لۇتفىي غەزەللىرىدىن: بۇ كۆڭۈلدۇر، بۇ كۆڭۈل

Erkman

	بۇ كۆڭۈلدۇر، بۇ كۆڭۈل مېنى شەيدا قىلدۇرغان بۇ كۆڭۈلدۇر، بۇ كۆڭۈل، خارۇ-رەسۋا قىلدۇرغان بۇ كۆڭۈلدۇر، بۇ كۆڭۈل. ئوق كەبى قامەتىمىزنى قارا قاشلىقلار ئۈچۈن، مۇتتەسىل يا قىلدۇرغان بۇ كۆڭۈلدۇر، بۇ كۆڭۈل. مېنى يازغىلى قويماس «سۆيدى» دەپ، كى مېنىڭ ھەددىم ئەمەس، ئول تەمەننا قىلدۇرغان بۇ كۆڭۈلدۇر، بۇ كۆڭۈل. بارما دەرلەر ئىشىكى سارى دەما-دەم، نېتەيىن، كۆپ تەقەززا قىلدۇرغان بۇ كۆڭۈلدۇر، بۇ كۆڭۈل. قارا تۇمان ھەۋاسى بىرلە قاپ-قاراڭغۇ كېچىدە، جاننى سەۋدا قىلدۇرغان بۇ كۆڭۈلدۇر، بۇ كۆڭۈل. دۈشمەنۇ-دوست ئاراسىندە مەن غافىلنى بۇ دەم، بى سەرۇ پا قىلدۇرغان بۇ كۆڭۈلدۇر، بۇ كۆڭۈل. ئۆزگەدىن كۆرمە، كى كۆزۈڭ ياشىنى، ئەي لۇتفىي، ئەينى دەريا قىلدۇرغان بۇ كۆڭۈلدۇر، بۇ كۆڭۈل. [ Erkman بۇ يازمىنى  2011-يىلى 3-ئاينىڭ 21-كۈنى 10:44  دە تەھرىرلىگەن. ]

Erkman

	نېچۈن جانىمە جەفا قىلۇرسەن؟ نېچۈن جانىمە جەفا قىلۇرسەن؟ ۋاقتى ئۆلدى ئەگەر ۋەفا قىلۇرسەن. جانىم چىقادۇر فىراق ئوتىندىن، دەردىمغە قەچان دەۋا قىلۇرسەن؟ ئول زۇلفنى سالمە يۈزۈڭ ئۈزرە، كىم يۈز بىلە مىڭ بەلا قىلۇرسەن. بوينۇڭدا قانىم، كى بىزنى، ئەي كۆز، خوبلەر بىلەن ئاشنا قىلۇرسەن. جاندىن ئىلكىڭنى، لۇتفىي يۇغىل، چۈن ئىشق بىلە مەرھابا قىلۇرسەن.

ئەقىدە010

	بۇ غەزەللەرنى خاتىرەمگە كۆچۈرۈۋالدىم، ئۇلۇغ شائىرىمىز نەۋائىيمۇ  لۇتفىينى ئۆزىگە ئۇستاز تۇتقانىكەن، مۇشۇنداق ئېسىل كىلاسسىك شېئىرلا بولسا يەنە يوللاپ تۇرارسىز

مەرۋەرى

	ئەركمان ئاكا! يىغىن ھاردۇقلىرىنى تۈگىتىپ مۇنبەرگە قايتا كەلگەنلىكىڭىزدىن بەكمۇ خۇش بولدۇم! ساقلىۋالغۇدەك  غەزەللەر ئىكەن، بولسا داۋامىنىمۇ يوللىۋېتەرسىز

Erkman

	جان ئالغانلار شۇ كۆڭۈلدۇر، شۇ كۆڭۈل، جان بەرگەنلەر بۇ كۆڭۈلدۇر، بۇ كۆڭۈل. جان بەر دېمەي جىم تۇرغان شۇ كۆڭۈلگە، جان ئالدى، دەپ ئاھ ئۇرغان بۇ كۆڭۈل.

Aychiwer

	نە  مېھنەت بار ئانىكىم راھەتى يوق، نە نەكبەتكىم سۆڭنىدە دەۋلەتى يوق.(راھىتى بولمىغان جاپا-مۇشەققەت يوق،ئاخىرى بەخت بولمايدىغان بەختسىزلىك يوق) <<گۈل ۋە نەۋرۇز>>دىن.

