مىجەز-خۇلقىڭىزنى يېمەكلىك ئارقىلىق ئۆزگەرتىۋېلىڭ

دىلەيسەم

	ئادەمنىڭ مىجەز-خۇلقى بىلەن غىزا تۈرىگە مايىللىقى زىچ مۇناسىۋەتلىك.يېيىش، ئىچىش ئارقىلىق مىجەز-خۇلىقتىكى ئاجىزلىقلارنى ئۆزگەرتكىلى  ياكى كەيپىياتىنى ياخشىلىغىلى بولسا، بۇ بىر خوشاللىنارلىق ئىش ھېسابلىنىدۇ. ئەنگلىيە ھەركەت پىسخولوگلىرى يېقىنقى نۇرغۇن تەتقىقاتلىرى ئارقىلىق،ئادەمنىڭ مىجەز-خۇلقى بىلەن غىزا تۈرىگە مايىللىقىنىڭ ئىنتايىن زىچ مۇناسىۋەتلىك ئىكەنلىكىنى تېپىپ چىقتى. يېيىش-ئىچىشتىكى مايىللىق مىجەز-خۇلىقتىكى ئالاھىدىلىكلەرنىڭ ئىپادىسى 1.  ئاچچىققا ئامراق كىشى قىزىققان كېلىدۇ، ئالدىراڭغۇ كېلىدۇ،مىجەز-خۇلق جەھەتتە«كۆپ ئېلمىنىتلىق قان»تىپىدىكىلەرگە تەۋە. بۇنداق ئادەملەر باشقىلارغا ھەرقاچان قىزغىن،ئېچىلىپ-يېيىلىپ مۇئامىلە قىلىدۇ.ئەمما ئاچچىقى كېلىپ قالسا، ئەلپازى ئادەمنى سۈر باستۇرىدۇ.سىچۈەن،خۇنەن،گۈيجۇ،يۈننەن،ئۆلكىلىرىدىكىلەر لازىغا ئامراق،شۇڭا ئۇلار قىزىققان،ئىتتىك. 2.  تاتلىق –تۈرۈمگە ئامراق كىشى خۇش پېئل،مۇلايىم كېلىدۇ.مىجەز-خۇلق جەھەتتە «لەش مىجەز»لەرگە تەۋە.بۇنداق مىجەزلىكلەر ئېھتىياتچان،مۇتەسسىپ،تەۋەككۈلچىلىكنى خالىمايدۇ.شاڭخەي،جېجىياڭلىقلار تاتلىق-تۈرۈمگە ئامراقراق. تاتلىق-تۈرۈم يېتىلدۈرگەن« شاڭخەي ئەرلىرى»كۆپچىلىككە جەزمەن تۇنۇشلۇق.بۇنداق ئەرلەر  پۇل تېپىشقىمۇ ماھىر،ئۆي ئىشىغىمۇ پىششىق،بىراق،ئۇلاردا ئەركەكلەرگە خاس مىجەز ۋە روھ كەمچىل. 3.ياغدا پىشۇرۇلغان يېمەكلىكلەرگە ئامراق كىشى تەۋەككۈل قىلىشقا جۈرئەتلىك،بىرەر ئىشنى ۋۇجۇدقا چىقىرىشنى ئارزۇ قىلىدۇ.ئامېركىدا تېز تاماق كۆپ،بۇلۇپمۇ ياغدا پىشۇرۇلغان توخۇ ئامېركىلىقلار ئەڭ ئامراق يېمەكلىك.شۇ سەۋەپتىن،ئامېركىلىقلار تەسىرچان ۋە تەۋەككۈلچى. 4.  گۈرۈچ تامىقىغا ئامراق كىشى ئۆزىچە شىرىن خىياللىرى ئىلىكىدە مەست بۇلۇپ لەززەتلىنىدۇ.،ئۆز-ئۆزىگە مەستلىگى كېلىدۇ.باشقىلار بىلەن بولغان مۇناسىۋەتنى ۋە ئىشلارنى جايىدا بىر تەرەپ قىلىدۇ،بىر ئىشلاردا باشقىلارغا ئاسانلىق بېرىدۇ،يول قويىدۇ،ئەمما ياردەملىشىش روھى يېتەرسىز. 5.ئۇن تامىقىغا ئامراق كىشىلەر گەپدان،قۇرۇق گەپ ساتقاق كېلىدۇ،ئاقىۋەت ۋە تەسىرىنى ئويلاشمايدۇ،بوشاڭ،ھەرقانداق ئىشنى قىلغاندا ئاسانلا ئىشەنچىسىزلىنىپ  قالىدۇ. 