دادا-ئاپا؟ مەن توي قىلمايمەن

sansiz0903

	(سەنسىز0903) ئىشىكتىن كىرىپ دادام-ئاپامغا سالام قىلغاندىن كېيىن، قولۇمدىكى بانان-ئاپلىسىن، ئالما دىگەندەك مىۋىلەرنى ئۈستەلگە قويدۇم. دادام-ئاپاملارنىڭ ئىشىكتىن كىرگەندىن ھازىرغىچە باش ئايىغىمغىچە تەپسىلى قاراشلىرىدىن ئۇلارنىڭ بۈگۈن ماڭا دەيدىغان مۇھىم بىر ئىشى بارلىقى مانا مەن دەپ چىقىپ تۇراتتى. كاستىيۇمۇمنى ئىلغۇچقا ئىلىپ قويغاندىن كىيىن قولۇمنى يۇيۇپ كىرىپ تاماق قاچىسىدىكى ھورى كۆتۈرۈلۈپ تۇرغان تاماقنى يىيىشكە تەرەددۇت قىلدىم. ئۆي ئىچى تىپتىنچ، ئۇكام بۈگۈن بۇرۇنلا ھۇجرىسىغا كىرىپ كەتكەن ئىدى. ئادەتتە ئۇنى-بۇنى دىيىشىپ ئولتۇرىدىغان دادام-ئاپاملارنىڭ، بۈگۈن بېشىغا قۇش قونىۋالغاندەك جىملا تۇرىشىدىن، ئۆيدە بىر خىل سۈرلۈك تۇيغۇ ھۆكۈم سۈرەتتى. كۆڭلۈمدە، دادام-ئاپاملارنىڭ بۈگۈن ماڭا دەيدىغان قانداق مۇھىم سۆزى باردۇ؟ دىگەن خىيال بىر ئېلىپ تاماقنى شۇنچىلىك تەستە يەۋاتاتتىم. تاماقنىمۇ يەپ بولدۇم. ھۇجرامغا مېڭىشقا تەمشەلگىنىمدە، دادامنىڭ چاقىرغان ئاۋازى ئاڭلاندى... -بالام، ياقتا ئولتۇرە.. سەن بىلەن مەسلىھەتلىشىدىغان ئىش بار. ئاستا كىلىپ دادام كۆرسەتكەن ئورۇندا ئولتۇردۇم. نەچچە سىكۇنت جىمجىتلىقتىن كېيىن دادام ئېغىز ئاچتى. بالام، ئاپاڭ ئىككىمىز مەسلەھەتلىشىپ تويۇڭنى قىلايلىمىكىن دەۋاتىمىز. يېشىڭمۇ تويلايدىغان يەرگە يەتتى. ھەدەڭ، ئاكاڭلار توي قىلىپ بولدى. ئەمدى نۆۋەت ساڭا كەلدى. ئۇنىڭ ئۈستىگە ئاپاڭ ئاغرىقچان، يەڭگەڭ ئېغىر قات، ھەممە ئىشلارغا يىتىشىپ بولالمايدۇ. بىزمۇ سىنى بالدۇرراق ئۆيلۈك-ئوچاقلىق قىلىپ زىلمىمىزدىكى قەرىزنى ئادا قىلماقچى..... دادام-ئاپاملارنىڭ دىننى، ئائىلىنى، جەمئىيەتنى مىسال قىلىپ سۆزلەشلىرىنى ئاڭلاپ، بېشىمنى پەس قىلىپ جىممىدە ئولتۇردۇم. شۇ تاپتا يۈزۈم قىزىرىپ، بېشىمغا ھازىرلا ئوت كېتىدىغاندەك تۇيىلىۋاتاتتى. بىردەمدىن كىيىن تەستە ئېغىز ئاچتىم. -دادا، بۇ گەپ تۇيۇقسىزلا ئوتتۇرىغا چىقىپ قالدىمۇ نىمە؟ يېشىڭمۇ تويلايدىغان يەرگە يەتتى دەيسىز. مەن ئەمدىلا 20 ياشقا قەدەم ئالغان بالا تۇرسام.... سۆزۈمنىڭ ئاخىرى تۈگىمەيلا دادام سۆزۈمنى بۆلىۋەتتى. - 20 ياشقا كىرگەن تۇرۇپمۇ تويلايدىغان يەرگە يەتمىدى دەيسەنغۇ؟ بوۋاڭ13 يېشىدا توي قىلغانىكەن. -ئۇ دىگەن بۇرۇنقى زامان ھازىر.... -بولدى بولدى...بۇرۇن-ھازىر دەپ سېلىشتۇرۇپ يۈرمە. شەرىئەتتە ئوغۇل بالا بالاغەتكە يىتىشى بىلەن تويىنى قىلىش دەپ بار. شەرىئەتنىڭ يولى بويىچە ماڭمىساق بولمايدۇ. مەسچىتلەردىمۇ مۇشۇ ھەقتە كۆپ ۋەز-نەسىھەتلەرنى قىلىۋاتىدۇ. بۇرۇنراق توي قىلساڭ، ساڭىمۇ، بىزگىمۇ ياخشى... بىزمۇ قېرىپ ماغدۇرىمىزدىن كەتكۈچە ئۇكاڭ ئىككىڭلارنىڭ تويىنى بۇرۇنراق قىلىپ ئارامخۇدا پۇتىمىزنى سونۇپ ئولتۇرايلى دەيمىز. ئۆزۈڭ پۈتۈشكەن قىز بولسا دىگىن، ئۆيىگە ئەلچى كىرگۈزۈپ چىرايلىقچە تويۇڭلارنى قىلىپ قويايلى... ئەسلى بۇلتۇرلا تويۇڭنى قىلماقچى ئىدۇق. ھېلىمۇ بىر يىل ساقلىدۇق. ئەمدى بۇ يىل بولسىمۇ تويۇڭنى قىلىپ ئاتا-ئانىلىق قەرزىمىزنى ئادا قىلايلى.... دادام-ئاپاملارنىڭ سۆزلىرى ھېچ تۈگەيدىغاندەك ئەمەس. ئەمدىلا 20  ياشنىڭ قارىسىنى ئالغان بىر يىگىت ئۈچۈن ئېلىپ ئېيتقاندا تۇرمۇشا ھاياتىنىڭ ئەڭ چوڭ قەدىمى بولغان توي ھەقىقەتەن بالدۇرلۇق قىلاتتى. توي دىگەن ئۆمۈرلۈك ئىش. بۇنىڭغا چاقچاق قىلغىلى بولمايدۇ دە-.. ئۇلارغا نەچچە كۈن ئويلىشىپ بېقىشنى باھانە قىلىپ ھۇجرامغا كىرىپ بىرەر سائەت خىيالغا چۆككەندىن كېيىن ئۇخلاپ قاپتىمەن. دۇكانغا كىرىپ، ئۆيگە قايتىپ دىگەندەك ئالدىراشچىلىق ئىچىدە كۈنلەرنىڭ شۇنچە تېز ئۆتىۋاتقانلىقىنى سەزمەيلا قاپتىمەن. دادام-ئاپاملار مىنى بۇ ئىشتا ياخشىراق ئويلىشىۋالسۇن دىدىمۇ، ئەيتاۋۇر بۇ ھەقتە نەچچە ھەپتە ئېغىز ئاچمىدى. بۈگۈن ئۆيگە كىيىنرەك قايتتىم. دادام بۈگۈن ئىدارىدە دىجۈرنى بولغاچقا ئۆيدە يوق ئىدى. تاماق يەۋاتقىنىمدا ئاپام يەنە توي ئىشى توغرۇلۇق ئېغىز ئاچتى -بالام؟ ئۆتكەندە داداڭ ئىككىمىز دىيىشكەن ئىشنى ئويلاشتىڭمۇ؟ پۈتۈشكىنىڭدىن بىرەرسى بارمۇ يا؟ - ئۇ ئىشلارنى ئويلاشمىدىم، ھەم ئويلاشقۇدەك ۋاقتىم يوق. پۈتۈشكەن بىرەر قىزمۇ يوق؟ مەن تېخى كىچىك توي قىلمايمەن. تاماق يەۋاتقاچ شۇ سۆزلەرنى ئارانلا دىدىم. -داداڭ بىلەن مەسلىھەتلەشتۇق. ساڭا تاغاڭنىڭ قىزى ئايشەمنى ئېلىپ بىرىدىغان بولدۇق. ئۆزى ئەقىللىق، چېچەن قىز... كىچىكىڭدىن سەن بىلەن بىللە ئويناپ چوڭ بولغان. شۇنداق چىرايلىق، پاكىزە چوڭ بولدى شۇڭا... ئاپامنىڭ سۆزلىرىنى ئاڭلاپ تۇرۇپلا كەتتىم. ئاپامنىڭ ئايشەم دىگىنى