ئاچچىق سوئاللار

arman-taxkin

	ئاچچىق سوئاللار 1 . ئەرلەر ھاراق ئىچسە بوپتۇ دىدۇق، ئەمما ئايالىنى ۋە بويىغا يەتكەن قىزىنى ھاراق ئىچىشكە زورلىغان بەزىبىر ئەرلەرنى نىمە دەيمىز؟! 2 . باشقىلارنىڭ قىزىغا باسقۇنچىلىق قىلغانلارنى ( ھايۋان ) دەپ تىللىدۇق. لېكىن ئۆزىنىڭ قىزىغا باسقۇنچىلىق قىلغانلارنى نىمە دەپ تىللايمىز؟! 3 . بۇرۇن يازغۇچى - شائىرلار ئۆز ئەسەرلىرىدە ئۇيغۇر قىزلىرىنىڭ چاچلىرىنى: ( مەجنۇنتالدەك سۇمبۇل چاچلىرىڭ )، ( قۇندۇز كەبىي قارا چاچلىرىڭ ) دەپ تەسۋىرلەيتتى. ئەمدىلىكتە ( قىزىل، سېرىق، قۇڭۇر چاچلىرىڭ )، ( چىڭگىلىكتەك غىجماش چاچلىرىڭ ) دەپ تەسۋىرلەرمۇ؟ 4 . بۇرۇنلاردا ئىككى ئادەم ئۇرۇشماقچى بولسا ئادەم يوق خالىي يەرگە بېرىپ، يېنىدىكى پىچاقلىرىنى ئېلىۋېتىپ، ئاندىن كىيىن ئۇرۇشاتتى. ھازىر بولسا ئادەم كۆپ يەردە ئۇرۇشىدىغان، ئىككى - ئۈچ مۇشت ئېتىشا - ئېتىشمايلا بىر - بىرىگە پىچاق تىقىشىدىغان بولۇپ قالدى. بۇ ھازىرقى ئەرلەردىكى نامەردلىكمۇ ياكى تەرەققىياتمۇ؟ 5 . بەزى يىگىتلەر قىزلارغا تەلەپ قويۇپ، تەلىپى رەت قىلىنسا ( ياخشى كۆرۈش گۇناھ ئەمەس ) دەيدىكەن، ئەجىبا ئۇلار ياخشى كۆرۈشنىڭ گۇناھ ئەمەسلىكىنى بىلگەن يەردە، ياخشى كۆرمەسلىكنىڭمۇ گۇناھ ئەمەسلىكىنى بىلمەمدىغاندۇ؟ 6 . بۇرۇن ئىككى ئادەم ئۇرۇشۇپ قالسا شۇ يۇرتنىڭ مويىسىپىت - چوڭلىرى ئۇلارنى بىر يەرگە ئەكىلىپ، بىر پىيالە چاينى ئىككەيلەنگە تەڭ ئىچكۈزۈپ، ئىككى - ئۈچ ئېغىز ياخشى گەپ بىلەن ياراشتۇرۇپ قوياتتى. شۇنىڭدىن كىيىن ئۇلارنى خۇددى بىر تۇققاندەك يىقىن ئۆتۈۋاتقان ھالەتتە كۆرەتتۇق. ھازىر بولسا كىشىلەر كىچىككىنە ئىشلار ئۈچۈنمۇ بىر - بىرىنى سەت تىللار بىلەن تىللايدىغان، ئۇرۇشىدىغان ھەتتا زىيان تارتقىنى قارشى تەرەپنى سوت مەيدانىغىچە سۆرەپ ئاپىرىدىغان بولۇپ قالدى. بۇ ھازىرقى ئادەملەردىكى ئەنئەنە ئېڭىنىڭ يوقالغانلىقىمۇ ياكى ئۇلارنىڭ قانۇن ئېڭىنىڭ يۇقىرى كۆتۈرۈلگەنلىكىمۇ؟ 7 . مەن كونىلارنىڭ: ( شامال چىقمىسا دەرەخ لىڭشىماس ) دىگەن يەكۈنىدىن ئازراق گۇمانلىنىمەن. چۈنكى، بەزىبىر نامەرد، چىدىماس، ھەسەتخور ئادەملەر جىم تۇرغان دەرەخنىمۇ قەستەن مىدىرلىتىپ ئۇلارغا ئاۋارىچىلىق تېپىپ بىرىدىكەن ئەمەسمۇ؟! قۇمۇل ئەدەبىياتى ژۇرنىلى

peacelife212

	ئاچچىق سۇئاللارغا قەلبلەر ئويلىنىش ئىچىدە جاۋاب ئىزدىمەكتە...

urkaxjan

	ئاچچىق سۇئاللار .........................................بەكلا ئاچچىقكەن. ئويدىن چىقىپ كۇچىلاردا سوكۇلداشقان. بىر بۇلۇڭغا يىغىلۋېلىپ كوتۇلداشقان. پالان ئۇنداق پالان مۇنداق پىتنىخورلۇق. بۇ ئەخلەتنى  يىغىپ ئوتنى ياقاي دەيمەن.

پەرىشتە

	بۇ ئاچىق ساۋاقلارغا نىمە دىگۈلۈك.......... ئاۋامنىڭ سۆزىنى سۆزلىسەم ئاۋام چاقتى،سۆزلىمىسەم ۋىجدانىم ئۆلدى.

kun^kiz

	جەمىيتىمىزدىكى مۇشۇنداق ئەھۋاللار ئادەمنى  ھەقىقەتەن ئويغا سالىدۇ .

دىلەيسەم

	نىمە دېگەن ئاچچىق سوئاللار بۇ؟ بۇ سوئاللار بىزلەردىن جاۋاپ كۈتمەكتە

جۇلالىق

	ۋىجدانىمىز بارغانسېرى قۇرۇپ كېتىۋاتىدۇ. ۋىجداننى قانداق سۇدا سۇغارسا تېخىمۇ ياشىرىپ كۆكلەيدۇ؟

arzuyum

	ئاچچىق سۇئاللارھەقىقەتەن بەكلا ئاچچىقكەن

زىلال

	بىزنىڭ مىللىتىمىز ئىنتايىن ئەقىللىق ۋە باشقىلارنىڭ كەينىدە قېلىشنى خالىمايدىغان مىللەت بولغاچقا ،ئەزەلدىن كونىنى ئۇنتۇپ << يىڭىلىق>>نى قۇبۇل قىلىپ كىلىۋاتىدۇ ،مەيلى ئۇ قانداق<< يىڭىلىق>> بۇلىشىدىن قەتئىينەزەر بىزنىڭ مىللىتىمىز ناھايىتى تىزلا قۇبۇل قىلىۋالىدۇ ھەم بارلىققا كەلتۈرىدۇ،ھەتتا ئېغىر غەپلەت ئۇيقۇسىدا ئۇخلاپ تۇرۇپمۇ چۈشلىرىدىن<< يىڭىلىق >> ئىزدەيدۇ .....بۇنىڭغا نىمە چارە ؟!!!مەن ھازىر ئاشۇ قۇرۇپ كىتىۋاتقان  ۋىجداننى قانداق قىلىپ تىرىلدۈرسەك بۇلار ،ۋىجدانىمىز ئاخىرىدا<< قۇم بارىخانلىرى>>  ئاستىدا قالارمۇ دەپ ئەنسىرەۋاتىمەن........

dilnaz

	بۇ سۇئاللارنى ئاشۇ ۋىجدانىنى ئىت يەپ كەتكەن كىشىلەر كۆرگەن بولسا بەك ياخشى بولاتتى.