قىزلارنىڭ كالتە يوپكىسىغا ئالىي مەكتەپلەرنىڭ پىكىرى

جۇلالىق

	مەلۇم ئالىي مەكتەپتىكى قىزلاردا قىسقا يوپكا كىيىش بەكلا مودا بولۇپ كېتىپتۇ، ئۇنىڭ ئۈستىگە بىرىنىڭكىدىن بىرىنىڭكى قىسقىكەن.مەكتەپ رەھبەرلىرى بۇنى كۆرۈپ ئېشىپ كېتىپتۇ دەپ ئويلاپ، بۇنى چەكلەش توغرىسىدا پەرمان چۈشۈرۈپتۇ..بۇنىڭ بىلەن مەكتەپتە غۇلغۇلا بولۇپ كېتىپتۇ، ئەتىسى مەكتەپ مۇدىرى نۇرغۇن ئىنكاس تاپشۇرۇۋاپتۇ. مەكتەپ دوختۇرخانىسى: زۇكامنى كەلتۈرۈپ چىقىرىدىغىنى بىر خىل ۋىرۇس،ھەرگىز سوغۇقتىن ئەمەس... گۈزەل-سەنئەت ئىنستىتۇتى: مۇۋاپىق بولغان كەمتۈكلۈكنىڭ تېخىمۇ گۈزەللىك ئاتا قىلىدىغانلىقىنى ۋىناس ئىسپاتلاپ تۇرماقتا.. مۇھىت ئىنستىتۇتى:  ئەجەبا، يەر شارىنىڭ ئىسسىپ كەتكىنى يالغانمۇ؟ مەكتەپ مالىيە بۆلۈمى:  رەختنى تېجەپ ئىشلەتكەننىڭ نەرى يامان... تېببىي ئىنستىتۇتى:  قۇياش نۇرى بەدەنگە پايدىلىق تارىخ ئىنستىتۇتى :  يەر شارى تەرەققىي قىلىپ يەنىلا ئىپتىدائىي جەمئىيەتكە قايتىدۇ . تەنتەربىيە ئىنستىتۇتى: پەقەت ئۇزۇن ئىشتان كىيىدىغان ۋارىتارلا بولۇپ ،كالتە ئىشتان كىيىدىغان ھۇجۇمچى ۋە مۇداپىئىچىلەر بولمىسا ،بۇنى قانداقمۇ پۇتبول كوماندىسى دېگىلى بولسۇن؟! ماتېماتىكا ئىنستىتۇتى: قىسقا، ئىخچام، بىر قاراپلا" ھەممىنى" چۈشىنۋالغدەك بولسا گېگنا ئوقۇتقۇچىسى :  ئاناتومىيە دەرسى ئۆتۈشتە تېخىمۇ ئوبرازلىق بولىدۇ ئەدەبىيات ئوقۇتقۇچىسى:  تەسۋىرلەشتە تېخىمۇ زوق بېغىشلايدۇ ........... ياتاق بىناسىدىكى كۆزەتچى بوۋاي:  ئەينى يىللاردىكى سەيپۇڭلار نىمىلەرنىمۇ تىكىپ يۈرگەن بولغىيتتى... ئەمدى ئويلىسام ئاچچىقىم كېلىۋاتىدۇ.... مەكتەپ خوجىلىق بۆلۈمى: (1) مەكتەپنىڭ سۇ ئىشلىتىش مىقدارىنى ھەرگىزمۇ ئاشۇرۇۋېتىشكە بولمايدۇ. (2) ئوقۇغۇچىلارنى ئامالنىڭ بارىچە ئاز سۇدا كىيىم يۇيۇشقا ئادەتلەندۈرۈشىمىز كېرەك. (3) مەكتەپنىڭ توك ئىشلىتىش مىقدارىنى ھەرگىزمۇ ئاشۇرۇۋېتىشكە بولمايدۇ. (4) ئوقۇغۇچىلارنى ئامالنىڭ بارىچە توكنى ئاز ئىشلىتىپ كىيىم دەزماللاشقا ئادەتلەندۈرۈشىمىز كېرەك. پەقەت ئىسلام ئىنىستىتوتىلا ئاخىرقى زامان يېقىنلاشتى . كومپيۇتېر فاكۇلتېتى:1946-يىلى بارلىققا كەلگەن كومپيۇتېر بەكلا چوڭ ئىدى ھازىر كىچىكلەپ ئالىقانچىلىك بولۇپ قالدىغۇ ؟؟؟ بۇنىڭغا ھېچكىم نارازى بولمىسا سىز يوپكىلار كالتىراپ كەتسە ھەجەپ ..... قۇرۇق يۇيۇش دۇكىنى: ھازىر بىر قېتىمدىلا بۇرۇن 3 قېتىمدا يۇيۇپ تۈگىتىدىغان كىيىملەرنى تۈگىتىمىز، بۇنىڭدا توك چىقىمى ئازىيىپ كىرىم ئاشىدۇ ئەمەسمۇ؟ گئومىتىريە گۇرۇپىسىدىكلەر: قىسقا يوپكا ناھايىتى گۈزەل بىر بوشلۇقتىكى ۋە تۆت نۇقتا ئارقىلىق ئىپادىلەنگەن ئوماق شەكىل . خىمىيە فاكۇلتېتى: بەدەننى ئاپتاپقا قاقلاپ بەرسە ۋىتامىن (س)نىڭ ئاجرىلىشىغا پايدىلىق!!!

