ئاياللار ساغلاملىقىدىكى سەككىز تەدبىر

جۇلالىق

	1. زىيادە پاكىزلىقنى قوغلاشماسلىق : ئامېرىكىلىق مىكرو بىئولوگىيە ئالىمى مارى دوكتورنىڭ قارىشىچە ، باكتېرىيە ئۆلتۈرىدىغان سوپۇن ، قول يۇيۇش سۇيۇقلۇقى ۋە يۇيۇنۇش سۇيۇقلۇقى قاتارلىقلارنى دائىم ئىشلەتكەندە ئەكسىچە ئۈنۈم بېرىدىكەن ، قول يۇيغاندا ئادەتتىكى ئەتىر سوپۇن ۋە سۇ بىلەن يۇيسىلا كۇپايە ئىكەن . چۈنكى باكتېرىيەگە قارشى مەھسۇلاتلار پايدىلىق مىكرو ئورگانىزملارنىمۇ يوقىتىپ ، بەدەندىكى مىكرو ئورگانىزملار توپىنى تەڭپۇڭسىزلاشتۈرۋېتىدىكەن . 2. قىزىل پەمىل چاي ئىچىش : چىش مىلىكى كېسەللىكلىرى يۈرەك كېسەللىكلىرىنى پەيدا قىلىدىغان ئاساسلىق ئامىل . چىش مىلىكىنى  ئاسراشنىڭ ئەڭ ياخشى ئۇسۇلى قىزىل پەمىل چاي ئىچىپ بېرىش . قىزىل پەمىل چاي باكتېرىيەلەرنىڭ ئاكتىپلىقىنى تۆۋەنلىتىپ ، چىش كېسەللىكلىرىنىڭ قوزغىلىش نىسبىتىنى  ئازايتىدۇ . بۇنىڭ بىلەن يۈرەك كېسەللىكلىرىگە گىرىپتار بولۇش خەۋپىمۇ ئازىيىدۇ . قىزىل پەمىل چاي بىر خىل فېرمېنت ھاسىل قىلالايدىغان بولۇپ ، بۇ  فېرمېنت شېكەرنى بىر شىلىمشىق ماددىغا ئايلاندۇرۇپ ، چىشنى چىڭىتىش رولىنى ئوينايدۇ . 3. فولىك كىسلاتاسى ( يوپۇرماق كىسلاتاسى ) تولۇقلاش : بوۋاقلارنىڭ كەمتۈك تۇغۇلۇشىنىڭ ئالدىنى ئېلىش ئۈچۈن ھامىلدار ئاياللار ھامىلدارلىقنىڭ دەسلەپكى 12 ھەپتىسىدە كۈنىگە 400 مىكرو گرامدىن فولىك كىسلاتاسى تولۇقلاپ بېرىشى كېرەك . تەتقىقاتلاردىن بايقىلىشىچە ، ئاياللار فولىك كىسلاتاسى تولۇقلاپ بەرسە ، سېرىق داغ چۈشۈش نىسبىتى تۆۋەنلەيدىكەن .  فولىك كىسلاتاسى ، ۋىتامىن B6 ۋە ۋىتامىن B12 نى تولۇقلاپ بەرسە ، ئىچكى ئەزالارنىڭ قېرىشىنى ئاستىلىتىدىكەن . 4. كاربونات كىسلاتالىق ئىچىملىكلەرنى ئاز ئىچىش : كولا دېگەندەك كاربونات كىسلاتالىق ئىچىملىكلەرنىڭ تەركىبىدە فوسفات بولۇپ ، ئۇ كالتىسىينىڭ سۈمۈرۈلىشىگە تەسىر كۆرسىتىدۇ . سۆڭەك شالاڭلىشىشقا دائىر بىر تۈرلۈك تەتقىقاتتا كۆرسىتىلىشىچە ، ھەپتىدە بەش قۇتا گازلىك ئىچىملىك ياكى تۆت قۇتا كولا ئىچكەن ياشانغان ئاياللارنىڭ سۆڭىكىنىڭ زىچىلىقى % 4 تۆۋەنلەيدىكەن . 5. ھورمون بىلەن داۋالىنىشتىن ساقلىنىش : ھورمون ئارقىلىق داۋالاش ئېلىپ بارغاندا ، يۈرەك كېسىلى ، سۆڭەك شالاڭلىشىش ، ئاشقازان يارىسى ۋە ئۈچەي راكى قاتارلىق كېسەللىكلەرگە گىرىپتار بولۇش خەۋپى تۆۋەنلىسىمۇ ، بەدەندىكى ئانىلىق ھورمۇن ۋە ھامىلدارلىق ھورمونىنى كۆپەيتىۋېتىپ ، سۈت بېزى راكى ۋە تۇخۇمدان راكىغا گىرىپتار بولۇش خەۋپىنى ئاشۇرۇۋېتىدۇ . 6. ئاپتاپقا كۆپ قاقلىنىش : ئەنگىلىيەدىكى ئاياللار كېسەللىكلىرى مۇتەخەسسىسلىرىنىڭ قارىشىچە ، نۇرغۇن ئاياللاردىكى تۇخۇم ئىشلەپ چىقىرالماسلىق ھادىسىسى ۋىتامىن D كەملىك بىلەن مۇناسىۋەتلىك ئىكەن . مۇتەخەسسىسلەر ، تۇخۇم چىقىرىش دەۋرى تەرتىپسىز بولغان ئاياللارنى ئاپتاپقا قاقلىنىپ ۋىتامىن D نى تولۇقلىغان . نەتىجىدە ، ئۇلارنىڭ تۇخۇم چىقىرىش دەۋرى تەرتىپلىشىشكە قاراپ يۈزلەنگەن . مۇتەخەسسىسلەر ھامىلدار بولۇشنى ئويلايدىغان ئاياللارنىڭ كۈندە 20مىنۇت ئاپتاپقا قاقلىنىشىنى تەۋسىيە قىلىدۇ . 7. باناننى كۆپ يېيىش : بىر تۈرلۈك تەتقىقاتتا كۆرسىتىلىشىچە ، ئوتتۇرا ياشلىق ئاياللارنىڭ تۆتتىن بىرى خامۇشلۇق ۋە تىت – تىت بولۇش تارىخىنى باشتىن كەچۈرگەنىكەن . خامۇشلۇق كېسىلى ئادەتتە بەدەندە ‹‹ خۇشاللىق ھورمۇنى ›› يەنى بىرىكمە ئامىن كەملىكتىن كېلىپ چىقىدۇ . بىرىكمە ئامىن كەملىكنىڭ سەۋەبى ترىپتوفاننىڭ قوبۇل قىلىنىشى يېتەرسىز بولغانلىقىدىن  بولىدۇ . مۇتەخەسسىسلەرنىڭ كۆرسىتىشىچە ، بانان تەركىبىدە ترىپتوفان مول بولۇپ ، ئاياللار ھەپتىدە تۆت تالدىن 11 تالغىچە بانان يەپ بېرىشى كېرەك ئىكەن . 8. 30 ياشتىن ئىلگىرى پەرزەنتلىك بولۇش : تەتقىقاتلاردىن بايقىلىشىچە ، ئاياللار 20 ياشتىن 30 ياشقىچە بولغان ئارىلىقتا پەزرەنتلىك بولسا ، سۈت بېزى ياكى ئۆت كېسەللىكلىرىگە گىرىپتار بولۇش نىسبىتى % 7 تۆۋەنلەيدىكەن . بۇنىڭدىن سىرت ، بوۋىقىنى 13 ئايدىن ئارتۇق ئېمىتىپ باققان ئاياللارنىڭ رېماتىزملىق بوغۇم ياللۇغىغا گىرىپتار بولۇش خەۋپى % 50 تۆۋەنلەيدىكەن . كېلىش مەنبەسى: نۇر تورى.

