ئاجرىشىش ئالدىدىكى ھىسابات

جۇلالىق

	كۈنى كەچقۇرۇن ، ئاجرىشىش ئالدىدا تۇرغان بىر جۈپلەر سۆھبەتلەشتى . ئايالنىڭ ئالغىنى ........ ئايال يىغىدىن قىزىرىپ ئىششىپ كەتكەن كۆزلىرىنى ئەرگە تىكىپ بايا يىزىپ تەييارلاپ قويغان قەغەزنى ئەرگە سۇندى : ئۈستەل چىرىغى – مەن ئالغان ؛ كىتاپ جازىسى – مەن ئالغان ؛ رەسىم رامكىسى – مەن ئالغان ؛ سائەت – مەن ئالغان ؛ ئورۇندۇق – مەن ئالغان ؛ يۇقارقى نەرسىلەرنىڭ ھەممىسىنى ئەكىتىمەن . ئەرنىڭ ئالغىنى ........ ئەر قەغەزدىكىنى كۆردى ئىختىيارسىز كۆزلىرىدە ياش لىغىرلىدى . ئۇ قولىغا قەلەم ئىلىپ ، قەغەزگە بىر نەرسىلەرنى يىزىپ ئايالىغا سۇندى : يوتقان كۆرپە – ھەقسىز ؛ كىيىم ئىشكابى – ھەقسىز ؛ چايدان – ھەقسىز ؛ تېلېفۇن – ھەقسىز ؛ سىزگە سوۋغا قىلغان كىيىملەر – ھەقسىز ؛ سىزگە سوۋغا قىلغان گۈللەر – ھەقسىز ؛ سىزگە يازغان 200 پارچە خەت – ھەقسىز ؛ سانسىز قىتىم ئالغىلى بىرىش ، ئاپىرىپ قويۇش ، قۇچاقلاش ، سۆيۈش – ھەقسىز ؛ ھەمرا بولۇش ،ھالىڭىزدىن خەۋەر ئىلىش ،كۈتۈش – ھەقسىز ؛ يۇقارقىلارنىڭ ھەممىسى ھەقسىز .كۆتۈرۈپ كەتسىڭىز بولىدۇ . سىزگە خوشاللىقتا، خاپىلىقتا بىرگە بولغىنىممۇ – ھەقسىز ؛ ھەممىسىنى قوشۇپ كەلسەك ، سىزگە بولغان چىن مۇھەببىتىممۇ - ھەقسىز ؛ بىزنىڭ ......... ئايالنىڭ ئەمدىلا توختىغان ياشلىرى قايتىدىن تاشتى . ئۇ بۇرنىنى تارتىپ ،بىشىنى كۆتۈرۈپ ئەرگە قارىدى : - شۇڭا يازغانلىرىڭىزنىڭ ھەممىسىنى ئەكىتىمەن ، سىزنىمۇ ...سىزنىمۇ قوشۇپ ئەكىتىمەن . ئەر گەپ قىلماستىن يۈگۈرۈپ بىرىپ ئايالىنى باغرىغا باستى ، خوشاللىقتىن قىن – قىنىغا پاتماي : - مىنى ئەكىتىڭ ، پۈتۈن ھاياتىم سىزگە مەنسۈپ بولسۇن – دىدى . شۇنداق ، مۇھەببەتنى ھىساپلىغىلى بولمايدۇ . ئاغرىنىشلىرىمىزنى چۆرۈپ تاشلاپ بىر – بىرىمىزنى مەھكەم قۇچاقلىساقلا مانا مۇشىنىڭ ئۆزى مۇھەببەت .

arzuyum

	بەك تەسىر لىك ئكەن.

قەھۋە

	ئاياللار بىلەن ئەرلەرنىڭ پەرقى مۇشۇنداق چاغلاردا تېخىمۇ بەك پەرىقلىنىپ قالامدۇ-قانداق؟   ئەمما بەك تەسىرلىككەن. ئاجراشماقچى بولغانلار مۇشۇنداق پەيتىدە قايتىدىن ئەسلىگە قايتىۋالسا، بۇ نېمە دېگەن ياخشى ئىش.

PINHAN

	بىراق ئاجىراشماقچى بولۇپ تۇرغاندا، ئۇنداق رومانتىك ئىشلارنى قىلىش كىمنىڭ خىيالىغا كېلىدۇ دەيسىز! ئاجىرىشش دەرىجىسىگە بېرىپ يەتتى دىگەنلىك جىدەل ئۇلغىيىپ ياكى مۇھەببەت سۇسلىشىپ خېلى بىر يەرگە باردى دىگەنلىك شۇڭا بۇنداق تەسىرلىك ھەم رومانتىك ئىشلار بىر بولسا يېڭى توي قىلغانلاردا بولىدۇ، يەنە بىر بولسا نەچچە مىڭ ئادەمنىڭ ئىچىدىن يا بولىدۇ يا بولمايدۇ! ئاۋۇ يۇقاردا تىلغا ئىلىنغان ئەر بەك ئېسىل ، دەھشەت ئوڭلۇق ئەر ئوخشايدۇ قارىغاندا! ھەي بۇنداق ئەرلەر قالىمىدى جۇمۇ! ھازىر تولىسى سەن ئۇنى ئەكەتسەڭ مەن بۇنى يەنە بۇنى، ئاۋۇنىمۇ قوشۇپ ئەكىتىمەن دەپ يوغان مۇشتىلىرىنى ئايالىنىڭ بۇرنىغا تەڭلەيدىغانلارمۇ يوق ئەمەس! بىراق ھەقىقەتەن بەك تەسىرلىك  ئىكەن! رەھمەت!

قەھۋە

	ئەمما شۇنداق بىر تەھلىل قىلىپ قويىسىزغۇ سىز ھە. كۈلۈپ يېتىپ قالدىم.   ئىقتىدارىڭىزنى كۆرسەتمەيۋاتسىز جۇمۇ سىز.

PINHAN

	قانداق ئىقتىدار؟  ئۇ ئىقتىدارلارنىڭ ھەممىسى سىزدە تۇرسا، مەندە نىمە ئىش قىلسۇن دەيسىز! ئاشۇ مۇشۇ ئالدىراشچىلىقنىڭ دەستىدىن مۇشۇ ئىقتىدار دىگەن ئىلىمىنىتلارنى تولۇقلاپ بولالماي ئاۋارە مەن! بولمىسا بۇرۇنقى دوست- بۇرادەرلەر بىلەن مىنىڭمۇ " غەيۋەت- شىكايەت" دىگەننى بولىشىغا قىلىپ خوشال بولغۇم بار! رەھمەت ھە! ئىلھاملاندۇرغىنىڭىزغا!