ئاسىياچوللىردە چاقنىغان يۇلتۇز

taskin

	ئاسىياچوللىردە چاقنىغان يۇلتۇز (قۇربان بارات) سېكىل چېلىش يىللىرنىڭ باتۇر كۈيچىسى،ئويغۇرخەلىقىنىڭسادىق پەرزەنتى ،ۋەتەنپەرۋەر ئوت يۈرەك ئوغلانىمىز مەرھۇم لۇتپۇللا مۇتەللىپ قەلبىمىزدە مەڭگۈ ھايات !!! قان بىلەن يېزىلغان شېئىرلار ئۆمرۈمنىڭ تۇمانلىق يىللىرى ئىدى ، كۆڭلۈمدە ھايات ۋە ئۈلۈم تەشۋىشى. سىنىڭ بىر قىسەڭنى سۆزلىگەن ماڭا ، سۈرگۈنگە ھەيدەلگەن بىر ئالىم كىشى . ئۈلۈمنىڭ ئالدىدا كامىر تېمىغا ، سەن قىزىل قان بىلەن يېزىپسەن شېئىر . نىمىلەر توغىرلىق يازغان ئىدىڭكىن ؟ ئۇ چەكسىز يوقلۇقتا بۇلۇپ قالدى سىر. سەن ئۈلۈپ كۆپ ئۆتمەي كەپتۇ ئاقسۇغا، ئاۋستىرالىينىڭ ئىككى مۇخپىرى. ئەر-ئايال ياشقىنا ئىككى ژورنالىسىت، سۆھبەتداش شۇ ئالىم ئىكەن ھەمرىيى . سىنىڭ ياش ئىسيانىڭ ،قانلىق تەقدىرىڭ، ئۇلاردا قىزىقىش قوزغاپتۇ غايەت . ئېنگىلىس ۋە ئويغۇر بۇ كەسىپداشلار ، سەن ياتقان كامىرنى قىپتۇ زىيارەت. كۆرۈپتۇ تاملاردا شېئىرلىرىڭنى ، قان بىلەن يېزىلغان :قىزغۇچ چېچەكتەك . چاقنارمىش مىسرالار گۈزەل ۋە غەمكىن ، قۇياشتىن كىينكى كەچكى شەپەقتەك . سەن ئەلگە ئاتىدىڭ ياش ھاياتىڭنى ، سەن ئۇنى قۇللۇقتىن بولدۇڭ قۇتقازماق . ئېسىڭدىن چىقمىغان شۇ خەلىق ئۈچۈن، تۇرمىدا يېتىپمۇ شېئىرلار يازماق . ئۇ قانلار ئاققاندۇ يارىللىرىڭدىن ، ياۋايى جازالار قىلىپ جاراھەت . يازغانسەن چىشىڭنى -چىشىڭغا چىشلەپ ، قەلبىڭدە جۇش ئۇرۇپ ئېسيان ،جاسارەت. ئەي ئەلنىڭ ئوغلانى ،يات بوپتۇ ساڭا . ئۈلۈمنىڭ ئالدىدا نائىلاج قېلىش . سەن ئىسسق قېنىڭنى قىلماپسەن زايە.. .. ھەممىنىڭ قولىدىن كەلمەيدۇ بۇ ئىش ! مۇخبىرلار چاندۇرماي فوتو سۆرەتكە ، ئالماقچى بوپتۇ شېئىرلىرىڭنى ۋەلېكىن توسۇپتۇھۇشيار گۇندۇپاي ، دۇنيادىن يۇشۇرۇپ سېنىڭ سىرىڭنى . تۈلكىلىك قىلىپتۇ تەكەللۇپ بىلەن ، سۆرەتكە ئېلىشقا ئەرزىمەيدۇ دەپ . بورى قوزچاقتىن قاقشىغان كەبى ، "ئوغۇرلار"ئۈستىدىن قاخشاپتۇ ھەدەپ. ئۇ ئىككى ژورنالىست قايتىپ ئېلىگە، ماقاللار يېزىپتۇ ،ماختاپتۇ سېنى. كەلمىگەنمىش ماقالە بېسىلغان گېزىت، سۆھبەتداش شۇ يىلى كۈرۈپتۇ ئۇنى. <<ئاسىيا چوللىردە چاقنىغان يۇلتۇز>>_ دەيدۇ ئۇ،_مەۋزۇ قۇيۇلغان ئاڭا . ئارىدىن كۆپ يىللار كەتسىمۇ ئۆتۈپ، بەكمۇ باپ تۇيۇلدى بۇ ماۋزۇ ماڭا . ھە ،بۇ جاي ئاسىيا چوللىرى ئىدى، ئوكياندىن ،دېڭىزدىن ،دۇنيادىن يىراق. زېمىن چول ،ھايات چول،ئىنسان روھى چول.. چۆللەر كەڭ ،يېشىللىق يوللىرى تارراق . گۈكىرەپ تۇراتتى قۇم بورانلىرى، كۆچكەن قۇم ھەرياقنى باساتتى تاراپ. يامغۇرلۇق بۇلۇتلار كېلەلمەيتى كۆپ ، دەريانىڭ ئىزلىرى ياتقان قاغجىر ھە،ئۇلار شۇ چۆللەرئاسمىنىدىكى ، چاقنىغان يۇلتۇزغا ئوخشاتقان سېنى . شۇ خالىس مۇخبىرلار ھۆرمىتى ئۈچۈن، مەنمۇ ھەم ئىشلەتتىم ئەشۇ ماۋزۇنى . غۇۋا بىر تەسەۋۇر قوزغايدۇ مەندە ، سەن قىزىل قان بىلەن يازغان ئەشۇ شېئىر . نېمىلەر دېمەكچى بولغان ئىدىڭكىن ؟ ئۇ چەكسىز يوقلۇقتا بۇلۇپ قالدى سىر

ئەقىدە010

	يازمىڭىزغا رەھمەت، بىراق ئىملاغا دىققەت قىلسىڭىزكەن، چول ئەمەس، چۆل، چوللردە ئەمەس چۆللىرىدە، ئىمكانىمىزنىڭ بېرىچە ئىملا خاتالىقىدىن ساقلىنايلى

مەرۋەرى

	ئەقىدە بەكمۇ ئورۇنلۇق گەپ قىلىپتۇ، ھەممەيلەن ئىملاغا قاتتىق دىققەت قىلايلى!! تەسكىننىڭ تېمىسىغىمۇ تەشەككۈر!

anar

	تەشەككۈر تەسكىن ! لۇتپۇللا مۇتەللىپ مەن ئەڭ ياقتۇرىدىغان ئوغلانلارنىڭ بىرى ، ئۇنىڭ قەلىمىنىڭ ھەربىر قۇرلىرىدا كىشى روھىنى ئويغىتىدىغان چۇشقۇنلۇق باردەك تۇيىلىدۇ ماڭا ....نادىر يوللانمىلىرىڭىزنى كۈتىمىز

گۈلسەنەم

	ئوت يۈرەك شائىرىمىز قەلبىمىزدە مەڭگۈ ھايات!