كىچىك تاغامنىڭ قىزى ئىدى. ئۆيىمىزنىڭ ئارلىقى يېقىن بولغاچقا كىچىكىمىزدىن بىللە ئويناپ، مەكتەپكىمۇ بىللە بېرىپ كىلەتتۇق. مەن ئۇنىڭدىن ئىككى ياش چوڭ بولغاچقا ئۇنى ھىمايە قىلاتتىم. ئاكىلىق ھېسياتىم بىلەن ئۇنىڭغا كۆڭۈل بۆلەتتىم. ئۇمۇ مىنى ئىنتايىن ھۆرمەت قىلاتتى. ھەر قانداق ئىشى بولسا ماڭا مەسلەھەت سالاتتى. ئەمدىلىكتە ئاپامنىڭ بۇ گىپىدىن بېشىم تولىمۇ قاتتى. ئۇنى دىسەم بۇنى دەيتتى. ئۇنى دىسەم ئۇنى دەيتتى. ئاپامنى قايىل قىلالمايدىغانلىقىمغا كۆزۈم يىتىپ ئاستا كىرىپ ئۇخلاپ قالدىم. ئالدىراشچىلىقتا يەنە نەچچە ھەپتە ئۆتۈپ كەتتى. بىر كۈنى كەچ دۇكاندىن قايتىپ چىقىۋاتقىنىمدا ئاپامغا ئايشەم توغرۇلۇق ئېغىز ئاچتىم. -ئاپا؟ ئايشەم مىنىڭ ئۆز سىڭلىمغا ئوخشاش... مەن ئۇنىڭ بىلەن توي قىلسام بولمايدۇ. ئۇنىڭ ئۈستىگە ئىلىم-پەندىمۇ يېقىن-تۇققانلارنىڭ توي قىلىشى ياخشى ئەمەس.... گىپىم تۈگىمەيلا ئاپام ئېغىز ئاچتى. -ۋاي-ۋاي بولدى. ئايشەمنى ساڭا ئېلىپ بەرمەيدىغان بولدۇق. باشقا يەردىن ساڭا ماس كىلىدىغىنىنى كۆرىۋاتىمىز... ئاپامنىڭ بۇ سۆزلىرىدىن ھەيران قالدىم. قارارىدىن نىمانچە تىز يېنىۋالغانلىقىنى بىلمەكچى بولۇپ سورۇدۇم. -نىمىشقا شۇنچە تېز قارارىڭلاردىن ياندىڭلارما؟ -ئايشەم بىلەن ئىككىڭلار ئىمىلداش ئىكەنسىلەر؟ بۇنداق بولسا نىكاھ چۈشمەيدۇ..شۇڭا باشقا يەردىن كۆرىۋاتىمىز. خۇشلۇقۇم ئىچىمگە پاتمايلا قالدى. ھۇجرامغا كىرىپ يەردىن توپا چىقىپ كەتكۈچە سەكرەپتىمەن. بۈگۈن ئوتتۇرا مەكتەپتىكى بىر قانچە ساۋاقداشلار يىغىلىپ، بىللە تاماق يىگەچ ئويۇن ئويناپ كەلدۇق. يولدا كىتىۋېتىپ ئارىمىزدىكى قىززىقچى، يۇمۇرچى ساۋاقدىشىمىزدىن بىرى يۇمۇرلۇق تېپىشماقتىن بىرنى ئوتتۇرىغا قويدى. -ئىككى نورمال ئادەم ساراڭ دىگەن گۇمان بىلەن نېرۋا كىسەللىكلەر دوختۇرخانىسىغا كىرىپ قاپتۇ. بىراق ئۇلارنىڭ بىرى 6 ئايدا، بىرى 15 كۈندىلا دوختۇرخانىدىن چىقىپتۇ. نىمىشقا شۇنداق بولىدۇ. بەس-بەستە جاۋاپ بەردۇق. -بەلكىم ئۇ ھەقىقەتەن ساراڭ ئوخشايدۇ. - بەلكىم دوختۇرخانا خادىملىرىغا خاتالىشىپ قويغان ئوخشايدۇ... - .............. ھېچقايسىمىز توغرا جاۋاپ بىرەلمىگەندىن كېيىن ھېلىقى دوستىمىز ئېغىز ئاچتى. -ئۇنداق ئەمەس، ئۇلارنىڭ بىرى دوختۇرلار نىمە دىسە شۇنى