ئەمگەكچىگە

nazinin

	ئەمگەكچىگە ھۆرمىتىم ئاشتى يەنە شەيدا بولۇپ ئەمگەكچىگە ، ھېسلىرىم تاشتى يەنە دەريا بولۇپ ئەمگەكچىگە، كۆزلىرىم باقتى يەنە شەھلا بولۇپ ئەمگەكچىگە ، چېچىكىم ئاشتى يەنە بەرنا بولۇپ ئەمگەكچىگە ، كۈيلىرىم ئاقتى يەنە تەشنا بولۇپ ئەمگەكچىگە .' زەر ئەخىر ئاسماندا لاچىن كەبى ،پەرۋازلىغان ، كان-قۇدۇق ئىچرە ئۆزىنى جان تىكەر دارۋازلىغان ، شاتاۋار،ئەتلەس توقۇپ ئەل قەددىنى پەردازلىغان ، يول ياساپ ،تارتىپ چىراق كۆككە ئۇنى ئەندازلىغان ، ھۆرمىتىم ئاشتى يەنە شەيدا بولۇپ ئەمگەكچىگە . ئوت دېمەي ،دېڭىز دېمەي ئىش قوينىدا قاتقاچقا ئۇ ، قىر -ئېتىز مەيدانىدا ئىشلەپ روناق تاپقاچقا ئۇ ، ئەگدۈرۈپ مۈشكۈلنى باش ،تاغدەك خامان ئاتقاچقا ئۇ ، مېھنىتى -ئەجىر سەۋەب،باغچاڭنى چوڭ قىلغاچقا ئۇ ، ھېسلىرىم تاشتى يەنە دەريا بولۇپ ئەمگەكچىگە . ئىللىتىپ دۆڭ-يۇتىنى بىختەك گويا توڭلار يارار، بىخلىسا ئازغۇن-تىكەن ھايالشىماي قويماي قىرار، بەس،دېمەي ئېدىر ئارا رەيھان سالار ،ئەتىر سالار ، بىر ئەتىر -رەيھان تۈۋىگە بىر ئەمەس يۈزلەپ بارار، كۆزلىرىم باقتى يەنە شەھلا بولۇپ ئەمگەكچىگە . گۈللىگەن بوستانىدىن ئىلھام ئالار،ئىنئام ئالار ، ئاق ئەمىر-پەرمان بىلەن يايراپ مەدەت-كۈچكە تولار ، ئەل-ۋەتەن ماڭغان يېڭى يوللارغا دادىل ئاتلىنار ، ئۇچرىسا بەلدەم -داۋان ھەردەم چىدامىدا چانار ، چېچىكىم ئاچتى يەنە بەرنا بولۇپ ئەمگەكچىگە . شادلىقىم سالدى قىيان رەڭگى تۇتاش سايرام بىلەن ، بارچە ئەل دىل رىشتىنى چاتقان بۈيۈك بايرام بىلەن ، يەڭ تۈرۈۇپ ئەر-ئەزىمەتلەر ياسىغان قاينام بىلەن ، پەللىگە -ھالقىشقا تەييار چوڭ قەدەم -چامدام بىلەن ، كۈيلىرىم ئاقتى يەنە تەشنا بولۇپ ئەمگەكچىگە . ئاپتورى : ئىدىرىس مەتسېيىت قەدىناس . مەنبە :شىنجاڭ گېزىتىدىن

MARS-500

	كۆز ئالدىمىزدىكى رىيئاللىق ئەمگەكنىڭ مەھسۇلىدۇر!

مەرۋەرى

	گەرچە بىرىنچى ماي ئەمگەكچىلەر بايرىمى ئۆتۈپ كەتكەن بولسىمۇ، بۇ شېئىرنى ئوقۇپ كېچىكىپ بولسىمۇ، بارلىق ئەمگەكچىلەرگە ھۆرمىتىمنى بىلدۈرگۈم كەلدى، سالام سىلەرگە!