مۇھەببەتنىڭ پايانى(ئاھۇ)

ئاھۇ

	مۇھەببەتنىڭ پايانى 1 ۋاقىت بېلىق قاسرىقىغا ئوخشايدۇ ، بەندىلەر تىنىقى بىلەن ياشايدۇ. يۈرەكلەر يارىدەكلا قانايدۇ . بوسۇغىدا بىر ئايال، ئۈچكە چاققاچ ئولتۇرۇپ ئۈرۈك مېغىزىنى سانايدۇ . جۇغۇلداپ تۇرۇپ مەن پۈكۈلدۈم . بىر تال غۇنچىدەك قات-قات تۈگۈلدۈم . ئاي يىغلىغان قۇدۇقتىن قەدرىمنى سۈزدۈم . ھەسرىتىمنى باغرىمدىن ئاۋايلاپ ئۈزدۈم . قارا –قارا قاغىلار قايرىلىپ ئۇچتى ، ئاتۇشۇمنىڭ بازارىدا ئاق يېغىن چۈشتى ... 2 دەرۋازا ئېچىلدى ! بىر تاغ غولاپ كىردى ھويلىغا . قىبلە تەرەپكە قاراپ خېمىر يۇغۇرۋاتقان ئانا ، يۈرىكى تۇيۇپ بالام دېگىنىچە قايرىلدى ئاھ ئارقىغا . - بالام!!! ئۇنىڭ ئاۋازى بوغۇلدى . بۇ مەڭگۈلۈك ناخشا سېنىڭ يۈرىكىڭگە قۇيۇلدى ... سەن شۇ ناخشا بىلەن ياشاۋاتىسەن ، ئۆز قولۇڭدا غەليانلىرىڭنى چاناۋاتىسەن ! يەردىكى چىمدىم-چىمدىم ئۇن تۇيۇقسىزلا بۇغداي بولدى . يۈزىڭدىكى خېمىر يۇقى كۆز ياشلىرىمغا پاتماي قالدى ... 3 سەن يېنىك پۇشۇلداپ ئۇخلاۋاتىسەن، چۈشۈڭنىڭ چۆللىرىدە زارلاۋاتىسەن. ساڭا قاراپ ئولتۇرغان قوي كۆز قارىقىنى قىلدى مىڭ پارە . ئويغۇنۇپ كەتمىسۇن دەپ پىشانەڭنى سىيلىمىدى . ئۇنىڭ دەردىنى ، ئۇنىڭ مېھرىنى ، ئۇنىڭ قەھرىنى، بۇ دۇنيادا ھېچكىم بىلمىدى.... سېنى قۇچاقلاپ سۆيگۈسى كەلدى ، چوڭ بولغىنىڭنى جىمى ئادەمگە دېگۈسى كەلدى. سەن ئۇيان-بۇيان ئۆرۈلسەڭ، يوتقانلىرىڭ قالسا ئېچىلىپ ، بالىلىقىڭ ئېسىگە كىلىپ ئۇنىڭ يەنە كۈلگىسى كەلدى . سەھەر ئەتكەن چايدەك سۈزۈلدى . ناشتا قىلىۋاتقىنىڭغا قاراپ بامداتتىن يانغان بوۋاڭنىڭ قوشۇمىسى تۈرىلدى . ئاناڭ قىزغىنىدۇ سېنى ئالەمدىن، بوۋاڭ قىزغىنىدۇ سېنى ئادەمدىن . مانا بۇ ھايات ، مانا بۇ مۇھەببەت . ئۇنتۇلدۇرامماس ھېچقانداق كۈلپەت ... جېنىم ، مېنى باغرىڭغا باس ! يەرگە تۆكۈلمىسۇن كۆزۈمدىكى ياش ....

dilroh

dilroh

	بەك تەسىرلىك يىزىپسىز    رەھمەت  ھەدە ```

ئاھۇ

	dilroh ... رەھمەت سىزگا،رەسىملەردىن ئاجايىپ ھوزۇر ئالدىم.

hilal

	مانا بۇ ھايات ، مانا بۇ مۇھەببەت . ئۇنتۇلدۇرامماس ھېچقانداق كۈلپەت ... يۈرەكتىكى ھىجراننى ئۇلغايتىۋەتتىڭىزغۇ ....يىغلاپ ئولتۇرۇپ يەنە ئۈزەمگە تەسەللىي تاپتىم .....

زىلال

	ئىككى چېلەك سۇ ئىلىنغان ئەپكەش كۈتۈرگەن ئانىنى كۈرۈپ ئانامنى كۆرگەندەك بولدۇم ....مانا بۇ بىزنىڭ يېزىمكى ئانىللىرىمىزنىڭ سىماسى ........قەددى مۈكچەيگەن ئانامنى كۈرۈپ كەلگۈسۈم ئۈستىدە ئويلاندىم.....

anar

	مەن نەدە قالدىم دەيمەن بۇ تېمىنى كۆرمەي ؟ سىزنى كۆرگەندەك بوپ قالدىما ئاھۇ

ئاھۇ

	ئانارىم،كۆڭۇل كۆزىڭىز بەك روشەنغۇ سىزنىڭ....

anar

	ئىنكاس قايتۇرۇش ئاھۇ نىڭ يازمىسى كۆڭۈل كۆزۈم ھىچكىمنى تونىمىسىمۇ سىزنى تونىمىسا قاملاشماس

ئاھۇ

	ئانارىم ،ئۆزىڭىز ئاچچىق بولسىڭىزمۇ ،مۇشۇنداق تاتلىق گەپلىرىڭىزنى سېغىنىمەندە