قىسمەت داڭلىق شەخسمۇ؟

Qismet

	.     يېقىندىن بېرى تېلېفون، E-mail لاردا (ھازىر QQ نى كۆپ ئىشلەتمەيمەن) مەن بىلەن ئەسرالىشىشنى، پاراڭلىشىشنى ئىستىگەن بىر نەچچە بۇرادەرلەر بىلەن دىدارى-مۇلاقاتتا بولدۇم. بىر ۋاق تاماق يېيىشكەچ، ئۇ يەر-بۇ يەرنىڭ پارىڭىنى قىلىشىپ مۇڭداشقانمۇ بولدۇم. بۈگۈن ئىككى بۇرادەر يەنە شۇ خۇسۇسىدا تېلېفون قىلىپتۇ. بۇرادەرلەرنىڭ مېنى يېقىن كۆرۈپ مۇڭداشماق بولغانلىقىغا خۇرسەن بولدۇم-يۇ، ئويلىنىپ قالدىم. كىشىلەر نېمە سەۋەبتىن مەن بىلەن كۆرۈشمەكچى بولىدۇ؟ مەندىن قانداقمۇ ئۇلارغا تەسىر كۆرسىتەلىگۈدەك ياخشى پىكىرلەر چىقسۇن؟     قىسمەت داڭلىق شەخسمۇ ؟     بۇ سوئالنى مەندىن سورىسا، ئىككىلەنمەي تۇرۇپ: «ياق، ئۇنداق ئەمەس، ئۇ بىر ئائىلىنى ئاران بېقىپ كېتىۋاتقان كىشى، نەرى داڭلىق بولسۇن؟» دەپ جاۋاب بەرگەن بولاتتىم.     بىراق، 10 نەچچە يىللىق كومپيۇتېر ھاياتى، شىنجاڭدىكى نامى چىقىشقا باشلىغان گۇرۇپپا شىنجاڭ كومپيۇتېر ھەۋەسكارلىرى (xjcfan) گۇرۇپپىسىنى قۇرۇپ چىقىش، بىر نەچچە تور بېكەت ۋە بلوگنىڭ قۇرغۇچىسى، مەسئۇلى بولۇش، كىشىگە تۈزۈك نەپ بەرمەيدىغان نەچچە يۈرۈش كومپيۇتېر ئۆگىتىش يۇمشاق دېتالىنى تۈزۈش، بىر نەچچە قېتىم تېلېۋىزىيە، رادىئولاردا زىيارەت قىلىنىش، ژۇرنال ۋە تور مەتبۇئاتىدا بىر نەچچە پارچە ماقالە (ئەمەلىيەتتە ماقالە دېگۈچىلىكى يوق) ئېلان قىلىش بىلەن، بەزى بۇرادەرلەرنىڭ نەزىرىدە داڭلىق شەخسكە ئايلىنىپ قالغاندەك تۇرىمەن.     ئەمەلىيەتتىچۇ؟ ئەمەلىيەتتىكى قىسمەت ئۇنىڭ ئەكسىچە، بۇرادەرلەر ئويلىمىغان دەرىجىدە ئاددىي ئىنسان.     قىسمەت ئارام ئېلىشنى بىلمەيدۇ.     قىسمەت ئائىلىسىدىكىلەر بىلەن جەم بولۇش ئۈچۈن ناھايىتى تەستە ۋاقىت چىقىرىدۇ.     قىسمەت سەل تېرىككەك.     قىسمەت زىيادە ئەستايىدىل بولغانلىقى سەۋەبلىك، ئىشنى ياخشى، تولۇق قىلىمەن دەپ بەزى ئارتۇقچە ئاۋارىچىلىقلارغا قالىدۇ.     قىسمەت زىيادە كۆڭۈلچەك بولغانلىقى ئۈچۈن، باشقىلارنى، بولۇپمۇ ئايالىنى ئاسان رەنجىتىدۇ.     قىسمەتنىڭ تۇرمۇش ئىشى ناھايىتى كۆپ ئەگرى-توقايلىقتىن كېيىن، ئاندىن بۈگۈنكى خاتىرجەملىككە ئېرىشكەن.     قىسمەت ئىچكىرى ئۆلكىلەردە بىر مەزگىل سەرسانلىق تۇرمۇشىنى باشتىن كەچۈرگەن.     قىسمەتنىڭ تۇرمۇشىدا غەلىبىدىن مەغلۇبىيەت كۆپرەك كۆرۈلگەن.     قىسمەت 10 نەچچە يىللىق كومپيۇتېر خادىمى بولغان بىلەن، رايونىمىزدا كەڭ قوللىنىلىدىغان بىرەر تۈرنى ئىشلەپ چىققان ئەمەس.     قىسمەتنىڭ 2011-يىلى كىرگەندىن بۇيانقى تېلېۋىزىيە، رادىئولاردىكى زىيارەت قىلىنىشى پەقەت تەلىيى ئوڭدىن كەلگەنلىكى، 2011-يىلىنىڭ قىسمەتكە ياراشقانلىقىدىن بولغان.     قىسمەت ئەنە شۇنداق ئىنسان. دېمەكچىكى، قىسمەتكە قىلىنغان ھۆرمەت قىسمەتنىڭ ئەمگىكىدىن ئېشىپ كەتكەن. شۇ سەۋەب قىسمەت كۆپچىلىككە ئادەمگەرچىلىككە قەرز بولۇپ قالغان.     خۇلاسە، كەمىنە قىسمەت داڭلىق شەخس ئەمەس، شەخسىي غېمىدىن ئېشىنىپ بولالمىغان، ئەلگە ھېچقانداق خىزمەت كۆرسىتەلمىگەن، قىسقىسى ئۇ دەرىجىدىكى ھۆرمەتكە، قارشى ئېلىنىشقا لايىق ئەمەس ئاددىي ئىنسان. ھالبۇكى نىشانىم داڭلىق شەخس بولۇش ئىدى...     مەنبە: قىسمەت بلوگى

