سىزمۇ بۈگۈن قاراپ بېقىڭ

taskin

	سىزمۇ بۈگۈن قاراپ بېقڭ مەمەت ھۈسەن ھەرقېتىم ئانامغا يېڭى ئاياق ئېلىپ بەرگەندە ئۈچ يىل ئاۋالقى مۇنداق بىر ئىش كۆز  ئالدىمغا كېلىدۇ.شۇ كۈنى سەھەردىلا ئاخشامدىن توختىماي يېغىۋاتقان يامغۇرغا قارىماي يۇرتتىن كۆزىنى داۋالىتىش ئۈچۈن كەلگەن ئاچامغا ھەمرا بۇلۇپ بۇلاقبېشىدىكى«ھەدىيە كۆز كېسەللىكلىرى دوختۇرخانىسى»غا كەلدۇق. بىز نۇمۇر ئېلىپ بۇلۇپ.كارىدۇردىكى نۆۋەت كۈتۈپ تۇرغانلار قاتارىدىن ئورۇن ئالدۇق.ئالدىمىزدا 17 ئادەم بار ئىدى.مەن ئولتۇرغاچ ئادىتىم بۇيىچە ئەتراپىمدىكىلەرگە سەپسېلىپ قاراشقا باشلىدىم.دېققىتىمنى يېنىمدىلا ئولتۇرغان ياغلىقىنى چۆكۈرۈپ چىگىۋالغان ،چىرايىدىن ھارغىنلىق چىقىپ تۇرغان 35 ياشلاردىكى بىر ئايال تارتتى.ئۇ 9-8 ياشلاردىكى بىر بالىنى قۇچاقلىغىنىچە ئولتۇراتتى.ئورۇندۇقنىڭ ئاستىغا كونىراپ كەتكەن بىر سومكا قۇيۇلغانىدى.قارىغاندا بۇ ئايال ئۇزۇن سەپەردىن ئۇدۇللا بۇ يەرگە كەلگەندەك قىلاتتى.ئايال پات پات چوڭقۇر -چوڭقۇر تىنىپ قوياتتى.ئۇنىڭ بىر نوقتىغا تىكىلگەن كۆزلىرىدە بىلىنەر بىلىنمەس ياش تامچىللىرى يالتىرايتى.ئوغۇل بولسا ئانىسىنىڭ سۈرىۋاتقان خىياللىرىدىن بىخەۋەر ئۇنىڭغا چىڭ چاپلاشقىنىچە تاتلىق ئۇيقۇغا كەتكەنىدى. بىزگىمۇ نۆۋەت كىلىپ قالغانىدى.سېستىرا قىز ،«17-نۇمۇر»دەپ توۋلىدى.17- نۇمۇر دەل مېنىڭ يېنىمدا ئولتۇرغان ھېلىقى ئايال ئىدى.بىز 18- نۇمۇر بولغاچقا بىزمۇ ئۇ ئايال بىلەن تەڭلا ئىشىك تۈۋىگە قاراپ ماڭدۇق.ئايال بالىسىنى كۆتۈرگىنىچە تەكشۈرۈش ئۆيىگە كىرىپ كەتتى.تەكشۈرۈش ئۆيىنىڭ ئىشىكىگە نىپىز بىر قەۋەت پەردە تارتىلغاچقا ئىچىدە بۇلۇنغان گەپ سۆزلەر ئېنىق ئاڭلىناتتى. 4-بالىنىڭ كۆزىنى نىمىشقا بالدۇراق داۋالاتمىغانتىڭىز؟-بۇ ھەدىيە خانىمنىڭ ئاۋازى ئىدى. ئايال دەل شۇ سۇئالنى كۈتۈپ تۇرغاندەك يىغلاپ تاشلىدى ۋە ئىسەدەپ تۇرۇپ سۆزلەشكە باشلىدى. ئايال جەنۇبى شىنجاڭنىڭ مەلۇم بىر يېزىسىدىن بۇلۇپ ،ئوغلى باشلانغۇچنىڭ 2-يىللىقىدا ئوقۇيدىكەن.