ئاياللار بەدەن گۈزەللىكىنى ساقلاش ئۈچۈن دىققەت قىلىدىغان ئىشلار.

خۇشچىراي

	ئاياللار بەدەن گۈزەللىكىنى ساقلاش ئۈچۈن كۈندىلىك تۇرمۇش جەريانىدا تۆۋەندىكى ئىشلارغا دىققەت قىلىشى كېرەك: دائىم قاپىقىنى تۈرۈپ يۈرۈيدىغان ئاياللارنىڭ تىرىسىگە ئاسانلا ئۇزۇقلۇق يېتىشمەيدۇ. بۇنداق ناچار كەيپىيات تېرىنىڭ ئىلاستىكىلىقىنى تۆۋەنلىتىۋېتىپ، قورۇق پەيدا قىلىدۇ. ئاياللار كەچلىك ئۇيقۇغا ئالاھىدە قارىشى كېرەك. سەۋەبى كەچلىك ئۇيقۇ يىتەرلىك بولمىسا، تېرىدىكى ھۈجەيرىلەرنىڭ تەڭشەش ئىقتىدارى قالايمىقانلىشىپ كېتىدۇ. شۇڭا يەتتە، سەككىز سائەت ئوخلاشقا كاپالەتلىك قىلىشى كېرەك. سۇ ئىچمەسلىك، ھەرىكەت قىلىشنى ياقتۇرماسلىق ئاياللار ئۈچۈن ناچار ئادەت ھىساپلىنىدۇ. سۇ ئىچمىگەندە تىرە ئاسانلا سۇسىزلىنىپ، قورۇق پەيدا بولۇپ، تېرىنىڭ ئىلاستىكىلىقى ئاجىزلىشىدۇ. ئاياللار يەنە مۇۋاپىق ھەرىكەت قىلىپ، يىنىك تۈردىكى پائالىيەتلەر بىلەن شۇغۇللىنىپ چېنىقىپ بەرگەندە قان ئايلىنىشنى تېزلىتىپ، بەدەننىڭ ھەرىكەت ئىقتىدارىنى يۇقىرى كۆتۈرۈپ، تېرىنىڭ نەملىكىنى ئاشۇرالايدۇ ھەمدە تەر چىقىرىش ئارقىلىق بەدەندىكى كىرەكسىز ماددىلارنى چىقىرىۋەتكىلى، قېرىشنىڭ ئالدىنى ئالغىلى بولىدۇ. تېرىسىگە مۇۋاپىق كەلمەيدىغان پەرداز بۇيۇملىرىنى ئىشلىتىش، پەردازلىرىنى پاكىز يۇيماسلىقمۇ ئاياللار ئۆزگەرتىمىسە بولمايدىغان ناچار ئادەت ھېساپلىنىدۇ. سەۋەبى، ئەگەر ئىشلەتكەن پەرداز بۇيۇملىرى تېرىگە مۇۋاپىق كەلمىسە، تېرىنى تېخىمۇ ناچارلاشتۇرۋىتىدۇ، ناۋادا بۇنداق پەرداز بۇيۇملىرى تېرىدە ئۇزاق تۇرۇپ قالسا، تېرىگە ئەكىس تەسىر كۆرسىتىپ، تېرىنڭ نورمال ئىقتىدارىغا زىيان يەتكۈزۈپلا قالماستىن، ھەر خىل تىرە كېسەللىكلىرىنىمۇ پەيدا قىلىدۇ. ئاياللار غىدىقلىغۇچى يېمەكىلىكلەرنى ئاز يېيىشى، ۋىتامىن تولۇقلاشقا سەل قارىماسلىقى كېرەك. ئادەتتە تېرىنىڭ ئادەم بەدىنىنىڭ ئىچكى ئاجراتما سىستېمىلىرى بىلەن بولغان مۇناسىۋىتى ئىنتايىن زىچ بولىدۇ. مۇچ، ياغدا پىشۇرۇلغان يېمەكلىكلەر ئادەم بەدىنىنىڭ ئىچكى ئاجراتما سىستېمىسىغا تەسىر كۆرسىتىپ، تېرىگە زىيان يەتكۈزىدۇ. ئەكسىچە، كۆكتات، مېۋە- چېۋە تەركىبىدە ھەر خىل ۋىتامىنلار كۆپ بولۇپ، تېرىنىڭ ئىلاستىكىلىقىنى ئاشۇرۇپ، نەملىكىنى تەڭشەيدۇ. مەنبە:ماتىرىيال

月花

	مەن سىناپ بېقىشقا تىرىشىمەن .مەن قېرىپ كىتىشتىن بەك قورقاتتىم  رەخمەت سىزگە.

hilal

	ماۋزۇسىنى بەدەن گۈزەللىكىنى ساقلاش ئۈچۈن دىمەي ، تېرە گۈزەللىكىنى ساقلاش ئۈچۈن دىسەك تېخىمۇ توغرا بولغۇدەك ..... مەنمۇ دىققەت قىلىشقا باشلاي ، بولمىسا گۈزەللىكتە مۇنبىرىمىزنىڭ مومايلىرى ئېشىپ كىتىپ يۈرمىسۇن مەندىن .....

گۈلسەنەم

	مان قاپىقىمنى تۈرۈپ يۈرەي دېسەممۇ قاملاشتۇرالمايمەن زادى ، خۇشچىراينىڭ قەدىمى يەتتىمۇ زادى ياخشى ئىش بار ، رەھمەت نۇرغۇن بىلىملەرگە ئىگە بولۋالدىم، گۈزەللىك دېسە ئىنتىلمەيدىغان ئادەم يوق بولسا كېرەك، بولۇپمۇ ئاياللار، مۇشۇنداق تۇرمۇش بىلىملىرى ئارقىلىق ئۆز گۈزەللىكىمىزنى ساقلاپ قالساق گىرىمخانىغا بېرىشنىڭ نىمە ھاجىتى ھە!!!

anar

	hilal بۇ يازمىنى 2011-يىلى 3-ئاينىڭ 10-كۈنى 17:44 دە يوللىغان ماۋزۇسىنى بەدەن گۈزەللىكىنى ساقلاش ئۈچۈن دىمەي ، تېرە گۈزەللىكىنى ساقلاش ئۈچۈن دىسەك تېخىمۇ توغرا بولغۇدەك . ... ھا ھا ...ھىلال قىز ، مۇنبىرىمىزنىڭ مومايلىرى يامان جۇمۇ ، ئۇزاق يىل بىللە ياشاپ يۈرگەنلەرمۇ بىلەلمەيدۇ ھەقىقىي يېشىنى بەك تىرىشمىسڭىز بولمايدۇ

جۇلالىق

	مەن دىققەت قىلىپ بولالمىغىدەكمەن. قېرىمايدىغان كىم بار ئىدى. ھىلال مۇنبەرنىڭ مومايلىرى دەپ كېتىپتا................؟