بىر سۆزۈم بار مىڭ تىللا

ئەقىدە010

	بىر كىشىنىڭ ھاياتىدىكى ئىشلارنىڭ كۆڭۈلدىكىدەك بولماسلىقى ھەتتا مەغلۇب بولۇشى ئاساسلىق قىلىپ ئېيتقاندا ئەمەلىيەت ئەمەس بەلكى روھى – ھالەتكە باغلىق، ئۇ ھەرخىل تېخنىكىلىق مەسلىلەرگە بېرىپ چېتىلىشى مۈمكىن ئەمما ھەرگىزمۇ تەقدىرگە بېرىپ چېتىلمايدۇ. ئەمەلىيەت پەقەت مەغلۇبىيەتچىلەرگە قۇتۇلۇشنىڭ باھانىسىلا بۇلالايدۇ، ئۇنىڭ ئۈستىگە تەقدىرچىلىك ئېتىقادى ئاخىرىدا مۇۋاپىقىيەتنىڭ ئۈمۈدىنى رەھىمسىزلەرچە ئۈچۈرۈپ تاشلايدۇ. ھەرگىزمۇ قارىغۇلارچە ئىش قىلىمەن دېمەڭ، چۇقۇم نېمىنى قوغلىشىۋاتقانلىقىڭىزنى، زادى قانداق ئادەم بولماقچى ئىكەنلىكىڭىزنى ئايدىڭلاشتۇرىۋېلىڭ، باشقىلار گاڭگىراپ ئادىشىپ قالغاندا سىز قەتئىي ئاداشماڭ. ئۇلۇغلارنىڭ ئۇلۇغلۇقىنىڭ سەۋەبى شۇكى، ئۇلار باشقىلار بىلەن بىللە قىيىنچىلىققا يۇلۇققاندا، باشقىلار ئىشەنچىسىنى يوقاتسىمۇ لېكىن ئۇلار قەتئىي ئىرادىگە كېلىپ، ئۆز نىشانىنى ئەمەلگە ئاشۇرىدۇ. كىشلىك تۇرمۇشتا ھەرخىل قىممەت قارىشى بولىدۇ، بىراق شۇنىڭ ئارىسىدىكى مەلۇم بىر قىممەت قارىشىنى ئېتىراپ قىلغان بولسىڭىز سىز بەلكىم بىر ئۆمۈر شۇ خىل قىممەت قارىشىنى قوغلاشقانلىقىڭىزدىن پۇشايمان قىلماسلىقىڭىز مۈمكىن؛ دۇنيادا ھەر تۈرلۈك ئىدىيەلەر مەۋجۇت، بىراق شۇنىڭ ئارىسىدىكى مەلۇم بىرسىنى قۇبۇل قىلالىسىڭىز سىز ئۆمۈر بۇيى شۇ ئىدىيەگە ئەگىشىپ ئۆلسىڭىزمۇ قايتماسلىقىڭىز مۈمكىن. قاتتىق ئازاب ھىس قىلغان چېغىڭىزدا ئەڭ ياخشىسى بىرەر نەرسە ئۆگىنىڭ، ئۆگىنىش سىزنى مەڭگۈ يىقىلمايدىغان قىلىدۇ. ھەممە كىشى نۇرغۇن قىيىنچىلىق ۋە ئوڭۇشسىزلىقلارغا ئۇچراپ تۇرىدۇ، بىراق سىز بۇلارغا ئۇچرىغاندا ھەرگىز بەل قۇيىۋەتمەڭ، بالىلىقىڭىزدىكى ئارزۇيىڭىزنى ئۇنتۇپ قالماڭ، پەقەت قەلبىدە يالقۇنجاپ تۇرغان ئىستەك بولغاندىلا كىشلىك تۇرمۇش ھەقىقىي گۈزەللىككە تولىدۇ. سىز دائىم ئەڭ ئاخىرغىچە بەرداشلىق بەرگەندىلا ھەممە ئوقۇشسىزلىقلارنىڭ ئورنىنى غەلبە خوشاللىقى ئىگىلەيدىغانلىقىنى بايقايسىز. ياشلارغا نىسبەتەن ئەڭ مۇھىم پەزىلەت سەمىمى، دۇرۇسلۇق، بۇلار چوڭ ئىش تەۋرىتىشتىكى ئاساس؛ئۇنىڭدىن قالسا مەسلىلەرنى تەھلىل قىلىش ئۇسۇلى، قانداق قىلغاندا مەسلىلەرنى ئەتراپلىق، ئالدىن كۆرەرلىك بىلەن تەھلىل قىلىپ، ناتوغرا يولغا ماڭماسلىق غەلبە قازىنىشنىڭ ئاساسى؛ ئاخىرقىسى بولسا ئۆزلۈكسىز ئۆگنىپ ئۆز-ئۆزىگە جەڭ ئېلان قىلالايدىغان بولۇش ھەم ئۆز قىممىتىنى يۇقىرى كۆتۈرۈشنى ئۆزىنىڭ كۈرەش نىشانى قىلىپ بېكىتىشتىن ئىبارەت. قەتئىي داۋاملاشتۇرۇش دۇنيادىكى ئەڭ ئاددى ئىش، چۈنكى ئۆزىڭىز داۋاملاشتۇرۇشنى خالىسىڭىزلا ھىچكىشى سىزنى توسۇپ قالالمايدۇ، توختىتالمايدۇ؛ شۇنداقلا قەتئىي داۋاملاشتۇرۇش يەنە دۇنيادىكى ئەڭ قىيىن ئىش، چۈنكى