قېتىق ئۇيۇتۇشنى بىلەمسىز ؟

خۇشچىراي

	سالام دوسلار،ئەتىياز پەسلىدە قېتىق ئىچىپ بەرگەندە ئادەمنىڭ مىجەزىنى تەڭشەشكە پايدىسى بار. تۆۋەندە مەن سىلەرگە قېتىقنى ئائىلىدە،ئۆز قۇلىمىز بىلەن ئۇيۇتۇشنىڭ ئۇسۇلىنى تۇنۇشتۇرماقچى ،قېنى ئەمىسە قۇلاق سېلىڭ. خۇرۇچلىرى: كالا سۈتى ياكى قوي سۈتىدىن بىر كىلوگىرام، كۆنەلگۈدىن 50 گىرام.   ئېتىش ئۇسۇلى:سۈتنى قاينىتىپ ئوتتىن ئېلىپ، قول كۆيمىگىدەك دەرىجىدە،يەنى تېمپېراتۇرىسى35~40 گىرادۇس ئەتراپىداسوۋۇتۇپ،كۆنەلگۈ سېلىپ،تۆت سائەتتىن ئالتە سائەتكىچە يۆگەپ قويساق قېتىق ئۇيۇيدۇ. ياش كالىنىڭ سۈتىدىن ئۇيۇتۇلغان قېتىق ئەڭ ياخشى قېتىقتۇر. تەسىرى: بەدەنگە ھۆللۈك يەتكۈزۈپ،تەشنالىقنى ۋە سەپرانىڭ غالىپلىقىنى پەسەيتىدۇ، ئۇيقۇ كەلتۈرۈپ مىزاجنى تەڭشەيدۇ، ئىسسىق مىجەز كىشىلەردىكى ئۆت ياللۇغى، جىگەرنى ماي قاپلاش، قان بېسىم، ئۈچەي، ئاشقازان كېسەللىكلىرىنىڭ ئالدىنى ئالىدۇ. خانىم-قىزلار دائىم قېتىق ئىچىپ بەرسە، تېرىنىڭ نەملىكىنى ساقلاپ، سىلىقلاپ، پارقىرىتىپ گۈزەللەشتۈرىدۇ. ئەسكەرتىش: سوغۇقچان كىشىلەرگە زىيان قىلىدۇ. شۇنىڭ ئۈچۈن ھەسەل بىلەن ئىستىمال قىلسا بولىدۇ. گەرچە قېتىق ئۇيۇتۇش ئاساندەك قىلغان بىلەن ئىنتايىن نازۇك ئۇسۇل. يەنى سۈتىڭىز قىززىق بوپ كەتسە، ئاچچىق بولۇپ قالىدۇ. سۈتىڭىز سۇۋۇپ قالسا، ئۇيۇمايدۇ. شۇنىڭ ئۈچۈن سۈتنىڭ تېمپېراتۇرىسىغا بەكرەك دىققەت قىلىشىمىز كېرەك.

MARS-500

	راس دىسەم مەن كۈندە بىر قاچا ئىچىمەن................

مەرۋەرى

	ئاپام تولا ئۇيىتىدۇ، بازارنىڭ قېتىقلىرىنى ياراتماي

nazinin

	تەييارنى ئىچىپ كۆنۈپ قاپتىمەن ،ئۆزەممۇ قول سېلىپ ئۇيۇتۇپ باقسام بولغۇدەك .

esil

	مەن ئانچە ۋاي  دەپ كەتمەيمەن مۇشۇ قىتىق دىگەنگە ..لىكىن بىزنىڭ بالاڭزا ئالامەت ئامراق ، ما تىمىنى ئوقوغونىمنى بىلىپ قالسا مىنى  قىتىقچى قىلىۋىتىدۇ ئۇ  ئۆيدە

جۇلالىق

	ئانام بۇرۇن بەك تاتلىق قېتىقلارنى ئۇيۇتۇپ بېرەتتى. بازاردىن قېتىق ئېلىپ ئىچسەم ئانام ئۇيۇتۇپ بەرگەن قېتىقلاردەك تېتىمايدۇ.