نەۋرىزە: ئۆينى بۇزغان..... ئۆي

nawriza

	نىكاھنىڭ ئۇلۇقلىغىدىن تۈپتىن ئوخشىمىغان ئىككى ئائىلىدە چوڭ بولغان بىر قىز بىر يىگىت ، بىر ئۆيگە جەم بولۇپ، ئۇنى دېسىمۇ بۇنى دېسىمۇ ئىش قىلىپ بىر- بىرىدىن ئايرىلالاماي ياشاشقا مەجبۇر بولىدۇ. بىر ئۆيدە ئەڭ ئۇزۇن ياشايدىغىنى يەنىلا ئەر ۋە ئايال. ئاتا- ئانىمىز بىلەنمۇ ئۇنچە ئۇزۇن ياشىيالمايمىز. قانات- قۇيرىقىمىز يېتىلگەندىلا ئۇچۇپ كېتىمىز. مەيلى ئەر ياكى ئايال بولسۇن، ئاتا- ئانىسىنىڭ ئالدىدا ناھايىتى ئەتىۋارلىنىپ، شاھزادە، مەلىكە بولۇپ چوڭ بولغان بولسىمۇ، تۇرمۇشلۇق بولغاندىن كېيىن، ئۆزى پەرەز قىلىپمۇباقمىغان ھەر خىل قىسمەتلەرگە ئۇچراپ تۇرىدۇ. تۇرمۇشنىڭ ھەللەكچىلىكىدە سەللا دېققەت قىلمىسا ئۇ يەر بۇ يەرلەرگىمۇ ئۈسىۋالىدۇ. شۇنداق قىلىپ ھەر ئىككىلىسى تۇرمۇشنىڭ ئىسسىق سوقىدا چېنىقىدۇ. ھېلىقى ئەتىۋارلىق شاھزادە بىلەن مەلىكىمۇ خان تاجىسىدىن ئاستا- ئاستا مەھرۇم بولوپ، ئاتا بىلەن ئانىغا ئايلىنىدۇ. شۇنىڭ بىلەن بۇلارنىڭ مەسئولىيىتى بىلىپ – بىلمەي ئېغىرلىشىپ، بۇ مەسئولىيەت ئالدىدا بىر ئىشچان قۇلغا ئايلىنىدۇ. مانا بۇ ئېغىر يۈكنى ئۆز ئىختىيارلىقى بىلەن، شەرەپلىك ۋەزىپەم دەپ، كۆتۈرۈشكە رازى بولىدۇ. بۇ جەرياندا نۇرغۇن بىھىساپ بەدەللەرنى تۆلەيدۇ. تىرىشىپ تىرمىشىپ ھاياتلىق ئۈچۈن ياشلىقىنى، ھەتتا بارلىقىنى قۇربان قىلىدۇ. نىكاھنىڭ ئۇلۇقلىقى دەل مۇشۇ يەردە. بۇ نورمال ھادىسە. بىراق جەمىيەتنىڭ تەرەققى قىلىشى بىلەن، بىنورمال ھادىسىلەرمۇ ئۆزىنى ئاشكارلىغىلى تۇردى. بۇنىڭغا نىمە سەۋەپلىك؟ ئەلبەتتە تويماس ئىككى كۆزىمىز بولسا كېرەك. شۇ ۋەجىدىن نىكاھتىن ئىبارەت ئۇلۇق ھۆكۈمگىمۇ شەك چۈشىرىدىغان ئەھۋاللار كۆرىلىۋاتىدۇ. ئەڭ ئېچىنىشلىقى ھازىرقى قىززىق نوقتا بولغان ئۆي سېتىۋېلىش مەسىلىسىدە، شۇ شېرىن پايدىنى كۆزلەپ، بۇ ئۆتكەلدىن رەزىل قىياپەتتە ئۆتىۋاتقان ئەھۋاللارنىمۇ ئاڭلاپ تۇرىۋاتىمىز. بىر قىسىم كىشىلەرنىڭ شۇ « بۇزغۇنچى ئۆينى» ئېلىش ئۈچۈن نىكاھتىن يالغان ئاجرىشىپ، ئاخىرى بۇ ئىش چىڭىغا چىقىپ، قايتا يېنىشالماي، شۇ پېتىملا ئاجرىشىپ، شۇنچە تەستا قۇرغان ئائىلىسىنى نابۇت قىلىپ، باشقىلارغا قوش قوللاپ ئۆتكۈزۈپ بەرگەن ئېچىنىشلىق ئەھۋاللار ئادەمنى تولىمۇ ئۈمىدسىزلەندۈرىدۇ. بۇنىڭدا دەتتا قېلىۋاتقانلارنىڭ تولىسى يەنىلا ئاجىز ئاياللار...دۆت ئاياللار دېسەكمۇ ئارتۇق كەتمەيدۇ. سەن يالغان ئاجراشتۇق دېگەن بىلەن، قانون يالغان ئەمەستە، بۇنداق ئەھۋالدا ساڭا كىم ئىگە بولالايدۇ؟ نىكاھ شۇنداق ئوينىشىدىغان ئويۇنچۇقمۇ؟ ئەجداتلىرىمىزدىن قالغان نىكاھنىڭ مۇقەددەسلىكىنى قوغدايدىغان مەجبۇرىيىتىمىز يوقمىدۇر؟ بۇمۇ بىزنىڭ ئويۇنچىقىمىزغا ئايلاندى شۇنداقمۇ؟! نىكاھ ئالدىدا ئەلبەتتە سەن جاۋاپكارسەن. بۇ مېنىڭچە نىكاھ ئالدىدا مەڭگۈلۈك جىنايەت بولۇپ ھېساپلىنىدۇ. ئادەم ئىجتىمايى مۇھىتتا ياشىغىنى ئۈچۈن، ئادەمنىڭ ئادىمىلىكى ئادەملەر بىلەن بولغان ئالاقە، ئىش- ھەركەت قاتارلىقلادا ھەقىقىي ئىپالىنىدۇ. ئالاقە كىشىلەر ئارىسىدا سەمىمىيەت، راسچىللىقنى شەرت قىلىدىغان جەريان بولۇپ، كىشىلەرنىڭ بىر- بىرىگە، ئىش- ھەركەتلەرگە بولغان پوزىتسىيەسى قانچا چىن بولغانسېرى، ئادەمدىكى ئالىجاناپلىق شۇنچە جۇلالىنىدۇ. ئەكسىنچە ساختىپەزلىك، مەككارلىق ئادەمنى ھايۋانى سۈپەتكە ئايلاندۇرۇپ قويىدۇ. ئىنسانى ئوبرازلا بىزنىڭ ئادىمىلىك قىممىتىمىزنى ئاشۇرىدۇ. شۇ « بۇزغۇنچى ئۆي» پايدىنى كۆزلەپ مۇشۇنداق ئۆز ئوبرازىمىزنى خۇنۈكلەشتۇرىدىغان ئىشلارنى قىلساق، ئەجداتلىرىمىزدىن باشقا كۆز ئالدىمىزدىكى جەمئىيەتكە، باللىرىمىزغا، ئەڭ موھىمى كېيىنكى ئەۋلادلارغا قانداقمۇ يۈز كېلەلەيمىز. ئادەمنىڭ قەدېر- قىممىتى بايلىق بىلەنلا ئۆلچىنەمدۇ؟مېنىڭچە بۇ ئېتىقات مەسىلىسى. پايدا ئۈچۈن نىكاھنى سېتىۋەتكەنلەر، ماھىيەت جەھەتتە ئۆزىنى سېتىۋەتكەنلەر دېيىشكە بولىدۇ. ئاجرىشىش بەدىلىگە يەنە بىر ئۆينى سېتىۋالدىمۇ دەيلى، باي بولدىمۇ دەيلى، بىراق ئۇلار ۋىجدان تارازىسى ئالدىدا روھىيەت جەھەتتە تولىمۇ نامراتتۇر. شۇ «بۇزغۇنچى ئۆينىڭ» ئارقا كۆرۈنىشى قانداق بولار؟ سېنى يەنە قانداق قىسمەتلەر كۈتۈپ تۇرار؟ بېشىڭنى قاتتىق سىلكىۋېتىپ، ئادىمىيلىكىڭنى ئۆلچەپ باق؟! نەۋرىزە: ئۈرۈمچىدە يېزىلدى

