ھەسەل ئارقىلىق ئورۇقلاش ئۇسۇلى

ماھىتابان

	ھەسەل ۋە چاي ئارقىلىق ئورۇقلاش ياپونىيە ۋە تەيۋەندە ئەڭ مودا بولىۋاتقان ئورۇقلاش ئۇسۇلى ھېسابلىنىدۇ . كۈز پەسلىدە سەمرىتىدىغان يېمەكلىكلەرنى يېيىشنى توختىتىپ ، ھەسەل بىلەن چاينىلا ئىستېمال قىلىش ئارقىلىق ئورۇقلارش ۋە تېرىنى ئوزۇقلاندۇرۇشتىن ئىبارەت ئىككى خىل ئۈنۈمگە ئېرىشكىلى بولىدۇ   ھەسەل ئارقىلىق ئورۇقلاش ئۇسۇلى : ھەر كۈنى ئەتتىگەن ، چۈش ۋە كەچتە ھەسەلنى چايغا ئارلاشتۇرۇپ ئىچكەندىن باشقا ھېچقانداق يېمەكلىك يېيىلمەيدۇ . ھەر كۈنى 150 - 200 گرام ( 150 گرام بولسا ئۈنۈمى تېخىمۇ ياخشى بولىدۇ ) ھەسەل ئىستېمال قىلىنىدۇ . قورساق ئېچىپ كەتكەندە ياكى - چارچىغاندا ھەسەلنى بىۋاستە ئىستېمال قىلسىمۇ ياكى چايغا ئارلاشتۇرۇپ ئىچسىمۇ بولىدۇ . بۇنداق بولغاندا بەدەنگە ئوزۇقلۇق تولۇقلىنىش بىلەن بىللە ، كەيپىياتىمۇ كۆتۈرىلىدۇ . بۇ ئۇسۇلنى ھەر ئايدا ئۈچ كۈن قوللانغاندا ئۈچ كۈندە بەش كىلو گرام ئورۇقلىغىلى  بولىدۇ . شۇنداقلا بۇ خىل ئۇسۇل ئارقىلىق كۆڭۈلدىكىدەك ئۈچەي تازلاش ئۈنۈمىگە ئېرىشلىكى بولىدۇ .   بەزى كىشىلەر ھەسەل تاتلىق تۇرسا قانداق ئورۇقلىغىلى بولىدۇ ، دەپ ئويلىشى مۇمكىن ، خېلى بۇرۇنلا ھەسەل ئۈچەي داۋالاشتىكى ئەڭ ئۈنۈملۈك دورا ھېساپلىنىپ كەلگەن . ھەسەل تەركىبىدىكى ياغ كىسلاتاسى ۋە مول مىقتاردىكى مېنىرال ماددا ، ۋىتامىنلار ئاشقازان ۋە ئۈچەيدىكى زەھەرنى تازلاپ ئاشقازان ۋە ئۈچەينىڭ يۈكىنى يېنىكلىتىشكە ياردەم بېرىدۇ ۋە بۇ ماددىلار بەدەنگە تەكشى تارقىلىش ئارقىلىق ئوزۇقلۇق تولۇقلاش بىلەن بىللە ئىنتايىن ياخشى ئورۇقلاش ئۈنۈمىگە ئېرىشكىلى بولىدۇ .   ئۈچ كۈن ئىچىدە ئورۇقلاش ئۇسۇلى مۇنداق : بىرىنچى كۈنى ئەتتىگەندە بىر ئىستاكان ھەسەل سۈيى ئىچىش ، چۈشتە ھەسەلنى يېشىل چايغا ئارلاشتۇرۇپ ئىچىش بىلەن بىر قوشۇق ھەسەل ئىستېمال قىلىش . چۈشتىن كېيىن ئىككى قوشۇق ھەسەل ، كەچتە ئەتتىرگۈل چىيىغا ھەسەل ئارىلاشتۇرۇپ ئىچىش كېرەك . ئىچىپ بولغاندىن كېيىن  باش قىيىش ۋە پۇت - قوللار بوشۇشۇپ قورساق ئېچىشتەك ئەھۋال كۆرۈلسە نورمال ئەھۋال بولۇپ تېزلا ئوڭشىلىدۇ   ئىككىنچى كۈنى ئەتتىگەندە ھەسەلنى بىر ئىستاكان يېشىل چايغا ئارلاشتۇرۇپ ئىچىش ، چۈشتە ھەسەلنى بىر ئىستاكان يالپۇز چىيىغا ئارلاشتۇرۇپ ئىچكەندىن سىرت ، بىر قوشۇق ھەسەل ئىستېمال قىلىش . چۈشتىن كېيىن بىر ئىستاكان ھەسەل سۈيى ئىچىش ، كەچتە ھەسەلنى بىر ئىستاكان قىزىل چايغا ئارلاشتۇرۇپ ئىچكەندىن باشقا ، بىر قوشۇق ھەسەل ئىستىمال قىلىش كېرەك . ئىستېمال قىلىنغاندىن كېيىن قورساق خېلى يىنىكلەپ بۇ خىل ئورۇقلاش ئۇسۇلىغا خېلى كۆنۈپ قالغاندەك تۇيغۇ پەيدا بولىدۇ . بۇ بەدەندىكى زەھەرنىڭ تازلىنىشىنى تېزلىتىدۇ .     ئۈچۈنچى كۈنى ئەتتىگەندە بىر ئىستاكان ھەسەل سۈيى ئىچىش ، چۈشتە ئاپلىسىن چېيىغا ئارلاشتۇرۇپ ئىچىش . چۈشتىن كېيىن بىر ئىستاكان چاي بىلەن ئىككى قوشۇق ھەسەل ئىستېمال قىلىش ، كەچتە قىزىل گۈل چىيىغا  ئارلاشتۇرۇلغان بىر ئىستاكان ھەسەل چاي ئىچىش كېرەك . ئۇنىڭدىن كېيىن ئادەم خېلى يىنىكلەپ قالغاندەك ، روھىي كەيپىياتىمۇ ياخشىلىنىدۇ  پۇت - قوللىرىدىكى ئىششىقلارمۇ كۆرۈنەرلىك يىنىپ ئاشقازان قورساق ئاشقانلىق تۇيغۇسىمۇ بولمايدۇ .    مەنبە:  شىنجاڭ رادىئو - تېلېۋىزىيە گېزىتى

