئەخلاق ئۇرۇقلىرىنى ئاق سۈت بىلەن قەلبىگە تەرسەم، قىزىم بولسا شەرم - ھايالىق، ئوغلۇم بولسا باتۇر مەنالىق، «ئانا » دىگە ن سۆزگە مۇناسىپ بولالىسام چىقاتتى ھاردىق . ئايال بولۇپ ياشاپ باققۇم بار، ھەقىقى ئايال . چولپان بىلەن بەسلىشىپ، سەھەر تۇرسام، بەك سەھەر، ھويلا - ئارام ئۆيلەرنى، تازىلىسام تېز - چەۋەر، تەييارلىسام قىززىق چاي، ئىچسەك بىللە ئولتۇرۇپ . قوپالمىسا باللىرىم، ئويغاتسام مەن كۈلدۈرۈپ، گەر چىقمىسا دادىسى، ئويغۇنالماي ئۇيقىدىن، ئاستا كىرسەم يېنىغا، پىچىرلىسام بەك شىرىن، «تاڭ ئاتمىسا يېنىمدا ئۇخلىساڭ ئەي ئامرىغىم، سەھەر تۇرۇپ بۈگۈنمۇ، ئىشلەپسەندە بىتىنىم . جاپا تارتتىڭ بىز ئۈچۈن، رەنجىمىگىن قىلچىمۇ، مانا ھازىر چىقىمەن، سوۋىغىچە چېيىممۇ » جاپا نىمە بىلىنمەس، يۈرەك تولۇپ سۆيگۈگە ئىشقا ماڭسا ھەممىسى، ئۇزاتسام مەن ئىشىكتە . ئايال بولۇپ ياشاپ باققۇم بار، ھەقىقى ئايال . ئاي كۈلگەندە ئاسماندا، چۆچەكلىرىم باشلانسا . يۇلتۇزلارنىڭ قېشىغا، پەرزەنتلىرىم ئاتلانسا . ئۇچۇپ كەلسە پەرىشتە، بەخىت گۈلى تەرگىلى . «ئالتۇن كەش» نى قىزىمىز، ئېلىپ قاچسا كەيگىلى . يەنە «ئا، ب، س » نىمۇ ئۇگەتسەمكەن ھەر كۈنى، ھېساپ، تارىخ، تەبىئەت، بىلسە مەندىن كۈن - تۈنى . بولۇپ ئۆيدە مۇئەللىم ، بىلمىگەننى بىلدۈرسەم، بىلىم، ئەقىل گۈلىنى، يۈرىكىگە ئۈندۈرسەم . تولسا ئىللىق ئۆيىمىز، خوشال - قايناق كۈلكىگە . دادىسىمۇ بەخىتنى قاتار چاينىڭ مېھرىدىن كېچەلىسەك ئىككىمىز . ئىشىك ئوچۇق، خاتىرجەم، كىرسە ئۆيگە بالىمىز . ئايال بولۇپ ياشاپ باققۇم بار، ھەقىقى ئايال . ئايال بولۇپ ياشاپ باققۇم بار، مۇھەببەتكە مەڭىز ياققۇم بار، يۈرىكىمنى بېرىپ ئۇزۈمگە ، سۆيگۈدىن كۆپ مېغىز چاققۇم بار . «ئانا » بولسام ئانىغا لايىق، «ئايال » بولسام نازۇك - زىبالىق، خىزمىتىمدە قازىنىپ ئۇتۇق ، شان - شەرەپكە ئېرىشسەم لايىق . قوغلاشمىسام خىيالىي ئامەت، رېياللىقتا يۈرسەم داۋامەت، مەنا ئىزدەپ ھايات يولىدىن، جاپالارغا يوللىسام تاقەت . ۋاقىت مىنى قوغلىسا تىنماي، ئۆتسەم يىللار باغرىغا قانماي، لوتپۇللادەك ئەتىكى كۈنگە ئىرادىنى ئاتىسام تالاي . تىرىشچانلىق قېيىقلىرىغا، پەرزەنتىمنى بىللە چىقارسام . پەزىلىتىم - ۋىژدانىم بىلەن، ئاھ، ئۇلارنىڭ يۈرىكىدە قايتا ياشارسام .