ئەڭ ئاخىرغىچە داۋاملاشتۇرالايدىغان كىشىلەر ئىنتايىن ئاز، ئۇلار دەل مۇۋاپىقىيەت قازانغۇچىلاردۇر. ئەمەلىيەتتە ھەممەيلەندە ھورۇنلۇق ئادەتلىرى بولىدۇ، مۇۋاپىقىيەت قازانغۇچىلار بىلەن مەغلۇبىيەتچىلەرنىڭ پەرقى شۇكى مۇۋاپىقىيەت قازانغۇچىلار ئىشلەش جەريانىدا مەلۇم بىر خىل نەرسىنى تېپىپ ئۆزىدىكى ھۇرۇنلۇقنى يېڭىپ، ئۆز نىشانى ئۈچۈن داۋاملىق تىرىشىدۇ، ئەمما مەغلۇبىيەتچىلەر بولسا بۇنىڭ ئەكسىچە. تۇرمۇشىڭىزدا سىز يىتىشنى ھەقىقى ئارزۇ قىلىدىغان بىرەر نىشانىڭىز بولسا ، شۇ ئارزۇيىڭىزغا قاراپ باتۇرلارچە ئىلگىرلەڭ. سىز بارلىقىڭىزنى ئۆزىڭىز سۆيىدىغان كەسىپكە بېغىشلىغىنىڭىزدا ئۆزىڭىز ئىنتىلگەن پۇرسەتلەرنىڭ ئارقا-ئارقىدىن كونتىروللىقىڭىز ئاستىدا ئىكەنلىكىنى بايقايسىز. چۈنكى بۇ چاغدا سىز خۇددى سۇ ئاستىدىكى ئىپتىدائىي جانلىقلار ئۆزلىكىدىن ئىشىكى ئالدىغا كېلىدىغان جىمجىت مارجانغا ئوخشايسىز. قولىڭىزنى چوققىڭىزغا قويسىڭىز ، قولىڭىزنىڭ بېشىڭىزدىن ئېگىزلىكىنى ھېس قىلىسىز، بۇ ئىش قىلغاننىڭ ئويلىغاندىن مۇھىم ئىكەنلىكىنى چۈشەندۈرىدۇ، بېرىڭ، ئەمەلىي ئىش قىلىڭ. مەيلى ئوڭۇشسىزلىققا ئۇچرىغاندا بولسۇن ياكى مەغرۇرلانغاندا بولسۇن مەن دائىم تۆۋەندىكى ھىكمەتلىك سۆز ئارقىلىق ئۆزەمنى ئىلھاملاندۇرىمەن: جىمجىت ئافرىقا ئوتلاقلىرىدا قۇياش غەرپكە پاتماقتا، بۇ چاغدا بىر شىر ئەتە قوياش كۆتۈرۈلگەندە ، مەن ئەڭ تىز يۈگرەيدىغان بۆكەننى قوغلاپ تۇتىۋېلىش ئۈچۈن كۈچەپ يۈگرىشىم كېرەك دەپ چوڭقۇر خىيال سۈرمەكتە؛ يەنە دەل شۇ ۋاقىتتا، بىر بۆكەن ئەتە قۇياش كۆتۈرۈلگەندە، مەن ئەڭ تىز يۈگرەيدىغان شىردىن قۇتۇلۇش ئۈچۈن كۈچەپ قېچىشىم كېرەك دەپ چوڭقۇر ئويلانماقتا. ئۇنداقتا، سىز مەيلى شىر ياكى بۆكەن بۇلۇڭ قۇياش كۆتۈرۈلگەندە سىزنىڭ قىلىدىغىنىڭىز دەل كۈچەپ يۈگۈرۈش. كىشىنىڭ تەرەققىيات جەريانى خۇددى تاغقا ياماشقانغا ئوخشايدۇ، ھەر قېتىم ئېگىز يەرگە ياماشقاندا تېخىمۇ يىراقتىكى تېخىمۇ گۈزەل مەنزىرىلەرنى كۆرەلەيسىز. نۇرغۇن كىشىلەر كۆز ئالدىدىكى گۈزەل مەنزىرىگە مەھلىيا بولۇپ قېلىپ ئالدىغا قاراپ داۋاملىق تىرىشىپ يامىشىشنى خالىمايدۇ. پەقەت ئاز بىرقىسىم كىشىلەرلا قەيسەرلىك بىلەن يۇقىرغا يامىشالايدۇ. شۇڭا مۇشۇ كىشىلەرلا تېخىمۇ يىراقتىكى تېخىمۇ گۈزەل مەنزىرىلەرنى كۆرەلەيدۇ، يەنە مۇشۇ كىشىلەرلا ئەينى چاغدا قەدىمىنى توختىتىپ قويغان بولسا نەقەدەر ئەپسۇسلىنارلىق ئىش بولىدىغانلىقىنى ھىس قىلىپ يىتەلەيدۇ. پەقەت شۇلارلا تاغ چوققىسىدا تۇرۇپ تۆۋەندىكى تاغقا ياماشقۇچىلارنى كۆرۈپ تۇرالايدۇ. كىشى باشقىلارنىڭ نوقتىسىدا تۇرۇپ مەسلىنى كۆزەتسە، باشقىلارنىڭ قەلبىنى چۈشىنەلىگەن ئادەمنىڭ ئۆز ئىستىقبالى توغرىسىدا غەم يىمەيدىغانلىقىنى بىلەلەيدۇ. مەنبە--ئۆز تەرجىمەم

