كەلگۈسىدە ئالقىشلىنىدىغان 10 تۈرلۈك خىزمەت (1)

سامسىپەز

	سامسپەزلىك بىلەن زاماننىڭ تەرەققىياتىغا ئەگىشىپ بولغىلى بولمايدىغان ئوخشايدۇ. كەلگۈسىدە ئاجايىپ خىزمەتلەر ساقلاپ تۇرۇپتۇ بىزنى! قېنى نەزىرىڭلار تۆۋەندىكى قۇرلاردا بولسۇن: 1. ئالەم ئۇچقۇچىسى ۋەزىپىسى: ئالەم كېمىسىنى ھەيدەپ كائىناتتىكى پونكىتلار ئارا ئۇچۇش؛ ۋاقتى: 2020- يىللىرى؛   ۋىرگىن ئالەم قاتنىشى ئىدارىسى 2012-يىلى ئىككىلەمچى ئوربىتىدا سودا خاراكتىرلىك لىنىيەدىن بىرنى ئېچىشنى پىلانلىغان بولۇپ، ھەر بىر ئورۇن تەخمىنەن 200 مىڭ دوللار ئىكەن. بىراق بۇ ساھەدىكى  رىقابەتچىلەرنىڭ كۆپىيىشى بىلەن بۇ باھا تېخىمۇ تۆۋەن بولۇشى مۈمكىن ئىكەن. ئاساسلىق خېرىدارلىرى سەييارىلەردىن كان ئاچقۇچىلار، ئالەم تېخنىكىسى بىلەن شۇغۇللانغۇچىلار، سەييارىلەر ئارا ساياھەت قىلغۇچىلار ئىكەن. قوبۇل قىلىش ئوبيېكتلىرى: ئادەتتىكى ياكى ھەربىي مەكتەپلەرنىڭ ئۇچقۇچىلىق كەسپىنى پۈتتۈرگەنلەر ، NASA سۇ ئاستى تەقلىدى ئالەم بوشلۇقى تەجرىبىخانىسىدا مەشقلەندۈرۈلگەن ئۇچقۇچىلار. تەھرىر ئىلاۋىسى:   ئىككىلەمچى ئالەم ئوربىتىسى دېگىنىمىز ، يەر شارىدىن 30 كىلومېتىردىن 300 كىلومېتىرغىچە بولغا ئېگىزلىكتىكى ئوربېتىلارنى كۆزدە تۇتىدىغان بولۇپ، 300 كېلومېتىردىن ئاشقانلىرى رەسمىي ئوربېتا ھېسابلىنىدۇ. ئالەم پونكىتلىرى تەخمىنەن  400 كېلومېتىر ئېگىزلىكتە بولىدۇ. 2. ھايۋانلارنى كۆچۈرۈپ ئورۇنلاشتۇرۇش ئىنژىنېرى ۋەزىپىسى: ھايۋاناتلارغا ياشاش مۇھىتى ھازىرلاپ، كۆچۈرۈش؛ ۋاقتى: 2030-يىللار؛   نۆۋەتتە نۇغۇن پەسىل خاراكتىرلىك ھايۋانلارنىڭ ياشاش مۇھىتى بۇزغۇنچىلىققا ئۇچراۋاتقان بولۇپ، بۇزۇلۇش سۈرئىتى ئۇلارنىڭ تەدرىجى تەرەققىيات سۈرئىتىدىن ئېشىپ كەتكەن. ئۇلارنى مۇۋاپىق ئورۇنغا يۆتكىگەندىلا ئاندىن ئۇلارنىڭ ھاياتىغا كاپالەتلىك قىلغىلى بولىدۇ.  بۇخىلدىكى "كۆچۈشكە ياردەملىشىش" ھەرگىزمۇ ئادەتتىكى كۆچۈشكە ئوخشاش خالىغانلا بىر يەرگە يۆتكەشكە ئوخشىمايدۇ. مەسىلەن، كېپىنەكلەرنىڭ كۆچۈرۈلىش ئورنىنى تاللاشتا، تەبىئىي بايلىقلارنى قوغدىغۇچىلار ئاۋۋال بوشلۇقتىن تارتىلغان سۈرەتلەر ئارقىلىق مۇۋاپىق جاينى تاللىغاندىن كېيىن، شۇ جاينىڭ ئۆسۈملىك يېپىنچىلىرى... قاتارلىق مۇھىتلىرىنى مەخسۇس تەكشۈرۈپ ئاندىن بېكىتىدۇ. قوبۇل قىلىش دائىرىسى:  Operation Migration قاتارلىق تەشكىلاتلارنىڭ ئەزالىرىدىن قوبۇل قىلىنىدۇ. تەھرىر ئىلاۋىسى: 20-ئەسىرنىڭ 40-يىللىرىغا كەلگەندە ئامېرىكا قىتئەسى تۇرنىسىنىڭ سانى جىددىي ئازىيىپ، ئاران 15 كە چۈشۈپ قالغان. 2001-يىلىدىن باشلانغان نەسلى قۇرۇش گىرداۋىغا بېرىپ قالغان بۇ  قۇشلارنى شىمالىي ئامېرىكا قىتئەسىنىڭ شەرقىي قىسمىغا كۆچۈرۈش پائالىيىتىدە Operation Migration   ئىبارەت بۇ بىر كىرىمسىز  تەشكىلات سەركىلىك رول ئوينىغان. 