بالىلاردىكى ئىشتىھاسىزلىقنىڭ ئالدىنى ئېلىش ئۇسۇللىرى

خۇشچىراي

	ئىشتىھاسىزلىق 10ياشتىن تۆۋەن بالىلاردا كۆپ كۆرۈلىدىغان كېسەللىك ئالامىتىى بولۇپ ، ئۇ ئومومەن كېسەللىك ئالامىتىدىن باشقا ، ناچار ئوزۇقلىنىش ئادىتى ، ئاتا - ئانىلارنىڭ ھەددىدىن زىيادە ئەركىلىتىشى ۋە بالىلارنىڭ بەدىنىدىكى مىكرو ئېلېمىنتلارنىڭ كەم بولۇشىدىن كېلىپ چىقىدۇ . شۇڭا ، بالىلارنىڭ ئىشتىھاسىنى ئېچىشتا تۆۋەندىكى بىر قانچە تەرەپكە دېققەت قىلىش لازىم : 1. تۇرمۇشى رېتىملىق بولۇپ ، ھەر كۈنى ۋاقتىدا تاماق يېيىشى ۋە تاماقنى باشقا ئائىلە ئەزالىرى بىلەن بىللە يېيىشى لازىم . 2.بالىلارغا گۆش ۋە كۆكتات ئارلاشقان تاماق بەرگەندە ، ئۇلارنىڭ تاماق تاللاش ئادىتىنى تۈگەتكىلى بولىدۇ . 3.تاماقنى خوشال -خورام ۋە تېنىچ مۇھىتتا يېيىشى ، ئۇلارنى ئالداش ، قورقۇتۇش ئۇسۇلى ئارقلىق تاماق يېيىشكە مەجبۇرلىماسلىقى ، تاماق ۋاقتىدا ئۇلارنى ھەرگىزمۇ تىللىماسلىق ، ئۇرماسلىق لازىم . ئۇلار قانچە جىددىيلەشسە تاماقنى شۇنچە ئاز يەيدۇ . 4. تاماقنى بالا چارچىغاندا ئەمەس ، بەلكى قورسىقى ئاچقاندا بېرىش لازىم . 5.بالا تاماقنى ياخشى يىگەندە مۇۋاپىق ماختاپ قويۇش كېرەك ، تاماق يىمەي تۇرۇۋالغاندا شۇنىڭغا دېققەت قىلىش كېرەككى ، بەزى بالىلار تاماق يىمەي تۇرۇۋېلىش ئارقىلىق چوڭلارنىڭ دېققىتىنى قوزغايدۇ ، بولۇپمۇ ئۇلار خاپا بولغاندا ياكى خەتەرلىك تۇيغۇ بولغان شۇنداق قىلىدۇ.   6.تاماق تۈرىنى ئۆزگەرتىش ئارقلىق ، بالىلارنىڭ ئىشتىھاسىنى ئېچىش لازىم ، بولۇپمۇ تاماقنىڭ تەمىگە ئېتىبار بېرىش، بالا گۆش يېيىشنى خالىمىسا ، جۇۋاۋا ، ياكى چۆۋۈرە قىلىپ بېرىش ، بېلىق يىمىسە بېلىق كۇمۇلىچى قىلىپ بېرىش لازىم . 7.بالا ئۇسساپ كەتسە تاماقنى ئاز يەيدۇ . بىراق تاماق يىيىشتىن ئاۋۋال ئىچىملىك بىلەن قورسىقىنى تويدۇرۋېلىشقا يول قويماسلىق لازىم. 8.خۇرۇچى كۆپ ۋە تۇزلۇق يىمەكلىكلەرنى كۆپ بەرمەسلىك لازىم . تاتلىق-تۇرۈملەرنى ئامال بار ئاز بېرىش ، ساغلام بالىلارغا ئادەتتە ئوزۇقلۇق تولۇقلاش يىمەكلىكلىرىنى بەرمەسلىك لازىم . 9.مىكرو ئېلېمېنتلار كەم بولۇشتىن ئىشتىھاسىزلىق كېلىپ چىقىدۇ . شۇڭا ئۇلارنى دورا بېرىش ئارقىلىق ئەمەس ، بەلكى يىمەكلىك ئارقىلق تولۇقلاش لازىم . 10.بالا ئاغرىپ قالغاندا ياخشى كۆرىدىغان يېمەكلىكلەرنى ئاز -ئازدىن كۆپ قېتىم بېرىش كېرەك . مەسىلەن تاماق يېيىشنى خالىمىغاندا زورلىماي بىردەم تۇرغۇزۇپ ئاندىن بېرىش ، ئىچ سۈرۈپ ياكى قىززىپ قالغاندا قايناق سۇنى كۆپرەك ئىچۈرۈش لازىم .

مەرۋەرى

	دىمىگەن بىلەن مېنىڭ قىزلىرىمنىڭ ئىشتىھاسى دادىسىنىلا دورىغان دىسە:lol

ayqiz

	مېنىڭ قوشماقلىرىمنىڭ ئىشتىھاسى بەك بەلەن جۇمۇ ، ئىشتىھاسىزلىق كېسىلى كەلمەسكە كەتتىمىكىن دەيمەن .

neyime

	لىكىن شۇنىڭغىمۇ دىققەت قىلش كېرەككى ،مىنىڭ قىزىم تۇيۇقسىز 4كۈن تاماق يىمەي سۈتلا ئىچتى ،ئاخرى دوختۇرخانىغا ئاپىرىپ 微量元素دەيدىغان بىر تۈر باركەن ،شۇنى تەكشۇرتسەك 铅 (قوغۇشۇن )تەركىۋى ئىشىپ كىتىپ شۇنداق تاماق يىمەيدىغان بۇلۇپ قالغانكەن .دورا بېرىپ يۇرۇپ قوغۇشۇن تەركىۋىنى چۇشۇرگەندىن كىيىن ئاندىن تاماق يىگەن ،ھازىرغىچە نورمال كىتىپ بارىدۇ .ھەر ھالدا دىققەت قىلغان ياخشىكەن .

sayida

	ئانا بولغۇچى بالىدىكى ئۆزگۆرۈشكە كۆپرەك دىققەت قىلىش كېرەك.