ئايدار--يەتتە قىز قەلئەسىدىكى ئاجايىپ كەچۈرمىشلەر

Aydar

	ئاداش ئالدىرىماڭلار....بىر يىل ساقلاڭلار. مېنى نىمە قىل دەيسىلەر؟؟

مەرۋەرى

	Aydar بۇ يازمىنى 2010-يىلى 9-ئاينىڭ 7-كۈنى 18:13 دە يوللىغان ئاداش ئالدىرىماڭلار....بىر يىل ساقلاڭلار. مېنى نىمە قىل دەيسىلەر؟؟ مېنىلا بوزەك قىلغان، كونىلار <ئۆينىڭ كىچىكى بولغىچە، ئىتنىڭ كۈچىكى بول> دەپ خاتا دەپتىكەن، ئەمەليەتتە زىيان تارتىدىغان يەنىلا ئۆينىڭ چوڭى ئىكەن دىسە ساقلاي ، ساقلاي...قەلئەگە نى نى نى قىزلار كەلگىلى تۇردى، قىسمەتجاننىڭمۇ كۆزى قىزىرىپ قالارمىكىن دەپ ئەنسىرەيمەن، چۈنكى <دوستۇڭ قاغا بولسا يىيىشىڭ .... > دەپ باشقىلارنى دوراپ قالارمىكىن دەپ ئەنسىرەيمەن

Aydar

	ياقەي، قىسمەتجان ئىككى قەلئەنى بىرلەشتۈرىدۇ. قىسمەتجانغا قارىسام ئۇنداق نىيىتىنى كۆرمىدىم جۇمۇ....خاتىرجەم بولۇڭ....

Aydar

	9 چۈشتىن بۇرۇن ئاۋال كىچىك چاي، ئاندىن چوڭ چاي ئىچىلدى. كىچىك چاي دىگەندە ھەممەيلەن كىچىك پىيالىدە سىنچاي ئىچتى، چوڭ چايدا يوغان چىنىگە نان چىلاپ، ئۈستىدىن سۇغۇق سۇنى قۇيۇپ راسا ئىچتى. قىزلارمۇ ئوغۇللاردىن قالماي ئىككى-ئۈچ چىنە چىلاپ نان بىلەن ئىچىۋالدى، قەھۋە بولسا بەش چىنە ئىچىۋەتتى. ئۇ كىكىرىپ تۇرۇپ، قولىنىڭ كەينى بىلەن سۈرتىۋىتىپ تۇرۇپ: -تۇيۇمدا راسا تويىۋالاي، -دەپ كېرىلگىنىچە چىقىپ كەتتى، توي كۆينىكىنىڭ قوساق قىسمىدىكى تىكىشلىرى ئاجىراپ كەتكەن، كۆينەك تاس قالغانتى ئاستى يىرتىلىپ كەتكىلى. جۇلالىق بىلەن مەرىم شوخا-تىكەندە ئۇنى ئىلىپ قويدى. قىسمەت بۇ ئىشلارغا يا كۈلۈشىنى، يا يىغلىشىنى بىلمەي قالدى. سايە بولسا ئاكىسىغا قارىغاچ جايىدا جىم ئولتۇرالماي، ئىچىدە ‹‹ئۇچۇردا مۇھەببەتلەشكەنگە تويە، بىرەر ئاشخانىغا باشلاپ، رىئاللىقتا مەبەتلەشكەن بولسام، بۇ خۇيىنى بىلىۋالار بولغىيتىم، ئىسىت، ئەمدى خەققە ۋەدە بىرىپ قويدۇم، ئالماي ئامالىم يوق ›› دەپ خۇرسىندى. ئەرۋاھ بولسا ئايدار ياتقان ھوجرىدىن كۆزىنى ئۈزەلمەي ئولتۇراتتى. بىر كەمدە ئۇنىڭ قەلبىنى چۈشەنگەن باغرىم ئۇنى ئارقا ئىشىك بىلەن ئايدار گۈزەل كەنجى مەلىكىنىڭ ھوجرىسىغا ئەكىرىپ قويدى. -ئايدار گۈزەل، سىزنى يوقلاپ كەلدىم،(سادا يوق) ئۇخلاپ ئويغانمىدىڭىزما؟ ئەمدى ھوشىڭىزغا كەلسىڭىز كىچىچە ئۇخلىماي خاپا سالارسىزمۇ ؟( سادا يوق ) سىزنى خاپا بوپ قالارمىكى  دەپ پۇت قولۇمنى كۇچا سوپۇنىدا يۇيۇپ كەلدىم، كىرلىكنى تارتىۋالماسسىز؟ ( يوق، يەنىلا ) ھەي ئايدارەك!!! ھۇشۇڭنى بىل ماقما؟ سېنى ۋاي دەپ قويسا يېتىۋالغىنىڭنى، سېنىڭ جا دىپلۇم ئېپ كەلگىنىڭنى كىم بىلمەيدۇ؟ ھۇ بىزەڭ، ماڭىچۇ قارا...جىق قىزلار تەلەپ قويغان باشلانغۇچتا، مەنمۇ جىق قىزلارغا كۆيۈپ قالغان...ھازىر سېنى دەپ قويسام ئەمدى يىتىپ دىۋىدەك ئۇخلاپ كەتتىڭمۇ؟ سېنىڭ ئۇرۇقۇڭدا دىۋىنىڭ ئەۋلادى بارمۇ يە؟ ياۋرۇپادا دىۋە زۇكىمى يۇقتۇرۇپ كەلدىڭمۇ؟ سېنىڭ دەستىڭدىن ئىككىلا قەلئەدە ئاراملىق يوق. بولمىسا بىر ئوبدان ياشاۋاتقان ئادەم ئىدۇق. (يەنىلا جىم ) ھەي ئايدار دىگەن ماڭقا، ئۆزۈڭنى بىل جۇمۇ، ھېلى بىكار... ئەرۋاھ سۆزلىگەنسېرى چىڭقىلىپ، بوغۇلۇپ يىغلاپ، بېشىنى تامغا ئۇرۇپ ھوشىدىن كەتتى. -ئوھۇ...ما ئىككىسىنى قارا، تەڭ ئۇخلايلى دەپتا؟-باغرىم كىرىپ يەردە ياتقان ئەرۋاھنى كۆرۈپ كۈلۈپ كەتتى. –قارا، بىرىنى ئويغىتالمايۋاتساق يەنە بىرىنىڭ يېتىۋالغىنىنى. قوپۇڭە... ئەرۋاھنى قىسمەت ئاق ئېتىغا ئارتىپ يولغا سېلىۋەتتى. قەھۋەگە يەتتە تاغار ئافرىقا قەھۋەسى، بىر تاغار سۈت، ئىككى تاغار بوغداي ئۇمىچى، بىر تال ساڭزا( ھيىت كىلىۋاتىدۇ ئەمەسمۇ) ئىككى ئۇچۇم زاراڭزا مېيى تويلۇق بىرىدىغان بولدى. ئالتۇن جابدۇقلارغا كەلسەك، ئۇنى بالىسىنىڭ ئات تويىدا تولۇقلايدىغان قىلىپ نىسى دەپتەرگە يېزىلدى.  نىكاھ ئوقۇيدىغان چاغدا قەھۋە سايىدىن ‹‹مېنى راست ئەمرىڭىزگە ئالامسىز ،، ›› دىگەنتى سايە ئەينىكى يوق كۆز ئەينەكنى تاقاپ، سالماقلىق بىلەن ‹‹ 同意 ››› دېدى. قەھۋە ‹‹thank you›› دەپ نىكاھنى تۈگەتتى.