3. ھامىلە دوختۇرى ۋەزىپىسى: بوۋاق تۇغۇلۇشتىن بۇرۇنقى تەن ساغلىققا كاپالەتلىك قىلىش؛ ۋاقتى: 2020- يىللىرى؛   ھامىلىنى ئوپېراتسىيە قىلىش بۇرۇن تەسەۋۋۇرىمىزغا سىغمايدىغان ئىش ئىدى. ھازىر دوختۇرلار قوشگېزەكلەرنىڭ بالا ھەمرىيىدىكى نورمالسىزلىقلارنى تەكشۈرۈپ بايقاپ، كىلىنىكىلىق سىناقلاردا، يېرىلغان ئۇمۇرتقىلارنى ئوپېراتسىيە ئارقىلىق تۈزەش مەشغۇلاتلىرىنى ئېلىپ بارالايدىغان بولدى. ئۇنىڭدىن باشقا، تەتقىقاتچىلار ئاق چاشقاننىڭ قۇرسىقىدىكى ھامىلىگە قارىتا غول ھۈجەيرە ۋە گېن ئارقىلىق داۋالاش سىناقلىرىنى ئېلىپ بارماقتا. فىلادېلفىيە بالىلار دوختۇرخانىسىدىكى گ.خوۋىئېل دوختۇر : "بوۋاق تۇغۇلۇشتىن بۇرۇن يەنى كېسەللىك ھامىلىدە پەيدا بولۇشتىن بۇرۇنلا بىز ئۇلارنى داۋالىۋېتىشىمىز مۈمكىن" دەيدۇ. يېقىن كەلگۈسىدە بالىلار كېسەللىكلىرى دوختۇرخانىلىرىنىڭ DNA  ئىسكىلاتلىرىدا، راك كېسەللىكلىرى ۋە بېكىنىۋېلىش كېسىلى، دىئابىت كېسەللىكلىرىگە قارشى DNA  لار ساقلانغان بولىدۇ. تەھرىر ئىلاۋىسى    ئۇمۇرتقا يېرىلىش دېگىنىمىزدە ئۇمۇرتقىدىكى تۇغما ئەگرىلىك ( غەيرىلىك ) كۆزدە تۇتۇلغان بولۇپ، كۆپۈنچە ھامىلە مەزگىلىدىكى نېرۋىلارنىڭ  يېتىلىشى  توسالغۇغا ئۇچراش، ياكى يوپۇرماق كىسلاتاسى كەمچىللىكىدىن كېلىپ چىقىدۇ دەپ قارىلىدۇ. 4. سانلىق ئۇچۇر تەھلىلى ئارقىلىق ئالدىن مۆلچەرلىگۈچى ۋەزىپىسى: سان-سىفىر. ئۇچۇرلارنى تەھلىل قىلىش، كەلگۈسىدىكى ئۆزگۈرۈشلەرنى مۆلچەرلەش؛ ۋاقتى: 2015- يىللىرى؛    ئامېرىكا ئەمگەك ئىشلىرى مىنىستىرلىكىنىڭ مۆلچەرىچە، 2018-يىلىغا بارغاندا سان-سىفىر، ئۇچۇر تەھلىلچىلىرى ۋە مۆلچەرلىگۈچىلەرگە بولغان ئېھتىياج ھازىرقىدىن 20% ئاشىدىكەن. كۈندىن -كۈنگە "دەھشەت" بىلەن كۆپۈيۈۋاتقان تۈرلۈك ئۇچۇرلارنى شاللاش، تۈرلەش قاتارلىق ئىشلار دەل ئاشۇنداق كىشىلەرگە تايىنىدىغان بولۇپ، ئىپتىدائىي ئۇچۇرلار تاۋارلىشىپ، بۇ يېڭى كەسپنى بارلىققا كەلتۈرىدىكەن. قوبۇل قىلىنغۇچىلار: كومپيۇتېر كەسپى ۋە ستاتىستكا كەسپلىرىدە ئوقۇش پۈتتۈرۈپ، نوپۇزلۇق ئورگانلاردا "چېنىققان"لار بولۇشى كېرەك. مەسىلەن: دې پائۇل ئۇنىۋېرستىتى 5. ئادەم ئورگانىزملىرىمنى لايىھەلىگۈچىلەر ۋەزىپىسى: ئادەم ئورگانىزىملىرىنى لايىھەلەش ۋە ياساش؛ ۋاقتى: 2020- يىللىرى؛   ئامېرىكىدا، ھەر 90 مىنۇتتا بىر بىمار ئەزا كۆچۈرۈش ئۈچۈن ئۆچىرەت ساقلاپ بولالماي كۆز يۇمىدۇ. 2050-يىللارغا بارغاندا، نوپۇسنىڭ قېرىشىغا ئەگىشىپ، ئەزا كۆچۈرۈشكە مۇھتاجلارنىڭ سانىمۇ شىددەت بىلەن ئاشىدۇ.  Tengion دورا شىركىتى كېلەر يىلىلا  سۈنئىي دوۋساق دېگەندەك "يېڭى ئەزالار"نى ئىشلەپ چىقىرىشنى باشلىشى مۈمكىن. ئەمما، يۈرەك ،ئۆپكە، بۆرەك... قاتارلىق مۇرەككەپ ئادەم ئورگانىزىملىرىنى بىمارنىڭ بەدىنىكى ھۈجەيرىلەر ئارقىلىق "يېتىلدۈرۈپ"، يەكلەش قاتارلىق ناچار ئاقىۋەتلەرنىڭ ئالدىنى ئېلىش ئۈچۈن تېخىمۇ ئىزدىنىشكە توغرا كېلىدۇ. قوبۇل قىلىش دائىرىسى: بىئو تېخنىكىسى كەسپىنى پۈتۈرگەنلەر ( Wake Forest ئۇنىۋېرستىتىنىڭ بۇ جەھەتتىكى تەتقىقاتلىرى خېلىلا كۆرۈنەرلىك بولۇپ، ئۇلار لايىھەلىگەن سۈنئىي ئادەم ئورگانىزىملىرىنىڭ تۈرى 22 خىلدىن ئاشىدۇ. ) مۇناسىۋەتلىك يازمىلارنى ئىزدەش: خىزمەت داۋامىغا قىزىققايسىز.....