قىلىپ، ۋاقتىدا مەشىق قىلىپ، ۋاقتىدا تاماق يەپ، ۋاقتىدا ئۇخلاپ تېزلا دوختۇرخانىدىن چىققان. يەنە بىرى مەن ساراڭ ئەمەس، مەن ساق دەپ كۈندە ۋارقىراپ-جارقىراپ دوختۇرلار بىلەن تاكاللاشقان. شۇنىڭ بىلەن دوختۇرلار ئۇنى ساراڭ قاتارىغا چىقىرىپ 6 ئايدا دوختۇرخانىدىن چىققان. كاللام ۋاللىدە يۇرۇپ كەتتى. توغرا شۇنداق قىلىش كېرەك. ئەمدى كۈندە ئۇ ئىشلارن ئويلىمايدىغان بولدۇم. كۈندە ئۆز ئىشىمنى ۋاقتىدا پۈتتۈرۈپ، شوخ، سەبى بالىلاردەك خۇشال-خورام ئويناپ، دادام-ئاپاملارغا يۇمۇر سۆزلەپ بىرىدىغان، كۈلۈپلا تۇرىدىغان بولدۇم. بالىلارچە قېلىقلارنى قىلىپ، دادام-ئاپامغا ئانچە-مۇنچە ئەركىلەپمۇ قويدۇم. يول ماڭساممۇ شوخلۇق قىلىپ 13 ياشلىق بالىلاردەك ماڭدىم. دادام ئاپاملار پالانىنىڭ قىزى ئەقىللىق، چىرايلىق قىز بوپتۇ. شۇ بولامدىكىن، پالانىنىڭ قىزىمۇ ئەقىللىق، پاكىزە ئىكەن شۇ بولامدىكىن يا؟ دىسە، ئۆزۈڭلار بىلىپ بىر ئىش قىلىڭلار دەپلا قويۇپ بۇ ئىشلار بىلەن قەتئى چاتىقىم بولمىدى. دادام-ئاپاملار توي توغرىلىق ئېغىز ئاچسا: - سىلەر نىمە دىسەڭلار شۇ... توي قىلىدىغان قىزنى پۈتۈشۈپ، ئەلچى كىرگۈزۈپ توينى بىكىتىپ توي كۈنى ماڭا تېلفۇن قىلىڭلار. ... ۋاقتىم يەتسە شاققىدە بېرىپ كىلەرمەن دەپ كۈلۈپ قويدۇم. بۇ بالىلارچە قىلغان چاقچىقىمغا ئۆيدىكى ھەممەيلەن قورساقلىرىنى تۇتۇپ كۈلۈشۈپ كەتتى. دەرۋەقە بۇ (ھۈنىرىم) نىڭ ئۈنۈمى خېلىلا ياخشى بولغانىدى. كۈندە بېشىمنى ئاغرىتىدىغان توي توغرۇلۇق بولىدىغان پاراڭلارمۇ بارا-بارا يوقاشقا باشلىدى. بىر كۈنى ھۇجرامغا ماڭغاندا ئاپامنىڭ دادامغا دىگەن سۆزى قۇلىقىمغا كىرىپ قالدى. -دادىسى؟ بۇ بالا تېخى كىچىك ئىكەن. قاراڭلار بالىلارچە قېلىقلىرىغا، كىچىك تۇرۇپ تويىنى قىلىپ قويساق كىيىن پۇشايماندا قالىدىغان ئىشلار بولمىسۇن. تويىنى قىلىپ قويغان تەقدىردىمۇ، قېينانىسىغا، قېيناتىسىغا، ئۇلارنىڭ ئۇرۇق-تۇققانلىرىغا قانداق مۇئامىلە قىلىشنىمۇ تۈزۈك بىلمەمدىكىن دەيمەن. يەنە بىرەر يىل ساقلاپ باقساق بولغۇدەك... - بولىدۇ. مەنمۇ شۇنداق ئويلاپ قالدىم. شۇنداق بولسىمۇ بولسۇن. ئېغىزىم قۇلۇقۇمغا يىتەيلا دىدى. خۇشلۇقۇمدا ھۇجرامدىن يەنە بىر قېتىم توپا چىققۇدەك سەكرىۋەتكەنىدىم. دىمەك مەن غەلبە قىلدىم!!! ياشا بويتاقلىق !!