جۇلالىق

	قەھۋە جانىم توي كۈنى ئۇنچىۋالا كۆپ يەۋالمىسىڭىزمۇ ما سايەجان رەڭدار سورۇندىن بىرگە ئاپىرىپ مېھمان قىلار بولغىيدى. ئەرۋاھنىڭ كاللىسى سەت ئىشلەپ قويدىكىنا، يۇمشاق ۋاستە ئىشلىمىگەندىكىن قاتتىق ۋاستە قوللۇنۇپ باقاي دەپتۇدە ئىسىت شۇغىنىسى بۇ ۋاستىسىمۇ كار قىلماي قالدى. شۇنداق قىلىپ سايە بىلەن قەھۋەنىڭ نىكاھى ئۈچ خىل تىلدا ئوقۇلدى دەيلى. ئالاھىدە توي بوپتۇ. ئەمىسە مارەكلەر بولسۇن، بېشىڭلار باش، ئايىغىڭلار تاش بوپ كەتسۇن. يەتتە يۈز بالىلىق بوپ كېتىڭلار.

جۇلالىق

	مەرۋەرى بۇ يازمىنى 2010-يىلى 9-ئاينىڭ 7-كۈنى 18:19 دە يوللىغان مېنىلا بوزەك قىلغان، كونىلار  دەپ خاتا دەپتىكەن، ئەمەليەتتە زىيان تارتىدىغان يەنىلا ئۆينىڭ چوڭى ئىكەن دىسە : ... ئۇنداق نىيىتى يوق ئادەمنىڭ ئېسىگە سېلىپ نېمە قىلار.

anar

	بىر مۇنچە چىقىم قىلدۇق دىسە بۇ ئايدار يېتىۋېلىپ ...ئىشقىلىپ بۇ يىگىتلەر يەپ قويىدىكەن ، چوڭ -كىچىك چايدا يەپ كەتكەن نانلىرى نى بىز  ساقلاپ يىسەك بىر ئاي يەيتۇق ئەمەسمۇ ...ئۇھھھھھھھھھھھھھھ ....نەچچە يىلدىن بېرى ئانارسۈيى ياساپ قىلغان  كىرىمىنىڭ ھەممىسىنى بۇ كەنجىنى ئوقۇتىدىغانغا ئىشلەتكەن ، ئەمدى ما قىزلار ھەممىسىنىڭ ئەرگە تەككىسى كېلىپ كەتتى .....پۇل يوق جادىلار

Aydar

	قەھۋە قانچە بالىلىق بوپ كىلەركىن ئەمدى

murda

	ماھىر قەلەمكەش . ئەسلى ئىسىل يازمىلار بۇ يەردىكەندە

leyli

	سالام مۇنبەر ئەھلى .....تونۇشتۇرغان بۇ تېمىنى كۆرۈش ئۈچۈن سالامنى بۇ يەردە قىلدىم