مۇنبەر نەشىرى مۇۋەپپەقىيەتلىك يۇقىرىلىتىلدى

Qismet

	.     ئەسسالامۇ ئەلەيكۇم، مۇنبىرىمىزنىڭ ئەزىز ئىشتىراكچىلىرى!     ئالتە كۈن پىلانغا ئېلىنغان مۇنبەر نەشىرىنى يۇقىرى كۆتۈرۈش خىزمىتى بېكەت تېخنىكلىرىنىڭ جاپالىق ئىشلىشى نەتىجىسىدە ئىككى كۈندە تامام بولدى، نەچچە سائەتلىك سىناق نەتىجىسىدە «مۇنبەرنى ئاچسا بولىدۇ» دەپ قارىلىپ، ئەزىزلەرنىڭ ھوزۇرىغا سۇنۇلدى.    مۇنبىرىمىز ئىككى يىلدىن بېرى Discuz 6.1 مۇنبەر سىستېمىسىنى گۈزەللەشتۈرۈپ، ئىقتىدار قوشۇپ ئىشلىتىپ كېلىۋاتقان ئىدى. بۇ مۇنبەر سىستېمىسىنىڭ كېيىنكى نەشىرلىرى رايىمىزغا ياقمىغانلىقى سەۋەبىدىن، نەشىر كۆتۈرۈشكە ئالدىرىمىغان ئىدۇق. نەچچە ئاي ئىلگىرى بۇ سىستېمىنىڭ بىز كۈتكەن ئىقتىدارلارنى ھازىرلىغان يېڭى نەشىرى Discuz X1.5 ئېلان قىلىندى. بىزنىڭ نەشىر كۆتۈرۈشىمىزگە ئاساس ھازىرلاندى. بۇ يازمىمىز ئارقىلىق، سىستېمىنى ئىشلىگەن ۋە ئۇيغۇرچىلاشتۇرۇپ چىققان ئەزىمەتلەرگە چوڭقۇر رەھمىتىمىزنى بىلدۈرىمىز.    ۋاقىت قىس، ئۆزىمىز ناقىس. شۇ سەۋەبلەرگە كۆرە، مۇنبەرنىڭ يېڭى نەشىرىنى تەڭشەش جەريانىدا بىز سەزمىگەن كەمچىلىكلەر ساقلانغان بولۇشى مۇمكىن. بۇرادەرلەرنىڭ سەزگەن مەسىلىلەر، يولۇققان قىيىنچىلىقلارنى مۇشۇ تېما ئاستىغا ئوتتۇرىغا قويۇپ، تېخىمۇ مۇكەممەل «يەتتە قىزلىرىم مۇنبىرى» نى بىز بىلەن بىرلىكتە بارلىققا كەلتۈرۈشىنى ئۈمىد قىلىمىز. ھۆرمەت بىلەن: يەتتە قىزلىرىم خانىم-قىزلار تور بېكىتى 2011-يىلى 4-ئاينىڭ 27-كۈنى(سائەت 0:44 دە يېزىلدى)