گۈلسەنەم

	كولانى ئازراق ئىچسەم بولغۇدەكتە

tiwix

	ھورمون بىلەن داۋالىنىشتىن ساقلىنىش لىكىن  بەزىبىر  كىسەللىككە  ئامال  يوق   باشقا  جەھەتتىكى  تەدبىرلەرگە  ئەھمىيەت  بەرسەم  بولغۇدەك ~

anar

	ھورمون بىلەن داۋالىنىشتىن ساقلىنىش گاچچىدە تەگدىدە ماۋۇ بىر جۈملە ، راستكەن جۇمۇ ....ئۆتۈمنى ئېلىۋەتتىم مەن

قەھۋە

	ياش تۇرۇپلا ھە، خىزمەت دېسە بوشراق چاپقۇلۇق، ئاقسارايغا ئەكەتمىدى ھېلىمۇ سىزنى. مەن مۇشۇ بىرىنچى ئامىل بىلەنلا ئارىلىشىپ كېتىدىغان ئوخشايمەن بۇ ئۆمرۈمدە. شۇڭىلاشقىمۇ ئاچچىقىم يامان مېنىڭ. ھەي......بۇ ئىشلارنىڭ قايسى بىرىگە يىتىشىپ بولار كىشى.

hilal

	فولىك كىسلاتاسى دىگەن نىمە ، نىمىلەر ئارقىلىق تۇلۇقلىغىلى بولىدۇ .....؟ ھورمون بىلەن داۋالاش دىگەن نىمە ؟  قايسى تۈرلۈك داۋالاشلار ھورمون بىلەن داۋالاش ھىساپلىنىدۇ ؟ كەچۈرۈڭلار ، قورسىقىمدىكى ئۇمىچىمنىڭ كەملىكىدىن سورىمىسام بولمىدى ، ساغلام بولغۇم بەك بار بولمىسا ..... [ hilal بۇ يازمىنى  2011-يىلى 2-ئاينىڭ 27-كۈنى 01:51  دە تەھرىرلىگەن. ]