nazinin

	مەغلۇبىيەت غەلىبىنىڭ ئاساسى .بۇرۇن تۇرمۇش مۇساپىڭىزدا كۆپ مەغلۇپ بولغان بولسىڭىز،مانا ئەمدى شۇ مەغلۇبىيەتتىن تەجىربە ساۋاقلارغا ئىگە بولۇپ  ئاز بولسىمۇ نەتىجىلەرگە ئېرىشىۋاتقان بولۇشىڭىز مۈمكىن . بۇندىن كېيىن تۇرمۇشىڭىزنىڭ تېخىمۇ بەختلىك ،ئىشلىرىڭىزنىڭ تېخىمۇ ئۇتۇغلۇق بولۇشىنى تىلەيمەن .

Jewlaniy

	مەن داڭلىق شەخىس ئەمەس دەپ يەنە داڭق چىقىرىدىغان بولدى  مانا.

ئاھۇ

	سىزنى داڭلىق شەخىس دەپ ئەمەس،دوست كۆرۈپ ئىزدىگەنلەرنىڭ كۆڭلى چىگىلىپ قالمىغاي .چۈنكى، ئۇلارمۇ ئۆزىڭىزگە ئوخشاشلا سىزنىڭ داڭلىق شەخىس بولىشىڭىزنى ئۈمىد قىلىشى مۈمكىن قىسمەت....:

7YIGIT

	مەن " قىسمەت " دىگەن ئىسىم ، تەخەللۇسنى مۇشۇ يەردە كۆردۈم ..

مەرۋەرى

	قىسمەت داڭلىق شەخىس ئەمەس مەن گۇۋاھ ، ئەممازە يېقىندىن بۇيان ئاخبارات ئورۇنلىرىدا مىكرو بلوگ توغرىلىق زىيارەت ئاۋۇپ قالغاچ سەل- پەل ئالدىراش بولۇپ قېلىۋاتىدۇ، . قىزلىرىڭىزنىڭ بەخت تەلىيىگە داڭلىق شەخىس بولمىسىڭىزمۇ، سالامەت، ئامان- ئېسەن تۇرۇپ بەرسىڭىزلا بولدى .

anar

	قىسمەت داڭلىق شەخىس ئەمەس ئۇ مېنىڭ كومپىيوتۇرىمدىن چاتاق چىققاندا مەسلىھەت سورىغۇچۇم

