قىزىم ساڭا سۆزۇم بار

taskin

	قەدىرلىك قىزىم ، بۇگۇن مەن بىلەن خوشلىشىپ كەتمەكچى بولىۋىتىپسەن ، چۇنكى لايىقىڭنىڭ تۇغۇلغان كۈنىنى تەبرىكلەش ، ئۇنىڭ كۆڭلىگە ياققۇدەك سوۋغات ئېلىپ بېرىش ئۇچۇن مەكتەپكە مۇددەتتىن بۇرۇن بارماقچى ئىكەنسەن ، مەن سەل ئەجەپلىنىپ تۇرۇپ « سەن ئەزەلدىن ئاناڭنىڭ تۇغۇلغان كۇنى ئۈچۈن بىرەر سوۋغات ئېلىپ باققانمىدىڭ » دىدىم. سەن ئاچچىقلاپ « باشقىلارنىڭ ئانىسى باللىرىدىن سوۋغات تەلەپ قىلمايدۇ، ئۇلار باللىرى ئۇچۇن ھىچنىمىسىنى ئايىمايدۇ ، سەن قاچانلا بولسا ئاغرىنىپلا يۇرىدىكەنسەن ، يەنە كېلىپ مۇھەببەتنى قانداقمۇ تۇققانچىلىققا سېلىشتۇرغىلى بولسۇن » دىگىنىڭچە ئالدى - كەينىڭگە قارىماي چىقىپ كەتتىڭ ، كەينىڭدىن چوڭقور ئۇھ ، تارتقىنىمچە تۇرۇپ قالدىم. قىزىم ، بەلكىم چۇشەنمەسلىگىڭ مۇمكىن ، ئانىلار ھەرگىز باللىرىدىن ئاغرىنىپ يۇرمەيدۇ ، ئۇ ، بارلىق خاپىلىقلارنى ئىچىگە يۈتۈشكە رازىكى ، باللىرىنىڭ خوشاللىقىغا ئىچ- پۇشۇقىنى سۆرەپ كىرىشنى ھەرگىز خالىمايدۇ ، بەلكىم مەن راستىنلا سەن دىگەندەك باشقىلارنىڭ ئاپىسىغا ئوخشاش ئۇلۇغ ، شەخسىيەتسىز ئەمەستۇرمەن ، تەغدىر ماڭا « ئانا » دىگەن بۇ نامنى ئاتا قىلىپ ، مەندىن ھەر ۋاقىت باتۇر ، قەيسەر ، ئۇلۇغ ، ھىچنىمىدىن ئاغرىنمايدىغان بولوشۇمنى تەلەپ قىلىش بىلەن بىرگە ، ئاياللاردا بولوشقا تىگىشلىك ئاجىزلىق ، سەزگۈرلۈك ، شوھرەتپەرەسلىك ھەتتا قىسمەن شەخسىيەتچىلىكنىمۇ بەرگەن ، شۇڭا سېنىڭمۇ ئاناڭدىن سەن ئۈچۈنلا بەدەل تۆلەشنى تەلەپ قىلىش ھەققىڭ يوق دەپ ئويلايمەن. ھەر قېتىملىق تەتىلدە ئالدىراپ- تىنەپلا كېلىپ -كېتىسەن ، مۇھەببەت تۇرمۇشۇڭنىڭ بارلىق مەزمونى بولوپ قالدى، لايىقىڭنىڭ ھەر بىر ئېغىز سۆزىگە شۇنچىلىك سەزگۇرسەن ، ھەر ۋاقىت ئۇنىڭ بىلەن بازار ئايلىنىشقا ، پاراڭلىشىشقا ۋاقىت چىقىدۇ - يۇ ، ئەمما ئاشۇ قىسقىغىنە تەتىل مەزگىلىدە ئاناڭنىڭمۇ ئوخشاشلا ھەمرا بولوشقا ، بىر دەم- يېرىمدەم مۇڭدىشىشقا مۇھتاج ئىكەنلىگىنى ئويلىمايسەن ، سەن تورغا چىقىش ، لايىقىڭغا تىلفۇن بېرىش، ئۇنىڭ بىلەن ئۇزۇندىن ئۇزۇن مۇڭدىشىشتىن باشقا زادى قانچىلىك ۋاقتىڭنى ئاناڭغا بەردىڭ ؟ لايىقىڭغا قىسقا ئۇچۇر يوللاپ ئۇنىڭ كۆڭلىنى خوش قىلىسەن ، ئەمما ئاناڭغىمۇ بىرەر قېتىم تىلفۇن قىلىپ ، ئۇنىڭغا تەسەللى بېرىشنى ، ئۇنى خاتىرجەم قىلىشنى ئويلاپ باقتىڭمۇ؟ لايىقىڭغا مۇھەببىتىمنى ھەتتا بارلىقىمنى بېغىشلاشقا رازىمەن دەيسەنۇ ، ئۇنداقتا ، ئاشۇ ئانا بالىلىق مۇناسىۋىتىمىز ئەجىبا ئوخشاشلا بىزنىڭ بارلىقىمىز بىلەن قوغدىشىمىزغا مۇھتاج ئەمەسمۇ؟ ئاناڭ ھەرگىزمۇ لايىقىڭغا بولغان مۇھاببىتىڭگە ھەسەت قىلىۋاتقىنى يوق ، سېنىڭ بەختىڭ ئاناڭنىڭ زور ئۇمۇدى قىزىم ! ئاناڭنىڭ سەندىن كۈتىدىغىنى ، سەن جاۋاپ قايتۇرۇشقا تىگىشلىك مۇھەببەت ئىچىدە ئاناڭنىڭ سەن ئۇچۇن ئاتىغان قان تەرى ۋە جاپالىق ئەمگىگىنىمۇ ئويلاپ قويغىن ، ساڭا بولغان مۇھەببەت ۋە كۆيۈنىشنى مەڭگۇ توختىتىپ قويمايدىغان ئاشۇ ئاناڭغىمۇ ئازراق ۋاختىڭنى ئاجراتقىن ، بۇنى ئاناڭ تۆلىگەن ، تۆلەۋاتقان بەدەللەرگە سېلىشتۇرغاندا بەكمۇ ئاددى تەلەپ ، ئاناڭنىڭ تۇغۇلغان كۈنىگە ئاتاپ ھىچقانداق سوۋغات ئالالمىساڭمۇ پەقەت تىلفۇن بېرىپ قويغىن ، ئىككى ئېغىز سۆزۇڭنى ئاڭلىيالىساملا شۇنىڭغا مەن رازى قىزىم !  تەتىلدە سەيلى ساياھەت قىلىپ يۇرگەن مەزگىللىرىڭدە سەندىن ئەنسىرەپ ، تاڭلارغىچە كۆز يۇممايدىغان ئاناڭغا ئۆزۇڭنىڭ ئامانلىقىدىن خەۋەر بېرىپ قويغىن . بىز ئانىلار ئەنە شۇنداق كىچىككىنە ئىشلاردىن رازى بولوپ كېتىمىز قىزىم ! قىزىم ، سەنمۇ بىر كۈنى ئانا بولىسەن ، پەقەت شۇ چاغدىلا ئاناڭنىڭ سەندىن تەلەپ قىلغانلىرىنى چۇشىنىپ يېتىسەن ، ھەقىقى شەخسىيەتچىلىكنىڭ زادى قانداق بولىدىغانلىقىنى ، باللىرىڭ سەندىن بارلىقىنى تەلەپ قىلغاندا ، ئەكسىچە ساڭا ھىچنىمە ئاتا قىلالمىغاندا ئاندىن بىلىپ يىتىسەن ! دىلىڭنى رەنجىتكەن بولسام مېنى كەچۇرگىن ، ئوماق قىزىم ، سەن مېنىڭ بارلىقىم!! ساقلانمام