6. مايسىزراق،سۇيۇق-سەلەڭ تاماققا ئامراق كىشى ئالاقىگە بەك ئەھمىيەت بېرىدۇ. باشقىلارغا يېقىنلىشىشىقا ماھىر،دوست تۇتۇشنى بەك خالايدۇ، يەككە-يىگانىلىق بىلەن خۇشى يوق. مىجەز-خۇلقىڭىزنى يېمەكلىك ئارقىلىق ئۆزگەرتىۋېلىڭ(2) ئادەملەر مىجەز-خۇلقىدىكى ئاجىزلىقلىرىنى ئۆزگەرتىۋالماقچى ياكى كەيپىياتىنى ياخشىلىماقچى بولسا،ئۆزى ياقتۇرىدىغان،مىجەز-خۇلقىغا ماس كېلىدىغان يېمەكلىك تۈرىنى دائىم ئىستىمال قىلىپ باقسا بولىدۇ. بۇلۇپمۇ ئۆسمۈر چاغ مىجەز-خۇلق شەكىللىنىۋاتقان مەزگىل بولغاچقا،يېمەك-ئىچمەك ئارقىلىق ئېسىل مىجەز-خۇلق يېتىلدۈرۋېلىش بەك مۇھىم ۋە خوشاللىنارلىق ئىش. 1. مىجەز-خۇلقى تۇراقسىزلار-بۇ خىل ئادەملەردە كالتىسىي كەم بۇلۇپ، كەيپى تۇراقسىز كېلىدۇ. شۇڭا، كالتىسىيلىق ، فوسفۇرلۇق يېمەكلىكلەردىن دادۇر، كالا سۈتى، قورۇلغان كاۋا ئۇرۇقى، لامنارىيە ، مور، قۇلۇلە قاتارلىقلارنى كۆپرەك يەپ بەرسە بولىدۇ. 2.ئاغزى بېسىلماي سۆزلەيدىغانلار- بۇنداق ئادەملەرنىڭ مېڭىسىدە  ۋېتامىن ب كەم بولغاچقا، كۆپ سۆزلەيدۇ. شۇڭا كۆپرەك قارا ئاشلىق يېسە ياكى كالا سۈتىگە ھەسەل قۇشۇپ ئىچسە ياخشى بۇلۇپ كېتىدۇ.     3. غەزەپلەنگەكلەر-بۇ خىل ئادەملەردە كالتىسىي ۋە ۋىتامىن ب كەم بولغاچقا، كۆڭلىگە سىغمايدىغان ئىشقا يۇلۇقۇپ قالسا، ئاسان ھاياجانلىنىدۇ ھەتتا چىچاڭشىپ كېتىدۇ. شۇڭا، تۇز ياكى قەنىتنى كەمرەك ئىستىمال قىلىشى،كالتىسى ماددىسى كۆپرەك بولغان كالا سۈتى ۋە دېڭىز مەھسۇلاتلىرىنى كۆپرەك يەپ بېرىشى كېرەك. 4. ئۈلپەتچىلىكى يوقلار-بۇ خىل ئادەملەر  سوغۇق مۇئامىلىلىك ئەسەبىيلەردىن بۇلۇپ، مېۋە شەربىتى قوشۇلغان ھەسەلنى كۆپرەك ئىچىپ بەرسە ئوڭشىلىپ كېتىدۇ،ھاراقنى ئاز ئىچىشى لازىم. 5.  ئەزمە، لىڭتاسمىلار- بۇ خىل ئادەملەر گۆشلۈك غىزالارنى، مىۋە-چىۋە ۋە كۆكتاتلارنى كۆپرەك يەپ بېرىشى كېرەك. 6.   پاسسىپ يۆلىنىۋالغانلار- بۇ خىل ئادەملەر شىجائەتسىز ۋە غەيرەتسىز كېلىدۇ. شۇڭا، تاتلىق-تۈرۈملەردىن ئۆزىنى تارتىپ، كالتىسىيلىق يېمەكلىكلەر ۋە ۋىتامىن ب بىر مول يېمەكلىكلەرنى كۆپرەك يېيىشى كېرەك. 7.  كاج، جاھىللار- بۇ خىل ئادەملەر گۆشلۈك يېمەكلىكلەرنى ئاز، ئەمما بېلىقنى كۆپرەك يېيىشى كېرەك.  يېشىل ۋە سېرىق كۆكتاتلارنىمۇ قۇشۇپ يەپ بەرسە ئوڭشىلىپ كېتىدۇ، ئەمما تۇزنى ئاز يىيىشى كېرەك. 8.  دائىم تەشۋىشلىنپ بىئارام بولىدىغانلار- بۇ خىل ئادەملەر كالتىسىي ۋە ۋىتامىن مول يېمەكلىكلەرنى، شۇنىڭدەك ھايۋانات ئاقسىللىرىنى كۆپرەك يەپ بەرسە ئوڭشىلىپ كېتىدۇ. 9. تەشۋىشلىنىپ،ھەسرەتلىنىپ يۈرۈيدىغانلار- بۇ خىل ئادەملەر ماندارىن، كۆكتات، بەرەنگە، كېپەكلىك ئۇن ۋە سۇلۇ قاتارلىقلارنى كۆپرەك يەپ بەرسە ئوڭشىلىپ كېتىدۇ. مەنبە:«ھاياتلىق»ژورنىلى2011 -يىل 1-سانىدىن ئېلىندى. تەرجىمان:داۋۇت ساۋۇت

