قىزىم

xahla

	ئاپتورى:  ئىلھام مىجىت                          گۈل ئارا، گۈلشەن ئارا مايسا ئۆزۈڭ يۇمران قىزىم،                          ھەر ۋاقىت باغرىم يارا، پەرزەنت ئوتۇڭ گۈلخان قىزىم.                          ئۈستى-ئۈستى كەلسە كۈلپەت، سەن ئۈچۈن سەبرىم يىتۈك،                          ئايرىلىپ سەندىن يۈرەگىم، لەختە-لەختە قان قىزىم.                          زەپ ئوماق تاتلىق ئىدىڭ، شوخلۇقۇڭ ئالەمچە بار،                          مېھرىڭ بىلەن كۆڭلۈم خوشال شاتلىنىپ تۇرغان قىزىم.                         ئەمدى قالدىم ئايرىلىپ، بولمىدى كۆرمەك نىسىپ،                         باسمىدىم باغرىمغا بىر رەت، تەلمۈرۈپ قالغان قىزىم.                         لۇتفى ئېھسان باغىدا ئۆستۈڭ مانا غۇنچە بولۇپ،                         جان بوۋاڭ، جانىم موماڭنىڭ باغرى كەڭ قورغان قىزىم.                         نە ئاتا مېھرىگە قاندىڭ، نە ئانا مېھرىگە؟ ئاھ!                         ئويلىسام ھەردەمدە ئاھىم ئۆرتىنەر ۋولقان قىزىم.                         ئۇنتۇما ئەسلىڭنى ھەرگىز، تىرىشىپ ئالغىن بىلىم،                         شۇندا نەسلىڭ قىلغۇسى تاشنى كۇكۇم-تالقان قىزىم!                         راست ئىكەن پەرزەنت ئوتى ھەممە ئوتتىن بەك يامان،                         ئۈمۈدۈم ھەم ئارزۇيۇم شۇ ئاچقىن چېچەك ھەريان قىزىم.

مەرۋەرى

	بىر ئاتىنىڭ قىزىغا بولغان يۈرەك سۆزى ئىكەن، ھارمىغايسىز شەھلا~ ئەمدى خاتىرىڭىزنى كۈندە ۋاراقلاپ تۇرۇشنى ئۇنۇتماڭ~~!! بۇ شېئىردىكى ھەرىپلەرنى قۇراشتۇرسا قىزنىڭ ئىسمى چىقىدىكەن، قېنى ئانىرىم سىز ئۇستىغۇ بۇنداق ئىشقا

otkankunlar

	گۈزەلنۇر-مەرۋەرى سىز بەك ئەقىللىق!

anar

	ھىم ...گۈزەلنۇر ئىكەن ، تولىمۇ چىرايلىق ئىسمكەن ئاللاھ بەخت - تەلىيىنى بەرسۇن

مەرۋەرى

	otkankunlar يوللانغان ۋاقتى  2011-يىلى 4-ئاينىڭ 28-كۈنى 23:19 گۈزەلنۇر-مەرۋەرى سىز بەك ئەقىللىق! مەنمۇ ئۇنچە ئەقىللىق ئەمەس، بىراق شۇ شەھلا ئازراق خەۋىرىنى بېرۋەتكەچكە بىلىۋالدىم

dilroh

	مەن تازا يىغلاۋاتقان  يەنە يىغلىۋالدىم  رەھمەت

مەرۋەرى

	dilroh يوللانغان ۋاقتى  2011-يىلى 4-ئاينىڭ 29-كۈنى 02:26 مەن تازا يىغلاۋاتقان  يەنە يىغلىۋالدىم  رەھمەت يىغلاڭغۇ~~ بەزىدە يىغلىۋەتكەن ياخشى ئىش، بىراق ھەممىلا ئىشقا يىشلاۋەرسىڭىز بولمايدۇ، باشقىلارغا ئاجىزدەك تۇيغۇ بېرىپ قويىسىز، ھەممە ئىشلار ئوڭشىلىپ كېتىدۇ، غەيرەت قىلىڭ ئۇكام!