مەرۋەرى

	بۇ شېئىرنى مەن شۇ ۋاقىتلاردا قانچە قېتىملا ئوقۇغىنىمنى بىلمەيمەن، ئىشقىلىپ زېرىكسەم، تېرىكسەم، خوشال بولسام، ئازاپلانسام ئۆزۈمگە ھەمرا قىلىپ كەلگەن ئىدىم. بۈگۈن يەنە بىر قېتىم ئوقۇشقا مۇيەسسسەر قىلغان ئايقىز ھەدەمگە تەشەككۈرلەر بولسۇن!

xakilat

	ھەر- بىر قۇرىدىن ئاجايىپ ھېكىمەتلەر تۆكىلىدىغان شېئىر جۇمۇ بۇ! راستىنلا ھەقىقى بىر ئايال بولۇپ ياشاپ بېقىشنى ئىستەيدىغانلار قانچىلىك قالغاندىمىز، بىر ۋاق تاماقنى ئېتىپ قويۇپ شە ئالغاندەك قىلىپ كېتىمىز، بالىلارغا ئائىلە ئوقۇتقۇچىسى تەييار، ئۆي تازلىقىغا مۇلازىمەتچى ئورۇنلىردىكى تازلىقچىلارنى ئەكىلىۋاتقان........ ئىشقىلىپ ھەقىقى ئايالنىڭ مەنىسى زادى نىمە بولغۇيتتى دەپمۇ قالىمەن بەزىدە:L

tiwix

	ئېھ، سۆيۈملۈك، سۆيۈملۈك- سۆزلەر، ئاياللىقىمنى تونۇتقان سۆزلەر، مۇھەببەتكە باشلىغان سۆزلەر، يۇرەكلەرنى ياشناتقان سۆزلەر ... ئايال بولۇپ ياشاپ باققۇم بار، ھەقىقى ئايال . مەن  بۇنىڭ ئۈچۈن  تىرىشىۋاتىمەن ~:Pھەم نەتىجىمۇ  يارىتىۋاتىمەن :P

مەرۋەرى

	ئوغۇز سۈتى بىلەن ئوغلۇمنى، كۈچ - قۇۋۋەتكە تولدۇرۇش راھەت . تامشىپ - تامشىپ ئەمسە سۈتۈمنى، ساپساق ئىككى يىل، ئۇ مەن ئۈچۈن بەخىت ھەم ئامەت . ئانا سۈتى ئۇلۇغ - مۇقەددەس، ئۇ بالىنى قىلار زەبەردەس . ئانا ئۈچۈن بالا ئىمىتىش ئۇ بىر پەرىز، ئۇ بىر پەرىز، بەس ! پەرىزلەرنىڭ ۋەزنى بەك ئېغىر، ئۇ پەرزەنتنىڭ ھەققى، داۋاسى . پەرزەنىت بىلەن ئاتىلار« ئانا » «ئانا ئۇلۇغ ئىنسان رەناسى » ئاق سۈت ھالال، ھالال سۈتۈمدە، ئەقىل بەرسەم، كۆچ قۇۋۋەت بەرسەم، ئەدەپ - ئەخلاق ئۇرۇقلىرىنى ئاق سۈت بىلەن قەلبىگە تەرسەم، قىزىم بولسا شەرم - ھايالىق، ئوغلۇم بولسا باتۇر مەنالىق، «ئانا » دىگە ن سۆزگە مۇناسىپ بولالىسام چىقاتتى ھاردىق . ئايال بولۇپ ياشاپ باققۇم بار، ھەقىقى ئايال ئاللاھ خالىسا مەن بۇنىڭ ئۈچۈن بەل باغلاۋاتىمەن، ئاللاھ ئارزۇلىرىمغا يەتكۈزگەي:$

ayqiz

	ۋاي جېنىم ئەگەر شۇ پىلانلىق تۇغۇت بولمىغان بولسا ئىدى ، مەن بىر قورا باللىلىق بولاتتىمغۇ دەيمەن .

مەرۋەرى

	ayqiz يوللانغان ۋاقتى  2011-يىلى 5-ئاينىڭ 26-كۈنى 14:39 ۋاي جېنىم ئەگەر شۇ پىلانلىق تۇغۇت بولمىغان بولسا ئىدى  ... سېنىڭ، مېنىڭ دەپ يۈرۈپ، بىزنىڭ بىر قورۇ بالا بولاي دەپ قالدى ھازىر:lol

مودەن

	يەھۇدىلار بالىلىرىنى چوقۇم2يىل ئېمىتىدۇ.بىز ھازىر1.5يىل ئېمىتىمىز.تېخى ئۇمۇ يوق.بەزىلەر شۇ گۈزەللىكىنى دەپ بالا ئېمىتمەيدۇ......بۇنداق قىلمىساق بولاتتى.....

قەھۋە

	بۇ نادىر شېئىرلار توغرىسىدا ئايقىز ناھايىتى زور كۈچ سەرپ قىلغان، بىراقلا يوقاپ كەتتى. مەرۋەرى سەۋەبىنى دەۋەتسىڭىز بولاتتى. ۋەقەدىن ئىلگىرى خېلى تېلغۇنلىشاتتۇق، كېيىن بىراقلا ئۈزۈلدى...

بەگزات

	تولمۇ ئۇلۇغ ئارزۇلرڭىز  باكەن....شۇ بويۇك ئارزۇيىڭزغا بالدۇرراق تۇتۇش  قلغايسىز ..مەدەت  تىلەيمەن ....