تاققا-تۇققا پاراڭلىرىم (2) مەرۋەرى

dilroh

	ئانار ھەدەم تونۇشتۇرغان دەڭە  راسىت بەكلا رەھمەت ئىيىتسڭىز بولغۇدەك ھا  ھا بۇ ھەدە  يىرىم كىچە بولدى  كەچتە يازاي دەپ سىزنىڭ كىچىڭىز سائەت قانچىكىن تاڭ جۇمۇ مۇشۇكياپىلاق ```

urkaxjan

	ھەي مەرۋى ھەدە بۇنى سىز  نىمىنداق قىززىك يىرىدە تاشلاپ قۇيىسىز بۇ كىنو خانا بولمىغانكىن يىرىمدىن كىيىن ئازراق ۋاقىت كىنونى تاكاپ قۇيۇتقان ھەممىنى تۇگۇتۇپ  يازسىڭىز بولمامتۇ ھە؟؟؟؟؟؟؟؟؟؟؟؟؟؟؟؟

مەرۋەرى

	soyqut بۇ يازمىنى 2011-يىلى 4-ئاينىڭ 4-كۈنى 20:45 دە يوللىغان يازمىڭىزدىن ،ئەينى ۋاقىتتا ئىشتىن چۈشۈپ يۈگۈرۇپلا كىرىۋالىدىغان، كېچىنى كېچە دېمەي،تۈن قاراۋۇلى بۇلۇپ ،نەچ ... شۇنداق مەنمۇ ئۇ مېھرى ئىسسىق ماكاننى ئۇنۇتمايمەن، چۈنكى سىلەردەك سەمىمىي دوستلار بىلەن شۇ يەردە تونۇشقان تۇرسام بۇ يەرگە تۈن قاراۋۇلى بولمىسىڭىزمۇ قىممەتلىك ۋاقتىڭىزنى چىقىرىپ  كىرىپ، كونا دوستلار بىلەن ھەمسۆھبەتتە بولۇپ تۇرسىڭىز بولاتتى .

soyqut

	چۇقۇم ،ۋاقىت چىقىرىپ كىرىپ تۇرىمەن.

مەرۋەرى

	كەچلىكىڭلار خەيرىلىك بولسۇن شەپەرەڭ پالىۋانلار ، پېقىر تاققا-تۇققىنىڭ داۋامىنى يازغىلى يەنە بۇ سېھىرلىك ئەينەك ئالدىغا كەلدىم،،، ئالتۇن ۋاقىتتا ئالتۇن تېما .    يۇقۇردا ئانىرىمنىڭ مەندەك بىر دوستىنىڭ غېمىنى يەپ(توغرىسىنى ئېيتقاندا ئەسلى مەقسەت مۇشۇ خىل ئۇسۇل بىلەن مەندەك بىر كۈندىشىنى كۆزدىن يوقۇتۇش ) دوستلۇقىنى يەتكۈزۈپ، قىسمەت قارىم بىلەن تونۇشۇپ قالدىم. ئايقىز ھەدەم مەندىن تولا سورايتتى، قىسمەت ئىنىم بىلەن تونۇشقان جەرياننى قاچان يازىسىز دەپ، شۇڭىمىغۇ بۈگۈن ئاخىرى غەيرەتكە كەلدىم . بىر كۈنى ئانىرىم بىلەن كونا <<يەتتە قىزلىرىم>> دا بىر تېمىغا مېھمان قىلىش توغۇرلۇق قىسمەتكە، بىزنى <<قورغان تېز تاماقخانىسى>> دا ساقلاشنى، بىز بېشىمىزغا مۇشۇ باش سۈرەتتىكىدەك ياغلىق ئارتىپ، قولىمىزغا گۈل تۇتۇپ كىرىدىغانلىقىمىزنى ئېيتىپ قىزىقارلىق قىلىپ ئىنكاس يېزىپ قويۇپ چىقىپ كەتتۇق. كىم بىلسۇن، بىزنىڭ بۇ چاقچىقىمىزنى قىسمەت راست دەپ چۈشىنىپ قېلىشىنى ، ئەتىسى مۇنبەرگە كىرسەك، شۇ تېمىغا ئۆزىنىڭ بىزنى شۇ يەردە  ئىككى سائەت ساقلىغانلىقى، ئەمما بىزنىڭ كەلمىگەنلىكىمىزنى ئېيتىپ ئىنكاس قالدۇرۇپتۇ، ئانار ئىككىمىز تولىمۇ خىجىل بولدۇق، مۇنداقلا قىلغان چاقچاقنى قىسمەتنىڭ راست دەپ چۈشىنىپ قالغانلىقىدىن خىجىل بولساق، تۇرۇپ ئۇنىڭ ئەستايدىلىققىدىن تولىمۇ سۆيۈندۇق. شۇنداق قىلىپ يەتتە قىزلىرىمنى ئانچە- مۇنچە يوقلاپمۇ تۇردۇق، مەن كىرىپ قىسمەتنىڭ تۇرمۇش توغۇرلۇق يازغان تېمىلىرىنى ئوقۇيتتۇم، يازمىلىرىدىن ئۇنى چاچلىرىنى ئاق ئارلىغان بىر مويسىپىت ئادەممىدۇ دەپمۇ قالاتتىم بەزىدە،  ئۇنىڭغا بېقىپ بىر كۈنى ئانار ئىككىمىزنىڭ بىر ئىنكاسىغا: - قىزلىرىم، مېنىڭ سىلەر بىلەن تەڭ قىزىم بار، دەپ ئىنكاس يېزىپ قويۇپتىكەن، ئانار ئىككىمىز، ۋاي ئاللا دادىمىزدەك ئادەمگە نەچچە كۈندىن بېرى ئېغىر چاقچاق قىلىپ قويۇپتۇق، تېخى مېھمان قىلىسىز دەپ قويۇپ ساقلىتىپ قويۇپتۇق، دەپ بىر نەچچە كۈنگىچە خىجىللىقتا يۈرۈپتۇق، كىم بىلسۇن، بۇ بىز بىلەن تەڭ قىزى بار <<بوۋاي>> نىڭ بىزبىلەن تەڭ دېمەتلىك چىقىپ قېلىشىنى . شۇنداق قىلىپ بۇ <<بوۋاي>> بىلەن كوت- كوتتا كۈندەك دېگۈدك پاراڭلىشىپ تۇردۇق، بىر كۈنى شۇ بىزنى ئىككى سائەت ساقلىغان <<قورغان تېز تاماقخانىسى>>دا ئۇچراشماقچى بولۇشتۇق. شۇ تۇنجى ئۇچىرشىشنىڭ ھەر ئىككىلىمىزنىڭ ھاياتىمىزنىڭ يېڭى بۇرۇلۇش نۇقتىسى بولۇپ قېلىشىنى، يېڭى تۇرمۇشىمىزنىڭ تۇنجى قەدىمى ئىككەنلىكىنى ئويلاپمۇ باقمىغان ئىدۇق. ئاددى بىر ۋاقلىق تاماق، قىزغىن سۆھبەت ھەر ئىككىلىمزىدە ئۇنتۇلغۇسىز تەسىراتلارنى قالدۇرغان ئىدى، ئەمما بىر ئىش زادىلا ئېسىمدىن چىقمايدۇ، ھەم نېمىشقا شۇنداق گەپنى قىلغانلىقىمنى ئۆزۈممۇ دەپ بېرەلمەيمەن، تا ھازىرغىچە قىسمەت ئىككىمىز ئۇ گەپنى دىيشىپ قالساقلا كۈلۈشۈپ كېتىمىز ... بەلكىم مەرۋەرى قىسمەتكە زادى نىمە گەپ قىلغاندۇ، دەپ قىزىقىۋاتىسىزغۇ دەيمەن، يېرىم كېچە بوپتۇ، ئۇخلاپ ئەتە دەپ بېرەي ماقۇلمۇ