hilal

	ھاھا .... ئوماقلىقىنى ، ھىيلىگەر تۈلكە .... دىمىسىمىغۇ يىگىرمە ياشقا كىرگەندىن كىيىن ئۆيلەنگىنىڭىزمۇ ياخشىتى ئەسلىدە .....

dilroh

	ھى ھى كاللىڭىز ئىشلەيدىغان قاقباشكەنسىز ``  ئەمما ئاتا - ئانانىڭ بارىدا بىشنى ئوڭشىۋالغانغا يەتمەيدىكەن جۇمۇ `````

anar

	مۇشۇ ئۇكىمىزنىڭ تويىنى قىلىۋەتسەك بولاتتى ، يېشى كىچىك بولغان بىلەن كاللىسى بەك ئۆتكۈر بۇ قاقباشنىڭ

sansiz0903

	مۇھىم گەپتىن بىرسى قاپتۇ ھەدىلەر قىز بالا بولسا بۇ ئامال ئەسقاتمايدۇ... شوخ كۈلۈپ، يايراپ يۈرسەڭلار، تويىنى قىلايلى دىسەك خۇش بولىۋېتىپتۇ... بۇرۇنراق قىلىدىغان ئىشكەن ئەسلى دەپ مۇددەتتىن بۇرۇن ئىشىڭلارنى بىر تەرپە قىلىۋىتىدۇ جۇمۇ

arman-taxkin

	ئۆتكەندە توي قىلىمەن دەۋاتاتتىڭىزغۇ - ؟ - ئەمدى قانداق بولۇپ قارارىڭىزدىن يىنىۋالدىڭىز - دەيمەن -؟

مەرۋەرى

	arman-taxkin بۇ يازمىنى 2011-يىلى 3-ئاينىڭ 5-كۈنى 13:01 دە يوللىغان ئۆتكەندە توي قىلىمەن دەۋاتاتتىڭىزغۇ - ؟ - ئەمدى قانداق بولۇپ قارارىڭىزدىن يىنىۋالدىڭىز - دەيمەن -؟ بىزنى چاقىرماي توي قىلمايدۇ بۇ ئۇكام ،

sansiz0903

	نەچچە يىل توي قىلماي، دۈشمەنلەرنىڭ كۆزىدىن ئوت چىقىرۋىتەي دەيمەنغۇ [ sansiz0903 بۇ يازمىنى  2011-يىلى 3-ئاينىڭ 5-كۈنى 14:31  دە تەھرىرلىگەن. ]

جۇلالىق

	توي قىلىپ بېرەيلى دېسە بۇ سەنسىز ئۇكامنىڭ يۈزى قىزىرىپ يەرگە قارىۋالغانلىقىغا ھەرگىز ئىشەنمەيمەن. يەتتە قىزلىرىمدىكىلەرنى تويىغا چاقىرماي توي قىلىپ باقسۇنچۇ كۆرگىلىكى بار. بولۇپمۇ مېنى چاقىرماي قىلىشقا ھەددى ئەمەس.

ayqiz

	ۋاي ھېلىگەر ساقام تېنچلىقمۇ ؟ نەچچە يىل توي قىلماي يۈرەرمىش تېخى ، بىز قېرىپ كەتكىلى تۇردۇق توي باغىقىنى ساقلاپ .