ئۆيىدە يەنە بىر قىزىمۇ بار ئىكەن.ئوغلى تۇغۇلۇپ ئۇزاق ئۆتمەي ئېرى تۇيۇقسىز تۈگەپ كېتىپتۇ.شۇنىڭدىن كىيىن ئۇنىڭ زىممىسىگە ئۆي ئىشىدىن باشقا يەنە ئېتىز-ئېرىقنىڭ ئىشلىرى چۈشۈپتۇ.ئوغلىنىڭ بىر كۈزىگە ئىككى يىل بۇرۇن ئاق چۈشكەنىكەن.ئۇ يەر بۇ يەرلەردە خېلى داۋالىتىپ بېقىپتۇ.لىكىن ھىچقانداق ئۈنىمى كۆرۈلمىگەننى ئاز دەپ تاپقان تەرگەننىڭ ھەممىسى تۈگەپتۇ.يەنە خېلى كۆپ قەرىزمۇ بۇپتۇ.شۇنىڭ بىلەن ئۇ ئۆتكەن يىلدىن باشلاپ ئون مو يەرنى نىسىگە سېتىۋېلىپ،ئۆزىنىڭ بەش مو يىرىگە قۇشۇپ ھەممىسىگە كېۋەز تېرىپ ،ئېتىزلىقتا يېتىپ قوپۇپ دىگۈدەك ئىشلەپتۇ،قىلغان ئەجرىگە يارىشا كېۋەزلىرى شۇنداق ئوخشاپتۇ.كۈزدە پاختىللىرىنى سېتىپ،قەرىزلىرىنى قايتۇرۇپ يۇرتتىن بالىسىنى بۇ يەرگە داۋالاتقىلى كەپتۇ.ئۇنىڭ گەپلىرىنى ئاڭلاپ بوغۇزۇم ئېچىشقاندەك بولدى.ئاچامغا قارىسام ئۇنىڭ كۆزلىرىدىمۇ ياش لىغىرلاپ قاپتۇ. نىمە دىگەن ئۇلۇغ ئانا-ھە! ئۇنىڭغا بولغان قايىللىقىم تېخى ئاخىرلاشماي تۇرۇپ كۆزۈمگە چېلىققان يەنە بىر كۆرۈنۈش ئايالغا بولغان ھېسداشلىقىمنى ئاشۇردى.ئۇ تەكشۈرۈش ئۆيىدىن چىقىپ سومكىسىنى ئالغىلى كەلگەندە بىرى قارا دىگەندەك ئۇنىڭ كىيىۋالغان ئۆتىكىگە كۆزۈم چۈشتى.ئۇنىڭ قاراشتىلا ئەرزان باھالىقى چىقىپ تۇرىدىغان ئۆتىكىنىڭ بىر بېپىيىنىڭ پاشنىسى يوق تۇراتتى. _ئاھ،ئانىلار._نىدا قىلدىم ئىچىمدە. شۇ تاپتا كۆز ئالدىمغا بۇ ئايالنىڭ كېۋەزلىكتە يالاڭ ئاياغ يالغۇز ئىشلەۋاتقانلىرى،پاشنىسى چۈشۈپ قالغان ئۆتىكى بىلەن بىر قولىدا بالىنى،بىر قولىدا يوغان سومكىنى كۆتۈرۈپ يامغۇلۇق كوچىدا مېڭىۋاتقانلىرى،پەلەمپەيدىن چىقىپ-چۈشۈۋاتقانلىرى كەلدى. شۇنداق، پەقەت ئانىلاردىلا مۇشۇنداق ئىرادە،پەزىلەت،چىدام غەيرەت بولىدۇ. پەقەت ئانىلارلار مۇشۇنداق مىننەتسىز بولىدۇ. دوستۇم، قاراپ بېقىڭ، ئانىڭىزنىڭ ئايىقىنىڭ پاشنىسى ئۇپراپتىمۇ؟ `   [ شىنجاڭ ئاياللىرى 2009-يىللىق 3-سانى