dilroh

	ئالتۇن تىمىدىن ئالتۇن قىزىڭلار دەپ قويىڭە  تازا ئاشۇ سۆزىڭىزنى قاينىتىپ كىلىپ  بىر سوغاق سۇ قويۋەتتىڭىزغۇ    بۇمۇ بولغىنى سىز يىزىپ بولغۇچە ئۇخلاپ قالاركەنمەن ئەتە  ئاللاھ خالىسا كەينىنى كۆرەيلى  جىق جىق يىزىڭە  ئۇزۇپ ئۇزۇپ قويماي شىنجاڭ -5 دەك دائىم تىمىنىڭ ئارىسىغا ئېلان قىستۇرۇپ ئېلان ئارىسىدا تىما كۆرىۋاتىمىزمىيا ھى ھى ھى

soyqut

	ۋاي توۋا..ھەممىنى دەۋېتىپ بىراقلا ئۇخلىماي..........ئادەمنى يەنە ساقلىتىدىغان بولدىڭىزدە ئەمدى. (ئاخىرى قانداق بۇلۇپ <<گەپ تېشىلىپ>> قالغاندۇ دەيمەن)

peacelife212

	شۇنى دىمەمسىلە، ئادەمنى قىزىقتۇرۇپ....بەرگىيەنىڭ ھىكايىسىدەك

دىلەيسەم

	ئادەم بەزىدە قەلبىدىكى يوشۇرۇن ئازاپلارنى ۋە خۇشاللىقلارنى مۇشۇ خىل ئۇسۇلدا، ئىپادىلىسىمۇ بولىدىكەن، مېنىڭچە بۇمۇ بىر خىل زېرىكىشنى بېسىشنىڭ ۋە كەيپىياتنى تەڭشەشنىڭ ياخشى ئۇسۇلى. خاپىلىقلارنى ئىچىگە يوشۇرغاندىن يېزىش ئارقىلىق كۆڭلىدىن چىقىرۋەتسە، خۇشاللىقلاردىن دوستلىرى بىلەن تەڭ ئورتاقلاشسا، بۇنىڭدىنمۇ ئارتۇق ياخشى ئىش بولامدۇ . ياخشى تاققا- تۇققىكەن، داۋامىنى تېزرەك يوللاڭ، ئۇيقىڭىز قېنىپمۇ قالغاندۇ، بۇ كەمگە

anar

	يا ئاللاھ ...مېنىڭمۇ بىر سەلبىي رول ئالمايدىغان ۋاقتىم بولىدىكەن ھە ؟ بەك تەسىرلىنىۋاتىمەن جۇمۇ ، ئادەم بەك چىرايلىق بولسا ئۆزىگە دۈشمەن تاپىدۇ دەپ بىرەر قېتىم ياخشى گېپىمنى قىلمايتتى بۇ مەرىم ، بۈگۈن كۈن قاياقتىن چىققاندۇ ، يا كېچىدە يېزىلغاچقا ھەقىقەت ئىگىلسىمۇ سۇنماي چىقتىمۇ ...ئەيتاۋۇر ، بۇ ئىككىسىنىڭ ھىكايسى بىر ھېيتقۇ ، تورداشلارنى تەقەززا قىلماي تېز-تېز يېزىڭ ھە مەرىخان