ياشلىق. ياشلىق. ياشلىق

ketmenbay

	٭٭٭٭٭٭٭٭٭٭٭٭٭٭٭٭٭       ياشلىق. ياشلىق. ياشلىق       ٭٭٭٭٭٭٭٭٭٭٭٭٭٭٭٭٭       ساداقەتجان ھاجى       ياشلىق دىگەن ئەڭ ئېسىل چاغدۇر.       گۈزەللىككە تويۇنغان باغدۇر.       ئۆمۈرنىڭ شۇ ئېسىل چېغىدا،       قەلبىمىز گۈل، قەددىمىز تاغدۇر.       ياشلىق – چوغدۇر. چوغدۇر يۈرەكلەر.       چوغ يۈرەكتە ئوتلۇق تىلەكلەر.       ئۆمۈرنىڭ شۇ ئېسىل چېغىدا،       باغرىمىزدا سۆيگۈ چېچەكلەر.       ياشلىق – تۇغدۇر. بىزنى يېتەكلەر.       جاۋاھىرغا تولار ئېتەكلەر.       ئۆمۈرنىڭ شۇ ئېسىل چېغىدا،       ئايلىنىدۇ زەرگە كىپەكلەر.       ياشلىق – يولدۇر. يولدۇر داۋانلىق.       ياشلىق ئەمەس ھەرگىز نادانلىق.       ئۆمۈرنىڭ شۇ ئېسىل چېغىدا،       قىلىپ سالما ئەلگە يامانلىق.       ياشلىق – كۈيدۇر. كۈيدۇر جاراڭلىق.       ياشلىق ئەمەس ھەرگىز ساراڭلىق.       ئۆمۈرنىڭ شۇ ئېسىل چېغىدا،       بولغىن چوقۇم ئەلگە ياراملىق.       ياشلىق – قۇتتۇر. قۇتتۇر – ئاراملىق.       ياشلىق ئەمەس ھەرگىز قاراملىق.       ئۆمۈرنىڭ شۇ ئېسىل چېغىدا،       ئەل بەختىنى ئويلا داۋاملىق.       ياشلىق شۇنداق ئېسىل ۋاقتىمىز.       گۈل تېرىساق ئۈنگىدەك تاشقا.       ياش ۋاقتىدا تاپقان بەختىمىز،       ئۈندەر بىزنى ئويغاق ياشاشقا.       ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭       (2000-يىل 10-ئاي. قەشقەر)       ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

MARS-500

	ياشلىق ئىنساننىڭ ھايات يولىدىكى، ئەڭ مۇھىم بىر     بىكىتى. كەسكىن ھايات جىڭىنىڭ، پىلىكىگە ئوت ياقىدىن سەرەڭگىسى.