سايىنىڭ قىز دوستى

جۇلالىق

	مانا سايەگە ئىچ ئاغرىتىدىغانلاردىن بىرسى بولسىمۇ چىقتى. سايەنىڭ يۈرىكى يوغىناپ كەتمىگىيدى!؟

hilal

	ئانار ھەدەم راستىنلا " باتۇر " كەن ، مۇشۇنداق قىزغىمۇ ئاسىيلىق قىلىشقا پېتىنغان سايە ئاكىمىزنىڭ بېشى بەش ئوخشايدۇ .....

دىلەيسەم

	يائاللا ئانار ناشتىلىققا تىمساقنىڭ يۈرىكىنى يەمسىز قانداق؟

saye

	بۇ تېمىنى كۆرگەندىن كېيىن مەن كۆپ ئويلاندىم ھەمدە تولىمۇ تەستە تۆۋەندىكىدەك بايانات ئېلان قىلىشنى مۇۋاپىق كۆردۇم. پورتمال گۈزىلى ئانارقىز تولىمۇ ئوچۇق، چىچەن، كەڭ قورساق، ھارمايدىغان بىر قىز (ھاياتىڭلارنىڭ كاپالەتكە ئىگە بولىشى ئۈچۈن، ئۇنىڭ خارەكتىرىنىڭ .ئەكسىنى يازدىم). ئۇ كىچىدىنلا قونچاقلارنى بوينىدىن ئۈزىۋېتىش مەشقىگە قاتناشتۇرۇلغان، چۇۋۇپ پارچىلاش كەسپىنى مەكتەپ تارىخىدا كۆرۈلۈپ باقمىغان ئەڭ ئىلغار نەتىجە بىلەن تاماملىغان. مەكتەپ پۈتتۈرگەندىن كېيىن، بىر مەزگىل يىغىۋېلىنغان باتىرىيىلەرنى چۇۋۇش سېخدا ئىشلىدى. بۇ جەرياندا گەپ چۇۋۇيدىغان مەرىم، ئادەم چۇۋۇيدىغان باغرىم قاتارلىق ئەشەددىي قىيامەتلىك دوستلىرى بىلەن تونۇشقان. شۇ دەۋلەردە ئۇلار ئالەمگە مەشھۇر " ئۈچ چۇۋۇش" ئانسامبىلىنى بىلىپ بىلمەي قۇرۇپ قويغان. ئەمما پەلەكنىڭ تەتۇر چاقىدا تولىمۇ قورقۇنۇچلۇق ئىش يۈز بەردى. ئۇ بولسىمۇ كەمىنىنىڭ ئانار قىزغا يولۇقۇپ قېلىشىم. بۇ بەلكىم مۇدھىش بىر چۈشنىڭ باشلىنىشى مۇمكىن. ئۇنىڭ مۇھەببەتلىك ، مېھىرلىك (ھەممىسى ئەكسىچە، مۇئەللىپتىن) كۆزلىرىدىن چۇۋۇلۇشنىڭ ھۇزۇرىنى شۇنچىلىك ھېس قىلغىلى بولاتتى، ئۇ خۇش بولغان ۋاقىتلاردا باتارىيە چۇۋۇيتتى، خاپا بولغان ۋاقىتلاردا قونچاقلارنى چۇۋۇيتتى. ئىشقىلىپ ئۇ بۇ قىسقىغىنە ھاياتى چۇۋۇش كەسپىگە بولغان زور ئىشتىياق بىلەن ئۆتتى. گەرچە مېنى چۇۋۇشقا ئۈلگۈرەلمىگەن بولسىمۇ . تەڭرىنىڭ رەھىمى كېلىپ ئانارقىزنى ۋەيلۇن دەۋزاقنىڭ بۇزۇلۇپ قالغان قۇلۇپىنى چۇۋۇشقا ئېلىپ كەتتى، مەرىمنى ئۈرۈمچىدە كېسەللەرنىڭ قارنىنى چۇۋۇشقا، باغرىمنى قارمايدا نېفىت قاتلىمىنى چۇۋۇشقا ئورۇنلاشتۇرۇپ، ئىنسانىيەت بېشىدىكى بۇ ئۈچ جاناننى ئايرىدى. ئەمما ئۆزى كەتسىمۇ روھى قالىدۇ دەپ، ئانار قىزنى ئۇزۇتۇپ قويغىلىمۇ 13 يىل بوپتۇ، ئەمما ئۇنىڭ روھى يەنىلا ئەتراپىمىزدا ئەگىپ يۈرمەكتە. ئۇنىڭغا ھېسداشلىق قىلغۇچىلار، ئۇنى قوللىغۇچىلار ياكى قارشى تۇرغۇچىلار، ئۇنى تونۇيدىغانلار ياكى تونىمايدىغانلار ئۇنىڭ ئىسمىنى ئاتاپ قويسىلا، شۇ كەچلىكى ئانارقىزنىڭ سەمىمىي كۈتىۋېلىشىگە مۇيەسسەر بولىدۇ. بۇنىڭ نىمىدىن دېرەك بېرىدىغانلىقىنى دىمىسەممۇ ھەممەيلەنگە چۈشۈنۈشلۈك. ئۇ بولسىمۇ كېلەر يىلى دەل مۇشۇ كۈن، شۇ كىشىنىڭ يىل نەزىرىسى بولىدۇ. بۇ تېمىنى كۆرگۈچىلەر دەرھال مائاشىدىن 30 پىرسەنتىنى ئانىرىمغا ئاتاپ، ماڭا تاپشۇرساڭلار ھاياتىڭلار سەللىمازا كاپالەتكە ئىگە قىلىدۇ. ئىشەنمىسەڭلار ئانارنىڭ ئىنكاسلىرىغا قاراپ بېقىڭلار " 30 پىرسەنت" ماجراسى چۇۋۇشخاننىڭ ھاياتىدىكى ئەڭ مەنىلىك ۋە بىردىنبىر "مەنىلىك" تېمىسىدۇر. ھەر كۈنى سەھەردە پورتمالىمغا قارايمەن، يا 30 پىرسەنت مائاش كىرگەي، يا رەسىمىڭلار. . . سىلەرگە تېنىچلىق تىلەيمەن!

