نورۇز بەزمىسىگە

kizilgul

	نورۇز بەزمىسىگە                                     قىزىلگۈل سېغىنىش ئىلكىدە چاك بوپ يۈرەكلەر، زارىقىپ كۈتكەندەك ئاشىق نىگارنى. تەشنا بوپ سېغىندۇق پەسىل ئەركىسى، خۇلقى ناز،شوخ،ئەركە ،ئىللىق باھارنى. مەلھەم بوپ قەلبلەر تەشنالىقىغا، خۇشاللىق ئېپكەلدى نورۇز شاتلىقى. شاتلىقلار بولسىمۇ بىزدە ھەر دائىم، ئۆزگىچە ئىكەنغۇ <<نورۇز>>ئاتلىقى شوخ سابا ئەركىلەپ سۆيدى زىمىننى، زىمىستان يول ئالدى ياشلاپ كۆزىنى. تەبىئەت ھۆسنىگە ھۆسىن بېغىشلاپ، قىزلارمۇ نۇرلاندى ياساپ ئۆزىنى ئېرىققا لىق تولغان ئەگىزسۈيىگە، مەجنۇن تال لىۋىنى يېقىپ پۇرايدۇ. ئويغانغان جانلىنىپ ئانا تەبىئەت، يۈرەكنى غىدىقلاپ شېئىر سورايدۇ. پەسىللەر ئالمىشىپ كېلىدۇ نورۇز، تەبىئەت ئەركىسى باھارنى باشلاپ. كەلمەس ئۇ قۇرۇق قول كېلەر ئۆزگىچە، ھەممىگە يېڭىدىن بىر ياش بېغىشلاپ. كېلىڭلار يايرايلى،سالايلى ساما، ۋىسالسىز قالمىغاي دىلدا ئارمانلار. يىل بېشى،ئىش بېشى باشلانسا خۇشال، گۈل-چېچەك ئاچقۇسى ئارزۇ-ئارمانلار. مەنبە:ېۆزۈم

otkankunlar

	باھارنىڭ تىۋىشى كەلدى گۈپۈلدەپ، زىمىننىڭ يۈرۈگى كەتتى دۈپۇلدەپ. ياسىنىپ كوچىغا چىققاندا موماي، بوۋاينىڭ يۈزلېرى كەتتى ھۈپۇلدەپ.

ياپراخ

	چاپىنىنى ئاستا  سالدى تاغ بوۋاي، چاپىقىنى ئاستا ئالدى باغ موماي، يەر باغرىنى يېرىپ چىقتى تۆت قۇلاق، زىل بەرگىنىڭ تىترىشىگە قارىماي.

مەرۋەرى

	قىزىلگۈل ھەدەمنىڭ نورۇزلۇق سوۋغىسىدىن تولىمۇ سۆيۈندۈم، مەنمۇ باشقىلاردەك شېئىر يازالىغان بولسامزەەەەە، بىرەر كۇبلىت كەلتۈرۋېتەتتىمكەن .

anar

	پاھ ...قىزىل گۈل ھەدىمىزنىڭ قەلىمىگە كۆز تەگمىسۇن ، بۈگۈنكى نەۋرۇزلۇق سوۋغىلار ، كۆڭۈل سوۋغىلىرى ، مۇنبەردىكى تاتلىق تىلەكلەر .....ئالاھىدە بىر باھار بولدى بۇ جۇمۇ