kizilgul

	مېنىڭچە "داڭلىق شەخس"دەپ ئاتالغانلار ئەمەلىيەتتە ھەقىقەتەن كەمتەر ،تىرىشچان ، ئەستايىدىل،سەمىمى ئادەملەر بولۇپ،بۇنداق ئادەملەر يۇقىرىقى جەھەتلەرنىڭ ھەممىسىدە تولۇق يېتىلمىگەن بولۇشىمۇ مۇمكىن،لېكىن بىر نەرسە ئېنىقكى،بۇنداق ئادەملەرنىڭ كەچمىشى، تۇرمۇش ئۇسۇلى ئالاھىدىرەك بولىدۇ.ھېچ بولمىسا بۇنداق ئادەملەر تىرىشچان ، ئاقكۆڭۈل، ئىرادىلىك بولۇپ،شۇ ئالاھىدىلىكلىرى بىلەن ئەتراپىدىكىلەرنى تەسىرلەندۈرگەن، ھەيران قالدۇرغان ،باشقىلار قىلالمىغان ياكى قىلىشقا جۈرئەت قىلالمىغان،قىلغان بولسىمۇ باشقا ئېلىپ چىقالمىغان ئىشلارنى بۇلار باشقا ئېلىپ  چىقالىغان ،شۇ ئىشتا ئۇتۇق قازانغان ئادەملەردۇر.دۇنيادا ھەممە جەھەتتە ھەممە ئادەمنى بېسىپ چۈشىدىغان ئادەم يوق.بىز پەقەت ئۆزىمىزنىڭ ئەتراپىدىكى،ئۆزىمىز مەنسۈپ بولغان ساھەدىكى ئادەملەرنى ،ھېچ بولمىسا ئۆزىمىزنىڭ تەڭتۇشلىرىنى بېسىپ چۈشەلىسەك،ياكى شۇلارنى قايىل قىلالىساق،شۇلارنىڭ ئىچىدە داڭدار بولالىساقلا كۇپايە.بىز مەلۇم جايدا داڭدار سانالساق،يەنە مەلۇم جايدا تولىمۇ ئادەتتىكى ئادەم بولۇپ قېلىشىمىز مۇمكىن. قىسمەت ئەپەندىمنىڭ ئەتراپىدىكى كىشىلەرنىڭ ئۆزىگە بولغان مۇئامىلىسىگە ،ئۆزىگە بولغان قىزىقىشىغا قاراپ ئۆز-ئۆزىگە "قىسمەت داڭلىق شەخسمۇ"دەپ سوئال قويۇپ،ئۆزىنى ھەر جەھەتتىن تەھلىل قىلىپ ،ئۆزىنىڭ تولىمۇ ئاددىي ئادەم ئىكەنلىكىنى مۇئەييەنلەشتۈرىشى تولىمۇ كەمتەر ،تىرىشچان ،سەمىمى ئادەم ئىكەنلىكىنى چۈشەندۈرىدۇ.سىز مېنىڭ يۇقىرىقى تەھلىلىمدىن (توغرا بولۇپ كېتىشى ناتايىن)ئۆزىڭىزنىڭ ئادەتتىكى ئادەم ئەمەسلىكىڭىزنى ھېس قىلىپ يەتتىڭىز ھەقىچان.ئادەم ئۆزىگە تەلەپنى قانچە قاتتىق قويسا،شۇنچە ئالغا باسىدۇ، تەلەپنى قانچە بوش قويسا شۇنچە ھورۇنلىشىدۇ.سىزنىڭ كەلگۈسىدە داڭلىق شەخس بولالايدىغانلىقىڭىزغا ئىشىنىمەن ۋە شۇنداق بولۇشىڭىزنى چىن دىلىمدىن ئۈمىد قىلىمەن. (داڭلىق شەخس بولغاندا قىزىلگۈل ھەدىڭىزنى ئۇنتۇپ قالمىغايسىز )

kun^kiz

	مەن تېما ئىنكاسلارنى كۆرۈپ ئولتۇراي . چۈنكى مەن  قىسمەن ئەپەندىنى ئەمدى تونىدىم .

arman-taxkin

	مىنىڭچە قىسمەتكا ، ھايات چەكلىك ،  شۇنداقتىمۇ نىيەت قىلساقلا داڭلىق شەخىس بۇلماق تەس ئەمەس .  مەرۋەرى ھەدىمىز دىگەندەك ، ئائىلىڭىزدىكىلەرنىڭ بەختى - خۇشاللىقى ئۆچۇن تىنىچ - ئامان ،  مۇنبىرىمىزنىڭ تەرەققىياتى ۋە كەلگۇسى ئۈچۇن بەردەم ، تىك تۇرۇپ  بەرسىڭىزلا بۇلدى . .. [ arman-taxkin بۇ يازمىنى  2011-يىلى 4-ئاينىڭ 18-كۈنى 21:04  دە تەھرىرلىگەن. ]