makanmusic

	مىنىڭ سەزگۈرلۈگۈم بۈگۈن بەك ئىشىپ كەتتىمۇ بىلمىدىم،كوچىدا بۈگۈن ھەدىدىن زىيادە قىسقا يوپكا كىيگەنلەر بەك چىقلاپ كىتىپتۇ،بۈگۈن ھاۋانىڭ ئىسىقلىغى بىلەن مۇناسىۋەتلىكمۇ ياكى مىنىڭ زىيادە بۇ قىسقا يوپكىلارغا بەكلا قاراپ كەتكەنلىگىمدىن شۇنداق بىلىندىمۇ بىلمىدىم..............

قەھۋە

	مانا، ھازىرقى زاماندىكى ياشلار جاۋاب دېگەننى تىزىپلىۋېتىپتۇ.گەپ بەرگىلى بولمىغۇدەك ئۇلارغا.     نىمىشقا قىسقا يوپكا كىيىدىغاندۇ ؟ قىش كۈنلىرى بەك بىلىنمەيدۇ، ئەمما ياز كۈنلىرى بەكلا ئېشىپ كېتىدۇ. ئەمەلىيەتتىمىغۇ بازاردا سېتىلىۋاتقان يوپكىلارنىڭ نۇسخسى شۇنداق. ئۇزۇنراق بولسا بولاتتى، دېسىڭىز سىزنى مەتو دەپ قارايدۇ. مەنغۇ قىسقا يوپكا بىلەن قاملىشالمايمەن، كۈندە نەچچە باشلىقنىڭ ئىشخانىسىغا كىرىدىغان ئادەم بىئەپ ھېس قىلىدىكەن كىشى. ئادەتتە ئىشتانلا كىيىپ يۈرىيمەن مەن، ھەممىدىن ئەركىنرەكى شۇ.

گۈلسەنەم

	جايىدا ئىشلىتىلگەن ئوخشىشتىلار! ئابدىكېرەم ئابلىز ئېيتقاندەك كالتە ئىشتان ۋە يوپكىلار<< زۇكامنىڭ ئالدىنى، سارىسنىڭ كەينىنى ئالىدۇ، خۇدايىم بەرگەن پاچاقلارنى ئاپتاپقا سېلىپ تۇرمىسا يامان بولىدۇ>> دېگەندەك، دېمىسىمۇ تۈنۈگۈن بۈگۈن ئىككى كۈندىلا خۇدايىم بەرگەن پاچاقلىرنى ئاپتاپقا سالىدىغانلار بەكلا كۆپىيىپ كېتىپتۇ، ئويلاپ قالدىم، 4- ئايدا بۇنچە كالتە كەيسە، كېيىنكى ئايلاردا..............................

