ئايالىم، قىزىم ۋە ئاشنام

جۇلالىق

	(تەرجىمە) خىزمەت ۋە بىلىم ئاشۇرۇش سەۋەبى بىلەن مەلۇم بىر دۆلەتتە ئالتە ئاي تۇرۇپ قالدىم، بۇ ئالتە ئاي مەن ئۈچۈن ئاتمىش يىلدەك بىلىنىپ كەتتى. يۈرتۇم، ئائىلەم، سۆيۈملۈك ئايالىم ۋە بەش ياشلىق ئوماق قىزىمنى شۇنداق سېغىنىپ كەتكەنىدىمكى، كۈنلەر ئاز قالغانسېرى، سائەتلەر كۈنلەردەك، كۈنلەر ئايلاردەك بىلىنىپ كېتىۋاتاتتى. ئۇلار بىلەن بىر كۈن بولسىمۇ بۇرۇنراق دىدارلىشىش ئۈچۈن بەكمۇ تاقەتسىزلىنىپ كېتىۋاتاتتىم. سېغىنىش ئوتىدىن يۈز – كۆزۈمنى يارا بېسىپ، تېنىم كۈنسېرى ئاجىزلاپ كېتىۋاتاتتى. ئايالىم ۋە قىزىم بىلەن ھەر كۈنى دېگۈدەك تېلېفوندا سۆزلىشىپ تۇرۇۋاتقاچقا، مىجەزىمنىڭ يوقلۇقىنى ئۇلارمۇ بىلگەنىدى. نىھايەت، قايتىشقا بىر كۈن قالدى. يەنە ئادىتىم بويىچە ئايالىم بىلەن قىزىمغا تېلېفون قىلىپ، ئۇلارنىڭ نېمە سوۋغات تەلەپ قىلىدىغانلىقىنى سورىدىم. ئايالىم: ــ ئاڭلىسام، ئۇ دۆلەتنىڭ پالانى ماركىلىق ئەتتىرى بەك داڭلىق ئىكەن. ماڭا شۇ ئەتتىردىن بىر نەچچە قۇتا ئالغاچ كەلگەن بولسىڭىز، - دېدى. ئاندىن تېلېفوننى قىزىمغا بەردى. قىزىممۇ: ــ دادا! ئاپام ئۇ دۆلەتنىڭ قاشلىقى بىلەن خېنىسىنى بەك ياخشى دەيدۇ، ماڭا شۇلاردىن ئالغاچ كەلسىڭىز، - دېدى. مەن ئۇلارغا ماقۇل بولۇپ خوشلاشتىم. ئارقىدىنلا ئاغىنىلىرىمنىڭ ئارىسىدا قاتاردىن قالماسلىق ئۈچۈن بىر يىل بۇرۇن تۇتۇپ قويغان ئاشنامغا تېلېفون قىلىپ: ــ ئەتە قايتىمەن، ساڭا نېمە ئالغاچ باراي؟ - دەپ سورىدىم. ئاشنام بەكمۇ شېرىن ئەركىلەپ تۇرۇپ: ــ سىزنى بەكمۇ سېغىنىپ كەتتىم، ماڭا ھېچنېمە لازىم ئەمەس، سىز سالامەت قايتىپ كەلسىڭىزلا، مەن شۇنىڭغا ئالەمچە خۇش بولىمەن، - دېدى. ئارىدىن بىر نەچچە سائەت ئۆتتى، مەن تېخىچە ئايالىم، قىزىم ۋە ئاشنامنىڭ ماڭا بەرگەن جاۋابلىرىنى خىيال قىلىپ ياتماقتىمەن. مەنبە: نۇر تورى.

خۇشچىراي

	ئاغىنىللىرىنىڭ قاتارىدىن قالماسلىق ئۈچۈن ئاشنا تۇتىۋاپتىمىش ...

مەرۋەرى

	توۋا...قاتاردىن قالماي دەپمۇ ئاشنا تۇتارمىش ، كىم بىلىدۇ، ئۇ تۈلكە جىننىڭ ئۇ گېپىنىڭ ئارقىسىغا نىمە يوشۇرۇنغان

neyime

	بۇ قىزىق ھىكايىكەن ھە ،شۇ ئاشنىسى شۇنداق دىگەچكە ئۇ گۇي چوقۇم ھەممىدىن ياخشى نەرسىنى شۇ نايناق ئاشنىسىغا ئالىدۇ ،ھازىر قويۇلىۋاتقان <ئۇنىڭ ئىككى خوتونى يوق >دىگەن دىراممىمۇ شۇنداق ۋەقەلىككەن ،شۇنداق جانلىق تەسۋىرلەپتۇ ،بىر كۆرۇشكەن ئەرزىيدىكەن ،تەۋسىيە قىلىمەن بېرىپ كۆرۇپ كىلىڭلار !!!

مەرۋەرى

	مەن ئەتە كەچتە كۆرۈپ كېلەيمىكىن دېگەن ئويغا كەلدىم

سامسىپەز

	نەچچە سائەت يېتىپ، قانداق خىياللارنى قىلغاندۇ؟ ئايالىم نېمىشقا ئاشنامدەك تاتلىق ئەركىلىمەس بوپ قالغاندۇ...؟  ئۇمۇ "جېنىم سىز ساق-سالامەت كەلسىڭىزلا بولدى... سىزنى سېغىندىم..." دەپ قويسا نېمە بولاتتى؟... دەپما؟ ....

kun^kiz

	شۇنداق ماز ئەرلەر بار باشقىلارنىڭ دىپىغا ئۇسسۇل ئويناپ شۇنداق مەينەت  يۇندا ئەۋرەزلىرگە كىرىپ چىقىپ  تۇرىدسىغان .

anar

	بۇ ئادەمنىڭ قىزى بەش ياشقا كىرىپلا خىنە بىلەن قاشلىقنىڭ غېمىغا چۈشۈپتىما ؟ بۇرۇن ئاشنىلار سېلىق سالسا ،ھازىر خوتۇنى سېلىق سېلىپ ئاشنىلار ئامانلىق تىلەيدىغان زامان بوپتۇ

dilroh

	ۋاي توۋا  مۇشۇنداق ئىشلارنىڭ  كۆپلىكىدىن  ئەتىراپتتىكى بىر قىسىم ئىشلار ۋە كىشلەرنى كۆرسە ئادەم توينىمۇ قىلامدۇ دەپ قالىدىغان بوپ قالىدىكەن     بەزىدە

neyime

	dilroh بۇ يازمىنى 2011-يىلى 4-ئاينىڭ 9-كۈنى 22:27 دە يوللىغان ۋاي توۋا  مۇشۇنداق ئىشلارنىڭ  كۆپلىكىدىن  ئەتىراپتتىكى بىر قىسىم ئىشلار ۋە كىشلەرنى كۆرسە ئادەم توينىمۇ قىلا ... شۇڭا ھازىر بويتاقلار جىقلاپ كەتتى ئەمەسمۇ !