مەرۋەرى

	سىز مەيلى شىر ياكى بۆكەن بۇلۇڭ قۇياش كۆتۈرۈلگەندە سىزنىڭ قىلىدىغىنىڭىز دەل كۈچەپ يۈگۈرۈش. _________________ بۇ جۈملىنى قايتا- قايتا ئوقۇدۇم، رەھمەت ئەقىدە، بىر-بىرىدىن ئەھمىيەتلىك سۆزلەر ئىكەن، ئېسىل يازمىلىرىڭىزنى دوستلاردىن ئايمىغايسىز!

arman-taxkin

	بۇ سۈزلىرىڭىز مىڭ تىللاغىمۇ ئەرزانكەن .

سامسىپەز

	بىر سۆز ئەمەس جىق سۆزكەنغۇ... تىللا يەتمىدى... كېيىن ئالاي بولدى...

قەھۋە

	قاتتىق ئازاب ھىس قىلغان چېغىڭىزدا ئەڭ ياخشىسى بىرەر نەرسە ئۆگىنىڭ، ئۆگىنىش سىزنى مەڭگۈ يىقىلمايدىغان قىلىدۇ.   مەن سىناپ باقاي.

nawriza

	كىشىنىڭ تەرەققىيات جەريانى خۇددى تاغقا ياماشقانغا ئوخشايدۇ، ھەر قېتىم ئېگىز يەرگە ياماشقاندا تېخىمۇ يىراقتىكى تېخىمۇ گۈزەل مەنزىرىلەرنى كۆرەلەيسىز. نۇرغۇن كىشىلەر كۆز ئالدىدىكى گۈزەل مەنزىرىگە مەھلىيا بولۇپ قېلىپ ئالدىغا قاراپ داۋاملىق تىرىشىپ يامىشىشنى خالىمايدۇ. پەقەت ئاز بىرقىسىم كىشىلەرلا قەيسەرلىك بىلەن يۇقىرغا يامىشالايدۇ. شۇڭا مۇشۇ كىشىلەرلا تېخىمۇ يىراقتىكى تېخىمۇ گۈزەل مەنزىرىلەرنى كۆرەلەيدۇ، يەنە مۇشۇ كىشىلەرلا ئەينى چاغدا قەدىمىنى توختىتىپ قويغان بولسا نەقەدەر ئەپسۇسلىنارلىق ئىش بولىدىغانلىقىنى ھىس قىلىپ يىتەلەيدۇ. پەقەت شۇلارلا تاغ چوققىسىدا تۇرۇپ تۆۋەندىكى تاغقا ياماشقۇچىلارنى كۆرۈپ تۇرالايدۇ. بۇ سۆزنى مىڭ تىللاغىمۇ بەرمەڭ!!!!نامىڭىز بىلەن سىزدىن رۇخسەتسىز باشقا مۇنبەرگىمۇ چاپلاپ قويدۇم، ئەزەلدىن باشقىلارنىڭ تېمىسىنى مۇنبەرگە چاپلايدىغان مىجەزىم يوك ئىدى، توغرا چۈشىنىڭ!!!

peacelife212

	Coffee بۇ يازمىنى 2011-يىلى 3-ئاينىڭ 17-كۈنى 11:53 دە يوللىغان قاتتىق ئازاب ھىس قىلغان چېغىڭىزدا ئەڭ ياخشىسى بىرەر نەرسە ئۆگىنىڭ، ئۆگىنىش سىزنى مەڭگۈ يىقىلمايدىغان قىلىدۇ ... بىلىم دىمىسىمۇ ئەڭ زور بايلىق ۋە چىقىش يولى.