جۇلالىق

	ئانارنىڭ بۇنداق ھۆنىرى كىچىكىدىن بار دەڭە.  زامان تەرەققىي قىلغانسېرى كىچىك باتارىيەلەرنى چۇۋۇشتىن ئادەم چۇۋۇشقا تەرەققىي قىلىپتۇ. سايە ئېھتىياچانراق بولۇڭ كۈنلەرنىڭ بىرىدە سىزنىمۇ چۇۋۇپ پارە-پارە قىلىۋەتمىسۇن. دېمەك بۇ ئۈچ چۇۋۇش ماھىرى ئۆز ئورنىدا ماھارەتلىرىنى ياخشى ئىشقا سېلىۋېتىپتۇ. بۇلارنىڭ تېخنىكىسىنىڭ بەك يۇقىرىلاپ كەتمەسلىكىنى ئۈمىد قىلىمەن. بولمىسا ئەتراپىدىكى، -يىراق-يېقىندىكىلەر ساق قالمايدىغاندەك

saye

	يېقىندىن بۇيان جۇلالىق بىلەن ئىنكاسلىرىمىزنىڭ ئارلىقى ۋە ۋاقىت پەرقى بارغانسىرى ئازلاپ كېتىۋاتىدۇ ( كۆڭۈل يېقىنلىشىۋاتىدۇ دىگەن سۆز   ) . سىزنى پارچىلىۋەتمىسۇن دەپ ئەنسىرەۋاتىمەن. ئەمدى گەپ سىز مۇشۇنداق ئۆلۈم خەۋىپىگە قارىماي بۇرۇنقىدەك جۇلالىق بولالامسىز ياكى... بۇ تېما رەسمىي مېنى پاش قىلىۋەتتىدە دىگەن بىلەن. بازار ئۆلدى مانا ~! پارچىلايدىغان ئادەم قالمىسا، بۇ ئانار قىز ئۇدۇللا مېنى پارچىلايدۇ شۇ .

جۇلالىق

	جۇلالىق بۇنداق قورقۇتۇشلاردىن قورقۇپ قالمايدۇ. مېنى بىلىسىزغۇ؟ جۇلالىق ئەزەلدىن جۇلالىنىپ كەلگەن............

saye

	ئەمدى خاتالاشمىسام ، كۈنلىگەك مەرىمگە بوپ بېرىدۇ. بۇ تېمىنىڭ داۋامى ماڭا بولغان تۈگمەس ئەيىپلەش ۋە جۇلالىقنى سۇمالىغا ماڭدۇرۋېتىش توغرىسىدا بولىدۇ. ھەرگىز بارماڭ جۇمۇ جۇلالىق سۇمالىغا. ئۇلار سىزنى ئالداپ سۇمالىدا بىر تەۋەرۈك تاش بارمىش، شۇ تاشقا قولىنى، ياق ، يۈزىنى يېقىپ تۇرۇپ تىلەك تىلىسە ئىجاۋەت بولۇپ تېخىمۇ جۇلالىنىپ تۇرارمىش دىسە ھەرگىز ئۇنماڭ. چۈنكى كەتكەنلەر كېلىپ باقمىدى

anar

	ھىم ....قۇلاق بىكار قىزىماپتۇدە بىر ئىشلار كاللامدىن كېچىۋاتىدۇ

saye

	ئاپلا جۇلالىققا بىر خەتەر يېتىپ قالمىسىدى. يەنە تېخى ھىلال، تىۋىشلارغىمۇ خەتەر يەتمىسىدى. مەرىم بىلەن باغرىمنى ئىزلەپ بېرىڭ. قېرى كالا پىچاقتىن قورقماپتۇ دەپ. سىزگە ئوبدان ماستلىشىپ بېرىدۇ. پورتمالدىن كۆرەي قالغىنىنى !