Erkman

	قان بولدى كۆڭۈل قان بولدى كۆڭۈل فىراقىڭىزدىن، جان كۆيدى ھەم ئىشتىياقىڭىزدىن. دىنۇ، دىلۇ ئەقل بولدى يەغما، جان ئالغۇچى ئول قاراشىڭىزدىن. ئوقتەك بويىمىز ئېگىلدى يادەك، ئول فىتنەلىك ئىككى تاقىڭىزدىن. سۇ بولدى جانىم، ۋەھەم دەما-دەم، ئوتقا ياقىلۇر دۇداقىڭىزدىن. ئالتۇن كەبى چېھرە بولدى سارىغ، ئول سىم تىكىن سەقاقىڭىزدىن. كۆرسەم كېرەك ئايۇ-كۈن بۇلۇتسىز، ساچنى كۆتەرىڭ يەڭاقىڭىزدىن. بۇ لۇتفىي خەستەنى سوراڭكىم، بىچارە ئۆلەر فىراقىڭىزدىن. كۆزۈڭ قاراسى پىتنە كۆزۈڭ قاراسى پىتنە، ۋە ھەم ئاقى بەلادۇر، جانلەر ئالەدۇر، ۋاھ، نە بەلا كۆزى قارادۇر؟ كۆز ئۈستىدە جان ئالغۇچىدۇر خالى ۋە قاشى، بىر-بىرىگە بېرى پىتنە قاتىلغان نە بەلادۇر؟ ھەمدەرددۇر ئېيتاي ئاڭا ھالىم كىم ئىنانغاي، گۈلشەندىن ئول بۇلبۇلى مىسكىن، كى جۇدادۇر. «باش ئوينايىنۇ جان بېرەيىن ۋەسلى ئۈچۈن»-ئېيتتىم، خۇش-خۇش كۈلۈب ئەيتۇر مەنگەكىم :«ياخشى بەھادۇر» كۆپ قىلما ئانىڭ جەبرىدىن ئەي لۇتفىي شىكايەت، كىم ھۆسن ئېلىنىڭ شېۋاسى پەييەستە جەفادۇر. جانىم چىقادۇر دەرد ئىلە جانىم چىقادۇر دەرد ئىلە، جانانىمە ئېيتىڭ، مەن خەستە گەدا ھالىنى سۇلتانىمە ئېيتىڭ. ئۆرتەنمەگۇ كۆز ياشى-يۇ ئۆلمەكتۇرۇر ئىشىم، بۇ قىسسەنى ئول شەمئىي شەبىستانىمە ئېيتىڭ. قات-قات يۈرەگىم باغلادى قان غۇنچە مەڭىزلىك، بۇ دەردى دىلىمنى گۈلى خەندانىمە ئېيتىڭ. قان ياشىم ئېرۇر گوياكى يۇلدۇز كەبى سانسىز، ئول كۆزلەرى چولپان، ماھى تابانىمە ئېيتىڭ. لۇتفىي دىلئەفكار تىلەر ھەجر ئېلىدىڭ داد، ئەھۋالىنى وۆل بېگىمەيۇ خانىمە ئېيتىڭ.

anar

	ھارماڭ ئەركمان ئاكا ...داۋاملىق يوللاڭ ، ئىز بېسىپ ساقلاۋاتىمەن بۇ غەزەللەرنى ئەسلىدىمۇ ئەلشىر ناۋائىينىڭ غەزەللەرنى ئوقۇسام ئوقۇسام قانمايتىم ، لۇتفىي نىڭ تىلىمۇ بەك گۈزەلكەن ئەمەسمۇ

Erkman

	anar بۇ يازمىنى 2011-يىلى 3-ئاينىڭ 21-كۈنى 22:12 دە يوللىغان ھارماڭ ئەركمان ئاكا ...داۋاملىق يوللاڭ ، ئىز بېسىپ ساقلاۋاتىمەن بۇ غەزەللەرنى ئەسلىدىمۇ ئەلشىر ناۋائىينىڭ غە ... قۇرباننىڭ غەزىلى تېخىمۇ ياقامدىكەن ئانارخانغا؟ [ Erkman بۇ يازمىنى  2011-يىلى 3-ئاينىڭ 22-كۈنى 06:36  دە تەھرىرلىگەن. ]

anar

	Erkman بۇ يازمىنى 2011-يىلى 3-ئاينىڭ 21-كۈنى 22:43 دە يوللىغان قۇرباننىڭ غەزىلى تېخىمۇ ياقامدىكەن ئانارخانغا؟ [ Erkman بۇ يازم ... ئالامەت دەڭە ئاكا ....مۇڭ مۇڭى بىلەن ئاڭلىۋەتتىم ، ناخشا مۇزىكىغا كەلگەندە ئانار پەقەت پوش دىمەيدۇ ، تېخىمۇ ئېسىللىرى بولسا داۋاملىق