گۈلسەنەم

	-مۇشۇنچىلىك بولۇپ كەتكۈچە نەدە يۈردۈڭلار؟ دوختۇرلارنىڭ مۇشۇ گېپىگە بەك ئۆچ جۇمۇ، شارائىت يار نەرسە كىمنىڭ ئۆز جېنىنى قىينىغۇسى كەلسۇن دەيسىز . راست دەيسىز ئانىلارلا مىننەتسىز بولىدۇ، ئۇلار ئائىلىسى، پەرزەنتلىرى ئۈچۈن ھەر قانداق جاپانى تارتىشقا تەييار .

dilroh

	راست مەنمۇ بەك ئۆچ  دوختۇرلارنىڭ مۇشۇنچىلىك بولۇپ كەتكۈچە نەدە يۈردۈڭلار؟ مۇنۇ گىپىگە .. بىرسى شارائىت بولسا  ، بىرسى بايقىيالىسا ئۆزىدىكى بەزى ئالامەتلەرنى بارىدۇدە `` ئەمما  ئاتا - ئانىمىز پەقەت بارغىلى ئۇنمايدىكەن تەكشۇرۇتۇپ باقايلى دىسە``` ئانىدىن ئۇلۇغ  ، ئانىدىن ئەپۇچان ئىنسان بولمىسا كېرەك`

anar

	دوختۇرلارنىڭ :<نىمىشقا بۇرۇنراق كەلمىدىڭلار ؟> دىگەن سۆزىدە قانچىلىك ئېچىنىش بارلىقىنى بىلسەڭلار بۇنداق دىمەس بولغىيتىڭلار دەپ ئويلايمەن . مەنمۇ نۇرغۇن بىمارلارنى كۆرگەن ، كۆزىگە ئاق چۈشكەنغۇ ئىشقىلىپ تىرىشسا ساقىيىپ بىر ئامال قىلغىلى بولىدۇ ، ئەمما مەن بىر كىچىك بالىنى كۆرگەندە ئىشخانىدىكى ھەممىىز يىغلاپ كەتكەن ، خوتەننىڭ چەت ناھىيسىدىن كەلگەن 5-6 ياشلىق بۇ بالا 3 ئاي بۇرۇن كۆزىدە ئۆسمە بولۇپ قېلىپ كەپتىكەن ، دوختۇرخانا باشلىقىمىز بۈگۈنلا ئوپراتسىيە قىلىمىز ، دەرھال رەسمىيەت بىجىرىڭلار دىسە ئانىسى ئىقتىساد يار بەرمەيدۇ دىدى ، دوختۇر : ئاۋال ئوپراتسىيە قىلايلى ، تۇرۇشلۇق جايدىن تونۇشتۇرۇش كېسىپ كەلسەڭلار ئامال قىلىپ ھەقسىز قىلىمىز دىسە ئانىسى ئۆيدىكىلەر بىلەن مەسلىھەتلىشىپ كېلەي دەپ تۇرىۋالدى ، ۋاي بولدى تونۇشتۇرۇش بولمىسمۇ ھەقسىز داۋالايلى ، بولمىسا بۇ بالا ئۆسمىنىڭ ئاغرىقىغا چىدىمايدۇ ، يەنە كېلىپ قارىغۇ بوپ قالىدۇ دىگىنىمىزگە قارىماي مەسلىھەتلەشكىلى كەتكەنچە 3ئايدىن كېيىن كەپتۇ ... بالا ئورۇقلاپ بىر تېرە بىر ئۇستىخان بولۇپ كېتىپتۇ ، سول كۆزى پۈتۈنلەپ تېشىغا تۇخۇمدەك ئۆرلەپ ئىششىپ چىقىپتۇ ، ئۇ كۆزىگە قاملاشتۇرۇپ تازىمۇ مەينەت داكىدىن بىرنى يېپىپ قويۇپتۇ (سورىساق چىۋىن قونۇپ كەتتى يارىغا ،شۇڭا يېپىپ قويغان دىدى ..ھەييييي)ھىلھەممۇ ئويلىسام يىغلىغۇم كېلىدۇ ، بالىنىڭ ساق كۆزى پىلدىرلاپلا قاپتۇ ..