Aydar

	قالغان بەشىسىنى كۆرۈپ ئاندىن خىزمەت تاللاي....

saye

	ماڭا ئوخشاش جىن ئەرۋاھ قوغلايدىغانلارنىڭ خىزمەت تېپىش ئېھتىمالى بارمۇ يوق؟ ھەممە ئادەم ئىلىم پەنگە مېڭىپ،خۇراپاتلىق تۈگىسە ياكى ئېتقاد بوشىش بولسا، مەن ئىشىسز قالارمەنمۇ ئەمدى؟ ھەممە كىشى IT تاشقى پىلانت ئادىمىنىڭ يۇمۇرىلىرىنى ئاڭلايدىيۇ، كارىۋات تېگىدىكى يېشىل جەسەت توغرىسدىكى ھىكايەتلەرنى ئاڭلىمايدۇ... ئۇ كۆنلەرنى كۆرمىگەيمەن ، ئىشىسز قالغۇم يوق! بولمىسا ياشاۋاتقان بولساممۇ مەۋجۇدلىقىمنى يۇقۇتۇپ قويمامدىم!

Aydar

	سىزنى تاشقى پىلانىتلىقلارغا چۆچەك دەپ بىرىشكە ماڭغۇزۋىتىمىز.

esil

	قىنى قالغىنى ؟  يوللاڭلار باللا  ئىتىتك ئىتتك ...................خىزمىتىمنى قايتىدىن ئويلىشىدىغان  ئىشمۇ نىمە ؟

باغرىم

	saye بۇ يازمىنى 2010-يىلى 9-ئاينىڭ 6-كۈنى 17:35 دە يوللىغان ماڭا ئوخشاش جىن ئەرۋاھ قوغلايدىغانلارنىڭ خىزمەت تېپىش ئېھتىمالى بارمۇ يوق؟ ھەممە ئادەم ئىلىم پەنگە مېڭىپ،خۇ ... كەلگۈسىدە مەدداھلىقمۇ خېلى ئاقىدىغان كەسپ دەپ ئاڭلىدىم ...

jahandar

	رەسىمنى ما تور بەتكە يوللىۋېلىپ ئاندىن مۇنبەرگە يوللەڭلار،تولۇق ئېچىلىدۇ... http://tu.6.cn/

سامسىپەز

	jahandar بۇ يازمىنى 2010-يىلى 9-ئاينىڭ 6-كۈنى 10:55 PM دە يوللىغان رەسىمنى ما تور بەتكە يوللىۋېلىپ ئاندىن مۇنبەرگە يوللەڭلار،تولۇق ئېچىلىدۇ... http://tu.6.cn/   تەھرىرلىگىلى بولمايدىكەن..... بۇ ئىش ئەمدى شۇ ئالىي باشقۇرغۇچىلارغا قالدى...

خەندان

	Aydar بۇ يازمىنى 2010-يىلى 9-ئاينىڭ 6-كۈنى 17:26 دە يوللىغان قالغان بەشىسىنى كۆرۈپ ئاندىن خىزمەت تاللاي.... سامسىپەزنىڭ قولى خېمىردا ئىكەن،بىكار بولغاندا يوللىغۇدەك قالغان بەشنى،مەنمۇ كۈتەي.....

anar

	دىمەك كەلگۈسىدە مەن بىكاچى دەيلى