مەرۋەرى

	ئۇففففف~~~ بىزنىڭ ئائىلىدىكىلەر ئۈچۈن چىقىرىلغان رېستىپ ئىكەنغۇ بۇ

Jewlaniy

	سۈتكە ھەسەل ئارلاشتۇرۇپ ئىچسە پالەچ قىلىپ قويىدۇ دەپ كۆرگەندەك قىلىۋىدىم بىر ماتىريالدا بۇيەردە ۋات-ۋاتلىقتىن ساقايتىدۇ دەپتۇ. قانداق گەپ بولۇپ كەتتى بۇ؟

مەرۋەرى

	Jewlaniy يوللانغان ۋاقتى  2011-يىلى 4-ئاينىڭ 30-كۈنى 23:54 سۈتكە ھەسەل ئارلاشتۇرۇپ ئىچسە پالەچ قىلىپ قويىدۇ دەپ ك ... شۇ جەۋلانىي، بىر يەردە زىيان قىلىدۇ دىگەن نەرسىلەرنى، يەنە بىر يەردە مەنپەت قىلىدۇ، دەيدىكەن بۇ تەتقىقاتچىلار، يەيلى دىسە تېخى يىمەيلى دىسە تېخى

esil

	مىجەزىمىنى تەڭشىمىسەم بولمايدىغان يەرگە كەپ  قالغىنىنى قانداق بىلۋالغانسىز نەئىمە ؟

tabassum333

	يائاللاھ!!!قانداق قىلغۇلۇق ئەمدى،قارىغاندا تەۋەككۈل قىلىپ كۆرسەم بولغۇدەك جۇمۇ

anar

	چېچىلغاق ، تۇراقسىز مىجەزلىكلەر ....مۇنبەردىكى بىر قانچىمىز دىيىشىپ ،يېتىلىشىپ بېرىپ كالىتسىي ۋەۋىتامىن ب سېتىۋالايلى ،شۇنچىلىك ماس كېلىدىكەن بىزگە

مەرۋەرى

	anar يوللانغان ۋاقتى  2011-يىلى 5-ئاينىڭ 1-كۈنى 11:49 چېچىلغاق ، تۇراقسىز مىجەزلىكلەر ....مۇنبەردىكى بىر قان ... مەن كالىتسىينىلا ئالسام بولغىدەك ئانار، مەن ئۇزۇن بولدى ۋېتامىن ب نى ئىستىمال قىلۋاتقىلى، مەن ئەمۋاي مەھسۇلاتلىرىنى ئىشلىتىۋاتقىلى ئۇزۇن يىللار بولدى، گەرچە باھاسى سەل ئۆرىرەك بولسىمۇ، ساپلىقىغا گەپ كەتمەيدۇ، كىچىك بالىلارغا خاتىرجەم بېرەلەيمىز، مەن كىچىك قىزىمغا ئەمۋاينىڭ كۆپ خىل رېستىپلىك ۋېتامىن بىرىكمىسى ۋە مۇرەككەپ رېستىپلىق ۋېتامىن ب سىنى بېرىۋاتىمەن. مۇرەككەپ رېستىپلىق ۋېتامىن ب نىڭ يەنە مىڭە قۇۋەتلەش ۋە جىگەرنى ئاسىراش رولى بولغاچ مەن ئۈزۈلدۈرمەي ئىچىۋاتىمەن، ئەمدى كالىتسىي تولۇقلاپ چېچىلىشنىڭ ئالدىنى ئالدىنى ئالسام بولغۇدەك

anar

	مەن چېچىلىپ قېلىۋاتىمەن جۇمۇ ...مۇنبەر بەك جىلە قىلىپ كېتىۋاتىدۇ ، ئىنكاس يازاي دىسەم كىرسىڭىز يازالايسىز دەپ ، كىرىپ بولۇپ يەنە ئىنكاس يازاي دىسەم يەنە شۇنداق چىقىۋېلىپ

مەرۋەرى

	anar يوللانغان ۋاقتى  2011-يىلى 5-ئاينىڭ 1-كۈنى 12:17 مەن چېچىلىپ قېلىۋاتىمەن جۇمۇ ...مۇنبەر بەك جىلە قىلىپ ك ... شۇدە كىرمىسىڭىز يازالمايسىز، كىرىپ جىم ئولتۇرۇپ يېزىڭ ھى ھى ھى ھى