مەرۋەرى

	بۇ تېمىنى ئوقۇپ قايسى كۈنى تېلۋېزوردا بىر ئانىنىڭ ئېيتقان ماۋۇ سۆزى ئېسىمگە كەلدى: ئاتا- ئانا بولغۇچى پەرزەنتلەرنىڭ ئايدا بەرگەن بەرگەن ئازغىنە  پۇلىدىن، كىيىم-كىچىكىدىن بەكرەك ئۇلارنىڭ بىز بىلەن بىردەم- يېرىمدەم ئولتۇرۇپ، مۇڭدىشىشىغا بەكرەك مۇھتاج.

urkaxjan

	دۇنيا  تەرەققى قىلغانسىرى دۇنيانىڭ ھقىقى مۇھەببىتى  يۇقالغىلى تۇرۇپ تۇ .................... دۇنيانىڭ ئىچىدىكى ئەڭ چوڭ مۇھەببەت قانۇنى ئائىلە بۇلىدۇ ..............................ئاتا_ئانىنى ھورمەتلىمىگەن ئادەم دۇنيا ئاخىرەتتە جازاسىنى  تاتىدۇ ھەم خار زەلىل بۇلىدۇ................................ :@ :@ :@ .........بىزنىڭ پەيغەمبىرىمىز شۇنداق دەپتىكەن <جەننەت ئانىنىڭ قەدىمىنىڭ ئاستىدا دەپ>

arzuyum

	ياخشى ئەسەر  ئىكەن