خىزمەتچى ئاياللار قانداق قىلغاندا چارچاش تۇيغۇسىنى يېنىكلىتەلەيدۇ

خۇشچىراي

	مۇتەخەسىسلەر خىزمەتچى ئاياللارنىڭ چارچاش تۇيغۇسىنى يەڭگىللىتىشى ئۈچۈن تۆۋەندىكىدەك تەكلىپلەرنى ئوتتۇرىغا قويدى: بازارغا سودىغا چىققاندا پىلانلىق بولۇش . سېتىۋېلىشقا تېگىشلىك نەرسىلەرنى قەغەزگە يېزىۋېلىپ ، بىر قېتىمدىلا سېتىۋېلىش، پىلانسىز بازارغا چىقىپ، چارچاپ كېتىشتىن ساقلىنىش كېرەك. ئۆينى رەتلەش ۋە تازىلاش تەلىپى بەك يۇقۇرى بولۇپ كەتمەسلىكى كېرەك . ئۆزىنىڭ ئىقتىدارىغا ئاساسەن ئۆي مۇھىتىنى رەتلەپ ئورۇنلاشتۇرۇش، ئۆينى چىنىدەك پاكىز تازىلاپ تۇتۇشقا ۋاقىت چىقىرالمىغاندا بۇنىڭغا بىئارام بولماسلىق كېرەك. ئائىلە ئىشلىرىنى مۇۋاپىق تەقسىم قىلىش. ئۆزى يالغۇز ئائىلىنىڭ ھەممە ئىشلىرىنى زىممىسىگە ئېلىۋالماستىن ، ئائىلىدىكى ھەر بىر ئەزاغا مۇۋاپىق تەقسىم قىلىپ ، ئائىلە ئەمگىكىنى تارقاقلاشتۇرۇش كېرەك. تېلېۋىزور پروگراممىلىرىنى تاللاپ كۆرۈش . تېلېۋىزور پروگراممىلىرىغا قىزىقىپ ، دەم ئېلىشقا تەسىر يەتكۈزۈپ قويماسلىق ، ئاخشىمى بالدۇراراق ئۇخلاپ ، ئۇيقۇنىڭ نورمال بولۇشىغا كاپالەتلىك قىلىش كېرەك. چاچ پاسونى ۋە كىيىم –كېچەكلەرنى ياخشى تاللاش . ئەڭ ياخشىسى ئىخچام، رەتلەشكە كۆپ ۋاقىت كەتمەيدىغان كىيىم– كېچەك ۋە چاچ پاسونىنى تاللاش كېرەك. ھەر كۈنى ئۆزىگە ئازراق ۋاقىت ئاجرىتىپ قويۇشقا كاپالەتلىك قىلىش كېرەك . چۈشلۈك دەم ئېلىش ۋاقتى ياكى ئىشتىن چۈشكەندىن كېيىن 10–20 مىنۇت ۋاقىت ئاجرىتىپ ، سەيلى قىلىش ياكى ئۆزى ياخشى كۆرىدىغان تەنتەربىيە پائالىيەتلىرى بىلەن شۇغۇللىنىش كېرەك. ئائىلىدىكىلەر بىلەن كۆپ سۆھبەتلىشىش. شۇنىڭ بىلەن بىر ۋاقىتتا دوستلار بىلەن مۇڭدىشىش ئارقىلىق چارچاش تۇريغۇسىنى يەڭگىللىتىش كېرەك. ئۆزى خالىمىغان ئىشنى مەجبۇرىي قىلماسلىق كېرەك . ئۆزى خالىمىغان ۋە زۆرۈر ئەمەس دەپ قارىغان ئىشنى قەتئىي رەت قىلىش ، بۇنىڭ ئۈچۈن ئۆزىنى مەجبۇرلىماسلىق كېرەك. مەنبە:شىنجاڭ گېزىتى

جۇلالىق

	ماڭا كېرەكلىك مەزمۇن يوقكەن. شۇڭا ئاستا گەپ قىلماي چىقىپ كېتەي.

مەرۋەرى

	مۇشۇ كۈندە يەلكەمگە تاغ ئارتىۋالغاندەكلا يۈرۈيمەن دېسە، بۇنىڭدىكى بەزىلىرىنى قىلىپتىمەن، يەنە نۇرغۇنلىرىنى ئەمىلىيلەشتۈرسەم بولغىدەك ، بولۇپمۇ، ئائىلە ئىشلىرىنى، ئائىلە ئەزالىرىغا تارقاقلاشتۇرۇش دېگەن تۈر ماڭا بەك ياقتى