‹‹ئەدەپ بوستانى-ئەخلاق گۈلىستانى››دىن تەرمىلەر

xahla

	$ تولىمۇ تاتلىق بولمىغىنكى، يەۋەتمىسۇن، تولىمۇ ئاچچىق بولمىغىنكى، تۈكۈرۈپ تاشلىمىسۇن.   &شۇنداق تىل باركى، بال كەلتۈرىدۇ.  شۇنداق تىل باركى، بالا كەلتۈرىدۇ. * ئەقىللىق ئادەمنىڭ سۆزى جانغا ئوزۇق، ئەقىلسىز ئادەمنىڭ سۆزى  جانغا قوزۇق. # ئىككى نەرسە پايدىسىز: ‹‹ھىكمەتسىز سۆز ۋە تەپەككۈرسىز سۈكۈت.›› $ كىشىنىڭ سۆزى ئۇنىڭ پەزىلىتىنى بايان قىلغۇچى ئەقىلگە تەرجىماندۇر. ______________________________________________________    بىر كىشى ئوغلىغا دېدى:   -نەپسىڭنى شۇنداق كۆندۈركى، تاكى ئۇ ئەمرىڭگە قۇلاق سالىدىغان بولسۇن!   ئوغلى سورىدى:   -مەن قايسى چاغدا ئەقىللىق بولۇشۇم مۇمكىن؟   ئاتا دېدى:   -نەپسىڭگە ھاكىم بولغىنىڭدا!   بىر ھەكىمدىن سوراشتى: ‹‹ئەقىللىق كىشى كىم؟››........   ھەكىم دېدى: ‹‹سۆزنى لايىقىدا سۆزلىگەن، ھايات قەدرىنى چۈشەنگەن، پۈتكۈل كۈچ-قۇدرىتىنى ئىلىم ۋە كامالەت ھاسىل قىلىشقا سەرپلىگەن كىشىدۇر.›› _____________________________________________________________________ كىتاپ-يالغۇزلۇقتىكى ئەڭ يىقىن سىرداشتۇر. كىمكى كىتاپنى كۆپ كۆرسە، كىتاپ ئۇنىڭ زېھنىنى ئاچىدۇ، زوقىنى ئاشۇرىدۇ، سۆزگە چىچەن  قىلىدۇ.                    بىر دوستكى، ھىچكىمگە بەرمىگەي ئازاپ،                    ئۇزاق سىناپ كۆردۈم، بىلسەڭ ئۇ كىتاپ.                    سىرىنى يوشۇرماس ئوقۇغۇچىسىدىن،                    خەۋەر بېرۇر ئۇ ساڭا يازغۇچىسىدىن.                    خىلۋەتتە سەن بىلەن بولۇپ ئۇ ئۈلپەت،                    جىمغىنا قۇرىدۇ يېقىملىق سۆھبەت.                    ھىچكىمدىن قېلىشماس بىلىملىك ئەھباپ،                    ئۇنىڭدىن سورىمىساڭ بەرمىگەي جاۋاپ.

دىلەيسەم

	شۇنداق تىل باركى، بال كەلتۈرىدۇ.  شۇنداق تىل باركى، بالا كەلتۈرىدۇ. ........................ تولىمۇ توغرا ئېيتىلغان گەپلەر ئىكەن، رەھمەت شەھلا قوللىرىڭىزغا دەرت كەلمىسۇن!

مەرۋەرى

	يەتتە قىزلىرىمنىڭ يېڭى ئۆيىگە قىلغان ئالاھىدە سوۋغىڭىزغا كۆپ تەشەككۈر!

anar

	تولىمۇ تاتلىق بولمىغىنكى، يەۋەتمىسۇن، تولىمۇ ئاچچىق بولمىغىنكى، تۈكۈرۈپ تاشلىمىسۇن. بۇ بولىدىكەن شەھلا قىز تەرمىلەرگە بەك ئامراق مەن ، دائىم كۆرۈپ تۇرغايمىز