arman-taxkin

	ئىپپىتلىك ، شەرمى-ھايالىق ، ھەقىقى ئۇيغۇر قىز ئاياللىرىمىز بۇلسا ؛ ئەي قۇدرەتلىك ئۇلۇغ ئاللا ، شۇ بىلىپ - بىلمەي قىلغان گۇناھلىرىمىزنى ئەپۇ قىلغايسەن . ئىزىپ قالغان ئاشۇ بىر قىسىم قىرىنداشلىرنىڭ كۆڭلىگە ئىنساپ ، دىلىغا ھىدايەت ئاتا قىلغايسەن . كىيىم تىكىش زاۋۇتى ؛ بۇندىن كىيىن مۇشۇنداق كىيىم تىكىمىز ، رەخىت بىلەن ھۈنەر كۆپ كەتمەيدۇ .

neyime

	قىسقا يوپكا ماجىراسى، خىلى بولدى بىزدە بۇ توغىرلىق جىقلىغان ئىپىزوتلار  ئوينالدى ،ماقاللار يىزىلدى ،مۇنبەرلەردە تەنقىتلەندى ،لىكىن يەنە شۇ ئۇزۇن كىيدىغانلىرى ئازىيىپ قىسقا كىيدىغانلار جىقىيىپ كىتىپ بارىدۇ ،تەشۋىقات تەتۇرسىگە مىڭىپ كىتىپ بارىدۇ ،ئۇنى ئاز دەپ ھازىر ئورنىۋالغان قىز-چوكانلارنىڭمۇ (گەرچە ھەممە يەرى يىپىلغان بولسىمۇ )يوپكىسى قىسقىراپ كىتىپتۇ ....نىم دىگۈلۈك بۇ جاھاننىڭ ئىشلىرىغا....

faeza

	قىسقا يوپكىلارلا ئەمەس ، بىلى كالتە ئىشتانلار ، كالتە مايكا ، گاڭسىرلارنى كىيىۋالغان قىزلارنى كۆرسەم تىللىۋاتقىلى تاس قالىمەن . بەزىدە يېنىمدىكىلەرگە گەپ قىلغان بۇلۇۋېلىپ ، تەنە گەپ قىلىمەن . بەزىدە ئاشۇنداقلارغا ئالىيىپ ئۈتۈپ كىتىمەن .

anar

	قىسقا يوپكا كىيىشكە باھانىڭىز بارمۇ ؟ دىگەندەكلا

dilnaz

	خىمىيە فاكۇلتېتى: بەدەننى ئاپتاپقا قاقلاپ بەرسە ۋىتامىن (س)نىڭ ئاجرىلىشىغا پايدىلىق!!! ------------------------- توۋا، مەن ئاپتاپقا جىق قاقلانسا ئۇلتىرا بىنەپشە نۇرىنىڭ تەسىرىدە تىرە راكىنىڭ كىلىپ چىكىشى مۇمكىن دەپ ئاڭلىغاندەك قىلغانتىم

Jewlaniy

	ئەينى ۋاقىتلاردىكىدەك يۈرەكلىك ھالدا پاچاققا ھاسا بىلەن سالىدىغان بۇۋايلىرىمىزمۇ قالمىدى. ھازىرقى بوۋايلار ھاسا تۇتۇپ مېڭىشتىن نۇمۇس قىلىدۇ. ھەم يەنە بۇۋايلار ھاسىغا دىيىنىپ ماڭغىدەك كۈنلەرگىمۇ ئۇلىشالمايۋاتىدۇ. ھازىرغىچە  يادىمدا . 10نەچچە يىل ئىلگىرى ھەدەم ئوقۇش پۈتتۈرۈپ شەھەردىكى مەلۇم كوچىدا ئىشتان كىيىپ مېڭىپ كىتىۋاتقاندا بىر بوۋاي ھاسا بىلەن پاچاققا ساپتىكەن، قىز بالا بولغاندىن كىيىن ئۇزۇنراق يوپكا كەيسەڭ بولمامدۇ  دەپ. ئۆيگە چىقىپ خېلى ئۇزۇنغىچە يىغلاپ شۇندىن كىيىن ئىشتان كىيمەس بولغان ئىدى. [ Jewlaniy بۇ يازمىنى  2011-يىلى 4-ئاينىڭ 16-كۈنى 20:55  دە تەھرىرلىگەن. ]