ھەممىىز شۇنچىلىك ئېچىنىپ كەتتۇق ، بالىنىڭ كۆز بېسىمى 70دىنمۇ ئېشىپ كېتىپتۇ ، ئۆسمە ئاللىقاچان يوغىناپ مېڭە تەرەپكە قاراپ مېڭىۋېتىپتۇ ....شۇ چاغدا دوختۇر شۇنچىلىك چېچىلىپ بالىنىڭ ئانىسىنى سىلكىپ كەتكىنى ئېسىمدە ، دوختۇر بىلەن بىمار ئەزەلدىن كۆرۈشۈپ باقمىغان يات كىشىلەر ، بىمارنىڭ ئائىلە شارائىتىنىڭ قانداقلىقىنى بىلمەيدۇ ،شۇڭا ئىختىيارسىز كېسەلنىڭ ئېغىرلاپ كەتكىنىگە ئېچىنىپ چېچىلىدۇ .... تېمىدىن چەتنەپ كەتتىم ، كەچۈرۈڭلار ، كەسىپداشلىرىم توغرىسىدىكى ئۇقۇشماسلىقنى چۈشەندۈرۈپ قويۇشنى توغرا تاپتىم مەن كۆرگەن ئەڭ ئەپۇچان ئانا : ياشلا تۇل قالغان بىر ئانا 8 بالىنى يالغۇز چوڭ قىلىپتۇ ، قېرىغىنىدا كۆزىگە ئاق چۈشۈپ ئىككىلا كۆزىگە ئاق چۈشۈپ دوختۇرخانىغا بېرىپتۇ ، پەقەت 2000سومغا ئىككىلا كۆزىنى ئېتىبار باھادا ئوپراتسىيە قىلىدىغان بولغاندا ، ئوتتۇرا بارماقتەك 8 ئوغۇلدىن پۇل چىقمىدى ، 4ئوغلى بىللە كەپتۇيۇ ئەمما ئوپراتسىيە قىلىشقا پۇل يوق دەپ ئانىسىنى ياندۇرۇپ ئېلىپ چىقىپ كەتتى ئاخىرى بىز چىداپ بولالماي ھەقسىز قىلىپ قويدۇق ، يورۇقلۇقنى كۆرگەن زاماتلا موماي ئوغۇللىرىنى باغرىغا بېسىپ يېنىشلاپ سۆيۈپ يىغلاپ كەتتى ، ئانانىڭ كۆڭلى -كۆكسى دەريادەك كەڭ ئازراقمۇ ئارتۇق كەتمەيدىكەن . مەن كۆرگەن ئەڭ ئۇلۇغ ئانا : 2ئوغۇل 10ياش 8 ياش ، 5ياشلىق قىزى بار بۇ ئانا يېشى ئەمدى 30دىن ھالقىغان ئىكەن ، ئەمما ۋاقىتسىز قورۇق باسقان يۈزلىرى ،ئەمگەكتىن قېتىپ كەتكەن ئۇ قوللار ئۇ ئانىنى ئۆز يېشىدىن كەم دىگەندىمۇ 20 ياش چوڭ كۆرسىتىپ تۇرىدۇ ،بالىلارنىڭ دادىسى بىر قانچە يىل بۇرۇن ئۇلارنى تاشلاپ كېتىپتۇ ، ئىككى بالىسى تۇغما ئاق چۈشكەن كۆزلەركەن ، بۇ ئانا بالىلارنى داۋالىتىش ئۈچۈن  جەنۇپنىڭ چەت بىر يېزىسىدىن 3 بالىنى ئېلىپ ، ئۇرۇپ سوقۇلۇپ يۈرۈپ ، ئاخىرىدا ياخشى نىيەتلىك كىشىلەرنىڭ ياردىمى بىلەن بۇ شەھەرگە  كەپتۇ ، بىر قانچە يىلدىن بېرى تىلەمچىلىك قىلىپ ئاز تولا پۇل يىغىپ دوختۇرنىڭ يېنىغا كىرىپ ھۆڭرەپ يىغلاپ كەتكىنى ھېلىمۇ ئېسىمدە ... جەننەت ئانىلارنىڭ ئايىغىنىڭ ئاستىدا ! ئاللاھ ھەربىر مېھرىبان ئانىنىڭ تېنىنى ساغلام ئۆمرىنى زىيادە قىلسۇن