گۈلسەنەم

	يېقىندا مەركىزىي تېلۋىزىيە ئىستانسسىنىڭ خەنزۇچە قانىلىدا، مۇشۇنىڭغا ئوخشاش مەزمۇندىكى بىر ئېتوت بەرگەن، شۇنىڭدا دەل سىز يۇقۇردا ئېيتقاندەك ئۆي ئېلىش ئۈچۈن ئايالىدىن يالغان ئاجىرىشىپ ئىدارىنىڭ بويتاقلار ياتىقىدا بىر مەزگىل ياتىدۇ...... ئىشقىلىپ بۇ جەمىيئەتتە ھەر خىل ئىشلار يۈز بېرىۋاتىدۇ:(

peacelife212

	بىزنىڭ ئىدارىدىمۇ ئۆي ئېلىش ئۈچۈن، قىلمىغان ئىشلىرى قالمىغان بىرتۈركۈم ئادەملەر بار ئىكەن.لېكىن، بىزدە يەنىلا ئاز ئىكەن. باشقىلارغا جىق ئىكەن.

MARS-500

	ئەر-ئاياللىق مۇناسىۋەت قورۇلمىغان  تۇرمۇش ئالدىدىكى مۇھەببەت ‹باشلانغۇچ مەكتەپنىڭ ھېساب دەرىسلىكىگە› ئوخشىسا ،تۇرمۇشتىن كىيىنكى مۇھەببەت خۇددى ‹ئوتتۇرا مەكتەپنىڭ ماتېماتىكا فورمىلاسىغا ئوخشايدۇ.

قەھۋە

	مۇشۇ كۈنلەردە بىز ئادەملەرنىڭ قولىدىن ھەر ئىشلار كېلىدىغان بولۇپ كېتىۋاتىدۇ. نىكاھ دېگەننى شۇنچىلىك خارلاپ كېتىۋاتىمىز ئەمما...يۇقىرىدا دېيىلگەندەك ئۆي ئېلىش ئۈچۈن ئاجرىشىپ تۇرۇپ بىر مەزگىلدىن كېيىن يېنىشىۋېلىپ دېگەندەك. ھەي...بىردىنلا كۆرەش كۆسەننىڭ «ھەي پۇل» دېگەن ناخشىسى ئېسىمگە كېلىپ قالدى دېسە.:L       بارغانسىېرى ئېتقاد سۇسلىشىپ، ئۆزىمىزنى ئۇنتۇپ قېلىۋاتىمىز. تۇرمۇشقا ئېغىر چاقچاق قىلىدىغان بولۇپ كەتتۇق ھازىر. بۇ يەردە پەقەت قايناپلا قالىمىز، سۆزلەيمىز. ئەمما ئۆزگەرتىش مۇمكىنمۇ؟ دۇنيادا ئىنساننى ئۆزگەرتىشىتىن ئارتۇق تەس ئىش يوق. بىزگە ئوخشاش ھەممىنى، ھەممىنى تېز قۇبۇل قىلىدىغان مىللەتكە نىسبەتەن تېخىمۇ شۇنداق. ئەمدى يازغۇم كەلمىدى......