jahandar

	بىر يىلنىڭ ياقى بەكلا سەمىرىپ كەتتىم، لىكىن ھەسەلنى ئانچە بەك ئىستىمال قىلىپ كەتمەيدىكەنمەن....

esil

	مەنمۇ بىر يىلدىن بىرى سەمرىپ كەتتم .................سەۋەبىنى تىخى بىلەلمىدىم

Aydar

	مەنغۇ ئورۇقلاپ شوينىدەك بوپ قالدىم، ھەسەلمۇ يىمىگەن بولمىسا

جۇلالىق

	مۇشۇ ئۇرۇقلۇقۇم يېتەر، ئىككى ئاينىڭ ئىچىدە بەش كىلو ئورۇقلاپ قاپتىمەن. يەنە ھەسەل ئىچسەم قۇرۇق ئۇستىخان بوپ قالماي.

saye

	يېشىل چاي، ئەتتىرگۈل چىيى، يالپۇز چىيى،  قىزىل چاي،  ئاپلىسىن چېيى ... ھەر قارىسام بۇ چاينىڭ ئېلانىدەكلا قىلىدۇ

kamiran

	مەن   پەقەت  سەمىرالمايۋاتىمەن

saye

	kamiran بۇ يازمىنى 2010-يىلى 9-ئاينىڭ 12-كۈنى 15:47 دە يوللىغان مەن   پەقەت  سەمىرالمايۋاتىمەن چۈشلۈك ۋە كەچلىك ئۇيقۇغا كاپالەتلىك قىلىڭ.

مۇخلىسە

	ھى ھى مەن يەنىلا نۇرمالكەن مەن ئەتىگەن 4.30دا قۇپۇپ يۇگرەيمەن ئاندىن ھەممە ۋاخلىق تاماقلىرىمنى جايىدا يەيمەن لىكىن مەن يە ئۇرۇقلىماي يە سەمرىمەي كىلۋاتىمەن 2يىلدىن بۇ

saye

	مۇخلىسە بۇ يازمىنى 2010-يىلى 9-ئاينىڭ 25-كۈنى 08:47 دە يوللىغان ھى ھى مەن يەنىلا نۇرمالكەن مەن ئەتىگەن 4.30دا قۇپۇپ يۇگرەيمەن ئاندىن ھەممە ۋاخلىق تاماقلىرىمنى جايىدا يەيمەن ل ... ئىككى يىلدىمۇ جىق ئۆزگىرىش بولمىغان بولسا ئاشقازىنىڭىز ئۈچىيىڭىزدىن چوڭىيىپ، ئۈچىيىڭىز ئەگرى بولۇپ قالغان بولىشى مۇمكىن دەپ دىئاگنوز قويساق بولىدۇ. بۇنىڭ شىپالىق دورىسى تۇرمۇش ئادىتىڭىزنى ئۆزگەرتمەي شۇ پېتىچە ياشاش. بەدەن ساپايىڭىز روھىيىتىڭىزگە بىۋاستە تەسىر قىلىدۇ. ساغلام تەندە ساغلام ئەقىل.