جۇلالىق

	جاپاكەش ئانىلارنىڭ ئەجرىگە ئاللاھ مىڭلارچە ئەجىر ئاتا قىلغاي! ئانار ئېيىتقاندەك، شۇ سۆزلەرنى بىمارغا ئىچ ئاغرىتىپ ئېچىنغان ھالدا ئېيتىدىغان دوختۇرلار بەكلا كۆپ. بىراق بەزى دوختۇرلار باركى بەكلا مەسئۇلىيەتسىز.بولۇپمۇ بىزنىڭ يۇرتنىڭ دوختۇرلىرىدا مەسئۇلىيەت ئېڭى بەكلا تۆۋەن. ھۆكۈمەت قارمىقىدىكى چوڭراق بىرەر دوختۇرخانىغا كېسەل كۆرسۈتۈش ئۈچۈن كىرسەك دوختۇرلانىڭ ھاكاۋۇرلىقى قوپال مۇئامىلىسىدىن ئادەمنىڭ سەسكەنگۈسى كېلىدۇ. ئالدىنقى يىلى ئۈرۈمچىگە دۋالانىش ئۈچۈن بارغىنىمدا ماڭا ئەڭ تەسىر قىلغىنى ئۈرۈمچىدىكى مەيلى قانداقلا دوختۇرخانا بولسۇن كېسەل كۆرىدىغان دوختۇر ھەم سېستىرالىرىنىڭ بەكلا مەسئۇلىيەتچان ئىللىق مۇئامىلىسى بولدى. نومۇر بېرىدىغان يەردە ئىشلەيدىغانلارمۇ ئادەمگە بەكلا ئىللىق مۇئامىلە قىلاتتى. ماڭا تەكشۈرۈشكە نۆۋەت كەلگەنىدى ئۆزۈمنى تەكشۈرۈتۈپ بولدۇم، دوختۇر بىردەم ساقلاشنى ئېيىتتى. مەن بىر دوستىمىز بىلەن بىللە ئىدىم. ياندىكى ئورۇندۇقتا ساقلاپ ئولتۇردۇق. بىر نەچچە مىنۇتتىن كېيىن 27 ياشلاردا بار بىر خەنزۇ سېستىرا 65 ياشلاردا بارمىكىن بىر ئۇيغۇر موماينى باشلاپ كىردى. تەقى-تۇرقىدىن يىاقا يۇرىتتىن داۋالانغىلى كەلگەنلىكى چىقىپلا تۇراتتى. مېنى تەكشۈرگەن دوختۇرمۇ خەنزۇ ئىدى. ئېھتىمال بىزلەرنى كۆرۈپ ئۇ مومايغا ئۇيغۇرچە چۈشەندۈرۈپ قويسۇن دەپ كىرگەن ئوخشايدۇ. سېستىرا قىز دوستۇمنىڭ يېنىغا كېلىپ بۇ مومايغا چۈشەندۈرۈپ قويسىڭىز دورىلارنى بىز دېگەن ۋاقتى- قەرەلىدە يېمەي بالدۇر-كېيىن يەۋاتىدۇ. ھەمدە كۆپ يول ماڭماڭ دېسەك سۆزىمىزنى چۈشىنەلمىگەچكە داۋالىشىمىزغا قولايسىزلىقلارنى ئېلىپ كەلدى. مەن دېگەن گەپلەرنى ياخشىراق چۈشەندۈرۈپ قويسىڭىز دېدى. دوستۇم بۇ مومايغا سېستىرانىڭ سۆزلىرىنى يەتكۈزۈپ قويۇۋېدى سېستىرا رەھمەت دەپ چىقىپ كەتتى. ئۈرۈمچىدىن يېنىپ كەلگەندىن كېيىن ھەر ۋاقىت شۇ ئىشلارنى ئەسلەيمەن. دوختۇرلاردىكى مەسئۇلىيەت بىلەن ئىللىق مۇئامىلىنى سېلىشتۇرۇپلا يۈرۈيدىغان بوپ قالدىم كېسەل بولۇپ ئاغرىپ قالغان ئادەم ساق كىشىلەرگە قارىغاندا كۆڭلى نازۇك بولۇپ قالىدۇ. شۇڭا دوختۇر بولغۇچىلار ھەر قانداق ۋاقىتتا ئىللىق مۇئامىلە بىلەن بىمار ئەھۋالىنى تولۇق چۈشەندۈرۈپ بولغىچە سۆزىنى بۆلىۋەتمەي ئاڭلىسا كېسەلنى داۋالاش ئوڭايغا چۈشىدۇ دەپ ئويلايمەن.

hilal

	يىغلاشتىن باشقا ھىچ بىر گەپ قىلالمىدىم ..... قايسى كۈنى دوختۇرخانىدا كۆرگەن ئايال ئىسىمگە كىلىۋاتىدۇ ، قىزىنىڭ قىزىتمىسى 2 كۈندىن بىرى ھىچ چۈشمەپتۇ ، دوختۇرخانىدا يىغلاپ نەچچە ھۇشىدىن كەتتىكى .....